Moodle: "etxekoak" taldea

Ikasturte honetan eritasunak eta konfinamenduak direla eta, ohikoa bihurtzen ari da hainbat ikasle etxean edukitzea. Horiekin Moodlen komunikazioa errazteko modu bat izan daiteke talde propio bat sortzea.

 Ikastaro bateko etxeratuekin taldea sortuta aukera izango dugu taldeari:

• mezuak  bidaltzeko
• baliabide edo jarduera espezifikoak eskaini eta eskatzeko.

Taldea ikasle bat edo batzuk osa dezakete.

Nola sortu taldea:

Irakasle moduan saioa hasita, ezkerreko menu tolesgarrian:

Partaideak > Engranajea > Taldeak > Sortu taldea eta, ondoren, banan bana, gehitu ikaslea(k) taldeari. 

Nola talde honek altak eta bajak maiz izango dituen, Partaideak taulako Taldeak
zutabean egin dezakegu azkarrago egunez eguneko kudeaketa.

 

 

 

 

 

 

 

Zertarako erabili dezakegu taldea?

• 
  Mezu orokorrak bidaltzeko etxekoei. Mezu horiek foroaren bidez bidaliko

  

  Ahots eta bideo mezuak
  

  
  ditugu "etxekoak" taldea aukeratuta (horretarako foroaren ezarpenetan, moduluaren ezarpen komunetan, ezarrita eduki behar duzu "taldeek elkar ezin ikusi" parametroa). Taldea aukeratuta mezua etxekoei soilik iritsiko zaie. Kontuan izanik mezua idazteko HTLM editorea erabiliko dugula (Atto editorea bada hainbat hobe), mezua testuz osatzen ahal dugu baina beste aukera oso interesgarria da audio edo bideo mezuak bidaltzea. Mezu hauek bi minutuko muga dute. Bi minutu nahikoa ez bada audio edo bideo bat baino gehiago jar dezakegu edo aparte grabatu eta fitxategi bezala erantsi.

• Baliabide edo jarduera espezifikoak jarri etxekoei, gainekoek Moodleko ikastaroan ikusi gabe. Baliabide edo jardueraren ezarpenetan Mugatu eskuragarritasuna irudian ikusten den bezala:
  
  

 Etxekoak taldekoek soilik ikusiko dute. Irakasleak horrela ikusiko du:

Moodle. ikasleekin komunikatzeko hainbat aukera

Isolatze garai honetan Moodle plataformak irakasle-ikasle eta ikasleen arteko komunikazio aukeren abaniko zabala eskaintzen du. Momentu hona da horien errepaso bat egiteko.

Lehenik eta behin nahi dut azpimarratu puntu bat Moodle plataforman alta emateko ez da behar posta elektroniko konturik. Hau bereziki interesgarria da Lehen Hezkuntzako eskoletarako. Altak ematean, banaka zein CSV bidez, posta kontu bat eman behar da baina ez du zertan erreala izan behar, ikasle156@ezdago.ez  moduko kontuak erabili daitezke. Horrelako kasuetan  komeni da foroan harpidetzak desgaitzea eta zereginetan ikasleei bidali beharreko jakinarazpenak, posta bidalketak ez sortzeko.



Ikasle guztiek jasoko dituzte mezuak, irakaslearenak zein kideenak, goiko panelean eta benetako posta dutenek postaz ere.


Komunikazio tresna nagusiak:

• Jakinarazpenak (Berrien foroa):  Hauen bidez irakasleek maila osoko ikasleei edo ikasle talde bati bidaliko diote informazioa.
• Foro arruntak: Ikastaro osorako edo gai zehatz
  
  baterako. Ikasleek mezuak jasotzeaz gain erantzun dezakete edo zalantzak edo iradokizunak egin ditzakete. Ikasleek elkarri laguntzeko aukera polita da (irakaslearen begiradapean).
• Bideo-konferentziak BigBlueButton bidez. Ohiko bideo eta audio transmisioaz gain arbela, dokumentu partekatua, pdf aurkezpenak, pantaila partekatzeak eta bestelako tresnak ditu.
• Egutegia: Ikastaroko eskuineko panelean egutegiak komunikatuko dio
  
