Nola ikusi kml formatuko ibilbideak lineako Google Earth-en

Google-ek Earth aplikazioa lineara pasa du, aurrena soilik Chromerako baina orain Firefox-en ere badabil helbide honetan: https://earth.google.com

Offline aplikazioak dituen funtzionalitate guztiak ez baditu ere, adibidez denbora-lerroa, nahiko ongi funtzionatzen du, batez ere saguaren gurpiltxoa sakatuta egiten den nabigazioa.

Mezu honetan azalduko dut kml fitxategi bat Firefoxen -edo beste nagigatzailean- nola ikusi:

Suposatuko dugu kml fitxategia badugula, Wikiloc-etik deskargatuta edo.

a- Behin Firefoxen Earth ireki dugula, ezkerreko paneleko goiko aldean dagoen menua irekiko dugu eta bertan Settings edo ezarpenak. Ezarpenetan behera egingo dugu Turn on KML file import (aktibatu KML fitxategien inportazioa) ikusi arte eta aktibatuko dugu:

 b- kml fitxategia irekitzeko ezkerreko menuko azken aurrekoa den Projects (proiektuak) ireki eta bertan New project (proiektu berria) ireki eta bertan Import KML file from computer (inportatu KML fitxategia), fitxategia arakatu eta irekita nabigatzailea ibilbidera eramango gaitu.

Nola neurtu distantziak Google Maps-en

Google Earth-ek distantziak eta areak neurtzeko tresnak agerian ditu baina deus instalatu gabe nabigatzailetik distantzia bat neurtu behar baduzu Google Maps-en bidez egin daiteke. Aski da hasierako puntuan eskuin klik egin eta beste puntua markatu. Ibilbide baten distantzia kalkulatzeko bidearen puntuak markatu behar dira.

Nola esportatu arrasto, bide-puntu edo ibilbide bat Vinking aplikazioan

Viking GPS arrastoak, bide-puntuak edo ibilbideak ikuskatu, sortzeko eta editatzeko aplikazioa da, Linuxerako eta Windowserako bertsioak dituena, euskaraz.

Viking aplikazioak datuetarako formatu propioa du, vik formatua, baina formatu hori ez ohi dute onartzen GPS gailuek eta mota horretako aplikazioek. Hori dela eta garrantzitsua da jakitea nola esportatu Viking aplikazioan dugun datuak beste formatu batera.

Ibilbidea esportatzeko ezkerreko panelean ibilbidearen geruzan (ez arrastoan) eskuin klik egin > esportatu geruza eta bertan, besteak beste estandar den gpx eta Google Earthek erabiltzen duen kml esportatzeko aukera dugu. Bertan agertzen ez den formatu batera esportatzeko esportatu GpsBabel bidez hautatu eta karpeten azpiko Hautatu fitxategi-formatua klikatu eta bertan Compiz, Magellan, Ozi eta beste formatu mordo bat edukiko duzu aukeran.

Arrastoak, bide-puntuak eta ibilbideak esportatzeko prozedura

Viking dokumentazioa euskaraz.
Viking Linuxen instalatu.
Viking Windowseen instalatu.

Google Earth-en denbora lerroa

Google Earth-ek hegazkinetik eta satelitetik hartutako argazkiz osatzen du kartografia eta tarteka irudiak eguneratzen ditu.

Aplikazioan sartzen garenean zonaldeko dituen irudirik berrienak eskaintzen dizkigu baina baita ere irudi zaharrak ikusteko aukera. Irudi horiek ikusteko pantailaren ezkerreko beheko partean ikur baten ondoan agertzen da zona horretako argazki zaharrenaren urtea...

... eta bertan klik eginda goiko aldean agertzen den denbora lerroa erabiltzen ahal dugu zona bera garai desberdinetan ikusteko. Denbora lerro horretan marratxo bertikalez markatuta daude irudien berritzea eta lerro horretatik nabigatzen ikusten ahal dugu zonalde horrek izan duen bilakaera.

Ikus dezagun adibide bat: Oiartzungo Gurutze  auzoko Arkale harkaitzetan dagoen Beloagako gaztelua. Azkeneko bost urtean -gehien bat Nafarroako 1512ko konkistaren bostehungarren urteurrenerako- Josemari Iturrioz eta Beloaga bizirik taldeko beste kideek gazteluaren hondakinen gaineko zuhaitzak kendu eta sasiak garbitu eta horma zaharren oinarria berregiten ari dira.

Google Earth-ek aukera ematen digu ikusteko harkaitza begetazioz estalita eta 2012 eta 2015eko egoera hainbat garbiketa eta berreraikuntza lan eginak.

Hona hemen gaztelua eta proiektuaren gaineko informazioa:
Gazteluaren informazioa: https://sites.google.com/site/beloagagaztelua/
Proiektuaren informazioa: http://www.oiartzuarrak.org/Beloagabizirik

Paseo erraza bada ere oraindik ez dago seinaleztatua, beraz, hemen dago paseoaren ibilbidea gpx formatuan.
Gpx fitxategia GPSean kargatzen ahal duzu edo smartphonean Orux Maps edo Wikiloc app-rekin erabiltzeko. Ordenagailuan ikusteko Viking edo antzeko aplikazioa erabiltzen ahal duzu.

