Korrika 23 ibaiez ibai

 23. Korrika Irunen hasi martxoaren 14ean eta Baionara 24ean iritsiko da. Haren ibilbidea aukera ematen du hainbat herritatik pasatzen diren ibaiak errepasatzeko eta H5P ariketa modalitate berria bat, Jolasaren mapa edo Game Map, probatzeko.

Erabiltzeko deskarga dezakezu htlm fitxategia (Korrika 23 ibaiez ibai.htlm) eta nabigatzailean kargatu edo, Moodle erabiltzeko aukera baduzu h5p fitxategia (Korrika 23 ibaiez ibai.h5p) deskarga dezakezu eta zure Moodlen txertatu. Azken hau aldatzeko aukera ere badago Moodlen edo Lumi-ren bidez.

Jolasteko klik egin behar da borobiltxo laranjan (ez dut asmatu Irunen hasten) eta, asmatu ondoren, aurrera egin.

Moodle 4.0 probagai Moodlecloud.com web orrian

 Aurtengo apiriletik 4.0 da Moodlen bertsio egonkorra eta EAEko Hezkuntza Sailak -tamalez- datorren 22/23 ikasturtean inplementatuko ez duela eman arren, probatu nahi baduzu Moodlecloud.com doako 45 eguneko probaldia eskaintzen dizu.

4.0 bertsio honek interfazean aldaketa handiak ekarri ditu, erabilgarritasuna nabarmen hobetuta. Ikusi berritasun nagusiak.

Orain, esate baterako menuaz gain blokeak ere tolesgarriak dira.

 

 Aipagarria, besteak beste, BigBlueButton plugin izatetik barne osagaia izatera pasa dela eta bera garatzen duen enpresak oinarrizko zerbitzua eskaintzen duela. Atentzioa eman dit, esate baterako, bilera-gela bat diseinatzean zer aukerak ematen dituen:

Nola egin soinu mapa bat H5P bidez.

 Soinu-mapatzat hartzen dut irudi bat non kokaleku zehatz batzuetan ikurrak daude eta ikur horietan sakatzean audio bat aktibatuko da.

Horrelakoak egiteko erabili daiteke H5P Moodlen zein Wordpress, Blackboard... plugin moduan instalatuta.

Moodlen egiteko jarduera berria sortuko dugu eta H5P eduki interaktiboa motako jarduera hautatuko dugu. Gutxi gora behera 51 jardueretatik Image Hotspots hautatuko dugu. Jarduera honetan mapa edo bestelako irudi batean hotspot edo puntu beroak kokatuko ditugu. Puntu bero horietan klikatuta testu bat eta irudi edo bideo bat irekiko da leihatila batean.

 Gure kasuan irudi eta audioa jarriko dugu. Audioa sortzen ahal dugu, esate baterako Audacity bidez grabatuta edo Interneten bilatzen ahal dugu Freesound.org edo antzeko gune batean. Behar ditugun audioak sortu edo deskargatu ondoren -normalean mp3 formatuan-, formatu horretatik mp4 formatura bihurtuko multzoan MP3 to MP4 online convert.com edo antzeko gune batean. Soinuaz gain irudiak ere jarri nahi baditugu Interneten bilatuko dugu.

Atzeko planoko mapa edo irudia eta toki beroen audio-bideoak eta irudiak ditugula H5Pn joango gara zehazten zein tokitan zer puntu beroa nahi dugun (izena, audio-bideoa eta irudia).

 Eta emaitza horrelako zerbait izan daiteke (Firefox-en sakatu "ireki gunea leiho berrian" eta goiko ezkerreko ikonoan pantaila osoan ikusteko):

 

Moodle 4.0 bertsioak itxuran berritasun handiak dakartza

2021 urtea bukatu baino lehen ikusiko du argia Moodle 4.0 bertsioak eta, besteak beste, itxuran eta nabigazioan hobekuntza nabarmenak ekarriko ditu. 