  ikasleari zein eta zer ordutan diren eguneko bideo-konferentziak, zereginak bidaltzeko epemugak...
• Mezuak: Paneletik edo partaideen zerrendatik irakasleek ikasle zehatz bati edo batzuei mezuak bidaltzen ahal dizkiete. Ikasleek ere irakasleei edo kideei idaztea dute.
• Inkestak: tresna hau Google Form-en parekoa da. Beraren bidez ikasleen informazioa jaso dezakegu.
• Blogak: ikastaro bakoitzean irakasleak eta ikasleek blog partikular bana dute. Tresna egokia izan daiteke ikasle bakoitzak kontatzeko egunez egun zer aurrerapenak egin dituen proiektuan.
• Irakasleak, blokeen bidez, erakutsi dezake zein partaide dauden konektatuta eta, nahi izanez gero, txat bat aktibatu dezake. Txatak normalean ez dira erabiltzen ume eta gaztetxoen ikastaroetan baina egoera berezi honetan, batez ere txikienentzat, lagunekin solastatzeko aukera polita izan daiteke (eta bide batez komunikazio idatziaren lehengo urratsak).

• Hausnarketak, kontsultak, iruzkinak... eta beste tresna batzuk daude partaideen arteko komunikazioa osatzeko.

Idatziz, ahoz zein bideoz erreminta asko ditu plataformak. Gure esku dago era egokian erabiltzea.

Ez dut bukatu nahi aipatu gabe irakasleak arreta berezia jarri behar duela Internet edota ordenagailua, tableta... ez duten ikasleengan eta, edukita ere, konektatzen ez direnengan. Moodleeren txostenek zehazki esango digute ikasleek konektatu diren, zer ordutan, zer egin duten...

Lehenengo taldeari bestelako komunikazioa eta materialen trukaketa eskainiko diegu eta bigarren taldekoak konektatzeko gurasoen laguntza eskatu beharko dugu.

Nola instalatu mahaigaineko Telegram Ubuntun

il(2020/4/25ean zuzendua)

Telegram Desktop mezularitza aplikazioaren ordenagailurako bertsioa da. Bere ezaugarrien artean hauek nabarmendu daitezke:

• Whatsapp-ena ez bezala aplikazio natiboa da. Nabigatzailea martxan jarri gabe ibiltzen da, are gehiago, konektatzeko telefono mugikorraren zenbakia eskatzen du, baina erabiltzeko ez du mugikorra aldean edo piztua behar.
• Audio deiak egin daitezke ordenagailutik mugikorrera eta alderantziz edo ordenagailutik ordenagailura. 
• Linux, Windows eta Mac-erako bertsioak daude, Android eta IOS gain jakina.
• Aplikazioa zerbitzariaren aldetik ez da librea, bezeroen aldetik bai.
• Oraindik ez du euskara hizkuntza integratzen baina euskaratuta dago eta erraz jartzen da euskaraz bai mugikorren bai mahaigainean. 

Instalazioa Ubuntu eta deribatuetan.

Hainbat modu daude instalatzeko. Nik hau proposatzen dizut.

1- Joan Telegram Desktopen  Githubeko web orrien Releases atalera. Bertatik deskargatu azken bertsioaren Linux 64bit binari. Erne! hau idazteko unean azken bertsioa 2.6.1 da eta ez dabil 2.6.0 bertsioa bai ordea. 

2- Joan deskargatu duzun tokira eta tsetup fitxategia ireki eta bertan erauzi. Telegram izeneko karpeta ageriko da.

3- Administratzaile rolarekin karpeta hori /opt/ karpetara kopiatuko dugu. Karpeta horretatik. Bertsio berritzea bada aurretik zaharra ezabatuko dugu:

sudo rm -R /opt/Telegram

edozein kasutan, kopiari ekingo diogu:

sudo cp -r Telegram/ /opt/

4-  Abiarazlea sortuko dugu. Horretarako ireki testu-editorea eta hau kopiatu

[Desktop Entry]
Name=Telegram Desktop
GenericName=Telegram mahaigainean
Exec= /opt/Telegram/Telegram %F
Type=Application
Icon=
Categories=Network;
Keywords[eu]=komunikazioa
Terminal=false
 

Gorde telegram.desktop izenarekin eta kopiatu lasterbideen karpetara

sudo cp telegram.desktop /usr/share/applications/

Denbora baduzu  bilatu dezakezu Telegramen ikonoa, gorde eta aurreko  fitxategian zehaztu non jarri duzun ikonoa Icon= lerroan.

Telefonoarekin qr bat eskaneatzea edo  mugikorraren zenbakia eskatuko dizu eta bertara bidaliko dizu kode bat. Kode hori idatzi eta horrela egiaztatuko duzu identitatea.
Erabiltzeko prest dago.