Nola konpondu Panoramio zerbitzuko argazkien arazoa 64 biteko Ubunturen gaineko Google Earth-en

64 biteko Ubuntu baduzu eta Google Earth-en Panoramio zerbitzuko argazkiak ikusi beharrean lauki zuri bat agertzen bazaizu, hona hemen nola konpo dezakezun, terminalean itsatsi hurrenez hurren agindu hauek:

sudo apt-get install libfreeimage3

cd /opt/google/earth/free

sudo wget https://googledrive.com/host/0B2F__nkihfiNalQzN0ZmcjBPTGs/ge7.1.1.1580-0.x86_64-new-qt-libs-debian7-ubuntu12.tar.xz

sudo tar xvf ge7.1.1.1580-0.x86_64-new-qt-libs-debian7-ubuntu12.tar.xz

sudo apt-get install gufw

Flash player seguru aski instalatuta duzu, bestela instalatu:

sudo apt-get install flashplugin-installer


Abiatu Google Earth eta probatu.

Google Earth ez du zerbitzariarekin konektatzen (konpondua)

Google Earth 7.1.2 instalatu dut eta ez zuen informaziorik deskargatzen zerbitzaritik; ondorioz, globoa bai, mugak eta izenak ere ikusten ziren baina dena hondo beltzaren gainean.

Konponbidea foro batean topatu dut. Zuri gauza bera gertatzen bazaizu hona hemen konponbidea: menu nagusian Tools > Options eta 3D View fitxan desmarkatu Compress elementua eta OK.

OK egitean zerbitzaritik irudiak deskargatzen hasiko da eta argia egin zen (komodios).

Google Earth-en "HTTP invalid request" errorea Ubuntu 12.04-n

Ubuntu 12.04 gaineko Google Earth-ek bilaketa bat egitean "HTTP invalid request" mezua bueltatzen badizu kontua da Google Earthe-ek libcurl libreriaren bertsio zahar bat proposatzen duela.

Arazoa konpontzeko libreria hori berrizendatu behar da zeren eta zahakitua gelditu da eta sistemarena erabili behar du. Horretarako administrazio baimenak dituen erabiltzaile batez terminalean hau exekutatu:

sudo mv /opt/google/earth/free/libcurl.so.4 /opt/google/earth/free/old.libcurl.so.4

Esaten badizu fitxategia ez duela topatzen (no such file or directory) proba ezazu beste lokalizazio honekin:

sudo mv /usr/lib/googleearth/libcurl.so.4 /usr/lib/googleearth/backup_libcurl.so.4

Honekin ere ez bada konpontzen beste aukera bat da Google Earth desintalatzea (Ubunturen software-zentrora joan, bilatu eta desintalatu) eta bertsio berriagoa deskargatu hemendik eta instalatu deskargatutako fitxategian klik bikoitza eginez.

Bide bat Google Maps-etik Earth-era eta GPS-ra

Google Maps ez da oso tresna egokia menditik ibiltzeko baina mendiko bizikletarako errepide eta pistak erabili daitezke. Ikus dezagun urratsez urrats nola sortu bide bat Maps-en, nola gorde bide hori .KML formatuan eta nola pasa Earth-era perfila ikusteko eta GPSra.

Has gaitezen Google Maps-ekin.

Demagun joan nahi dugula Oiartzungo Gurutze auzotik Aiako Harriaren ondoan dagoen Urdaburu mendira. Google izenaren azpian dagoen Get directions item-ean sakatuko dugu.

Bidearen abiapuntuan klik egin eta Directions from here sakatuko dugu.

Bidearen helmuga lokalizatu, eskuin klik egin eta Directions to here  sakatuko dugu.

Ondoren bidea bilatzeko eskatuko diogu abiapuntu eta helmuga azpiko Get directions urdinean sakatuta.

Bidea zehazteko hainbat aukera dugu: bidea egiteko modua -autoz, garraio publikoz, oinez, bizikletaz-; eta zehaztea dugu bitarteko hainbat puntu, azpiko bideoan ikus daitekeenez.


Behin bidez zehaztuta berau gordeko dugu.

Horretarako ezkerreko panelean bidearen zehaztasunen azpian letra urdinez agertzen den Save to My Maps klikatuko dugu. Izen aukeretan Create a new map... hautatu eta Save klikatuko dugu.

Une honetan ezker panela guztiz aldatzen da eta besteak beste KML aurera agertzen da. Sakatu eta bidea .KML formatuan eta izen egoki batez gordeko dugu.

