OsmAnd 3k distantziak neurtzen ditu.

OsmAnd mugikorrerako OpenStreeMaps-en mapen gaineko nabigatzaile libreak bere 3. bertsioan distantziak neurtzeko gaitasuna gehitu du.

Distantziak neurtzeko alboko menua zabaldu eta bertan "Neurtu distantzia" tresna aukeratu. Ondoren mapan bi puntuen arteko distantzia neur daiteke edo, segitzen baduzu puntuak gehitzen, bidearen distantzia neurtzen du.

Oharra:
OSMAND instalatu nahi baduzu egin ezazu Fdroid-en bidez horrela OSMAND+, alegia, funtzionalitate guztiak dituen bertsioa doan izango duzu.

Esteka motak ZIM wikian

ZIM wiki oharrak, apunteak, dokumentazioa... biltzeko aplikazio erraz eta praktikoa da. Ezagutzen ez baduzu oinarrizko informazioa duzu mezu honetan.

Erabiltzailea bazara interesatuko zaizu kontrolatzea estekak nola egiten diren, izan ZIM erabili daiteke web eta dokumentuen aurkibide moduan eta barne estekak ere interesgarriak dira.

Hiru dira ohiko estekak:

• Web orri batera

Kopiatu orriaren URLa, hautatu testua, klikatu tresna barrako esteka tresnan eta itsatsi estekaren testu-koadroan:

• Dokumentu edo fitxategi batera

Hautatu  testua, klikatu esteka tresna, Browse botoia sakatu eta arakatuz joan lotu nahi duzun fitxategia:

• Zim-eko beste orri batera

Esteka hautatu eta ":" idaztean proposatuko ditu lehen mailako orriak. Azpi-orri bati lotu nahi badiogu berriro sakatu  ":" eta orri horren azpi-orriak eskainiko dizu.

Nola blokeatu Materen panela

Etxeko Linuxean Mate erabiltzen baduzu jakingo duzu ezarpenak erraz aldatzen direla, zenbait kasutan errazegi. Esate baterako mahaigaineko panela haren gainean eskuin klik  aldatu edo ezabatu daiteke eta horrek erabiltzaile ausartentzat -hala nola, ume, gaztetxo eta adinekoak- arazo bat suposa dezake zeren agian ez dute asmatzen aldaketok desegiten.

Panela desblokeatuta -egoera arrunta-

Erabiltzaile baten panela Mate interfazean blokeatzeko bere saioan zaudela ireki terminala eta itsatsi agindu hau:

gsettings set org.mate.panel locked-down true

Panela blokeatuta

Panelaren blokeoa kendu nahi baduzu:

gsettings set org.mate.panel locked-down false

Nola aldatu irakasle rola behin behinean EAEko ikastetxe publikoetako Moodlen

EAEko ikastetxe publikoen Moodle 3.4.3 migratuta hainbat hobekuntza eta aldaketa jaso du. Ez dira aldaketa handiak baina zenbait gauza tokiz aldatu dira. Horietako bat irakaslea behin behinean ikasle edo bisitarien rola hartzeko aukera dago. Aukera hori ezkerreko panelean zegoen eta orain goiko barraren erabiltzailearen menuan dago "Aldatu rola honetara..." izenarekin.

Gcolor2 Ubuntun pantailako edozein kolore hautatzeko tresna

Ekipoaren pantailan agertzen den edozein kolorea hautatzeko Linuxerako aplikazioa da Gcolor2.

Erabilera:

• Pantailako kolore bat hautatu: Editore batean zure pantailako kolore bat erabili nahi baduzu aski duzu trena hautatzailea (tanta-kontagailua) hartu, ukitu kolorea, kopiatu kolorearen izen hamaseitarra eta behar duzun tokian itsatsi.

Peek aplikazioaren bidez egindako animazioa

• Kolore bat sortu: RGB (gorria, berdea, urdina) koloreek 0-255 duten eskalak hautatu, tonua, saturazioa, argitasuna eta opakutasuna aukeratuta.

Instalazioa:
Ubuntu edo Debian oinarriko sistema batean instalatzeko  terminalean ondokoa exekutatu:

sudo apt install gcolor2

Ubuntu 18.04 bertsioan instalatzeko begiratu mezu hau.



Beste aplikazioak Linuxerako hemen
Beste aplikazioak orokorrean hemen

EAEko eskola publikoetako Moodle 3.1.6 bertsiotik 3.4.3 bertsiora pasa da.