Idatzi zure buruari: gordetako mezuak 

• Oso aukera interesgarria da zure buruari mezuak bidaltzeko:
•  ohar bloka moduan
• fitxategien biltegia edo hodeitxo moduan
• argazkiak eta bestelako dokumentuak mugikorretik ordenagailura edo alderantziz pasatzeko.

Aukera honetaz baliatzeko  goiko bilatzailean zure izena jarri eta Gordetako mezuak agertuko zaizkizu. Hortik bidali behar diozu mezuak zure buruari.

Telegram euskaraz jartzeko
kopiatu ondoko esteka, zure buruari bidali eta ondoren klik egin gainean eta baimena eskatuko dizu aplikazioa euskaraz (beta) jartzeko:

https://t.me/setlanguage/eu-beta


Ezarpenak

Menuan klikatu eta Ezarpenetan konfigura dezakezu aplikazioa zure gustura, itxuraz zein funtzionamenduaz:

Egunerokoan erabili behar baduzu baloratu ezarpenetan konfigurazio hauek aktibatzea:

• aktibatzea mezuak bidaltzean Ktrl+Sartu bidez (edo gezi urdina) puntu eta aparteak egin ahal izateko.
• Aurreratuetan, aktibatu Bistaratu ikonoa erretiluan. Abiarazi sistema hasten denean.
• Desaktibatu Erabili zuzentzaile ortografikoa (oraindik ez baitago prest euskararako eta aktibatuta badago hitzak azpimarratuak agertuko dira).

Kanalak eta taldeak

Whatsapp-en aldean Telegramek kanalak ditu. Kanalak informazioa norabide bakarrekoak dira, informazioa bidaltzeko erabiltzen ahal dira informatzailea badira eta, gehienetan, informazioa jasotzeko erabiltzen dira. Kanalak bilatzeko aski duzu Telegrameko bilatzailean bere izena jartzea eta onartzea.

• ARGIA
• BERRIA egunkaria

Taldeetan ordea parte har daiteke. Software librearen zalea bazara bi talde hauek interesatzen ahal zaizkizu:

• Librezale
• Hezkuntzan ere Librezale

Moodleren erabilera irakasleentzako sarbide mugatuko orria moduan (intranet, irakaslegunea)

(2016/12/20an eguneratua)

Ez dago dudarik Moodleren erabilerarik interesgarriena pedagogikoa dela, ikasleekikoa alegia. Baina ez dugu baztertu behar eskolaren kudeaketan bete dezakeen papera. Hortaz arituko naiz mezu honetan.

Ikastetxe asko hainbat kudeaketa-lan eskolaren esparru fisikotik harago eraman nahi dute. Zuzendaritza eta irakasleen arteko komunikazioa digitalizatu eta hainbat dokumentazio eta zerbitzu irakasleek nonahi eta noiznahi erabili ahal izateko saretik Internetera mugitzen ari dira, baina sarbide mugatuko orritara (gaizki izendatutako intranetera) zeren eta komunikazio eta zerbitzu horiek ez dira edozeini zabaldu behar.

Sarbide mugatuko orriak hainbat eratan egin daitezke: Liferay (Jaurlaritzak ikastetxe publikoei eskainia), Google Sites, kudeaketa enpresek eskaintzen dutenak... eta Moodle.

Matrikula

Irakasleentzako zerbitzurako orri bat muntatzen ahal dugu ikastaro bat sortuz -nik Irakasleen gunea deitu diot- non irakasle arruntak ikasle rolean matrikulatuko ditugu eta zuzendaritza taldea irakasle rolean.

Behin matrikula eginda taldeak sortuko ditugu. Taldeak gehien bat komunikaziorako erabiliko dira beraz zein talderi zuzendu behar zaizkio mezuak horrenbeste talde eratuko ditugu (zikloak, eraikinak, tutoreak, mintegiak, errekreoko-zaintzak...). Ondoren, taldeei partaideak esleituko diegu. Bi eratara egin daiteke: taldeak elikatuz edo matrikula-zerrendatik beheko irudian ikus daitekeenez:

Partaide baten talde-partaidetzaren kudeaketa erabiltzaileen zerrendatik.

Gogoan izan sistema honek mantenu lan bat eskatzen duela: irakasle berriei alta eman eta taldeak esleitu behar zaizkie eta uzten dutenei baja.


