Audio Recorder: grabatu mikrofonotik edo soinu txartelatik Ubuntun

(Eguneratua  2019/4/30ean)

Ubunturekin batera instalatzen zen Soinu-grabatzailea (gnome-sound-recorder) aspaldi honetan ez du funtzionatzen. Izan ere, Ubuntu 16.04tik kendu dute.

Bestetik aplikazio horrekin mikrofonoaren soinua bakarrik  graba zitekeen, baina nola grabatu pelikula baten audio zati bat, bideo konferentzia bat, entzuten ari garen irrati emisio bat edo edozein audio?

Lehengo batean arazo honi irtenbide bat bilatu nion eta mezu honetan azaldu nuen. Gaurkoan ordea, errazago eta erabilgarriagoa den soluzio bat topatu diot: Audio Recorder aplikazioa.

Ezaugarriak:

nire ustez interesgarriena da aukera ematen duela hautatzeko grabazio iturria, eta bertan mikrofono eta bertan Internal Audio Analog Stereo, alegia soinu txartelaren soinua. Horretaz gain mikrofonoa, webcam, Rhythmbox, Skype...
Automatikoki has daiteke grabatzen ordu zehatz batean edo soinua hastean eta gelditu hainbat denbora pasata edo isiltasuna egiten denean.
Onartzen dituen formatuak: ogg, flac, mp3, mp2, spx eta wav.
Automatikoki gordetzen du karpeta nagusiko Audio karpetan. Gordetzeko tokia alda daiteke Addicional settings atalean.

Ubuntun instalatzeko bere PPA edo biltegi propioa aktibatu behar dugu. Terminal batean hurrenez hurren exekuta ezazu:

sudo add-apt-repository ppa:audio-recorder/ppa
sudo apt-get update
sudo apt-get install audio-recorder

Aipatu formatu guztiak erabili ahal izateko komeni da egiaztatzea plugin hauek instalatuta dituzula (terminalean itsatsita):

sudo apt-get install gstreamer0.10-plugins-base gstreamer0.10-plugins-good gstreamer0.10-plugins-ugly gstreamer0.10-plugins-bad gstreamer0.10-plugins-bad-multiverse





PulseAudio Volume Control izan daiteke beste aukera grabatu nahi duguna bideoa denean, esate baterako interneten ikusi baina deskarga ezin den bideo baten kaptura edo screencast  egiteko,  skype elkarrizketa bat...
Hau egiteko urratsak hauek dira:

1- Pavucontrol (PulseAudio Volume Control) instalatu:
sudo apt-get install pavucontrol
2- Abiarazi: Aplikazioak >  Soinua eta bideoa > PulseAudio Volume Control
3- Recording fitxara joan eta egiaztatu Show: Applications agertzen dela. Martxan jarri bideo-kapturatzailea (RecordMyDesktorp edo dena delakoa) eta PulseAudion Record stream from atalean Monitor of Built-in Audio Analog Stereo hauta.

Hori eginda mikrofonotik grabatu beharrean barne audioa grabatuko du.