Hona hauetako batzuk:

Ezkerreko menu tolesgarrian elementu gehiegi elkartzen ziren: nabigazio orokorra, ikastaro barnekoa, gunearen administrazioa...  Ematen du ezkerreko menu hori bertsio honetan ikastaroaren barneko nabigaziorako erreserbatuko dela. Aurkibidean gaiak eta atazak ikusiko ditugu.

Ezkerreko menu tolesgarrian gaiaren aurkibidea

Goiko panelak jasoko du nabigazio orokorreko elementuak: Hasiera, Aginte panela, Nire ikastaroak eta Gunearen administrazioa. Edizioa aktibatzeko botoia ere panel horren ezkerrean kokatuko da. Kontuan izanda panel hori denbora guztian dagoela begi bistan aipatutako funtzioak eskuragarri egongo dira gora eta behera ibili gabe.

Goiko panelean gehitu da nabigazio orokorra eta edizioa aktibatzeko botoia

Ikastaro baten barnean gaudela, alegia gai batetik bestera pasatzeko, ezkerreko menutik egingo da. Ez dakit orain arteko gaien arteko ikastaro-formatuak  mantenduko diren: gaika, fitxak, lauzak... Badirudi zentsua galduko dutela. Orain ezkerreko menuan eta eskuineko goitik beherako menuan dauden hainbat elementu ikastaroaren panelera pasatuko dira:  Ezarpenak, Partaideak, Kalifikazioak, Txostenak, Galdera bankua eta beste.

Bestetik ezkerreko panela era finkoan betetzen zuten blokeak orain era tolesgarrian funtzionatuko dute, hartara menua eta blokeak tolestuta ikastaroak pantaila osoa hartuko du.

Era berean gaia tolesteko aukera ere badago.

Ikastaroko panelean ezarpenak eta kudeaketa tresnak

Ezkerreko menua ezezik blokeena ere tolestu daiteke.

Panel bat zabalik badago tolestuko da bestea zabaltzean.

Aktibitatearen panelak erakutsiko ditu orain ezkerreko engranajean dauden aukerak: Ezarpenak, Kalifikazio aurreratua, baimenak, erregistroak eta beste.

 

Laburpen hau bukatzeko aipatu behar da aktibitateen ikonoak aldatuko direla eta ikonoaz gain kolore bat izango dutela.

Eta aktibitateen hainbat datu, hala nola datak, egitekoak eta jarduera osatuta gisa markatzeko informazioa argiago agertuko da.

Nabigazio eta itxura aldaketa hauek telefono eta tabletentzako app-an ere isla izango dute.

 

Nire inpresioa da, aldaketa guztiek barneratzeko denbora eta ahalegin bat eskatzen badute ere, ikusitakoek nabigazioa eta kudeaketa erraztuko dute irakasle eta ikasleei. Kontrol elementuak irisgarriago eta hobeto antolatuta egongo dira eta edukiak zabalago eta argiago ikusiko dituzte ikasleek. Blokeen panela tolesgarria izatea aspaldiko eskaera zen; bertsio berrian gaiaren edukiak pantaila osoan ikusi ahal izango dira (gogoratzen al zarete Moodle klasikoan nola edukiak erdiko panelean ikusten ziren estu baino estuago?). 

Ni behintzat probatzeko irrikan nago. Plangintzak betetzen badira laster ikusiko du argia 4.0 bertsioak eta handik lasterrera MoodleCloud-en probatu ahal izango da. EAEko Hezkuntza plataformara seguruena uda honetan iritsiko da eta hurrengo ikasturtean aterako diogu zukua.

Informazioa honetan sakondu nahi baduzu ikus dezakezu Moodleko Michelle Lommna ingelesez gaia zabal azalduz bideo honetan.

H5P ariketa berriak: Crossword, Sort the Paragraphs eta Image Choice

Moodle ikasteko plataforman eduki interaktibo erakargarriak H5Pren eskutik etorri dira. HTLM5 oinarritutako 50 eduki desberdin sortu daitezke gehitutako hiru berriak kontuan izanik. 

