Nola kontsultatu Euskal Herriko taberna eta ostatu euskaldunen gida mugikorrean Organic Maps-en bidez

 Edu Zabala Garagartzak(1) iaz ezagutzera eman zuen Google Mymaps-en eginda Euskal Herriko taberna eta ostatu euskaldunen mapa.

Mapa horretatik (menua > Deskargatu KML eginda) edo azpiko estekatik markatzaileak mugikorrean deskargatu: 

Euskal Herriko taberna, ostatu euskaldunen gida.kml

 eta OrganicMaps(2) aplikazioaren bidez ireki dezakezu eta zauden tokiko inguruko ostatu euskaldunak ikusi.

Ziburu eta Donibane Lohitzuneko ostatu euskaldunak

 

 

 

Maitenia taberna Ziburun

Mapan sakatuta markatzaile berriak gehitzen ahal dituzu edo ezabatu.

 

Beheko izarra klikatuta agertzen dira markatzaileen karpetak, tartean tabernena. Ikono zurian klikatuta markagailuak ezkutatzen dira. Karpeta berrizendatu daiteke eta esporta daiteke kmz edo gpx formatuan.

Oharrak:

(1) Zerrendan ostatuak gehitzeko edo ezabatzeko zein bestelako proposamenak egiteko eduzabala02@gmail.com Eduri idazten ahal diozu.

(2) Oraindik instalatuta ez badaukazu Android sisteman aplikazio libreak instaltzeko F-droid aplikazioaren bidez instala dezakezu, edo bestelako instalazioak eta iPhonerako ere esteka honetan.

(3) Ordenagailuan kontsultatzeko esteka hau erabili dezakezu: labur.eus/EuskalTabernak

(4) Beste mezuak Organic Maps-i buruz

(5) Google MyMaps-en mapak badituzu kmz formatuan esportatzen ahal dituzu banaka Organic Maps-era.

 

Nola instalatu euskara hiztegia Heliboard Androiderako teklatuan

 Hainbat dira Androidean funtzionatzen duten kode irekikoeuskarazko teklatuak: AnySoftKeyboard, OpenBoard eta azken honen fork edo aldaera den Heliboard.

 AnySoftKeyboard teklatuak eu.dict izeneko fitxategi baten bidez euskal hitzen biltegia erabiltzen du idazten dugun bitartean proposamenak egiteko eta zuzentzaile ortografiko gisa. Aldatsa eta 'Software Libre zalantzak' Telegram/Matrix taldeko beste kide baten artean lortu dute AnySoftKeyboard-entzat sortutako fitxategi hori Heliboard-ekin bateragarria izatea*

Ikus dezagun nola instalatu Heliboard teklatua, teklatu horretan nola inplementatu euskal hitzen bilduma eta nola aktibatu Heliboard teklatua.

Heliboard instalatu:

Instalatzeko F-droid aplikazio libren biltegia erabiltzen ahal dugu edo .apk instalazio-fitxategia deskargatu eta instalatu.

 

eu.dict euskal hitzen bilduma edo hiztegia Heliboard-en kargatu:

• Deskargatu eu.dict fitxategia.
• Ireki Heliboard-en ezarpenak, eta bertan: desmarkatu 'Erabili sistemaren hizkuntzak' eta markatu euskara (Espainia).
  
  
  
  

• Irekiko den leihatilan sakatu + Dictionaries eta arakatu deskargatu berri duzun eu.dict. Anysoftkeyboard wordlist agertuko da.
  
  
  

Uste dut behin instalatuta Heliboard lehenetsitako teklatu gisa ezartzen dela, bestela zeuk ezar dezakezu Androiden ezarpenetan > Hizkuntza eta idazketa > Uneko teklatua. Heliboard badago, ondo, bestela bertan klikatu eta aukeratu. 

Hemendik aurrera teklatuan idazten duzunean eu.dict-eko hitzen zerrendakoak proposatuko dizu eta zeuk tekleatutako hitz berriekin osatuko du.

Oharrak:

• Hona hemen zer metodo erabili den AniSoftKeyboard teklatuko eu.dict fitxategia Heliboard formatura egokitzeko:

Horretarako, batetik, https://github.com/AnySoftKeyboard/LanguagePack/blob/Basque/dictionary/eu_wordlist.xml fitxategian oinarritu naiz. Bestetik, https://gist.github.com/yshalsager/014f20d3666153febdd8a7c5ed568cc7 pausoak jarraitu ditut, moldatuta.