Google Earth irekiko dugu eta File > Open egin eta gordetako kml fitxategia hautatuko  dugu. Automatiko bidea kargatuko da eta zoom egingo du bidera urbilduta. Bidearen gainean eskuin klik egin eta Show Elevation Profile klikatzen badugu bidearen profila ikusi ahal izango dugu.

Eskuin aldeko goiko iparorratzarekin jolastuz  3D ikuspegi egokiena lor dezakegu.

 

Bukatzeko gorde dugun .KML formatudun fitxategia GPSean erabili nahi badugu eta gure gailuak KML formatua onartzen ez badu formatu bihurtzaile bat erabili beharko dugu: Linux sisteman GPSBabel aplikazioa oso ondo dabil, bestela bere online bertsioa erabil dezakegu.

Bidea edo track editatu nahi badugu Google Maps-en bertan egin daiteke edo Linux-en Viking aplikazioa erabil dezakegu behin fitxategia GPX formatura bihurtuta eta OpenCycleMaps mapa libreak kargatuta.

Ubuntu: nola instalatu Google Earth

Google Earth lurra eta unibertsotik nabigatu eta mota guztietako informazioa biltzeko aukera ematen duen aplikazioa Ubuntun instalatzeko lehenik eta behin berak erabiltzen duen letra mota instalatzea komeni da, terminalean ondoko agindua itsatsi eta exekutatu:

sudo apt-get install lsb-core ttf-mscorefonts-installer

Ondoren Google Earth-en deskarga orrira joan eta zure sistema eta deskargatu 32 bitekoa. Ubuntun gaur egun (2014/12/11) 64 bitekoa ez dabil.

32 biteko Ubunturen kasuan nahikoa da jaitsitako fitxategiaren gainean klik bikoitza egin eta software biltegia arduratuko da instalazioa egiten.

64 biteko Ubuntun 32 biteko Google Earth erabili ahal izateko pakete batzuk instalatu behar dira terminalean honako agindu hau exekutatuta:

sudo apt-get install libfontconfig1:i386 libx11-6:i386 libxrender1:i386 libxext6:i386 libgl1-mesa-glx:i386 libglu1-mesa:i386 libglib2.0-0:i386 libsm6:i386

OHARRA
Exekutatzean titulua duen leihatila irekitzen bada baina bero aplikazioa ez bada abiatzen izan daiteke une horretan ez duzula azelerazio grafikoa martxan. Sistemaren ezarpenetan bilatu Kontrolatzaile gehigarriak eta instala ezazu txartel grafikoaren kontrolatzaile pribatiboa ea horrela, berrabiarazi ostean, martxan jartzen den.

San Sebastiango urbanismoa Google Earthen ikusgai

Ayuntamiento de San Sebastianek Google-i emandako datuekin hiritarrok, eraikin itxurosoenak hiru dimentsiotan ikusteaz gain, era erraz batean kontsulta ditzakegu hiriari buruzko urbanismo-plano mordo bat, hala nola energia, garraio eta komunikazio azpiegiturak, ur eta saneamendukoak eta lurraren kalifikazioak auzoka zehaztasun handi xamarrarekin.

Informazioa ikusi ahal izateko Google Earth instalatuta eduki behar da; informazio fitxategi bat internetetik deskargatu eta GE-ekin ireki, alboko barra aktibatuta (sidebar) tokien (places) informazioan Donostia-San Sebastian zabaldu eta azpiko menuan ikusi nahi dugun informazioa hautatuko dugu.

Eredugarria Etxezarretaren udal administrazioak erdaldunekin egin duen ahalegin informatiboa (datuen zesioaz eta eguneratzeaz zehaztasunetan sartu gabe). Ia euskaldunekin beste horrenbeste noiz egiten duten.

Azpiko irudian Antigua auzoko kalifikazio urbanistikoa.

Wikiloc webguneko bideak honez gero Google Earthen

Wikiloc bideak partekatzeko wiki bat da. 28.000tik gorako bide mundu osoan zehar. Horietatik asko Euskal Herrian. Gehienak oinez edo txirringaz egitekoak. Guneak ibilbidea erakusteaz gain, haren profila, denbora, desnibela eta argazkiak ematen ditu, baita GPSrako traka jaisteko aukera eman ere. Web orria euskaraz ez bazaizu agertu hizkuntza orriaren beheko aldean alda dezakezu.

Web honek ibilbideak Google Earthen ikusteko parada ematen du. Bada, orain, alderantziko bidea egin du Googlek, alegia, Google Earthen sartuta ezkerreko zutabeko kapak (layer) zonaldeko Gallery atalean Wikiloc aktibatzen badugu ikusi ahal izango ditugu bideen ikonoak -borobil zuriaren gainean oinezkoa, txirrindua, zaldia...-, eta bertan klikatuz gero Wikiloc-gunea irekiko da; bestetik Display GPS track on the map sakatzen badugu bidea mapan ikusiko dugu zehaztasun handiz.



Linuxerako bertsioan GPS ibilbideak ez dira ikusten. Errore hori konpontzeko egin klik hemen.