Udako oporrak probestuz EAEko ikastetxe publikoetako Moodle bertsio berritu dute, 3.4.3 bertsiora hain zuzen ere.

Moodle oso produktu heldua da eta, horregatik, bertsio batetik bertarako aldaketak nahiko puntualak izaten ohi dira.Hona hemen Moodlen dokumentazio gunetik hartuta bertsio-berritze honetako berritasunak eta aldaketa nabarmenenak:


Moodle 3.2 overview:https://www.youtube.com/watch?v=vVpPxCPoWMA

• Boost interfaze berria (ezkerreko panel ezkutagarria -parte-hartzaileak, nabigazioa... Eskuineko gurpil horzduna (ikastaroaren ezarpenak, edizioa... Goian mezuak, jakinarazpenak eta profila.
• Gaitasunen eskemak esportatu eta inportatu daitezke.

Moodle 3.3 overview: https://www.youtube.com/watch?v=zKD91RTMwK0

• Google eta Microsoft Officerekin integrazioa
• Bidalketen formatu murrizpena, hau da zehatz daitezke bidalketak zein edo zeintzuk formatutan onartuko diren.
• Editorean emotikonoak erabiltzeko aukera.
• Arrastatu eta jaregin multimedia fitxategiak edizio orrira.
• Zuzentzeko interfazean oharrak egiteko aukera hobetu da.
• Ikastaroen osatze-maila era grafikoan ikusteko aukera.
• Zuzentzeko tresnak ohar tolesgarrietan.

Moodle 3.4 overview. https://www.youtube.com/watch?v=wlrFHJS8aZY

• Hobekuntza egutegian: hitzorduak arrastatu eta jareginez mugitzea.
• Parte-hartzaileen zerrenda ordenatzea errazagoa, parte-hartzaileen egoera garbiagoa.
• Aktibitate bat bukatzean hurrengora edo beste batera pasatzeko erraztasuna.
• Ikasleek osatutako aktibitateen txostena.
• Moodle Mobile-n baliabideak deskargatzeko aukera konexiorik gabeko tokietan ikusi ahal izateko.

Esteketan lotutako bideoak ikustea merezi du berrikuntzak hobeto ikusteko.

Jaume Feliuren Irakaslearen koaderno digitalaren bertsio berria

Jaume Feliuk bere koaderno digitalaren bertsio berria argitaratu du, v4.2 hain zuzen ere. Horren berri eman zuen uztailan Tecnocentres blogean.

Koaderno hau Google Driven gordetzen da, beraz edozein toki eta momentuan erabili daiteke.
Gazteleraz, katalan eta euskarazko bertsioak ditu.
Tutoreentzako osagarria du.

Atzerapausua Master-pdf-editor 5. bertsioan

Master-pdf-editor PDF fitxategiak editatzeko GNU/Linuxerako dagoen aplikazio hoberenetarikoa da. Ez da librea baina bai doako bertsio ahaltsua du. Haren bidez nabarmendu daitezke testuak, laster-markak egin, oharrak, dokumentuak lotu, orriak atera, pdf irudiei OCR pasatzen ahal zaio, formularioak bete, bilaketa indartsua... eta beste hainbeste funtzio ditu.

Baina, erne, 5. bertsioarekin batera Linuxen aplikazioaren ur-marka jartzen du. Aurreko bertsioetan Windows eta Mac-en egiten zuen baina GNU/Linuxekin hobe portatzen zen. Hori, momentuz, bukatu da.

4. bertsioa deskargatu nahi baduzu hemen duzu:

master-pdf-editor-4.3.89_qt5.amd64.deb

Informazio gehiago master-pdf-editor aplikazioari buruz.

Xmind 9 Zen bertsio berria dela eta

Xmind mapa mentalak egiteko aplikazioa da. Lizentzia pribatiboa du baina plataforma-anitza da: Windows, Mac, Linux, Android.

Software librean, iritzi bat da, ez dago aukera handirik kategoria honetan. Software pribatiboan, nire ustez, Xmind eta Mindomo Desktop dira Linuxen mapa mentalak eta antzeko eskemak egiteko dauden aplikaziorik interesgarrienak.

