Moodle plataformara erabiltzaileak igotzeko modua (csv)

Moodle plataformak erabiltzaileak multzoan alta emateko aukera du taula fitxategi bat igota.

Erabiltzaileen datuak sartzeko kalkulu orri bat sortu behar dugu, edo ondoren azaltzen dena eredu bezala hartu. Haren eremuak honako hauek izan behar dute: username, firstname, lastname, email, password, country, city, course1, type1  eta lang.

Errazena da azpikoa deskargatzea eta bertan datuak itsastea:

Erabiltzaileak_Moodlera_igotzeko.ods

Kontuan izatekoak:
username: e-posta erabiltzen ohi da. Erabiltzaileen helbideek domeinu bera badute helbidearen lehenengo partea erabili daiteke.
firstname: izena
lastname: abizenak
email: erabiltzailearen posta elektronikoa. Eremu hau bete beharrekoa da, dena den erabiltzaileak posta elektronikorik ez badu asmatzen ahal diogu bat (ad. urlia@asmatutakodomeinua.org). Opzio hau interesgarria da ikasleei posta elektronikoa eman nahi ez dieten ikastetxeentzat.
password: errez gogoratzeko bat jarri denentzat (segurtasun txikia eta erabilgarritasun handia edo changeme jarri eta behartu erabiltzaileari sartzen den lehengo aldian pasahitza aldatzen (segurtasun handia baina lana ematen du pasahitzak berrezartzen).
country:  EH jarrita Euskal Herria agertuko da.
course1 eta group1: zehaztuz gero erabiltzaileak ikastaro eta talde horretan matrikulatzen dira.
course2, group2: nahi haina ikastaro eta talde markatzen ahal dira.
cohort1: erabiltzaileen kohortea zehazten baduzu -oso gomendagarria ikasleak taldeka matrikulatzeko- kontuan izan aldez aurretik komeni dela kohorteak aldez aurretik sortzea. Kohortearen izena eta ID desberdinak badira hemen IDa jarri behar da.
lang eu jarriz gero erabiltzailearen hizkuntza lehenetsia euskara ezartzen da.

Behin datuak sartuta gordeko dugu kalkulu orria bere formatuarekin (ods, xls...) eta gorde honela egingo dugu. Formatuan csv hautatuko dugu eta, zehaztasunak galdetzen dituenean, eremu bereizlean koma utziko dugu eta testu bereizlean kakotxak kenduko ditugu .

Moodlera sartuko gara kudeatzailea den erabiltzearekin eta menuan Erabiltzaileak atalean Erabiltzaileak igo hautatuko dugu. Arakatuko dugu sortutako csv fitxategia:

eta igotzeko ezarpenak gure beharretara zehaztuko ditugu. (Pantaila kapturakoak ez dira eredu).

 

Kito. Erabiltzaileak igoko dira eta Moodlek haren gaineko txosten bat erakutsiko digu.

OHARRAK

• Mezu hau (fitxategia ez) 2019/11/2an eguneratu da.
• Kohorteen erabilera mezu honetan azaltzen da.
• Erabiltzaileak igotzeko kasu berezi bat da gurasoena. Gurasoekin komunikatzeko ikastaro bat sor daiteke eta gurasoak taldekatu komunikazioa bideratzeko. Kasu berezi horretarako taula berezi bat prestatu dut mezu honetatik deskarga daitekeena.

Linkat: azaleko azterketa

 

Linkat -bere web orritik euskaratzen dut- Kataluniako Generalitat-aren Hezkuntza Sailak sortu eta hezkuntz komunitateari eskaintzen dion GNU/Linux egokitutako banaketa da. Software libreko proiektua da ematen diona ikastetxeei, eta baita gizarte osoari ere, aukera eskuratzeko era legalean, doanik eta laguntza profesionalarekin aplikazio multzo zabal bat: hezkuntzakoak, bulegokoak, internet, multimedia...

Ubuntu euren behar eta gogoei egokitu eta Remastersys aplikazioaren bidez banaketa -erremasterizazioa da termino egokiagoa- propioak sortu dituzte.