Moldatutako Python kodea hau izan da:
from xml.etree import ElementTree as etree
from pathlib import Path
from datetime import datetime

file = Path("eu_wordlist.xml")


def xml_to_aosp(lang, locale, description, date, version):
    tree = etree.parse(file)
    root = tree.getroot()
    aosp_wordlist = f"dictionary=anysoftkeyboard:{lang},locale={locale},description={description},date={date},version={version}\n"
    elements = root.findall(".//w")
    for element in elements:
        freq = element.get("f")
        word = element.text
        aosp_wordlist += " word={},f={}\n".format(word, freq)

    Path(f"aosp_wordlist_{lang}.txt").write_text(aosp_wordlist)

xml_to_aosp("eu", "eu", "Basque wordlist", datetime.now().timestamp(), 18)

• Euskararen hiztegia (eu.dict) AOSP (Android Open Source Project) proiektuko aplikazioen hiztegiak eta hitzen zerrendak biltzen dituen Codeberg.org biltegira igota, baliteke Heliboard-en hurrengo bertsioan euskara hiztegia integratuta etortzea.
  

QuickWeather: Androiderako eguraldi aplikazio libre, arina eta euskalduna.

 Androidetan uneko eguraldia eta iragarpenak erakusteko aplikazio asko dago. Niri QuickWeather gustatzen zait arina, garbia, libre eta orain, 2.5.7 bertsiotik aurrera euskalduna delako.

Ezaugarri nagusiak:

• Pantaila osoko radarra
• Uneko eguraldia, Tenperatura, Prezipitazioak, Haizearen abiadura, Hezetasuna, Presioa, Ihintz-puntua
• Tenperatura eta Prezipitazioen grafikoa
• Eguraldiaren alerta jakinarazpenak
• Orduko Tenperatura eta Prezipitazioa (48 ordu)
• 3 orduko tenperatura eta prezipitazioa (5 egun)
• Kokapen bat baino gehiago ezar daitezke
      

 

Aplikazioaren ikuspegi orokorra non ikus daiteke uneko egoera, grafikoan tenperatura eta prezipitazioaren grafikoa, hodeitzaren radarra eta iragarpenak.

Ezarpenetako pantailetan kokapenak, itxura eta parametroak zehaztu daitezke.

Instalatu daiteke Fdroid-etik edo Google Play-tik.

Ikusi Librezalen Androiderako euskaraz dauden beste hainbat aplikazio.

Librera: mota guztietako dokumentuak irakurtzeko aplikazioa Androiden

 PDF, EPUB, ODT, DOC, MOBI, DjVu, FB2, TXT, RTF, AZW, AZW3, HTML, CBZ, CBR eta formatu gehiago dira Librera aplikazioak irakurtzen dituenak. 

Hori da bere ezaugarri nagusia: aplikazio bakarra edozein dokumentu irekitzeko.

Beste ezaugarriak:

• Azkar irekitzen ditu dokumentuak.
• Pantaila behin sakatuta laguntza panelak ezkutatzen dira (eta ageri).
• Ikuspegi argia eta iluna.
• Dokumentuak bilatu eta Liburutegian erakusten ditu (Liburutegiaren ezarpenetan zehazten ahal zaio zeintzuk karpetetan eta zer formatu bilatu).
• Dena konfiguratu daiteke.
• Libre eta euskalduna (8.9.58 bertsiotik)

 

Aplikazioaren webgunea: https://librera.mobi/es

Aplikazioa Androiderako da eta deskargatu daiteke Fdroid edo Google Play-tik

Ikusi Librezalen Androiderako euskaraz dauden beste hainbat aplikazio.

PDF Arranger aplikazioa 1.10.0-1 bertsiotik aurrera euskaraz dago.

Uztailan argitaratu dute PDF Arranger aplikazioaren 1.10.0-1bertsioa eta berritasun azpimarragarria dakar: euskaraz dago. 

 PDF Arranger python-gtk lengoaian garatutako aplikazio arin bat da, erabiltzaileari PDF dokumentuak batu edo zatitu eta orriak biratu, moztu eta berrantolatzen laguntzen diona, interfaze grafiko interaktibo eta intuitiboa erabiliz. 

Aplikazioa Linux eta Windowsen funtzionatzen du, baina 1.10.0-1 bertsioa oraindik ezegonkor fasean dago eta linuxerako deb eta tar.xz eta Windows-erako dsc formatuan dago eskuragarri web honetan: 

https://launchpad.net/ubuntu/+source/pdfarranger

Debian, Ubuntu, Linux Minten... instalatzeko deskargatutako fitxategian klik bikoitza egin edo deskarga egin duzun karpetan terminala ireki eta:

sudo gdebi pdfarranger_1.10.0-1_all.deb

Aurreko mezu batean azaldu nuen nola sortu daitezke inprimatzeko paperezko liburuxkak aplikazio honen bidez.

 

Bidankozeko Mariano Mendigatxa Resurrección Mª Azkueri gutunak (1902-1916) epub formatuan

 Vidangoz.com webgunetik ekarria:

Mariano Saturnino Mendigatxa Ornat (1832-1918)

Mariano Mendigatxa Louis-Lucien Bonaparte printzearen laguntzailea izan zen Erronkariko Uskararen ikerketan. Bidankozen jaioa eta nekazaria ogibidez, hizkuntzarekiko berezko trebezia zuen. Herriko eskolarena bestelako formakuntzarik ez izan arren, oso ongi hitz egiten zuen uskaraz eta idazteko eta bere ama-hizkuntzera itzulpenak egiteko erraztasuna zuen. Horrela egin zuen “Salmo quincuagésimo“rekin eta “Orreaga” baladarekin. Azken hau Arturo Kanpionentzat itzuli zuen eta 1878an Euskara Aldizkarian argitaratu zen ( 74. eta 75. orrialdeak).