Hauek dira ariketa mota berriak: 

 

Crosswor, gurutzegrama. 

Moodlek bazeukan lehendik gurutzegramak sortzeko lanabesa jolasen kategorian. Ohiko gurutzegrama automatikoki sortzen da glosario bat zehaztuta, glosario horren termino eta azalpenak erabiltzen ditu.

H5Pko gurutzegraman, ordea, irakasleak editatu behar ditu terminoak eta definizioak. Glosariorik ez badugu praktikoagoa da aukera hau. H5P ariketa gehienak bezala gurutzegrama osatu ondoren zuzentasuna egiazta daiteke, baita soluzioa ikusi ere.

Klikatu hemen gurutzegrama pare bat probatzeko. 

 

Sort the paragraphs, ordenatu paragrafoak.

Ariketa honetan irakasleak ordena bat duten gertaera edo ekintza batzuk zerrendatuko ditu, gehienetan segida kronologiko bat. Ikasleak sekuentziatu edo ordena egokian jarri behar ditu.

Segidaren ordena zehaztu ondoren berdez agertuko dira zuzenak eta gorriz okerrak. Ikaslea berriro saia daiteke edo soluzioa ikusi. Antzeko ariketa bat dauka H5Pk baina irudien bidez (Image Sequencing).

Adibideak ikusteko egin klik hemen.

 

Image Choice, irudiak aukeratu.

Ariketa honetan irakasleak irudi multzo bat bistaratuko du eta ikasleak baldintza bat bete edo kategoria batean sartzen direnak aukeratu behar ditu. 

Adibideak ikusteko egin klik hemen.

Oharrak:

• Gogoan izan Moodlen sortutako ariketak deskargatu edota kapsulatu daitezkeela berrerabili ahal izateko.
  
• Zure Moodle gunean ariketa mota hauek agertzen ez badira eskatu zure ikastetxeko Moodle arduradunari instalatzeko.
  

EAEko Hezkuntzako Moodle plataforman 2021-2022 ikasturterako berritasunak

 Urtero moduan jokatuz gero, uztailaren bukaeran EAEko Hezkuntza Sailak eskaintzen duen Moodle plataforma 3.8 bertsiotik 3.10 bertsiora pasatuko da.

Oro har ez dago aldaketa handirik. Itxura aldaketa handiak 2022-23 ikasturtean izango dira 4.0 bertsioarekin. Moodle Docs-en informazioaren oinarrituta, datorren ikasturteko berritasunik interesgarrienak zerrendatzen saiatuko naiz..

 

DENENTZAT

• H5P integrazioa. Orain arte plugin baten bidez erabili izan da eta 3.9 bertsioan Moodlen integratu da. Badirudi hori nabarituko dela, batez ere kalifikatzeko aukeretan. Besteak beste H5P aktibitate batzuk ikasleen saiakeren segimendua egiteko aukera egongo da.

 

• Partaideen bilaketa findu. Orain iragazi bidez findu ahal izango ditugu partaideen bilaketak.

 

• Gora igotzeko gezia. Gaietan hasierara jotzeko gezia egongo da eskuin aldean. Praktikoa gaia luzea izan eta goraino igo behar dugunean.

 

 

• Gunearen kudeatzaileak aktibatzen badu eta irakasleak, ikastaroaren ezarpenetan gaitzen badu, ikasleek ikastaroaren edukiak deskargatzen ahal dute offline erabili ahal izateko. Hau bereziki interesgarria da etxean internet ez duten ikasleentzat (ezarpenak euskaraz agertuko dira baina dudan probako gunean ezin izan dut aktibatu).
  
  
  
  

  

  Irakaslea ikastaroaren deskarga gaitzen.
  

  
  

  

  Ikaslea ikastaroaren edukia deskargatzen

   

  
  

  
  

  
  

  
  

  
  

  
  

  
  

  
  

  
  

  
  

  
  

  
  

   

  • Azterketetan atzera kontua duen kronometroa. Ikasleek momentu oro izango dute ikusgai azterketa bukatzeko zenbat denbora falta den.
    

