Ktouch 2.3 mekanografia

Aurreko batean idatzi nuen mekanografia ikasteko KDE inguruneak garatu duen Ktouch aplikazioaz. Ubuntu 14.04 bertsioarekin batera Ktouch 2.3 bertsiora pasatu da eta bertsio honen ezaugarri batzuk iruzkinduko ditut.

Ubuntun Ktouch software-zetrotik instala daiteke edo terminalean agindu hau itsatsita:

sudo apt-get install ktouch

Behin instalatuta martxan jartzeko Aplikazioak > Hezkuntza atalera joko dugu.

Ezarpenak

(1) Hasi baino lehen aplikazioaren ezarpenak egokituko ditugu. Lehenik eta behin ikasgaien hizkuntza: aplikazioa irekitzean Catalá proposatuko digu; gezi berdearekin aurrera egingo dugu Euskara hizkuntzara iritsi arte.

(2) Euskara ariketak 38 ikasgaik osatzen dute. Ikasgai batetik bestera pasatzeko abiadura eta zuzentasun minimo batzuk gainditu behar dira. Aplikazioak lehenesten duen abiadura, nire ustez, gehiegizkoa da eta komeni da egokitzea. Horretarako eskuineko goiko ertzean agertzen den eta ezarpenen menua zabaltzen duen giltza ingelesean klikatuko dugu eta bertan Konfiguratu typewriter training... klikatuko dugu eta abiadura minutuko 90 pultsazio ingurura jaitsiko dugu. Beste ezarpenak bera hartan uztea proposatzen dizut: teklatua eta estatistikak pantailan ikustea, lerroa bukatzean Sartu tekla sakatzea hurrengo lerrora pasatzeko eta zuzentasuna %98an.

Eskuen posizioa

Ikasgaiekin hasi aurretik kontuan izan hatzen kokalekua eta hatz bakoitzaren lan esparrua.

Kontuan izan:

• Hatz erakusleak F eta J tekletan kokatuko ditugu. Teklok dituzten koskei esker jakingo dugu, teklatua begiratu gabe, eskuak ondo jarriak ditugula. 
• Koloreen bidez jakingo dugu letra berriak zein hatzez sakatu behar dugun. Argi ibili C teklarekin¡¡
• Beste lerro batean dagoen tekla zapaldu ondoren hatza jatorrizko posiziora bueltatu behar dugu. 
• Hitzen arteko tarteak erpuruez zurigune-tekla sakatuta egingo ditugu. 
• Lerroa bukatzean hatz txikiaz Sartu (Enter) tekla sakatuko dugu. 
• Okerreko tekla sakatuz gero zuzendu behar dugu (bestela ez du hurrengo lerrora pasatzen) J askatu gabe eskuineko hatz txikiaz Atzera (Backspace) tekla sakatuta.
• Maiuskulak egiteko letra sakatu behar ez duen eskuko hatz txikiaz Maiuskula (Shift) tekla sakatu behar dugu. (15. ikasgaian). Soilik hainbat maiuskula jarraian idatzi behar dugunean erabiliko dugu maiuskulen blokeoa (Caps Lock).
• Teklatua ez begiratu¡¡. Duda baduzu begiratu pantailako teklatua.

Ekin
Hasteko Start Trainig botoia sakatu.

38 ariketetatik lehenengo 14tan letrak lantzen dira. Hurrengoetan errepasoko abestien artean zenbakiak eta gainerako ikur grafikoak.
Ariketak ondo egiteak kontzentrazio handia eskatzen du: aukeratu momentu egokia. Ahal dela egunero egin ariketak baina pasa gabe (ordu erdi bat nahikoa izan daiteke).

Izan kontuan mekanografia ikasteko egin behar den denbora eta esfortzu inbertsioa segituan amortizatuko duzula idazteko abiadura eta zehaztasunari esker  eta, batez ere, begiak pantailatik ez kentzeak dakarren produktibitate erosotasuna eta ergonomiari esker.
Animo.

Programatzen ikasteko hainbat baliabide

Pil-pilean dagoen kontua da eskoletan programazio informatikoa ikasi behar ote den eta eduki horiek oinarrizkoak izan behar ote duten.

Garai batean bigarren hezkuntzan programatzen ikasten zen, gehien bat BASIC programazio hizkuntzan, neurri batean nork bere programak egin behar zituelako.  Egun edozein gauza egiteko programa mordo eta oso onak daude. Eta programazioa baztertu zen oinarrizko hezkuntzatik.

Penduluak norabidea aldatu du orain. Mendebaldeko hainbat gobernuk ohartu da softwarearen industriak gora egin arren informatikako graduatuen kopurua gelditu egin dela eta kezkatuta omen daude Europa ez ote den esparru horretan atzean geldituko. Zentzu horretan Estonian, Bretainia Handian, Frantzian eta Nafarroan bertan lehen hezkuntzako curriculum-tik hasi dira programazio edukiak sartzen Europako Batasuneko aholkuak jarraituz.