Xmind-en zentratuta, aspaldi honetan norabide aldaketa handia ematen ari da. Abiapuntu bezala 2016ko Xmind 7.5 bertsioa hartuta, Luberri sisteman instalatuta dagoena, oso bertsio egonkorra da eta deb instalatzailea du.
2017an Xmind 8 bertsioak argitaratu zuten. Bertsio honetan interfaze hobekuntzak daude baina ez dauka deb instalatzailerik. Deskargatu daiteke eta fitxategi exekutagarria klikatuta badabil baina, nik behintzat, ez dut asmatu fundamentuz instalatzen.
2018an Xmind 9 bertsioak, Zen izenekoak, ikusi du argia deb instalatzailearekin. Garatzaileen esanetan aplikazioa goitik behera berridatzi dute. Hona nire lehen inpresioak:

Aldekoak:

• deb instalatzailea du.
• interfazea sinplifikatu dute eta testuaren ordez gauza asko ikonoen bidez adierazten dira. Funtzionalitate berririk ez diot ikusi baina betikoak hobeto antolatuta daude.
• Pasahitzez babestea jada ez da Pro. 
• Nodoetan audio-oharrak jar daitezke.
• Aurkezpen edo pantaila osoko modua (Zen modua).

Kontrakoak:

• Zen bertsioaz egindako eskemak ezin dira ireki Xmind 8 3update aurreko bertsioekin. Software pribatiboan ez da berria.
• Irudien esportazioak, aurreko bertsioetan ez bezala, ur-marka dauka.
• Pdf esportazioa badu baina ur-markarekin ere.
• Aplikazioaren itxura ez da sistemaren gaira egokitzen.
• Eskema mugitzeko, aurreko bertsioetan saguaren gurpila sakatuta egiten zena, orain bakarrik mugitzen du eskema gurpilarekin nodo zentrala sakatuta.
• Fitxen sistema ez dabil. Eskema berriak ez dira fitxa berrietan irekitzen.
• Ezin da esportatu beste mapa aplikazio formatutara. Xmind 7.5ekin esportatu zitekeen Freemind-Libreplane eta Lighten.

Konklusioa:

Eskema zaharrak badituzu eta, batez ere, zure eskemak Xmind bertsio zaharren bidez ikusi edo editatu behar badira ez aldatu eta geratu Xmind zaharrean.
Xmind-ekin hasi behar bazara eta ur-markek ez badizute arazorik suposatzen emaiozu aukera bat, Xmind 9 Zen bertsioa instalatu deskarga orri honetatik.

Xmin9 Zen bertsioaren itxura

Ea software librea noiz den horrelakorik garatzeko.

Nola instalatu Systemback Ubuntu 18.04 bertsioan

Systemback Linuxerako aplikazio librea da. Bi funtzio nagusi ditu: sistemaren errekuperazio irudiak sortzea eta sistemaren irudi instalagarriak egitea.

Nik bigarren funtzionalitatea erabiltzen dut Luberri sistema probatu eta instalatzeko.

Systemback-en garapena nahiko utzita dago baina komunitateak asko maite duenez orain arte bizirik mantentzeko bidea jorratu du.

Zentzu honetan komunitateko partaide batek Systemback 1.9.3 Ubuntu 18.04 bertsioan instalatzeko script bat garatu du:

deskargatu

Behin deskargatuta deskonprimatu, sartu karpetan eta exekuta ezazu:

sudo ./install.sh

OpenShot-qt bideo editorearen bertsio berria: 2.4.2

Hilabeteak azaleko mugimendurik gabe eta software libre eta plataforma-anitza den OpenShot bideo editoreak bertsio berria aurkeztu du: 2.4.2

Hauek dira berritasunik nabarmenenak:

Zazpi efektu berri: Barrak (Bars), Moztu (Crop), Pixelatu (Pixelate), Ñabardura (Hue), Desplazamendua (Shift), Uhina (Wave) eta Koloareaden desplazamendua (Color Shift).

Efektuok bideo honetan ikus daitezke:

Klip bati efektu bat (edo batzuk) eransten zaionean efektuaren botoia klikatu eta  parametroak ezkerreko panelean agertzen dira:

Bestetik klipak gainjartzen direnean audio nahasketa hobe kontrolatu daiteke, argazki eta bideo bertikalak metadatua badute era automatikoan biratzen dira, formatu berriak onartzen dira (AAC)... eta bertsio berri guztietan bezala ahalegin handia egin omen du Jonathan Thomas garatzaileak aplikazioaren egonkortasuna handitzeko.