25 urte zituenean Bonaparte ezagutu zuen, euskararen lurraldera honek egin zuen 3. bidaian Bidankozera iritsi zenean. 1867am, printzeak gerora bere laguntzaile izango zirenei deitu zien Donibane Lohitzunera. Hara joan zen Mendigatxa mando baten gainean. Bonaparte hil ondoren, bidankoztarrak Resurreccion Maria Azkue ikerlariarekin jarri zen harremanetan, eta berarekin lanean ibili ze 1902tik 1916ra, garai horretan hainbat eskutitza helaraziz, non beste kontuen artean, hainbat ipuin, esaera-zahar eta abesti aurki ditzakegu, balio kalkulaezineko lekukotasunak izanik. Eskutitzetan Bidankozeko bizimodu, istorio, legenda eta ohituren berri ematen du.

Erronkarierazko bere eskutitzak “Fontes Linguae Vasconum” aldizkariko 43. zenbakian, Jose Estornes Lasak itzulita 1984an argitaratu ziren, eta aurretik “Euskara” aldizkarian Alfonso Irigoyenek en 1957an eta Faustino de Zeriok 1961ean.

 Fontes Linguae Vasconum-en loturan gutunak PDF formatuan daude. Liburu digitalean hobeto irakurri ahal izateko EPUB formatura bihurtu ditut. Deskargatzeko:

Mariano Mendigatxa Azkueri gutunak 1902-1916.epub

Organic Maps kale, mendi eta errepidetako mapak euskaraz eta libre mugikorrean

 Organic Maps mugikorrean edo tabletan (Android, iOS...) OpenStreetMaps-en (OSM-en) mapak ikusteko eta erabiltzeko aplikazio libre eta euskaldun interesgarria da.

Ezaugarri orokorrak:

• Interneteko konexiorik gabe funtzionatzen du. Mapak deskargatzen dira OSMtik doan eta mugarik gabe. Mapek ez dute askorik pisatzen eta, ezarpenetan zehaztuta, SD txartelean gorde daitezke. Arinak bai baina datuz ondo hornituak: interesguneetan klikatu, beheko barra goratu eta interesgunearen informazioa agertzen da: webgunea, telefonoa, ordutegiak eta Wikipedia informazioa ingelesez. Hau dena konexiorik gabe eta segituan.
  
• Bilaketak ere konexiorik gabe egiten ditu, kale edo terminoaren bidez zein kategoriaren bidez: jatetxe, janari-denda, gasolindegia... 
• Tokia zehaztuta handik edo horra joateko ibilbidea kalkulatzen du ibilgailuz, oinez zein bizikletaz, eta bidearen maldaren profila erakusten du. Tarteko hiru puntu edo geldiune zehaztu daitezke. Garraio publikoa oraindik ez du eskaintzen. Ahots argibideak ingelesez ematen ditu (euskarazko TTS erabiltzen ez dut asmatu). Metroen lineak erakusten ahal ditu geruza baten bidez.
  
• Mendian oso ondo dabil. Oinez egiteko mendiko zidorrak proposatzen ditu (OSMri esker) eta mapari sestra kurbak erakusteko agintzen ahal zaio. Hori bai etengabe birkalkulatzen du bidea, beraz, ibilbide zehatz bat egin nahi badugu hobe Wikiloc edo antzeko gunetik deskargatu eta ireki KML edo GPX formatuan. Leku-markak sortu eta esportatu daitezke, arrastoak momentuz soilik iOSen.
  
• Oso arina izanik ere, eraikinen 3Dtan eta perspektiban ikusten dira. Arina izanik oso bateria kontsumo txikia du.
• Software librekoa da eta, horregatik, euskaraz funtzionatzen du.
• Eta horregatik ere zaintzen du erabiltzailearen pribatutasuna. Ez da erregistratu behar, ez du daturik zurrupatzen eta ez du publizitaterik.
   

Hainbat pantaila argazki:

Toki bat sakatuta eskaintzen dituen aukerak

 

Ibilbideak kalkulatzeko aukerak. Tarteko puntuak ere markatu daitezke.

Ezarpenak: egokiak eta ondo azalduta

Mendiko ibilbideak kargatu daitezke. Sestra marrek malden informazioa ematen dute.

Metroaren ibilbideak eta geltokiak geruza gisa ikus daitezke.

Kategorien bidezko bilaketek turismo, iturriak eta bestelako interesguneak erakusten dituzte.