Zerbitzuak

Hainbat zerbitzu eskain dezake, gehien bat komunikazio eta irakaskuntzaren kudeaketarekin lotura; horietariko asko EAEko IKT heldutasun ereduak eskatzen dituenak.

a - komunikazioa.

Ezker paneleko Partaideak atalean klikatuta edozein irakaslek irakasleen zerrenda ikusi eta nahi duenei mezu digitala bidal diezaieke.

Berriak tresnaren bidez zuzendaritzak bileren deia, oharrak eta ekitaldien informazioa zabal diezaioke klaustrokideei. Jakinarazpenak kide guztiei edo talde zehatz batera bidali daiteke.

Foroen bidez bai zuzendaritzak bai edozein irakaslek proposamenak edo galderak zabal ditzake. Foroko mezuak ere talde zehatz batera zuzendu daitezke.


b - egutegia.

Moodleren egutegiak lau egutegi biltzen ditu:

• gune edo ikastetxearena (Moodle kudeatzaileak sartzen ditu bertan ikasturtearen hasiera eta bukaera datak, jaiak eta opor egunak besteak beste).
• ikastarokoa: kasu honetan irakasleei soilik dagozkien ekintzak.
• taldekoa: sortutako talderen bati dagozkionak.
• pertsonala: bertan nork bereak diren gertakizunak jartzen dira.

Ikastaro honetan zuzendaritzak ikastaroko ekitaldi moduan sartuko ditu ikastetxeko irakasleriari dagozkion ekitaldien datak: klaustro, batzorde pedagogiko, prestakuntza saioak...

Irakasle bakoitzak bere egutegian guneko ekitaldiak, matrikulatuta dagoen ikastaroen ekitaldiak eta ekitaldi pertsonalak ikusten ditu kolorez bereizita.

Moodleren egutegia esporta daiteke, esate baterako, Google Calendar-era eta hortik Thunderbird-era edo bestelako egutegietara (azalpena mezu honetan).


c- dokumentuak

Ezkerreko panelean eransten ahal dira HTML blokeak testu, irudi, estekak eta abar libreki gehitzeko.

Bloke horietako batean nonahi ikusteko moduko dokumentuak (hala nola heldutasun ereduak eskatzen dituenak) esteka ditzakegu, hala nola urteko plana, programazioak, protokoloak...

Esteka horiek egiteko HTML blokean dokumentuaren izena idatzi, hautatu eta esteka klikatu, estekaren URL koadroaren eskuineko ikonoan klikatu eta bertan arakatu eta igo dagokion dokumentua.
Dokumentu asko estekatu behar baditugu jar dezakegu lotura Google Driven edo Alfrescon  konpartitutako karpeta bati (EAEko ikastetxe publikoek eskuragarri dute edukiera handiko Alfresco gune bat).


d- zerbitzuei estekak

Komeni da ikastaro honetan biltzea esteken bidez irakasleek behar izaten dituzten zerbitzu gehienak. Nik adibidezko gune honetan zerbitzu hauek estekatu ditut:

• notak eta faltak hezkuntzako aplikazioa
• Matxuren partea (Google Form-en bidez egin daiteke).
• Matxuren segimendua (matxuren Google Form-ek sortzen duen kalkulu orria)

e- erreserbak eta zaintzak (booking system)

Erreserbak

Moodlek fitxaketa handia egin du: software libreko zerbitzari-bezero motako Meeting Room Booking System (MRBS) aplikazioa. Software libreko bi zerbitzuen sinbiosi ederra.

Erreserba sistema hau gehituko dugu booking system blokearen bidez.

Bloke hau EAEko eskola publikoen Moodlen aktibatuta dago. Besteetan plugin baten bidez instala daiteke.
 
Moodle gunearen kudeatzaileak gestionatzen du ikastetxean erreserba daitezkeen baliabide motak (gelak, gailuak...) eta kategoria bakoitzean zer elementu dauden. Erreserbarako saioen ordutegia moldatu nahi baduzu EAEko ikastetxe publikoetan CAUra eskatu behar zaio (aukerak: 1.saioa, 9:00 orduka, ordu erdika...).

Erne!! Erreserba sistema irakasleek soilik ikusten dute. Ikastaro honetan irakasleek ikasle rola izanik erreserba sistema ikusi ahal izateko guneko kudeatzaileak ikastetxeko irakasleei MRBS Editor rol globala esleitu behar dizkie (Guneko kudeaketa> Erabiltzaileak> Baimenak> Rol globalak esleitu eta bertan MRBS Editor rola eman ikastetxeko irakasleei). Rol globalen artean MRBS Editor rol globala ikusteko baimena EAEko ikastetxe publikoek CAUri eskatu behar diote.