Berritasunak zehaztasun gehiagorekin ingelesez proiektuaren blogean.

OpenShot Ubuntu edo deribatuetan instalatuta baduzu eguneraketa egitean (sudo apt update & sudo apt upgrade) eta instalatu nahi baduzu egin:

sudo add-apt-repository ppa:openshot.developers/ppa sudo apt update sudo apt install openshot-qt

Zerbaiteagatik bertsio hau abiatzen denean ingelesez azaltzen da. Euskaraz jartzeko hau da egin behar den bidea:

Timekpr, ordenagailuaren erabilera denbora mugatzeko tresna

Neska-mutilen gurasoen kontrolerako pentsatutako aplikazio honek aukera ematen dio ordenagailuaren administratzaileei erabiltzaile arrunten erabilera denbora mugatzeko.

Ohiko kasua litzateke etxeko ordenagailu bat non gurasoak erabiltzaile administratzaileak dituzten eta seme alabak erabiltzaile arruntak diren. Bi motako denbora kontrola ditu:

• denbora kopurua eguneko
• denbora hasiera eta bukaera mugak

Bi kasuetan muga horiek egunero berdinak izan daitezke edo asteko egunaren arabera zehaztuak.

Erabilera

Behin instalatuta Aplikazioak > Sistemaren tresnak > Administrazioa > Timekpr Control Panel sakatu abiatzeko.

Erabiltzaile bakoitzeko bina fitxa ditu:
Limits &Boundaries fitxa non erabilerako denbora mugak zehazten diren.

Kasu honetan, adibidez, erabilerako denbora denetara 120 minutura mugatu da aste eguneko egun guztietan berdin; eta erabiltzen hasteko muga egunero goizeko 7etan da eta bukaerakoa gaueko 10etan ostirala eta larunbata salbu, non gaueko 12etan den.

Status fitxan erabiltzaile bakoitzaren egoera agertzen da eta mugak aldatzeko aukerak:

• muga guztiak kendu
• gaur salbuetsita
• denbora muga: muga aldatu edo hainbat minutuko saria edo zigorra.
• gaur hasiera eta denbora muga kendu
• geratzen zaion denbora

 

Instalazioa

Aplikazioa Ubuntu 14.10 eta 16.10 bitartekoetan eta horietan oinarritutako bestelako banaketetan funtzionatzen du.
PPA bidez instalatzeko terminalean itsatsi hurrenez hurren ondoko aginduok:

sudo add-apt-repository ppa:mjasnik/ppa sudo apt-get update sudo apt-get install timekpr

Nola ikusi aurkezpen bat Master PDF Editor bidez pantaila osoan

Aurkezpen bat offline aplikazio baten bidez prestatu badugu (Impress, Power Point...)  komeni da gutxienez bi formatutan edukitzea: jatorrizkoa eta PDF, hartara batekin arazoren bat badugu -usu jatorrizko aplikazio falta- PDFa B plana izan daiteke (edo A).

Ubuntun PDFak erreproduzitzeko ohikoa den Evince aplikazioak badu aurkezpen-modua (Ikusi > Aurkezpena), bertan edukiak oso ondo ikusten dira, Interneteko estekak ondo funtzionatzen dute baina barne estekekin arazoak ditu, gailuko fitxategiak askotan ezin dira ireki. Lan horretan hobeto funtzionatzen du Master PDF Editor baina aurkezpena pantaila osoan aurkeztea ez da hain erraza. Master PDF Editor aplikazioan aurkezpenak pantaila osoan ikusteko egin behar dugu:

1. View > Page Display > Fit Page ikuspegia orrira doitzeko eta...
2. F11 pantaila osoan ikusteko

Doitu orrira eta pantaila osoa

Behin aurkezpena hasita orri batetik bestera pasatzeko Av Pag eta Re Pag  teklak erabiliko ditugu edo aurkezpenak ikusteko trepeta -eta ez geziak edo sagua-.

2018-2019 ikasturteko egutegia

Neguazkenak luze jotzen badu ere ikasturtea bukatzen ari da eta hurrengoaren plangintzan hasi beharko dugu.

Horretan lagungarri izan daiteke 2018-2019 ikasturteko egutegia LibreOfficeko kalkulu orriaren formatuan.