Programatzen ikasteak hainbat zehar lerro edo gaitasun lantzeko oso egokia bada ere, hala nola pentsamendu analitikoa, problemen ebazpena, talde lana eta abar, aditu batzuk, Linus Torvald tartean,  zalantza dute ikasle guztiek landu behar ote duten.

Eztabaidak eztabaida gaurkoan hona ekarri nahi dut programazioaren oinarrizko kontzeptuak Lehen Hezkuntzatik hasita ikasteko hainbat baliabide.


Code.org

Atzean besteak beste Microsoft eta Google dituen ekimen honek webgune oso interesgarria eskaintzen du: code.org, teknikoki bikaina eta pedagogi ikuspuntutik oso landua. Bere helburua da era ludiko eta autonomo batean haur, ume eta gazteek programazioaren oinarrizko algoritmoak bereganatzea.

Programazio hizkuntza erabili beharrean Scratch-ek ezagutarazi dituen eta elkarri atrakatzen edo lotzen diren piezen sistema erabiltzen du. Komandoak, aldagaiak eta abar piezen bidez definitu eta kateatzen dira.

Aipatuaz gain ezaugarriak nagusiak hauek dira:

• 4,6,8 eta 10 urtetik gorako ikasleentzako 20na orduko ikastaroak.
• ikastaroek joko-ariketak, bideo azalpenak, ariketa artistikoak... dituzte.
• area librea formak eta web-jolasak diseinatzeko.

Eguneratzea 2015/12/15ean

Web orriaren hizkuntza aukeratu daiteke. Ez dago euskaraz eta ez du ematen egongo denik. Nire gomendioa da ingelesez egitea: batetik lexiko urria eta erraza erabiltzen du eta bideo-azalpenek azpitituluak dituzte, bestetik programatzen ikastearekin batera ingelesa ikasteko tresna bikaina da.
 
Fede gutxikoa ni. Euskaltzaleen komunitate bikainari esker eta 2015eko azaroaren 7an euskaratzeko maratoia antolatu zuten UEU eta EHU unibertsitatei esker tresna garrantzitsu hau euskaraz erabil dezakegu.


Scratch

MITek diseinatutako programazio aplikazio plataforma-anitza bat da. Piezen bidez istorioa eta jolas multimedia osa daitezke.

Algoritmoak eta aldagaiaz gain sorkuntza multimedia errazten duten pertsonaiak, soinuak, efektuak, sentsoreak, eszenatokiak...

Sortutako programak biltegi batera igo eta deskarga daitezke.
Haren didaktika aurrekoa baino konplexua da, izan ere, Scratch lanabesa da; irakasleak antolatu behar du nondik nora, erritmoa eta abar.

Aukera oso interesgarria da code.org-ekin hasi ikasteko eta Scratch proiektu bezala planteatzea.

Aplikazioaren 1.4 bertsioa  Ubuntun software-zentrotik instala daiteke. 2.0 bertsioa Linux (32bit), Windows eta Mac-erako hemendik deskarga daiteke. Beste modu bat 2.0 bertsioa erabiltzeko web aplikazioa da; ez da instalatu behar baina ikasgelan erabiltzeko konexio ona behar du.

Scratch-en erabilera hezkuntzarako robotikaren mundura zabaldu. Plaka elektroniko eta roboten proiektu nagusiek Scratch-en oinarritutako modulu-programak erabiltzen dituzte: mOway, Lego Wedo, Arduino, mBot...



KhanAcademy-ko "Intro to JS: Drawing & Animation" ikastaroa

Ikastaro hau (https://www.khanacademy.org/computing/computer-programming/programming) planteatu daiteke sekuentzia honetako hirugarren urratsa bezala. Bertan bai, programazio hizkuntza bat lantzen da, JavaScript hain zuzen, weberako eta kasu honetan html5 inguruneko irudia eta animazioari zuzenduta.

Antza handia du core.org webgunearekin: hau ere ikastaro bat da, ondo egituratua, urratsez urrats aurkeztu eta lantzen dira programazio algoritmoak eta irudi estatikotik animaziora pasatzen da. Kasu honetan ere bideo-tutorialak erabiltzen dira azalpenetarako eta ondoren ariketak. Baina ikastaro hau bigarren hezkuntzatik gora erabiltzeko.

Linkat: azaleko azterketa

 

Linkat -bere web orritik euskaratzen dut- Kataluniako Generalitat-aren Hezkuntza Sailak sortu eta hezkuntz komunitateari eskaintzen dion GNU/Linux egokitutako banaketa da. Software libreko proiektua da ematen diona ikastetxeei, eta baita gizarte osoari ere, aukera eskuratzeko era legalean, doanik eta laguntza profesionalarekin aplikazio multzo zabal bat: hezkuntzakoak, bulegokoak, internet, multimedia...