Irailan Linkat edu 14.04 kaleratu zuten, 32 eta 64 biteko bertsioetan, eta ordenagailu batean instalatu dut bere ezaugarri nagusiak ikustearren. Hona hemen:

Sistema, aipatu bezala, Ubuntu banaketa hartzen du oinarri eta Gnome klasikoa Fallback mahai inguru lehenetsia. Gaia Radiance. Hizkuntza katalanera bai edo bai.

Gehitutako aplikazioak: Ubuntuk berez dakartzan aplikaziez gain katalanek hauek gehitu dizkiote:

• Gehigarriak: PDF Mod 
• Hezkuntza: Geogebra, JClick Autor, Kmplot, Marble, Scratch.
• Grafikoak: Gimp, Inkscape, Gscan, ImageMagic, KolourPaint, Phatch, Scribus
• Bulegoa: EbookReader, PdfSam.
• Audio eta Bideoa: Audacity, Cheese, DeVeDe, Musescore, OpenShot, RecordMyDesktop, VLC, Winff.
• Zientzia: Stellarium
• Internet: Kompozer
• Sistemaren tresnak: Sinaptic, Remastersys
• Wine.

Oso erremasterizazio interesgarria: sistema eta ingurune bikaina eta aplikazioetan oso konpletoa. Aplikazio interesgarriak erantsi dizkiote nahiz eta nire ustez pare bat kasutan behintzat hautatu dituztenak baino hobeak egon.

Hemen duzu irudi galeria txiki bat:

Ubuntu 12.04: nola instalatu Promethean Activboard arbela

Ubuntu 12.04 sisteman, 32 bitekoan, Promethean markako Activboard arbel digital interaktiboa eta Activeinspire eta Activtools aplikazioak instalatzeko hurrats hauek segitu behar dira:

Lehenik eta behin dependentziak instalatuko ditugu. Horretarako terminalean ondoko agindua exekuta ezazu:

sudo apt-get install libjpeg62

Ondoren errepositorio edo software-biltegien zerrendan iturri bat gehituko dugu. Terminalean aginduko dutu sources.list fitxategia editatzeko:

sudo gedit /etc/apt/sources.list

eta fitxategiaren bukaeran lerro hau erantsiko dugu:

deb http://activsoftware.co.uk/linux/repos/precise oss non-oss

Gorde eta itxi fitxategia.
Ondore, terminalean ondoko agindu hauek exekutatu:

wget http://www.activsoftware.co.uk/linux/repos/Promethean.asc
sudo apt-key add Promethean.asc
sudo apt-get update
sudo apt-get install activinspire activtools activdriver

Instalazioa bukatzean arbelaren interaktibiatea gaituko da.

Nemo fitxategi-arakatzailea Ubuntun

Nemo Linux Minten Cinnamon ingurunearen fitxategi-arakatzailea da eta Ubuntuk lehenesten duen Nautilus baino hobeagoa da nire ustez, izan ere sinplifikatzearren Nautilusi kendu dizkioten pertsonalizazio aukera guztiak mantentzen ditu.

Ikus ditzagun Nautilusekiko dituen abantaila batzuk:

• Panel gehigarria arakatzeko bi karpeta batera (F3 teklaz edo menuko Ikusi opzioaz aktibatzen da).
• Tresna barra konfiguragarria.
• Zuhaitz ikuspegia ezkerreko panelean.
• Behean egoera barra eta bertan zoom kontrola, ikuspegia aldatzeko aukerak, fitxategiaren tamaina eta bolumenean libre dagoen tokia.
• Menu nagusia, tresna barra eta egoera barra ezkuta daitezke.
• Fitxategiaren  ogi apurren bidea edo bide-izena (path) ikusteko aukera.
• Karpetak alboko laster-marketara arrastatuz eransteko aukera.
• Ikono ikuspegian terminalean ikusteko aukeraz gain root moduan irekitzeko aukera.
• Zerrenda ikuspegian zutabeen ordena alda daiteke tituluak arrastatuz.
• 'Ireki honekin' elkarrizketan beste aplikazio batekin irekitzeko aukeraz gain zerrendaz kanpoko aplikazioak hautatzeko aukera dago eta lehenetsitako aplikazioa aldatzeko aukera ere bai.