Instalazioa

AppStore, Google Play, FDroid, Huawei AppGallery biltegietatik 

Behin instalatuta munduko eta zauden komunitateko mapa deskargatzea proposatuko dizu. Baldin eta SD txartela baduzu, maparik deskargatu aurretik ezarpenetan mapak SD txartelean gordetzeko esatea komeni da. Toki bat bilatzeko edo harako bidea erakusteko bertako barrutiko mapa deskargatu behar duzu. Komeni da wifia edo konexio ona duzun toki batean egitea. Behin mapak deskargatuta funtzionatzeko ez du konexiorik behar.

Erabilpen oharrak:

• Pantailaren beheko aldeko hiru botoiak zuriak ditu eta ez dira ondo ikusten baina egon badaude.
• Euskarazko testuetan akatsik antzemanez gero mezu honen iruzkinetan jartzen ahal duzu abisua eta saiatuko naiz zuzentzen.

 

Konklusioa:

Aplikazio pribatiboen aldean (Organic Maps MapsMe-ren fork edo aldaera bat da) oso arina da eta ez du aztarnaririk ez publizitaterik. Osorik euskaraz dago.

Mapen aplikazio libre nagusia den OsmAnd-en aldean Organic Maps arinagoa da, interfazea atseginagoa du eta, funtzionalitate gutxiago izanik, nagusiak baditu eta errazagoa da erabiltzen.

Autoan erabiltzeko nik Waze pribatiboa segituko dut erabiltzen, besteak beste euskaraz ematen dituelako ahots argibideak. 

Aplikazioaren webgunea (euskaraz)

https://organicmaps.app/eu/ 

 

Ikusi Librezalen Androiderako euskaraz dauden beste hainbat aplikazio.

 

Hika edo hitanoren aditz batuaren forma erabilienen liburuxka

 Lagunarteko hizketan erabiltzen den adizkera alokutiboaren forma erabilienak biltzen duen sakelako PDF liburuxka ekarri dut hona. Hitano batuaren aditz laguntzaile zein trinko usuenak biltzen dira DIN A4 formatuko lau orrialdetan bi aldetatik inprimatzeko eta, ondoren, tolestu eta poltsikorako DIN A5 tamainako txuleta-liburuxka.

 

Hika_aditza_liburuxka.pdf

Dokumentu hau egiteko Xabier Azkue Ibarbiaren Hitanoa Zumaian liburu interesgarria erabili dut batuaren forma erabilienak biltzeko. Liburu honen lehenengo zatia Zumaiako hitanoari buruzko ikerketa jasotzen du (pdf).

Hika aditza batuaren dokumentu osoago bat bilatzen baduzu Euskaltzaindiak argitaratutako Adizki alokutiboak (hikako moldea) deskarga dezakezu (pdf).

Eta txuleta begiratu ondoren ariketak egin nahi baduzu mugikorrerako Appa Hi! aplikazioa gomendatzen dizut. Oso ona.

Liburuxka egiteko PDF Arranger aplikazioa erabili dut.

Burbunak eta Etsayak dokumentala ikusgai

 Hernani inguruko jendeak zuhaitzak, landare, lore, hegazti, arrain, ugaztun, narrasti eta abarrak nola izendatzen dituen eta haiekin zer harremana duten erakusten digun dokumental zoragarria da Burbunak eta Etsayak. Dobera Euskara Elkarteak eta Aranzadi Zientzia Elkarteak bultzatu dute proiektua eta Joxean Ruiz eta Jon Mari Beasain aritu dira irudi eta post-produkzioan eta Iñaki Sanz-Azkue eta Eñaut Agirre burutu dute gidoia eta elkarrizketak.

Dokumentalak flora eta fauna corpus zabala eskaintzeaz gain Hernaniko euskararen edertasuna eta jendearen izaera goxoa ere erakusten du.

Dokumentala esteka honetan ikus daiteke eta Argia Multimedian ere badago beste material interesgarriekin batera.

Eskerrik asko proiektu honetan parte hartu eta bultzatu duzun guztioi.

Crow Translate testuak itzultzeko aplikazio arina eta adimentsua

 Ulertzen ez duzun testu bat euskarara -edo beste hizkuntzara- itzultzeko edo euskarazko testu bat erdararen batean emateko hainbat web orri erabiltzen dira. Crow Translatek, ordea, aplikazio baten bidez itzultzea proposatzen du, eta hain da arina sistemaren abioan jartzen baduzu, edozein aplikazioan zaudela, nabigatzailea, pdf irakurgailuan, testu prozesadorean zaudela, martxan jarri (Ctrl+Alt+E) eta segituan eskainiko dizu nahi duzun itzulpena.

 

Ezaugarriak

• 
  Google Translate, Yandex, Bing, Libre Translate -euskaraz ezin- edo Lingva -software librekoa- bidez itzultzen du.
• 125 hizkuntza onartzen ditu.
  
• Memoria kontsumo oso txikia (~20MB).
• GNU/Linux eta Windowserako bertsioak ditu. 
  