Deskarga

Lehenengo orrian ikasturte osoa ikus daiteke:

eta hurrengoetan hilabetez hilabete zuen aurreikuspenen zain.

Argitaratzeko, behin moldatu ondoren, pdf formatura pasa dezakezu edo pantaila argazkiak eginda png formatura. 

Nola prestatu EAEko Hezkuntzako Inves ekipoak 64 biteko Luberri instalatzeko

Inves ordenagailua

Ekipo hauek 64biteko prozesadorea dute baina horietako batzuk BIOSean 32biteko sistemarekin ibiltzeko konfiguratuta daude. Horregatik instalatu behar zen 32 biteko Luberri edo bestelako Linuxak.

Hemen deskribatuko dut nola alda daitekeen ezarpen hori 64 biteko sistemak onartzeko. Probatu dut eta Linuxekin ongi dabil. Kontuan eduki behar da prozesu honetan Windows galtzen ahal dugula (eta orain mantenutik kanpo daudela).

Prozedura:
1- Sartu 64biteko Luberri  sistema duen USBa.
2- Piztu ordenagailua eta sakatu Ezabatu edo Supr tekla BIOSean sartzeko.
3- Hautatu CMOS Setup Utility fitxa.
4- HPET Mode atalean klika 64-bit mode eta Sartu sakatu onartzeko.

BIOSaren irudia

5- F10 sakatu: gorde eta abiatu.
6- Berrabiarazten denean F12 sakatu zehazteko boot menu edo abio-menua eta bertan + Hard Disk klikatu eta agertuko den zerrendan USBaren marka duena hautatu eta instalazioari ekin.


Eskerrak Enrique Umaran lankideari honen berri emateagatik.

Nola neurtu distantziak Google Maps-en

Google Earth-ek distantziak eta areak neurtzeko tresnak agerian ditu baina deus instalatu gabe nabigatzailetik distantzia bat neurtu behar baduzu Google Maps-en bidez egin daiteke. Aski da hasierako puntuan eskuin klik egin eta beste puntua markatu. Ibilbide baten distantzia kalkulatzeko bidearen puntuak markatu behar dira.

Moodlek Bartzelonan muntatuko du bulegoa

Australiatik kanpoko lehenengo bulego fisikoa zabalduko du Moodlek eta Bartzelonan. Hiri horrekin harremana bazuen lehendik ere MoodleMoot biltzarrak antolatzen eta bertakoak omen dira Androiderako Moodle Mobile aplikazioaren garatzaileak.

Zorionak kataluniarrei,  eta guri ere etxetik gertu izango ditugulako. (Bilborekin ez erreparatzea ere software librea hain maitea izan izanik -ironiaz-).

Informazio gehiago -eta argazkia- La Vanguardian.

Ubuntu Linux, arazoa azentu marka-rekin

Ez da bat ere ohikoa baina Linux ordenagailu batean azentu marka idaztean bokalaren aurretik agertzen bada...

irtenbidea hau izan daiteke:

Sistemaren ezarpenetan bilatu Hizkuntza-sustengua eta Teklatuko sarrera metodo sisteman iBus sistema baduzu jarri bat ere ez, itxi amaitu saioa eta sartu berriro.

Hizkuntza sustengua topatzen ez baduzu ireki dezakezu terminalean gnome-language-selector agindua idatzita.

Bideotutoriala: Luberri sistemaren instalazioa ekipo berri batean

Bideo honetan ikusi daiteke nola instalatu Luberri sistema UEFIrik gabeko ekipo berri batean. Sistemaren irudia eta instalazioa Systemback aplikazioaren bidez eginak dira.Ekipoa hain zuzen NausikaA bat da (2018ko Berriztu programakoa) eta kontu eduki behar da zeren eta abio-menua (boot menu) ikusteko ezin da egin ekipoak iradokitzen duen F8 sakatuta.

Bideoa lagungarria izan daiteke baina instalazioaren gaineko zehaztapenak kontuan eduki behar dira.

Luberri_16.04.9_64bit bertsio berria eskuragarri

Ubuntuk 18.04 bertsioa atera duen egun berean Luberrik 16.04.9 bertsioa kaleratu du. Eskuineko paneleko Luberri sistema atalean klikatuta agertuko zaizu deskarga-orria.Orri horretan ikusten ahal dituzu era berean sistema hau instalatzeko jarraibideak (Systemback bidez egiten segitzen du).

