Ubunturen online kontuak kanpoko unitatea sor dezake

Ubuntu 18.04k hobekuntza ekarri dio lineako kontuei.
Haren bidez lotzen ahal dugu gure saioa hainbat konturekin besteak beste horien hodeiak, kontaktuak, egutegiak... sinkronizatzeko.

Ikastetxeetan hori bereziki interesgarria da aukera ematen dielako ikasle eta irakasleei gauzak zuzenean gordetzeko hodeian eta hodeitik zuzenean deskargatzeko.

Nola ezartzen da lineako kontu bat:

1. Sistemaren ezarpenak > Lineako kontuak
2. Hornitzailea aukeratu
3. Kontua eta pasahitzarekin identifikatu

Irudian ikus daiteke giltza baten ikonoarekin nire saioa dagoeneko lineako kontu bat daukala Windows Active Directoryn Luberri izanik ikastetxeko domeinuan sartuta dagoelako.

Behin lotura eginda (bat baino gehiago egin daiteke), emandako baimenak murrizten ahal ditugu:

Hodeia (kasu honetan Drive) erabili nahi badugu Dokumentuak eta Fitxategiak aktibo izan behar ditugu. Baimen hauek edozein unetan alda daitezke edo lineako kontua osoa kendu.

Nola sinkronizatu hodeiarekin:

Lineako kontua eginda haren kanpoko unitateak ikusten ahal ditugu: domeinuko pertsonala, IRAKASLEAK, IKASLEAK... eta beste kontuen hodeiak: Drive, Nextcloud, OneDrive...

Irudian ikus daiteke nire posta kontuari lotutako Drive

Kontuak izateko gauzak:

• Kanpoko unitate hori ikusteko Internetera konektatuta egon behar da. Ez du lokalean ezer gordetzen. Beraz, argi ibili, internetik gabe dokumenturik ez dugu.
• Irekitzen dugunean fitxategiak eta karpetak ikusi arren ez daude ordenagailuan beraz klikatzen dugunean deskargatu eta ireki egiten dira. Mugikorreko sinkronizazioen antzera. Naiz eta hodeia oso kargatuta izan arren ordenagailuaren diskoa ez du betetzen (ireki eta beste karpeta batean gordetzen ez badugu).
• Dokumentu edo karpeta bat(zuk) unitate honetan kopiatzean (edo eramatean) zuzenean kargatzen dira hodeira.
• Sortutako dokumentuak zuzenean gorde daitezke hodeian. 

Zuzenean hodeian gordetzen

• Etxean Windows edo Linux baina lineako kontua konfiguratuta ez daukana fitxategi eta karpeta hauek Interneteko hodeian ikusi eta deskargatzea dauka.

Benetako sinkronizazioarekiko aldea:
Benetako sinkronizazioan (Nextcloud bezeroa, Megasync...) karpeta lokal bat sortzen da eta karpeta hori hodeiarekin sinkronizatzen da.
Alde du Internetik gabe ere dokumentuak erabili daitezkeela (Internetera konektatzean sinkronizatzen dira), eta gauzak bi tokitan edukitzea babeskopìa funtzioa betetzen du.
Kontra du informazio hori diskoan tokia betetzen duela eta ordenagailuen arteko sinkronizazio arazoak sor daitezkeela.

Konklusioa:
Ikasleentzat  lineako kontua aukerarik interesgarriena (erraza eta praktikoa), irakasleen kasuan norberak ikusi behar du zein sinkronizazio mota interesatzen zaion.
Beste kontu bat da zein hodeia erabili, noren ordenagailuan utziko ditugu gure datuak. USB memoriak dira beste aukera.

Luberri sistemaren posta-zerrenda berria

Luberri sistemaren inguruan eta orokorrean ikastetxeetan Linux erabiltzeari buruzko zalantzak, eskaerak, iradokizunak, arazoak, kritikak -eraikitzaileak- ... baldin baduzu hau da posta-zerrenda berria:

https://framalistes.org/sympa/arc/luberri

Bertatik aukera duzu mezuak kontsultatzeko (oraindik ez dago ezer), mezua bidaltzeko eta, noski, harpidetzeko.

Beste modu bat harpidetzeko da lotura honetan klik egin eta posta-helbidea ematea.
Harpidetzen bazara, emandako helbideak jasoko dituzu posta-zerrendaren mezuak eta mezuak bidaltzeko aski izango duzu luberri@framalistes.org helbidera idaztea.