 Instalazioa

 Ubuntu, Linux Mint eta deribatuetan PPA bidez instalatu daiteke terminalean agindu hauek hurrenez hurren exekutatuta:

sudo add-apt-repository ppa:jonmagon/crow-translate
sudo apt update
sudo apt install crow-translate

Bestela Deb paketea deskargatu daiteke bere Github Releases orritik.

GNU/Linuxeko bestelako distribuzioetan edo Windowsen instalatzeko kontsultatu proiektuaren web-orria.

 KDE ez diren ingurunetan aplikazioaren ikonoak ikusi ahal izateko zure ordenagailuan Qt konfiguratzeko qt5ct aplikazioa abiatu behar duzu eta -pazientziarekin-  eta Icon Theme fitxan zure sisteman erabiltzen duzun mahaigaineko gaia edo antzekoa hautatu behar duzu.

Konfigurazioa eta erabilpena

Behin martxan jarrita eta ikonoak ikusgai ezarpenak konfiguratzeko beheko barran engranajearen ikonoa klikatu eta horrelako leihoa irekiko da:

 Fitxa hauetan hainbat parametro konfigura daitezke. Nire aholkua da aktibatzea abioan martxan jartzea, minimizatua eta ikono bat jarrita sistemaren erretiluan (irudiko azken hiru kontrol laukiak markatzea alegia). Hartara zure saioan sartzen zarenean isil-isilik martxan jarriko da eta itzuli nahi duzun testua hautatu eta Ctrl+Alt+E egiten baduzu di-da batean itzuliko dizu. RAM kontsumo txikia duenez eta azkar irekitzen denez merezi du.

 

Itzulpena kopiatu (kopiatzeko ikonoa sakatuta), behar duzun tokian itsatsi, beharrezkoak diren zuzenketak edo egokitzapenak egin. Leihoa itxi lasai.

Hizkuntzen barran editatzeko arkatza sakatuta jatorrizko eta helburu gisa gehien erabiliko dituzun hizkuntzak hautatu daitezke.

Aplikazioaren euskaratzea

2023ko uztailean 2.10.6 bertsioarekin aplikazioa euskaraz instalatzen da.

Linuxerako aplikazio interesgarri gehiago.

 

 

CryptPad elkarlanerako suitea euskaraz

CryptPad 4.13.0 bertsiotik euskaraz dago. 

Cryptpad elkarlanerako sortutako dokumentuen ediziorako suite bat da, Google Docs edo Office365en tankerakoa. Hauekiko diferentzia da CryptPad-ek software libreko online aplikazioak erabiltzen dituela.

Cryptpad-ek duen beste ezaugarri garrantzitsu bat da muturretik muturrerako zifratzea erabiltzen duela eta horri esker bai saretik bidaltzen dugun informazioa bai urrutiko zerbitzarietan gordetzen duguna zifratuta dagoela. Beraz, erabat konfidentziala da.

Jatorrizko CryptPad cryptpad.fr da eta zerbitzua izena emanda edo gabe erabili daiteke. Edozein kasutan ez digute informazio pertsonalik eskatuko. Cryptpad.fr, Frantziako eta Europako Batasunaren administrazioen laguntza du.

Izena eman gabe erabiltzen baduzu dokumentuak zerbitzaritik ezabatzen dira aktibitaterik gabe 90 egun egon ondoren. Edozein kasutan, tarte horretan zehar zure ordenagailura deskargatzen ahal duzu. 

Izena ematen baduzu cryptpad.fr zerbitzariak 1GBko hodei bat eskaintzen dizu -pandemia dela eta beste abisu bat jaso arte-. Sortzen dituzun dokumentuak eta ordenagailutik kargatzen dituzunak bertan gorde dezakezu denbora mugarik gabe eta gailu desberdinetatik atzitu ditzakezu. Espazio gehiago behar baduzu zure hodeian hileko 5 eta 15€ arteko planak dituzte. Cryptpad.fr webgunean kontsulatu daitezke modalitateak.

Cryptpad software libreko paketea denez beste enpresa eta elkarteek ere euren zerbitzarietan instalatu eta eskaintzen dute, besteak beste Disroot.org elkarteak (https://cryptpad.disroot.org/) -une honetan 4.12 bertsioa dute-.

Aplikazioak

Cryptpad suiteak enkriptatutako komunikazioa eta biltegiratzea eskaintzen du baina beste batzuen software librea ere erabiltzen du. Elkarlanerako eskaintzen dituen aplikazioak hauek dira:

• Testu aberastuko prozesadorea (Etherpad-en aldean irudiak eta taulak ditu)
• Kalkulu orria. OnlyOffice-rena erabiltzen du -oraindik euskaratu gabe-.
• Kanban taulak (Trello estiloan)
  
• Kode editorea
• Inkestak egiteko inprimakia
• Arbela
• Markdown diapositibak
  

eta izena ematen dutenentzat

• CriptDrive hodeia sortutako dokumentuak zein igotakoak gordetzeko. 