   

  

  Ikasleak azterketa bukatzeko falta den denbora ikusiko du
  

  
   

  • Karpetetan irudien aurrebista agertuko da estekaren gainean jartzean.
    

   

  
  
  

   IRAKASLEENTZAT

  •  Berritasunik deigarriena elementuen hautatzailea da, ikastaroaren elementuak zerrenda bakarrean agertu beharrean fitxetan agertuko dira jarduerak eta baliabideak eta barruan mosaiko eran erakutsiko dira.

  
  

   

  
  
  
  •  H5P edukien bankua. Ikastaro bakoitzean Edukien banku bat egongo da. H5P jarduerak sortzeko tokia izango da bankua. H5P jarduera bat erabili nahi dugunean Edukien banku horretatik hartzeko aukera izango  dugu. Horrek erraztuko du jardueren berrerabilpena.
    

Edukien bankuko ikuspegia

• 

  Fitxategien hautatzaileak Edukien bankua agertzen da
  

   

 

• Bestetik H5P plugin bat izatetik Moodleko barneko elementua izatera pasa da. H5P integrazio horren ondorioz, errazagoa izango da, besteak beste, irakaslearentzat H5P jardueren ikasleen segimendua eta kalifikazioa.
  

• Edizioa aktibatu botoia engranajeko aukeren barruan agertu beharrean engranajearen azpian agertuko da, hartara begi bistan eta eskuragarriago egongo da.
  






• Safe Exam Browser. Etxetik egiten diren azterketetan ikaslearen ordenagailua blokeatzeko aplikazioa dela uste dut. Windows eta MacOS-erako bakarrik deskargatu daiteke. Moodle galdetegietan irakasleak behartzen ahal ditu ikasleak aktibatzea. Espero dut oinarrizko hezkuntzan ez erabili behar izatea.
  

Galdetegiaren ezarpenetan izango den aukera berria.

 

•  Ikastaroa kopiatzeko aukera gehitu dute engranajean. Moodleko gure gunean dagoen ikastaro baten antzeko ikastaroa egin behar badugu jatorrizkoa kopiatu ahal izango dugu abiapuntu gisa erabiltzeko. Nolabait ikastaro baten ikasleen daturik gabeko segurtasun kopia egin eta beste izen batekin berreskuratzearen parekoa.
• 

• Moodle.net biltegitik baliabide, jarduerak deskargatzeko aukera eskainiko du. Moodlek badarama denbora bat baliabide eta jardueren biltegi bat prestatzen non irakasle guztiok baliabideak eta jarduera kargatu edota deskargatu ahal dugun. Elementuak ondo etiketatu edo klasifikatuta materia, hizkuntza, ikaskuntza-maila... eta bestelako faktoreen arabera. MooodleNet-era joateko aukera jarri dute baina ematen dit proiektua oraindik berde xamar dagoela. Ideia oso ona da baina ondo diseinatu behar dute eta irakasleok elikatu beharko dugu.

 

 

•  Ikasleen bertaratzearen kontrola. Jardueren artean orain Bertaratzea agertzen da eta bertaratzearen kontrola eskaintzen du. Aurrena irakasleak saioen datak eta ordutegia definituko ditu, banaka edo hala badagokio errepikapen zehaztuta. Saioan edo haren ondoren irakasleak markatuko ditu faltak justifikazioa eta oharrak zehaztuta. Informazioa txostenen bidez bistaratu daiteke eta kalkulu orri batera esportatu.

 

 Badira beste berritasun batzuk baina hauek dira nire ustez interesgarrienak.

 

 

Hemen duzue 3.9 eta 3.10 bertsioen aurkezpen bideo laburrak. Ingelesez daude baina nabigatzailea euskaraz konfiguratuta baduzu, azpitituluak gure hizkuntzan agertuko zaizkizu.