Irakasleak gela edo baliabide bat erreserbatzeko zerbitzuan klikatu baliabide multzoa hautatu eta egutegi moduan ikusten dute erreserba sistema (eguna, astea edo hilabete ikuspegian). Baliabidea eta unea hautatu eta fitxa bat betez erreserba egiten dute (errepikatzen diren erreserbak ere egin daitezke, ikasturte osokoak barne).

Erreserba sistema. Hilabete ikuspegia.

Zaintzak

Baliabideen erreserbarako erabiltzeaz gain zaintza sistema moduan ere erabil daiteke. Horretarako Zaintzak izeneko baliabide mota sortuko du kudeatzaileak eta bertan talde bakoitza izango da elementu bat. Zaintzak utzi behar dituen irakasleak etxetik marka ditzake utziko dituen zaintzak eta deskribapenetan zehatz ditzake ikasleen egin behar dituzten lanak.

Egunean zehar zaintzako irakasleek kontsultatuko dute zer zaintzak dauden eta bakoitzean ikasleek zer lanak egin behar dituzten.

Norbaitek (atezainak?) ardura hartu behar du azken unean edo bidean gertatutako gora-beherek sortutako zaintzak sartzen.


d- deialdiak 

Ikastaroaren erdiko panela erreserbatu dezakegu zuzendaritzak bilera eta ekitaldien deialdiak egiteko: klaustro, batzorde pedagogiko, prestakuntza saioak, hitzaldiak...

Deialdi bakoitzak "gai" bat har dezake eta gai horretan bildu daitezke gai-proposamenak, deialdia bera gai-ordenarekin, deialdirako behar diren dokumentuak eta akta. Gaiak beheko aldean sortzen dira eta komeni da goraino igotzea blog baten antzera funtzionatzeko, alegia berrienak goian ordena kronologikoan.

Deialdien prozedura hau izan daiteke: Deialdia orria formatuarekin egin daiteke eta bertan bileraren tokia, ordua eta gai-ordena zehaztu daitezke, ondoren haren edukia kopiatu eta goiko Berriak eta jakinarazpenak erabiliz zabalduko dugu irakasleen artean eta egutegian ekitaldia sortuko dugu eta  ekitaldiaren deskripzioan gai-ordena itsatsiko dugu. Deialdiaren gai-ordenaren aurretik jartzen ahal dugu proposamenak biltzeko wiki bat edota jarrerak jasotzeko inkesta bat. Deialdiarekin batera bilerarako behar diren dokumentuak gehituko ditugu. Bileran bertan edo ondoren haren akta gehituko dugu orria formatuan.



Irakasleen gune posible bat deskribatu dut hemen baina sistema bera erabili daiteke beste kolektiborentzat, hala nola gurasoentzat edo eskola kontseiluko partaideentzat.

Nahi baduzu bisitari gisa sar zaitezke probarako prestatu dudan ikastaro honetan.

(MoodleMoot Euskadi 2016 jardunaldian aurkeztua P3 petxakutxa)

Feedly RSS jarioen irakurlea

Egun berriak eskuratzeko moduetan sare sozialek pisua irabazi badute ere, nire ustez kalitateko informazioa zabaltzeko eta jasotzeko erarik hoberena blogak eta albistegiak dira.

Hori bai, informazio bila albistegietara eta blogetara jo beharrean hobe da horietan RSS bidez harpidetu eta informazioa guregana etor dadila RSS jario irakurleen bidez. Zergatik? Badira blog batzuk egunero zerbait argitaratzen dutenak, hala nola Sustatu edo Zuzeu, baina beste batzuk, hau adibidez, ez dute gaitasun hori. Gauzak horrela zure gogokoak diren blog eta albistegietara aldiro jo beharrean ea zerbait berri ote dagoen, hobe da horietan harpidetu eta zure gogoko blog guztien mezu berriak jario irakurlearen bidez jasotzea.

Harpidetzen edo RSS jarioen irakurleak hiru motakoak izan daitezke gutxienez: posta aplikazioak, jarioak irakurtzeko programak eta jarioak irakurtzeko web orriak eta app-ak.

Niri web orriak orriena iruditzen zait modurik praktikoena eta RSS jarioak irakurtzeko web orrien artean -asko dira- Feedly.com da nire gustukoena estetika eta funtzionalitatearen aldetik.