 

Dokumentu guztiek dute elkarlanerako edizioa. Eskuin aldean ikusten dira parte-hartzaileen izenak eta txata du. Parte hartzaile bakoitzak gehitutako testua kolore batez identifikatzen da. 

Testu aberastua: ezkerrean fitxategi-aukerak eta eskuinean erabiltzaileen zerrenda.

Dokumentuei iraungitze data jartzen ahal zaie (izena emana baduzu dokumentuaren kopia bat geratuko da zure Drivean).

Dokumentuak partekatzen ahal dira esteka bidez ikusteko edota editatzeko. Dokumentuari jar dakioke pasahitz bat kontrolatzeko nor ikusi edo editatzen duen. Partekatze zerrenda sortzen baduzu bakarrik zerrendakoek erabili ahal izango dute. 

CryptDrive-n karpetak eta karpeta partekatuak sor daitezke.

Cryptpad.fr webgunean (edo dagoeneko 4.13 bertsioa inplementatuta duen beste instantzia batean) izena emana baduzu baina interfazea erdaraz agertzen bazaizu goiko ezker aldean agertzen den zure profilaren izenean klik egin eta  Ezarpenak (Settings) aukeratu...

... eta Hizkuntza (Language) atalean Euskara aukeratu. Automatikoki interfazea euskaraz agertuko zaizu.

Nola jarri euskaraz zure Rainloop webposta

Rainloop software libreko webmail bat da, alegia web bidezko posta bezeroa eta hainbat zerbitzu emailek erabiltzen dute, besteak beste disroot.org.

Rainloop 1.06.0 bertsiotik aurrera euskaraz dago baina nabigatzaileek ez dute detektatzen hizkuntza eta ingelesez agertzen da. 

Rainloop erabiltzen baduzu eta euskaraz jarri nahi baduzu hizkuntza konfiguratu behar duzu. Horretarako webpostan zaudela Rainloop-en ezarpenetara jo behar duzu. Bi tokitatik egin daiteke engranajea klikatuta:

Ezarpenetan zaudela General atalera jo behar duzu, eta bertan Language atalean klikatu:

Euskara hautatzeko Basque klikatu:

Eta hortik aurrera interfazea euskaraz izango duzu. Atzera tekla klikatu eta prest dago.

Krita euskaraz

 Krita KDE inguruneko diseinu grafikoko aplikazioa da. Oso interesgarria eskaintzen dituen posibilitateengatik, haien artean azpimarratzeko modukoa da konbinatzen dituela raster edo bitmap geruzak eta geruza bektorialak.

 Aplikazioa Linux eta Windowserako bertsioak ditu. Ia erabat euskaratuta badago ere, Linuxen ohiko instalazioa nahiko bertsio zaharra instalatzen du eta termino gehienak ingelesez.  Ikus dezagun nola instalatu azkenetariko bertsioa eta goitik behera euskaraz.

Ubuntu, Linux Mint edo deribatuak erabiltzen baduzu ireki terminala (Ctrl+Alt+t) eta itsatsi eta sartu, hurrenez hurren, agindu hauek:

sudo add-apt-repository ppa:kritalime/ppa
sudo apt-get update
sudo apt-get install krita krita-l10n

Hori eginda, mezu hau idazteko unean Krita 4.4.3 instalatzen da. Ikusten baduzu programa erdizka ingelesez agertzen dela, horrek esan nahi du hizkuntza paketea zaharkituta dagoela. Pakete hori berritzeko ireki synaptic aplikazioa (instalatuta ez baduzu sudo apt install synaptic egin) eta krita-l10n hizkuntza paketea berritzeko eskatu:

hizkuntza paketea 1.4.2.9tik 3.4.4.3-2ra berritzen

Subtitle Editor euskaraz

 Probatu dut Subtitle Editor azpitituluen editorea eta oso interesgarria iruditu zait.

 Ezaugarriak

•  GTK+3n egina GNU/Linuxen funtzionatzen du.
  
• Bereziki diseinatuta azpitituluak ondo sinkronizatzeko. Integratzen dut bideo-erreproduzigailua eta soinu-uhinak erakusten ditu.
• Soinu erreproduzigailuan azpitituluak ikusten dira. 
• Erroreak atzematen ditu.
• Sinkronizazio tresnak ditu. Azpitituluak zatitu eta batu ditzake.
• Azpitituluak itzultzeko erabili daiteke.
• Azpititulu formatu askotara esportatu daiteke.