Parte hartu nahi baduzu gogoan izan posta zerrenden oinarrizko gidalerro pare bat:

• Mezu batean gai bakarra eta gaiei lotu erantzunen bidez.
• Mezuaren gaiak defini dezala argi zeren gainean idatziko duzu.
• Ez jarri posta-zerrenda honetan posta-zerrendaren gaiarekiko zerikusirik ez duten mezuak

Beti arte Marta Harnecker

Nola aldatu diren gauzak, kamarada. Franko hil zenean 13-16 urte genituenok Marta Harneckerren liburuxkak ezkutuan pasatzen genituen elkarri, eta haien bidez ikasi genuen errealitatea bestela interpretatzen. Eta gizarte justuago eta zoriontsuago baten hazia ernetzen. Gogo handiz irakurtzen genituen. Haien beharra genuen.

Liburu eskukatuak eta horixkak etxeko liburutegian segituko dute norbait irakurri zain, eta zu, Marta, betirako gure gogoan.

BigBlueButton euskaraz

Moodle ikaskuntzarako plataformaren bideo-konferentzia sistema den BigBlueButton dagoeneko euskaraz dago.

EAEko ikastetxe publikoen Moodlen erabilgarri dago. Zuk erabiltzen duzun Moodle plataforman ez badago eskatu administratzaileari plugina instalatzeko.

BigBlueButton aplikazioari buruzko informazio gehiago eta bideo-tutoriala aurreko mezu honetan.

Une honetan interfaze grafiko %100ean dago euskaraz baina zuzenketak proposatzeko zein egiteko edota datozen bertsioen lokalizazioan lagundu nahi baduzu jo librezale.org taldera.

Ezin Linux instalatu Acer Aspire batean

Saiatu naiz Acer Aspire ES1 ordenagailu batean Linux instalatzen eta ez naiz gauza izan. BIOSak ez du onartzen Grub instalatzea.

Penagarria da ezin erabiltzea nahi duzun sistema eragilea erosten duzun ordenagailu batean.

Nik argi daukat:  ez dut Acer markako ordenagailurik erosiko ez eta gomendatuko ere!!

Luberri_18.04.2_64bit.iso prest.

Deskargatzeko eskuineko paneleko Luberri Sistema estekan klikatu.
Bertan zaudela deskargatzeaz gain Bertsioen oharrak estekan klik eginez ikusten ahal dituzu bertsio honen berrikuntzak.

FreeFileSync erabilera eta instalazioa Ubuntun

FreeFileSync offline bolumenak sinkronizatzeko aplikazio libre sistema anitza da. Normalean bi bolumenen babeskopia sinplea egiteko erabiltzen da: USB memoria edo disko bat eta disko gogorreko karpeta bat gehienetan.

Funtzionamendua:

1. Abiatu eta zehaztu berdindu nahi diren bi bolumen edo karpetak. Egin daiteke arrastatuta edo arakatuta (browse).
2. Alderatu desberdintasunak ikusteko. Desberdintasunak antzeman eta sinkronizazio motaren arabera proposatuko du hainbat fitxategi batetik bestera kopiatzea, zaharberritzea edo ezabatzea. Inbutu itxura duen ikonoan klikatuta salbuetsi -edo zehaztu- daitezke fitxategiak edo azpikarpetak.
3. Sinkronizatu (aurretik sinkronizazio mota zehaztuta).

Sinkronizazio motak:

• Two way: batean zein bestean erantsitakoak bestera kopiatu, batean ezabatutakoak betean ezabatu eta dokumentu beraren bi bertsio badaude zaharra berritzen du.
• Mirror; Ezkerreko karpeta eskuinean ispilatzen du. Hau da lehentasuna ematen dio ezkerrekoari. Bertan ez du ezer aldatuko eta eskuinekoa babeskopia bezala geratzen da.
• Update: Ezkerreko fitxategi erantsiak eta berrituak eskuineko karpeta kopiatzen ditu.
• Custom: sinkronizazio arauak pertsonalizatzen ditu.

Instalazioa Ubuntu eta deribatuetan

11.9 bertsiotik aurrera instalazioa erraztu da (2021/4/12 egunean eguneratua)

1- Deskargatu aplikazioa hemendik.  (Premian bazaude eta ez badizu uzten konektatzen etxean deskargatu eta USB batean gorde).
2- Deskonprimitu. FreeFileSync_11.9_Install.run instalazio fitxategia agertuko da.
3- Fitxategian klik bikoitza egin eta terminalean hasiko da instalazioa: erantzun y hasteko instalazioa eta onartu baldintzak.