Nola ireki kontua eta harpidetzak egin:

1- Web orrira joan eta erregistra zaitez (horrelakoetan Google, Facebook edo horien bidez egin beharrean erregistroa orrian bertan egitea hobe, kasu honetan Feedlyn) kontu bat izateko.

2- Feedlyren ezarpenak konfiguratu. Ezkerreko paneleko beheko aldean aukera asko dago, inportanteenak dira More > Themes ezkerreko panelaren fondoko kolorea hautatzeko eta preferences-en barrenean: start page > today eta default view > magazine albistearen laburpena eta irudi bat ikusteko.

3- Orain ikusiko dugu nola harpidetu blog batean -hau esate baterako- RSS Atom-en) bidez. Blogen eskuin panelaren edota beheko aldean mezuetan edota komentarioetara RSS edo Atom-en bidez harpidetzeko aukera dago, bestela nabigatzailearen menuan beti agertzen da Harpidetu aukera.
Bi horietako edozein hautatuta Feedly-ra harpidetzeko aukera agertzen bada saka ezazu, bestela kopiatu URL helbidea, kasu honetan http://alexgabi.blogspot.com/feeds/posts/default?alt=rss, Feedly.com-era joan eta ezker paneleko Discover and follow atalean klikatu eta,

 bertan, (1) itsatsi blogaren harpidetzaren url-a eta (2) zerrendatik lehenengo aukera hautatu.

Ondoren harpidetza onartu Feedly + botoian sakatuta.

Horrela nahi duzun harpidetza guztiak egin ditzakezu.
Behin harpidetzak eginda -aurrerago nahi haina egingo dituzu- ikusiko dugu...


...nola irakurri jarioak

Hemendik aurrera Feedly.com irekitzen duzunean berau irakurri zenuen azkenengo unetik hona harpidetutako blogetan argitaratutako mezuak erakutsiko dizu horrelako itxura batez:

Mezuen irudi bat, titulua eta lehenengo hitzak ikusiko ditugu. Tituluan klikatuta (1) mezu osoa edo haren laburpena ikusiko dugu eta, bertan, berriro tituluan klikatuta jatorriko blogera joan gaitezke.
Irakurri ondoren irakurrita bezala markatuko dugu (2) eta hurrengoekin segituko dugu.

Kuxkuxean aritzen bazara hainbat aukera aurkituko duzu: eskuineko ikurretan esate baterako albistea beranduago irakurtzeko aukera edo blog horren harpidetza ezabatzekoa kasu.


Mugikorrerako app-a badago Androiderako eta IOSerako.


Hau eta beste web aplikazioak eskuin paneleko web-aplikazioak estekan

Ohar eleanitzak aplikazioa museoetan oharrak zure hizkuntzan ikusteko

 Albaola museoan probatzen ari dira azalpenak edozein hizkuntzatan jasotzeko  QR kodeak baliatzen dituen app baten bidez.

App hori kode irekikoa da EHU eta Elhuyaren kolaborazioaren emaitza da eta Donostia 2016, Europako Kultur Hiriburu proiektuaren baitan garatu da, Hirikia kaiaren barruan. Aipatu kaiak kode irekiko plataformak eta tresnak abian jartzea du helburu, herritarrei arlo digitalean askatasun gehiago emateko eta teknologia berriek gizartean duten presentzia indartzeko.

Nola erantsi Nemo aplikazioaren goitik beherako menuan Thunderbird bidez bidaltzeko aukera

Nemo da Linuxerako nire gogoko fitxategi arakatzailea (ikusi hemen nola ordeztu Nautilus Nemorekin). Ordezkapena egitean, ordea, faltan nuen Nautilusen goitik beherako menuko "Bidali postaz" aukera hautatutako fitxategiak Thunderbird bidez bidaltzeko.

Ikus dezagun nola jar daiteke "Bidali posta bidez" aukera Nemoren goitik beherako menuan:

1. Joan web orri honetara: https://github.com/linuxmint/mint-common/blob/master/usr/share/nemo/actions/mint-artwork-cinnamon-thunderbird.nemo_action
2. Kopiatu zenbakia dituzten lerro guztiak eta itsatsi Gedit-eko dokumentu zuri batean.
3. Gorde karpeta nagusian izen honekin postaz_bidali.nemo_action
4. Kopiatu delako dokumentua terminalean hau itsatsita:

sudo cp postaz_bidali.nemo_action /usr/share/nemo/actions

Nola aktibatu Firefox nabigatzailearen Hello bideo-konferentzia

Eguneratzea: Firefox 50ean Hello-k agur esan du erabilpen txikia dela eta.