Bertsio hau 64 biteko prozesadorea duten ordenagailuetan instala daiteke, beraz ezin da instalatu Lehen Hezkuntzako Eskola 2.0ko portatil zaharretan (zuri berdeetan). 32 biteko bertsioa prestatzen hasiko naiz eta laster egongo da eskuragai.

Berritasun interesgarriak ditu: aplikazio berriak, hala nola, Nextcloud Client, Gnome-Maps, Openboard. Berritasunen zehaztasunak orri honetan kontsulta ditzakezu.

Bertsio berri guztietan bezala ez da komeni instalazio masiboak egitea haren funtzionamendu egokia egiaztatu arte. Orain arteko probek oso emaitza ona eman dute baina lehenengo egunetan zuhurtzia izan eta instalazioren batekin arazorik baduzu eman horren berri Linux eskolan posta zerrendan.

Jordi Martí ikaslen datuez

China's Dragon entretenimendu eta hezkuntza enpresak Edmodo ikaskuntzarako ingurune birtualak erosi izanak Jordi Martí irakasle eta blogariari kexa sortu dio. Irakasle bezala erabili du eta ez daki erosleak Edmodok bildutako bere ikasleen datuak nola eta zertarako erabiliko ote dituen.
China's Dragon, besteak beste Promethean enpresako jabea da.

Jordik XarxaTIC blogean ikasleen datuen erabileraz hausnarketa interesgarria egin du.

FreeCAD 0.17 euskaraz

Hilabeteak dira Asier Sarasuak beste librezaleen laguntzarekin FreeCAD 3D diseinuko programaren euskaratzea burutu zuela baina 0.17 bertsioa kaleratu den arte itxaron behar dugu berau disfrutatzeko.

FreeCAD, Blender bezala, boladan dago besteak beste haren bidez diseinatutako piezak, behin zatitzaile edo slicer softwarearen bidez prozesatu ondoren, hiru dimentsiotan inprimatzen ahal direlako.

Lokalizazio lan honek garrantzia handia du kate asko dituelako eta orain arte gutxi jorratutako esparru bat hartu duelako. Zentzu horretan Asierrek esan duen bezala inportantea da aplikazio hau erabiltzen duzuenok lokalizazioaren kritika eta ekarpenak egitea. Kontuan izan lokalizazio hauek egitean normalean testu inguru zehatza ez dela ikusten eta horretan ibili direnak ez direla adituak materian.

FreeCAD plataforma nagusietan funtzionatzen du. Instalatzeko hemendik deskarga daiteke. Debian, Ubuntu eta deribatuentzat instalatzeko (edo, instalatuta baduzu 0.17ra eguneratzeko) metodorik hoberena terminala da. Bertan hurrenez hurren agindu hauek exekuta itzazu:

sudo add-apt-repository ppa:freecad-maintainers/freecad-stable sudo apt-get update sudo apt-get install freecad

Viking aplikazioaren eskuliburu txikia tokiz aldatu da

Penaz jakin dut wikispaces.com aurten itxi behar dutela. Badirudi ekonomikoki ezin dutela mantendu eta uztailaren 31ean classroom eta doako wikiak itxiko dutela, plus eta super wikiak irailaren 30an eta pribatuak 2019ko ekainaren 31ean.

Nik badut zerbitzu honetan geo-lokalizazioan aritzeko Viking aplikazioaren gaineko argibideak ematen duen wiki bat, https://viking-euskaraz.wikispaces.com/ hain zuzen ere, eta ikusita laster itxi behar dutela beste toki honetara migratu dut:

https://sites.google.com/view/viking-euskaraz/

Toki  berria ez da wikia web orri arrunta baizik baina, tira, aurrekoak kolaborazio handirik ez zuen jaso. Lagundu nahi duenak bilatuko du modua.

Wiki orriek gainbehera jaso dute hodei-plataformek (Drive, Nextcloud, OneDrive...)  dokumentuak partekatzeko aukera eman zutenetik. Edozein modutan wikizalea bazara beti izango duzu aukeran Moodleko Wikia jarduera.