3.9 bertsioa

3.10 bertsioa

</div>

 

 

 

 

Nola diseinatzen ahal dituzte ikasleek H5P jarduera interaktiboak

 H5P htlm5 formatuko jarduera interaktiboak diseinatzeko software irekia da. Aplikazio hauek plugin bidez instalatzen ahal dira, besteak beste Wordpress, Drupal eta Moodle-en.

Irakasleen ikuspuntutik Moodleekiko integrazioa da bereziki interesgarria. Moodlen aukeran dauden 50tik gorako jarduerak prestatu eta ikasleek bertan aritzen ahal dira edo esportatzen ahal dugu kapsula (embed) bidez edozein web orrira.

Era berean, jarduera horietako batzuk ikasleek eurek sortzeko oso interesgarriak dira, besteak beste:

• denbora lerroak
• irudi interaktiboak edo image-hotspots 

Eta hor dago koska. Egun, badirudi hiru bide daudela ikasleek jarduerak sortzeko: 

A- h5p.org web orria. Duela gutxi arte bertan saioa hasita edozein jarduera sor zitekeen, baina egun, h5p.com sortu zutenetik egin daitezkeen jarduerak hauetara murriztu dituzte:  Course Presentation, Multiple Choice, Fill in the blanks, Column, Image Hotspots, Acordion, Flashcards, True/False Question, Sumari, Interactive Book, KewAr Code eta  Advent Calendar. Hauetako edozein egiteko ikasleak erregistratu (ez komenigarri 14 urte baino gazteentzat) eta saioa hasi behar du. Hautaketan Image Hotspots dago, gune beroak dituzten irudi interaktiboak, beraz hau izan daiteke modurik errazena. Behin ikasleak irudi interaktiboa egina irakasleari bidaltzen ahal dio, Berrerabili botoiaren bidez, h5p formatuko fitxategia eta honek Moodleen integratu (editatzeko aukerarekin) edo Enbotatu botoia klikatu eta kapsula bidali Moodleen integratzeko (editatzeko aukerarik gabe).

B- h5p.com h5p softwarearen sortzailea den Joubel enpresak web orri honetan hosting zerbitzua ematen du eta 30 eguneko doako proba denbora ematen du. Horrek batetik erregistroa eta bestetik denbora muga du kontra eta alde edozein jarduera egin daitekeela. Hau izan daiteke Time-line edo denbora lerroak egiteko modua.

C- Moodlen bi aukera ikusten ditut:

 C.1 Irakasleak jarduera sortzea eta ikasle bati edo taldetxo bati garapenaren ardura ematea. Horretarako irakasleak sortu behar du H5P jarduera (izena jarri eta mota aukeratu) eta gorde, ondoren, jardueraren menuan aipatu ikasleei irakasle rola emango die.

Irudi honetan ikusten da nola alegiazko bi ikasleri irakasle rola eman diedan.

 Horrela ikasle horiei, eta soilik horiei, jarduera hori editatzeko aukera agertuko zaie engranaje moduan.

Komeni da errekurtso hau ez erabiltzea kalifikazioa sortzen duten jardueretan kalifikazioak ez sortzeko.

C.2 Administratzaileak H5P ariketak egitea helburu duen ikastaro bat sortzea eta bertan ikasleak matrikulatzea. Ikasleak, irakasle rolean, H5P jarduera sortuko du, deskargatu eta ohiko ikastaroan irakasleari bidaliko dio. Irakasleak, ohiko ikastaroan, partekatzen ahal ditu ikasleek bidaliko produktuak.

Ikastaro hori erabili daiteke behar den guztietan.

 

Bilbo eta itsasadarra herenegun eta atzo

 H5P teknologiak eskaintzen dituen elementuetatik Image juxtaposition aukeratuta Bilbo eta bere itsasadarraren argazki bilduma baten hainbat irudi baliatu ditut bi uneko argazkiak konparatzeko. 