Firefox 34 berritasun garrantzitsu bat ekarri du: Hello bideo-konferentzia.

Kalitate handiko bideo edo audio konferentziak lor daitezke parte hartzaileek bestelako aplikaziorik, plugin edo gehigarririk gabe. Are gehiago deia ezartzen duenak Firefox-etik egin behar du baina bigarrenak ez du ez eta Firefox behar: Chrome-Chromium eta Operarekin egin daiteke.

Nola ezarri:

Helbide barraren ezkerrean dagoen menua zabaldu eta klika Pertsonalizatu eta tresnen artean agertzen den Hello eraman menura edo helbide-barrara.

Zerbitzua beta fasean dago eta ez jende guztiari jarri (nire inguruko inori nik dakidala) baina eskuz aktiba daiteke:

1. helbide barran idatzi "about:config"
2. onartu kontuz ibiliko zarela
3. bilaketa eremuan idatzi "loop"
4. bukaera aldera agertzen den loop.throttled false egoerara pasa lerroan bi klik eginez.
5. 
6. berrabiarazi Firefox eta orain bai edukiko duzu Hello ikonoa Tresna eta eginbide gehigarrietan.

Nola erabili:

Norbaitekin hitz egin nahi duzunean Hello-ren ikonoa klikatu eta segundu pare batean https helbide bat agertuko da.
Klikatu Email botoian posta-bezeroa (Thunderbird edo) konfiguratuta baduzu edo Copy web bidezko posta erabiltzen baduzu. Era batera edo bestera bidali lagunari https helbidea.
Lagunak mezua ireki eta bidalitako helbidean klikatzen duenean bideo-konferentzia martxan hasiko da.

Konexioa kaskarra bada eta komunikazioa ez bada kalitatekoa itxi dezakezu bideoa eta audioa mantendu.

Deiak jasotzeko unea ez bada egokia adierazten ahal diezu zure kontaktua dutenei:

Kontaktuak gehitu:

Zerbitzua gustukoa baduzu eta kontaktuen zerrenda eduki nahi baduzu klika Hello eta erregistratu zaitez (sign in) posta kontu bat eskatuko dizu zure kontaktuak gordetzeko eta hortik aurrera kontaktuak gehitzen ahal dituzu...

... eta deitzen ahal diezu kontaktuei zuzenean (uste dut oraindik ez dabilela).

Balorazioa:
Orokorrean oso interesgarria batez ere ez delako ezer instalatu behar eta edozein ordenagailu-tableta-smartphone-tik erabiltzen ahal dugu ezer ikutu gabe.

Nola ireki winmail.dat fitxategiak Linuxen

Winmail.dat fitxategia Microsoft Outlook posta bezeroak mezu bati erantsitako fitxategiekin sortzen duen paketea da. 

Posta jasotzeko Thunderbird erabiltzen baduzu winmail.dat automatiko zabaltzen dituen LookOut gehigarria instala dezakezu.

Aldiz, posta web bidez jasotzen baduzu fitxategi horiek Linuxen irekitzeko tnef aplikazioa instalatu behar duzu. Horretarako Ubuntun terminala ireki eta itsatsi agindu hau:

sudo apt-get install tnef

Gorde winmail.dat fitxategia -ahal dela fitxategi asko ez duen karpeta batean-, terminalean joan karpeta horretara eta exekuta ezazu

tnef winmail.dat

karpeta horretan agertuko d(ir)a erantsitako fitxategia(k).

Nola egin eta jaso gonbidapen edo hitzordu bat Thunderbird Lightning egutegian

Lightning Mozilla Thunderbird posta bezeroaren egutegi gehigarria da (hemen ikus daiteke nola instalatu eta Gcalendar eta openmailbox.org-eko ownCloud-ekin nola sinkronizatu egutegiak).

Lightning-etik bidali daitezke gonbidapenak postaz eta jasotakoak gure egutegira inportatu. Ikus dezagun nola:

Gonbidapen edo hitzordu bat postaz bidaltzeko:

1- Egutegira joan eta bertan gertaera sortu eta zehaztu (bilera bada gaiordena, aurretik egin beharreko atazak eta abar), era berean gonbidapenarekin dokumentuak eransten ahal ditugu menuko 'Erantsi' elementuaren bidez .