Linux, nola instalatu Xerox WorkCentre 7835i

Xerox WorkCentre 7835i Linuxen ekipoz ekipo instalatzeko hauek dira segitu ditudan urratsak:

1- Kontrolatzailea (driver) deskargatu. Horretarako Xerox-en web honetara joko dugu eta bertan aukeratuko dugu gorriz markatutakoak:

Aukera hori eginda deskargatzeko fitxategiak agertuko zaizkigu. Mezua idazteko unean DEB bertsiorik -Debian, Ubuntu eta deribatuentzat- bertsiorik berriena

Controlador para Linux Intel .DEB x86_64  (5.20.620.4112 bertsioa) da. Nahi baduzu esteka honetatik deskargatu edo beste arkitektura edo instalatzaile mota behar baduzu aztertu aurreko orriko zerrendan.

2- DEB instalazio fitxategia deskargatuta instalazioarekin hasiko gara. Deskargatutako fitxategian bi klik egina instalatuko da. 

Behin kontrolatzailea instalatuta inprimagailua gehitu behar dugu. Horretarako administratzailea den erabiltzaile batez terminala irekiko dugu Ctrl+Alt+t sakatuta eta agindu hau itsatsiko dugu:

sudo xeroxprtmgr

eta azpiko leihoa irekiko da eta ezkerreko botoia sakatuko dugu.

Horrela atzemango du, besteak beste, sarean dagoen Xerox inprimagailua:

Xeroxa hautatu eta menu ikurra sakatuko dugu eta Manual install aukeratuko dugu:

Horrelako leiho irekiko da:

Bertan, tarterik utzi gabe, inprimagailuaren izena jarriko dugu, automatikoki detektatu ez badu haren IPa eta ezkerreko beheko botoia sakatuta lehenetsitako inprimaketa aukeraz zehazten ahal ditugu. Nik ezarpenetan paperaren tamaina A4 eta zuri-beltzeko inprimaketa lehenetsi dut. Behin hori eginda OK sakatu eta instalazioa bukatuko da. Inprimagailuen artean bi berri hauek agertuko dira:

Ezkerrekoari ez diogu kasurik egingo. Edozein dokumentua inprimatzean honelako interfazea agertuko zaigu:

 eta hor zehaztuko dugu zeintzuk orri, zenbat kopia eta ordena. Ondoren Inprimatu botoia sakatu eta honako leiho hau agertuko da (Windows eta Mac-en agertzen den bera):

non kolorea eta gainerako aukera aurreratuak erabili ahal izango dugu.


Oharra:
Instalazio honekin ez baduzu asmatzen edota kolorea edo aukera aurreratuak erabili behar ez baduzu PPD bidezko instalazioa egin dezakezu. Horretarako web honetara joan, haren edukia kopiatu, itsatsi testu editore batean, gorde  xerox7835i.ppd izenarekin eta instalazioari ekin, PPD hautatu eta aukeratu aipatu fitxategi hori. Bi aldetatik eta klasifikatua inprimatu ahal izango duzu baina kolorerik gabe.

Tinkercad Circuits zirkuitu elektrikoak diseinatzeko eta simulatzeko tresna

Tinkercad.com Autodesk enpresak 3D diseinuak online egiteko tresna interesgarria da. Orain zirkuituak diseinatu eta probatzeko simulagailua eskaintzen du web orri honetatik:

https://www.tinkercad.com/circuits

Linuxerako bada Fritzing izeneko aplikazio offline zirkuitu elektronikoak diseinatzeko baina DBHko teknologiarako Tinkercad hau errazagoa iruditzen zait.

Ondoko bideoan zirkuitu txiki baten diseinua egin dut ideia bat egiteko nola funtzionatzen duen. Kontuan izanda letretakoa naizela eta ez dakidala entxufeak zein zentzuan sartu behar diren, nik lortu badut lehen hezkuntzarako ere egokia izan daiteke.



Hemen zirkuituaren lotura probatzeko, kopiatzeko, aldatzeko...

Lehenengo zuzenketa: etxeko DBHko ikasle batek esan dit bideoan etengailua izendatzen dudan maxina edo gailua kommutagailu (switch) irristagarria (slide) dela eta zirkuitua eteteko baino zirkuitua aldatzeko edo kommutatzeko erabiltzen dela, hurrengo irudian eta eskeman ikus daitekeenez.

Kontrol laukiak jarri LibreOffice Writer testu prozesadorean

Kontrol laukiak erabiltzen ohi dira markatzeko baldintza bat betetzen ote den.

Ondoko bideo tutorialean ikus dezakezu nola jarri kontrol laukiak LibreOffice Writer testu batean.