Nola instalatu Nemo Ubuntun

Ez da komeni Ubunturen biltegitik edota software-zentrotik instalatzea zeren hala eginez gero Cinnamon osoa instalatzen da eta horrek arazoak sor ditzake. Instalazio egokiena, Cinnamon-en dependentziarik ez duena, Jakob Zimmermann-ek prestatu eta Webupd8team-ek eskaintzen duena da. Instalazioa egiteko terminala ireki eta hurrenez hurren agindu hauek exekutatu:

sudo add-apt-repository ppa:webupd8team/nemo
sudo apt-get update
sudo apt-get install nemo nemo-fileroller

Biltegi horretan Nemo-ren hainbat gehigarri dago. Hauetakoren bat interesatzen bazaizu terminalean aginduaren hasiera jarri eta ondoren interesatzen zaizun gehigarria(k).

sudo apt-get install nemo-compare nemo-dropbox nemo-media-columns nemo-pastebin nemo-seahorse nemo-terminal nemo-emblems nemo-folder-color nemo-image-converter

Azkena bereziki interesgarria da irudien formatua aldatzeko eta, batez ere, tamaina aldatzeko era erraz eta azkar batean.


Nola ezarri Nemo lehenetsitako fitxategi-nabigatzaile moduan

Nautilus mantentzea komeni da zeren hain lotua dago Ubunturi bera desinstalatzekotan hainbat funtsezko aplikazio ere desinstalatzen dira, baina Nemo fitxategi-arakatzaile nagusia ezartzeko (adibidez Lekuak klikatzean edo usb-memoria bat sartzean bera ireki dadin) urrats hauek eman behar dira terminalean:

sudo apt-get install dconf-tools
gsettings set org.gnome.desktop.background show-desktop-icons false
xdg-mime default nemo.desktop inode/directory application/x-gnome-saved-search

Ordenagailuko beste erabiltzaileek Nemo lehenetsi nahi badute soilik azken bi aginduak exekutatu behar dituzte.
Nik orain Nautilus fitxategi-bilatzaile moduan erabiltzen dut bere bilatzailea indexazioa erabilita bilaketa errekurtsiboak egiten ditu eta Nemorena baino eraginkorragoa da nire ustez.


Nola desinstalatu

Probatu ondoren damutzen bazara eta Nautilus lehenetsi eta Nemo desinstalatu nahi baduzu terminalean honako hauek exekuta itzazu:

gsettings set org.gnome.desktop.background show-desktop-icons true
xdg-mime default nautilus.desktop inode/directory application/x-gnome-saved-search
sudo apt-get remove nemo nemo-*
sudo rm /etc/apt/sources.list.d/webupd8team-nemo-*.list

Nola ireki winmail.dat fitxategiak Linuxen

Winmail.dat fitxategia Microsoft Outlook posta bezeroak mezu bati erantsitako fitxategiekin sortzen duen paketea da. 

Posta jasotzeko Thunderbird erabiltzen baduzu winmail.dat automatiko zabaltzen dituen LookOut gehigarria instala dezakezu.

Aldiz, posta web bidez jasotzen baduzu fitxategi horiek Linuxen irekitzeko tnef aplikazioa instalatu behar duzu. Horretarako Ubuntun terminala ireki eta itsatsi agindu hau:

sudo apt-get install tnef

Gorde winmail.dat fitxategia -ahal dela fitxategi asko ez duen karpeta batean-, terminalean joan karpeta horretara eta exekuta ezazu

tnef winmail.dat

karpeta horretan agertuko d(ir)a erantsitako fitxategia(k).

Nautilusen hobespenak Gnome klasikoan

Nautilus edo Files izenekin ezagutzen den Ubunturen fitxategien arakatzaileak Gnome Klasikoa ingurunean ez du menu nagusia erakusten Ubuntu 14.04 bertsioan. Aplikazioaren errore bat ematen du.

Menuaren eginkizun gehienak tresna barrako ezkerreko ikonoekin bideratzen dira baina bada bat bederen ikonoen bidez irits ezin daitekeena: hobespenak.

Soluzioa:
Bug edo errorea konpondu bitartean Nautilusen hobespenak ikusi eta aldatzeko modu alternatibo bat da dconf-editor aplikazioa.

Nola erabili: terminalean dconf-editor sartuta abiatzen da aplikazioa eta Nautilusen hobespenetara iristeko bidea hau da:  org > nautilus > preferences