2- Gertaeraren menua 'Gonbidatu partaideak' sakatu eta agertzen den zerrenda gonbidatuak erantsi. Ikono-etiketen bidez zehaz dezakezu gonbidapenaren etiketak eta gonbidatzen ahal ditugu pertsonak zein taldeak, bata zein bestea Thunderbird-en kontaktuetatik hartuko ditu. Ados.

3- Gertaera gorde eta itxi. Gonbidapenak badaude postaz bidaltzea proposatuko digu aplikazioak. Markatu Outlook-eko bateragarritasuna eta baieztu. Mezua automatiko bidaliko da.

Jasotako gonbidapena egutegira inportatu:

Horrelako gonbidapen bat bidaltzen badizute mezuaren goiko aldean mezuak gertaera bat daukalaren oharra agertuko da. Egutegira gehitzeko klikatu.

Egutegi bat baino gehiago baduzu aukeratu beharko duzu zein egutegira gehitu eta ondoren zure egutegira inportatuko da:

Zuzentzaile ortografikoa posta mezuetan

Testu prozesadorean idazten zuzentzaile ortografikoarekin ohituta -gaizki ohituta esango du baten batek- posta elektronikoko mezuak idazten dugunean ere behar beharrezkoa egiten zaigu askorentzat.
Ikus dezagun nola erabili zuzentzaile ortografikoa posta-mezuak idaztean zenbait web-postatan eta posta-bezero nagusia den Thunderbird-en.

Web-postatan
Euskarazko interfazea duten hiru web-posta zerbitzu aztertuko ditut:

Gmail
Gmail-aren interfazea oro har ezin okerragoa da. Ekinaren ekinaz gauzak non dauden ez badakizu eginkizunak topatzen denbora luzea emango duzu. Zuzentzaile ortografikoa ere ederki ezkutatu dute. Topatu nahi baduzu mezuak idazteko leihoaren beheko ezkerreko izkinan, zakarrontzi baten ondoan dagoen gezitxoan klikatuta agertzen den menuan agertzen da:

Egiaztapen ortografikoa eskatuta kolore horiz nabarmenduko du ezagutzen ez duen testua. Hitzaren gainean klik eginda zuzenketa-proposamenak ikusiko ditugu.

Gmail euskaraz badugu hizkuntza horretan zuzenduko du baina testua beste hizkuntza batean badago alda dezakegu zuzenketa-hizkuntza.

Outlook.com
Posta zerbitzu honek aurrekoa baina interfaze askoz hobea du baina zuzentzaile ortografikoa soilik Internet Explorer nabigatzailean funtzionatzen du, Firefox eta Chrome-Chromium-en ez.

Roundcube aplikazioa erabiltzen duten web-mailetan
Interfaze oso argia eta erabilerraza du. Testua idatzita menuko Ortografia-egiaztapenaren ondoko gezia klikatuta alda dezakegu hizkuntza -40 hizkuntza daude aukeran-.

Egiaztatzailean klikatuta testuaren atzeko planoa negatiboan jartzen da eta ezagutzen ez dituen hitzak agertzen dira. Proposamenak egiten ditu:

Konklusio bezala web-posten artean zuzentzaile ortografikorik hoberena software librez eginiko openmailbox.org orriak eskaintzen du zerbitzurik argiena, errazena eta osoena.

Roundcube aplikazioan oinarritutako web-mailetan
Aplikazio honetan oinarritutako web-mailetan mezuak idazteko pantailan badu OK ikur bat zuzentzaile ortografikoarentzat baina hor ez da euskara agertzen. Euskara zuzentzeko modua da zerbait oker idatzi, bertan eskuin klik egin (1),  zabaltzen den menuan Hizkuntzak klikatu (2) eta euskara hautatzea (3).

Posta bezeroa
Ikus dezagun nola dabilen zuzentzaile ortografikoa Thunderbird posta bezero ezagunean.

Mezuak idazteko leihoaren menuan Ortografia dago: aktiba edo desaktiba daiteke eta ondoko gezian klikatuta hizkuntza alda daiteke.

Ortografia aktibatuta badugu testu prozesadorearen antzera funtzionatzen du: ulertzen ez dituen hitzak gorriz azpimarratzen ditu eta hitzaren gainean eskuin-klik eginez gero zuzentzeko proposamenak egiten ditu eta, aukeratuz gero, hitza aldatzen du.