Erabilera: 

 Jarritako kontrol-laukiak erabili ahal izateko inprimaki barra agerrarazi behar dugu (Ikusi > Tresna barrak > Inprimaki-diseinua) eta barra honetako 10. ikonoa (Diseinu modua) aktibatu behar dugu.

Era berean kontuan izan dezakegu inprimaki kontrol hauek erabili daitezkeela eremu editagarriak dituzten PDF dokumentuak sortzeko.

Luberri Lenovo Yoga520 batean

Pasatu didate Lenovo Yoga 520 bat ez zutelako asmatzen Luberri instalatzen.
Entzuna nuen Lenovo eramangarriak arazoak ematen zituztela Linuxekin eta pentsatu dut horregatik izango zela. Eta ez da. 256 GBeko SSD memoria du eta, irakurri dudanagatik RAID moduan ezarrita Linuxek ez zuen detektatzen. BIOSean begiratu eta AHCI moduan ezarrita dago eta Systemback Live moduan, GParted bidez, ikusten du eta partizioak prestatu daitezke baina instalazioa abiatzean partizioak ezin dira esleitu SDD memoria ez delako muntatzen instalazio aplikazioan.

Soluzioa: Ubuntu 16.04.3 instalatu eta Luberri bihurtu. Ubunturen instalazio aplikazioak arazorik gabe ikusten du SSDa eta partizioak esleitzeko eragozpenik ez du.

Ekipoan dena doa ongi (wifi, soinu, txartela, ukipen-pantaila...) hatz marken pasabide biometrikoa ezik (ez dut asmatu).

Blender-eko marrazoa ukipen pantailaz mugitzen

Nola egin taulak blogean Libreoffice Writeren bidez

Blogger-ek, Wordpress-ek eta beste blog plataformek badituzte bere moduak taulak egiteko baina lan handia ematen du eta zaila da gogoratzeko.
Bada beste modu bat taula txukunak sartzeko blogetan:

1- LibreOffice Writer-en prestatu zure taula. Kontuan ohiko taulak ez daukala atzeko plano zuria gardena baizik.

Taulak LibreOffice Writer-en

2- Egin Fitxategia > Aurrebista web nabigatzailean

3- Nabigatzailean taula kopiatu eta itsatsi blogean.

Ona hemen emaitza:

IZENA	ABIZENAK	MATEMATIKA	ZIENTZIAK
Juan	Tierves Andin	ongi	oso ongi
Inesa	Andia Martinez	oso ongi	ongi

IZEN	ABIZENAK	MATEMATIKA	ZIENTZIAK
Juan	Tierves Andin	ongi	oso ongi
Inesa	Andia Martinez	oso ongi	ongi

Oharra:
Sites zaharrean eta beste hainbat web ediziorako plataformatan ere funtzionatzen du.

NASAren populazio-mapa

NASAren SEDAC zentroak

Population Estimator mapa

eskaintzen du. Mapa horretan kolore iluntasunaren arabera adierazten da biztanleriaren dentsitatea.

Ezkerra aldean dauden tresnen artean nabarmentzeko modukoa da aukera dagoela marrazteko poligono bat eta aplikazioak kalkulatzen du zonaren azalera eta populazioa.

PBIS nola sartu ekipoa domeinuan ezin bada atera

Luberri sistema PBIS aplikazioa erabiltzen du Linux ekipoak Windows domeinuan sartzeko.
Zenbaitetan ekipoa domeinutik ateratzen da eta berriro sartu behar da. Horretarako egingo dugu:

Aplikazioak > Sistemaren tresnak > Administrazioa > Domeinuan sartu

Bertan domeinutik atera (leave domain) eta domeinuan sartu (join domain)

Batzuetan, ordea, ez du domeinutik atera nahi eta honelako erroretako bat ematen du:

Error: LW_ERROR_PASSWORD_MISMATCH  [code 0x00009c56]

The password is incorrect for the given account

ERROR: DNS_ERROR_BAD_PACKET (code 0x0000251e)
A bad packet was received from a DNS server. Potentially the requested address does not exist.

Kasu horretan soluzioa izaten da lsass zerbitzua berrabiaraztea. Horretarako agindu hau jarriko dugu terminalean:

sudo /opt/pbis/bin/lwsm restart lsass

hori egina domeinutik atera eta sartu egingo dugu.