Bilduma Bilboko Portuko Agintaritzarako José Luis Remérezek eginak edo bilduak dira. Irudi zaharrak 1880 eta 1950 artekoak dira eta berriak 2000 ingurukoak. 

Alderaketan diferentzia ugari atzematen dira: natura, eraikuntza eta azpiegiturak, jendea... Ikasleekin aukera ederra ikusteko Bilbo eta, neurri batean, itsasadarreko herriek industria herriak izatetik zerbitzu herriak izatera nola pasa diren eta komertzio zein industria nola desplazatu den itsasadarretik betetako Abra aldera. Azken mendeko bilakaera aztertzeko material baliotsua.

Konparazioa hobe egiteko irudien goiko eskuineko ikurra sakatuta irudiek pantaila osoa hartzen dute. Tamaina arruntera bueltatzeko Esc tekla sakatu.

Zure ikas baliabideetan mezu honen esteka jar dezakezu. Irudi bakar bat edo batzuk interesatzen bazaizkizu <enbotatu> klikatuta kapsula har dezakezu edo <berrerabili> sakatuta deskarga dezakezu, luzapenean zip ordez h5p jarri eta zure Moodlera eraman H5P bidez kargatuta.

 

Erripako kaia 1931

---

Areatzako kaia 1928

---

Erripako kaia 1918

---

Salbeko kaia 1920

---

Churruca kaia, Ingelesen landa 1930

---

La Vasca kaia 1940

---

Euskalduna ontziola 1950

---

Olabeagako kaia eta kargalekua 1932

---

Olabeaga 1950

---

Basurto 1910

---

Deustuko erribera 1950

---

Lutxana eta Errontegi 1920

---

Portuko dartsena, Barakaldo 1910

---

Axpeko dartsena 1908

---

Benedicta dartsena, Sestao 1910

---

Portugalete 1880

---

Areeta 1900

---

Abra Algortatik 1910

---

Abra Mamarigatik 1926

Dokumentazio iturria Deiak, Bilboko Udalak eta Bilboko Portuko Agintaritzak argitaratutako ATZOta GAUR bilduma.

Gabonetako egutegia, H5P jarduera berria

 H5P jarduera berria gehitu du bere bilduman: Advent Calendar edo Gabonetako egutegia. Moodlen jada erabiltzeko moduan dago.

Jarduera honetan eguberri aurreko egunak agertzen dira eta egun bakoitza klikatzean irudi bat agertzen da eta hari lotutako testu, audio. esteka, irudi edo bideo bat abiatuko da. Ideia polita izan daiteke egun bakoitzean ikasle baten irudia jarri eta berak sortutako testu bat edo audio grabazioa jarri -kontakizuna, abestia, desira...-.

Atzeko planoan irudi bat jar daiteke, egun gehiago gehitu daitezke eta elur efektua. 

Berez, Gabonetarako pentsatuta badago ere beste egoeretan ere erabili daiteke: oporrak, korrika...

Moodle: "etxekoak" taldea

Ikasturte honetan eritasunak eta konfinamenduak direla eta, ohikoa bihurtzen ari da hainbat ikasle etxean edukitzea. Horiekin Moodlen komunikazioa errazteko modu bat izan daiteke talde propio bat sortzea.

 Ikastaro bateko etxeratuekin taldea sortuta aukera izango dugu taldeari:

• mezuak  bidaltzeko
• baliabide edo jarduera espezifikoak eskaini eta eskatzeko.

Taldea ikasle bat edo batzuk osa dezakete.

Nola sortu taldea:

Irakasle moduan saioa hasita, ezkerreko menu tolesgarrian:

Partaideak > Engranajea > Taldeak > Sortu taldea eta, ondoren, banan bana, gehitu ikaslea(k) taldeari. 

Nola talde honek altak eta bajak maiz izango dituen, Partaideak taulako Taldeak
zutabean egin dezakegu azkarrago egunez eguneko kudeaketa.

 

 

 

 

 

 

 

Zertarako erabili dezakegu taldea?