 

Pantaila-argazkia 

Instalazioa

Debian, Ubuntu eta deribatuetan terminala ireki (Ctrl+Alt+t) eta agindu hau itsatsi:

sudo apt install subtitleeditor

Euskaraz jartzea

Lokalizazioa egina dago eta hurrengo eguneraketa, seguru aski, euskaraz egongo da baina orain dagoen bertsioa 0.54.0 euskaraz erabili nahi baduzu deskargatu dezakezu subtitleeditor.mo fitxategia, ireki terminala fitxategia duzun karpetan eta agindu hau itsatsi:

sudo cp subtitleeditor.mo /usr/share/locale/eu/LC_MESSAGES/

Erabilera

Ikastetxeei erreparatuta, bi erabilera nagusi bururatzen zaizkit:

• Filma, dokumental edo bestelako bideoren azpitituluak eskuratu -hainbat bilduma daude- zatitu, banatu, euskaratu, batu, zuzendu eta azpitituluak.eus webgunera kargatu. Praktika honekin itzulpena lantzen da.
• Filma, dokumental edo bideoa baten fitxategia eskuratu eta haren azpitituluak sortu. Praktika honekin lantzen da gehien bat transkripzioa, alegia hizketatik testura pasatzea (irakurketaren alderantzizko prozedura). Euskarazko bideo fitxategiak lortzeko hainbat bide daude, besteak beste: 
• ETB Zinema-euskaraz
• ETB Nahieran. Bi kasu hauetan URL kopiatu eta Descargarvideos.tv webgunean itsatsita deskargatu daitezke fitxategiak. 
• Euskal Encoding
• Ahotsak.eus
• Argia multimedia 

Landu daitezke euskalkiak, kale-hizkuntza edo erregistro informalak...  

Bideo tutorial honetan ikusi daiteke aplikazioaren oinarrizko erabilera:

Sweet Home 3D euskaraz

Sweet Home 3D etxeak eta bestelako lokalak diseinatzeko aplikazio libre, plataforma anitza, sinple eta atsegina da.

Erabiltzeko modua oso erraza da. Gela edo etxea 2D plano batean diseinatzen da eta aplikazioak automatikoki 3D itxura erakusten du beheko leiho batean.

Ordena logikoa izaten da zorua marraztea, kontuan izanik saretaren karratu handiek metro bat dutela, ondoren hormak, gero ateak eta leihoak, eta bukatzeko berogailuak, altzariak, objektuak, argiak, landareak eta etxetik kanpokoak katalogotik hartu eta 2D planora arrastatuko ditugu.

Elementuak mugitu eta biratu daitezke, eta klik bikoitza eginda agertzen den koadroan bere neurriak, testurak, distirak eta abar zehaztu daitezke.

Etxeak solairu bat baino gehiago badu behar dituenak joango gara gehitzen eta osatzen.

Internetetik kargatu daitezke etxe modeloak eta altzari eta osagarrien bildumak.

Behin etxea prest dagoenean nahi dugun ikuspuntutik argazkiak ateratzen ahal ditugu edota bideoa grabatu markatu dezakegun ibilbide baten zehar.

Bideo honetan aplikazioaren hornitzaileak laburbiltzen du etxea osatzeko prozesua.

Aplikazioa Linux, Windows eta Mac-en erabili daitezke. Hemen dago deskargatzeko web orria: https://www.sweethome3d.com/download.jsp

Debian, Ubuntu eta deribatuetan instalatu daiteke terminalean agindu hau itsatsita:

sudo apt install sweethome3d

Instalatzean aplikazioa erdaraz agertuko da -ingelesez sistema euskaraz baduzu-. Euskaraz jartzeko urrats hauek eman behar dituzu:

S

1. Joan aplikazioaren Itzulpenen orrira eta deskargatu "Other translation supported" atalean dagoen Euskara fitxategia (bertako estekan klik egiten baduzu deskargatuko da ere).
   
   
   
   
2. Sistemak proposatuko dizu deskargatu berri duzun basque-6.4.sh3l fitxategia SweetHome3D aplikazioaren bidez irekitzea.

    Ados klikatu onartzeko eta aplikazioa hemendik aurrera euskaraz azalduko da.
 

 

Erabilera ikastetxeetan.

Aplikazioa hau oso interesgarria da lehen hezkuntzatik hasita, institutu eta unibertsitateraino. 

Hain da erraza ez dela ezagutza teknikorik behar. Gazte gaztetatik erabili daiteke. Esate baterako, ikasleei eskatzen ahal zaie bere logelako planoa paper koadrikulatuan marraztea -neurriak hartuta bada hainbat hobe- eta gero, irakaslearen laguntzaz, ordenagailuan diseinatu. Tresna ederra neurriak, eskalak eta matematika orokorrean lantzeko, baita kolorea, diseinua, testurak, argiak eta abar. 

Bereziki interesgarria da, behin oinarrizko erabilera kontrolatzen dutenean, haiek sortzea gogoko logelak, etxeak, lokalak, ikasgelak eta abar.

 

Sweet Home 3D Luberri sisteman integratuta dago eta haren hurrengo bertsioan, noski, euskaraz mintzatuko da. Baina zuk aplikazioa instalatuta baduzu ez duzu itxaron behar, hizkuntza-paketea deskargatu eta inplementatu.