G

M

T

Y

Detect languageBasqueEnglishSpanish

BasqueEnglishSpanish

Text-to-speech function is limited to 200 characters

Options : History : Feedback : Donate

Close

Nola ireki GNU/Linuxen Jaurlaritzak Adobe-ren bidez sortutako formularioak dituzten PDFak

Jaurlaritzak PDF formularioak egiteko Adobe markako editorea erabiltzen ohi du eta horren bidez egindako formularioek ez dute formatu estandar irekia eta PDF irakurgailu gehienek ezin dituzte ireki, hala nola Chrome, Firefox, Evince, Foxit...

Jaurlaritzak beti pentsatu izan du hiritar guztiek erabili behar dugula berak erabiltzen aplikazioak dokumentazio publikoa kontsultatzeko edo formularioak betetzeko (online aplikazio batzuk erabiltzeko oraindik Internet Explorer erabili behar da).

GNU/Linux erabiltzen baduzu aipatu formularioak betetzeko Jaurlaritzaren Adobe instalatu nahi ez baduzu aukeran duzu Master PDF Editor, hau ere pribatiboa baina oso aplikazio interesgarria. Ur markarik ez duen 4. bertsioa hemendik deskarga dezakezu.

Aplikazioen bertsioak Linux sisteman

Zure GNU/Linux distribuzioa Debian bada edo horretan oinarrituta (Ubuntu, Linux Mint...) hona hemen zein komandoren bidez jakin instalatutako aplikazioak eta haien bertsioak:

dpkg -l

edo

apt list --installed

Zerrendan ez dira agertzen Appimage edo Flatpak bidez instalatutako aplikazioak.

Zure zalantza bakarrik ba da aplikazioaren bertsioa idatzi aplikazioaren izena bukaeran:

dpkg -l aplikazioaren-izena

edo

apt list --installed aplikazioaren-izena

Esate baterako ezagutzek instalatuta dagoen Firefox-en bertsioa:

Ikusteko Snap bidez instalatutako aplikazioak:

snap list

Ikusteko Flatpak bidez instalatutako aplikazioak:

flatpak list

Googlek Calendar euskaratu du

Ezarpenetan hizkuntza aldatuta Google Calendar euskaraz agertzen da dagoeneko.

Nola ezarri atzerapena Flameshot bidezko pantaila argazki bati

Flameshot Linuxen pantailaren argazkiak edo kapturak egin eta berauek editatzeko aplikazio arina da. Mezu honetan hari buruz jardun nintzen.

Kontua da aplikazio berri honek oraindik zeregin batzuk faltan dituela, tartean argazkiaren unea atzeratzea gaitasuna -ingelesez delay-. Garrantzitsua da zeren eta pantaila argazkia aktibatzeko unean ezin dira menuak eta beste elementuak ikusi. Horretarako aplikazioei eskatzen zaie argazkia segundo batzuk atzeratzea.

Nola konpondu arazo hau -interfaze grafikoan nola jarri asmatu arte-?

Terminalean hau idatzita:

flameshot screen -c -d 5000

baldin eta pantaila osoa nahi baduzu 5 segundoko atzerapenarekin edo

flasmeshot gui -d 5000

baldin eta zona bat interesatzen zaizun edo edizio tresnak erabili behar dituzun.

Geogebraren sareta isometrikoa

Sareta isometrikoa elkarren artean 60ºko aldea duten hiru ardatzen konbinazioz osatzen da.

Oso erabilgarria da forma geometriko lauak irudikatzeko eta 3Dko formak proiekzio isometrikoaren bidez plano batean irudikatzeko.

Geogebran erabili daiteke oso era errazean. Aski dugu ohiko lauki-saretaren ordez sareta isometrikoa jarri eta zuzenkien eta poligonoen erpinak saretara doitzea,

bai eta 3Dko objektuen perspektiba isometrikoz irudikatzea, bere faltsutasuna eta guztiz. (M.C. Escher-ek erakutsi zuenez).

Lanketa digitala oso ondo konbina daiteke, bai sareta isometrikoa duen paper baten gainean kolorezko margoekin marrazten edo taula baten gainean ziriz edo txintxeta luzeez egindako matrizea eta kolorezko gomen bidez.