• 
  Mezu orokorrak bidaltzeko etxekoei. Mezu horiek foroaren bidez bidaliko

  

  Ahots eta bideo mezuak
  

  
  ditugu "etxekoak" taldea aukeratuta (horretarako foroaren ezarpenetan, moduluaren ezarpen komunetan, ezarrita eduki behar duzu "taldeek elkar ezin ikusi" parametroa). Taldea aukeratuta mezua etxekoei soilik iritsiko zaie. Kontuan izanik mezua idazteko HTLM editorea erabiliko dugula (Atto editorea bada hainbat hobe), mezua testuz osatzen ahal dugu baina beste aukera oso interesgarria da audio edo bideo mezuak bidaltzea. Mezu hauek bi minutuko muga dute. Bi minutu nahikoa ez bada audio edo bideo bat baino gehiago jar dezakegu edo aparte grabatu eta fitxategi bezala erantsi.

• Baliabide edo jarduera espezifikoak jarri etxekoei, gainekoek Moodleko ikastaroan ikusi gabe. Baliabide edo jardueraren ezarpenetan Mugatu eskuragarritasuna irudian ikusten den bezala:
  
  

 Etxekoak taldekoek soilik ikusiko dute. Irakasleak horrela ikusiko du:

H5P erabiltzeko hainbat aukera

Egun hauetan bi aurrerakuntza interesgarri gertatu dira Moodle-H5P integrazioan: 

1. Moodle 3.8 bertsiotik Atto editorean H5P botoia gehitu dute eta horrek errazten du H5P elementuak txertatzea. Orain arte htlm formatuan txertatu behar zen kapsula eta orain kapsula zuzenean txerta daiteke edo H5P fitxategia kargatu daiteke. Horrek asko errazten du txertaketa html editorea kontrolatzen ez dutenentzat.
2. Duela egun batzuk H5P-ek Interactive Book elementu gehitu du zerrendara. Elementu hau Column elementuaren hobekuntza bat da. Column elementua jarduera interaktiboak sekuentziatzen du eta Interactive Book Column-ez osatutako liburu bat sortzen du. 

Hori kontuan izanik, H5P elementu interaktiboak erabiltzeko hainbat modu bururatzen zaizkit:

• Elementu interaktiboa solte. Egokia aurreko eta hurrengo edukiak kontestualizatzen badute.

  

  Sekuentzia honetan H5P elementua aurreko edukiak kontestualizatzen du.

  
  

  
  

  
  

• Elementu interaktiboak beste elementu interaktiboan txertatuta.  Badira H5P elementuak bere barne beste elementu interaktiboak biltzen eta sekuentziatzen dutenak, meta-elementuak nolabait.
  

• Interactive Video: Bideo baten URLa eman eta bideo-editore baten bidez galdetegiak edo bestelako H5P elementuak txertatzeko aukera ematen du. Video quizz esaten zaio ingelesez. Horri esker ikuslearen (ikaslearen) arreta mantentzen dugu berak bai baitaki edukiaren gaineko galderak edo ariketak daudela txertatuta.
  
• Course presentation edo aurkezpena. Elementu hau aurkezpen bat egiteko aukera ematen du eta tartean, diapositibetan, mota guztietako H5P elementuak txertatzeko aukera ematen du.
• Branding Scenario. Elementu interaktibo hau Moodleen Ikasgaia-ren ordezkoa da. Norako desberdinak dituen ikasketa sekuentziak prestatzeko aukera ematen du, H5P elementuz hornitua. Hartara errefortzu, gehiago jakiteko aukera edo gustuen araberako norakoak diseinatzen ahal ditugu.