Linuxeko beste aplikazioak kontsultatu ditzakezu.

UEMA: hizkuntza paisaia kartelez aberazten

UEMA erakundeak, Udal Euskaldunen Mankomunitateak, merkataritzaren, ostalaritzaren eta, oro har, zerbitzuen sektorearen hizkuntza paisaia kartelen bidez aberasteko zerbitzuari bultzada emateko ekimena abiatu du.

Ekimena aurkezteko bideo hau eta web orrian jarri duten kartelen erakusketa prestatu dute:

uema.eus/kartelak/

Merkatarientzat ez ezik eskoletarako ere material interesgarria bada, ikasleekin esate baterako janarien hiztegia lantzeko janarien inguruko kartelen bidez.

Bide batez janarien diaporama edo diapositiba pase horrek aukera ematen digu bururatzeko H5Pren slider jarduera interaktiboak, Moodleen  zer aukerak eskaintzen dituen.

Eskerrik asko UEMAri kanpainagatik eta prestatutako materialagatik.

 

 

Oharra irakasleentzat:

Gelan bideoa astiro ikusteko youtubek engranajea sakatuta bideoaren erreprodukzio abiadura kontrolatzeko aukera ematen dizu. Bestela deskarga dezakezu eta VLC ikustailearen bidez ere kontrola dezakezu erreprodukzio abiadura.

FreeCAD 0.17 euskaraz

Hilabeteak dira Asier Sarasuak beste librezaleen laguntzarekin FreeCAD 3D diseinuko programaren euskaratzea burutu zuela baina 0.17 bertsioa kaleratu den arte itxaron behar dugu berau disfrutatzeko.

FreeCAD, Blender bezala, boladan dago besteak beste haren bidez diseinatutako piezak, behin zatitzaile edo slicer softwarearen bidez prozesatu ondoren, hiru dimentsiotan inprimatzen ahal direlako.

Lokalizazio lan honek garrantzia handia du kate asko dituelako eta orain arte gutxi jorratutako esparru bat hartu duelako. Zentzu horretan Asierrek esan duen bezala inportantea da aplikazio hau erabiltzen duzuenok lokalizazioaren kritika eta ekarpenak egitea. Kontuan izan lokalizazio hauek egitean normalean testu inguru zehatza ez dela ikusten eta horretan ibili direnak ez direla adituak materian.

FreeCAD plataforma nagusietan funtzionatzen du. Instalatzeko hemendik deskarga daiteke. Debian, Ubuntu eta deribatuentzat instalatzeko (edo, instalatuta baduzu 0.17ra eguneratzeko) metodorik hoberena terminala da. Bertan hurrenez hurren agindu hauek exekuta itzazu:

sudo add-apt-repository ppa:freecad-maintainers/freecad-stable sudo apt-get update sudo apt-get install freecad

Canva.com orain euskaraz

Canva.com aldizkariak, aurkezpenak, posterrak, infografiak, gonbidapenak, menuak, logotipoak, bannerrak, portadak, diapositiba aurkezpenak eta abar diseinatzen laguntza  ematen duen web zerbitzua da.

Orain euskaraz jar daiteke interfazea. Ikus dezagun nola:

1. Oraindik egin ez baduzu, erregistratu behar duzu. Bertsio arrunta doakoa da Bertsio-berritu botoia sakatzen baduzu 30 egunez probatzen ahal duzu pagoko bertsioa.
2. Ezarpenak aldatzeko ezkerreko panelaren goiko aldean agertzen da erabiltzaile izena eta, haren ondoan, ezarpenak aldatzeko hiruki txikia.
   
3. Ezarpenetan Language aukerak zabaldu eta Basque klikatu. Gorde ezarpenak (Save) eta segundo pare batean interfazea euskaraz izango dugu.

Hortik aurrera, jardunera. Fondoa izango da zure kezka, forma ez.

Diseinu-txantiloiak, argazkiak, irudiak, formak... letra mota ugari, atzeko planoak... eskaintzen ditu zuriaren gainean hasteko edo aurre-diseinatutako produktu bat aldatzeko.

Beste zerbitzu interesgarri bat euskaraz.

Hemen beste web-zerbitzu interesgarriak.

Nola jarri outlook.com posta eta OneDrive euskaraz

Microsoften outlook.com eta hari lotutako zerbitzu gehienak OneDrive, egutegia, kontaktuak, bulegoa online... euskaraz daude aspaldi.

Mezu honetan ikusiko dugu nola jarri euskaraz posta elektronikoaren bertsio berria edo Beta bertsioa eta Drive.

Posta elektronikoa (Beta bertsioa) euskaraz jartzeko ezarpenak biltzen dituen gurpil horzdunean klik egin eta ondoren Ver todas las configuraciones... eta bertan euskara hautatu eta gorde.

OneDrive euskaratzeko berriro ere ezarpenak adierazten duen gurpil horzdunean klikatu eta English edo dena delakoaren ordez Euskara hautatuko dugu.