• HTLM sekuenziadoreak. Hauek Moodleen etiketa, orria eta liburuen ordezkoak dira. HTML formatuko edukiak garatzen ahal dira  H5P elementuak era sekuentziatuan txertatzen. Ariketa sekuentzia hutsa izan daiteke edo diseinatzen ahal dugu edukiaz elementu interaktiboak txertatuz. Edukiak sartzeko ohiko elementu interaktiboez gain jarduera hauek interaktiboak ez diren elementuak eskaintzen dituzte: testua, taulak eta irudiak hain zuzen.
• Column
• Interactive Book. Azken hau elementu berria da eta Column bat bestearen atzean jarrita liburu bat sortzen du. Izan ere nik ez nuke jada Column erabiliko, izan ere orri bakarreko liburua ere egin daiteke eta Column baino hobeto ikusten da, izan ere, pantaila osoko ikuspegia du aukeran. Merezi du H5P adibide bezala eskaintzen duen liburua ikustea eta probatzea menua kendu eta jarri aukera eta pantaila osokoa.
  
  
  
• Azken aukera da Moodleen etiketak, orriak edota liburuak erabiltzea Attok orain H5P elementuak txertatzeko ematen duen aukera profitatuz.

 

Azken bi aukeran artean zein hautatu? Nik Moodleen etiketa-orria-liburua aukeratuko nuke elementu interaktiboak ez badira edukietan nagusi, aldez aurretik eginak baditugu edo editorearen formula matematikoak erabili behar badugu. Bestela, ariketa eta elementu interaktiboak nagusi badira, Interactive Book erabiliko nuke, izan ere erraz ordenatuko ditugu edukiak eta ariketak eta ariketak liburuan bertan sortzen ahal ditugu aldez aurretik eginak eduki gabe.

Datorren ikasturtean Moodle 3.9an sartu duten H5P ariketa bankua osatu ahal izango dugu eta eta MoodleNet bidez besteek partekatutako  elementu interaktiboak deskargatzeko aukera izango dugu.

H5Pek zer elementu edo jarduera interaktibo mota eskaintzen duen ikusteko:

• H5p.org webgunean deskargatzea duten adibide bana dago. Ingelesez baina nahikoa ikusteko zer jarduera mota den.
  
• Moodle ikastaro honetan horietariko batzuk euskaraz daude.
  

EAEko Moodle plataforma 3.6 bertsiotik 3.8 bertsiora pasa da

 EAEko Moodle plataforma uztailaren zehar bere gune guztiak bertsio berri batera pasatu ditu: 3.6 bertsiotik 3.8 bertsiora.

Hona hemen bertsio berritze honek ekarri dituen hainbat berrikuntza:

• Funtzionalitate berriak foroetan.
• Orain erantzun pribatuak egin daitezke (foroko gainerako partaideek ez dituzte ikusten). Batzuetan, irudian ikusten den bezala funtzionalitate berriak ez daude oraindik euskaratuta. Luze gabe euskaraz egongo dira*.
  
  
  
  
• Irakasleak markatu dezake hari bat garrantzi bereziarekin edo blokea dezake ekarpen gehiagorik ez egiteko. Pin funtzioak hariari orratz markatzailea jartzen dio eta lehenengo postura igotzen du. Lock funtzioak haria ixten du.
  
  
  
  
• Funtzionalitate berriak mezularitzan:
• Irakasleak ezaba ditzake mezu ezegokiak.
• Edozeinek mututu dezake partaide bat (galarazi diezaioke berari mezuak bidaltzea).
  
• Zuzenketetan PDF eta irudiak orain, behar izanez gero, biratu daitezke.

 

• 

 

• Irakasleak orain jaso dezake aktibitaterik gabeko ikasleen gaineko txostenak postaz. 

 

• 
  
  
• Testu bidezko bidalketetan ikasleek orain irudiak, audioak edo bideoak txertatzen ahal dituzte.
•  Atom editorean errazagoa da orain H5P edukiak txertatzea (aldez aurretik norberak edo beste batek eginda eta kopiatuta). Honen gainean laster mezu idatziko dut blog honetan.

• 

 

 
Kontsultatu nahi baduzu zehaztasun handiagoz lotura hauetan topatu dezakezu, ingelesez, Moodle 3.7ren berrikuntzak eskema edo bideoen bidez eta Moodle 3.8renak eskema edo bideoren bidez.