Ubuntu euren behar eta gogoei egokitu eta Remastersys aplikazioaren bidez banaketa -erremasterizazioa da termino egokiagoa- propioak sortu dituzte.

Irailan Linkat edu 14.04 kaleratu zuten, 32 eta 64 biteko bertsioetan, eta ordenagailu batean instalatu dut bere ezaugarri nagusiak ikustearren. Hona hemen:

Sistema, aipatu bezala, Ubuntu banaketa hartzen du oinarri eta Gnome klasikoa Fallback mahai inguru lehenetsia. Gaia Radiance. Hizkuntza katalanera bai edo bai.

Gehitutako aplikazioak: Ubuntuk berez dakartzan aplikaziez gain katalanek hauek gehitu dizkiote:

• Gehigarriak: PDF Mod 
• Hezkuntza: Geogebra, JClick Autor, Kmplot, Marble, Scratch.
• Grafikoak: Gimp, Inkscape, Gscan, ImageMagic, KolourPaint, Phatch, Scribus
• Bulegoa: EbookReader, PdfSam.
• Audio eta Bideoa: Audacity, Cheese, DeVeDe, Musescore, OpenShot, RecordMyDesktop, VLC, Winff.
• Zientzia: Stellarium
• Internet: Kompozer
• Sistemaren tresnak: Sinaptic, Remastersys
• Wine.

Oso erremasterizazio interesgarria: sistema eta ingurune bikaina eta aplikazioetan oso konpletoa. Aplikazio interesgarriak erantsi dizkiote nahiz eta nire ustez pare bat kasutan behintzat hautatu dituztenak baino hobeak egon.

Hemen duzu irudi galeria txiki bat:

Tupi (I) 2D animazioak: nola instalatu

Tupi bi dimentsioko animazioak egiteko aplikazio librea da. Linux eta Mac sistemetan funtzionatzen du.

Tupik sortutako bideotik abiatuta Qgifer-en bidez sortutako gif animatua

KToon aplikazioaren fork edo garapen alternatiboa da.

Flash edo Synfig Studio-ren aldean Tupi-k ez dauka denbora lerrorik, fotogramen edizioan oinarritzen baita, hori bai, tween tresnaren bidez bi fotogramen arteko fotogramak sortzen ditu automatikoki mugimendu, tamaina, kolore edo errotazioa sortuz.

Sortutako animazioa bideo (webm, ogv, avi, mov, mpeg...), swf edo png, jpeg fotograma zerrenda gisa esportatu daiteke.

Instalatzeko:

Tupi proiektuaren web orrira (http://www.maefloresta.com),  Downloads atalera joan eta zure sistemari dagokion atalean klikatu. Ubunturen kasuan zure bertsioari dagokiona aukeratu, deskargatu eta fitxategian klik bikoitza eginda instalatuko da eta Aplikazioak > Grafikoak atalean agertuko da.

Oharra:
Datozen egunetan oinarrizko funtzionamendua deskribatzen duten bideotutorial batzuk argitaratzeko asmoa daukat.

Irratia internet bidez Great Little Radio Player

Great Little Radio Player mundu osoko irratiak entzuteko aplikazio arin eta libre bat da. Berez 300 inguru irrati dakar, mundu zabalekoak, gehienak musikalak, estilo aldetik aukera oso zabala: dance, folk, etno, rock...

Irratiak generoz eta herrialdez ordena daitezke. Horretaz gain gogokoen taldea edita daiteke beti eskura izateko.

Aurreko irudian interfazea ageri bada ere aplikazioa abiatzean interfazea ez da ikusten (ezarpenetan alda daiteke), panelean agertzen da eta klikatuz gero gogokoen zerrenda, interfaze osoa eta ixteko aukerak ageri dira.

Instalazioa:

Aplikazioaren webgunera joan:  https://sites.google.com/site/glrpgreatlittleradioplayer/home

Download klikatu eta zure Linux banaketa eta sistemaren bitei dagokien fitxategia deskargatu eta klik bikoitza eginez exekutatu.

Nola gehitu irrati bat:

Aukera zabala bada ere oso puntu interesgarria da nahi dugun irratia gehitzen ahal dugula, beti ere irrati hori streaming bidez emititzen badu, hau da interneten entzun badaiteke.

Ikus dezagun nola gehitu irrati bat, esate baterako Txingudiko Antxeta Irratia.

1- Irratiaren webgunera joan, internet bidez entzuteko estekan eskuin klik egin eta fitxategia gordeko dugu. Kasu honetan m3u formatuko fitxategia.

2- Editatu deskargatutako fitxategia, haren gainean eskuin klik eta Gedit aplikazioarekin ireki.  Streaming-aren web helbidea kopiatu.

3- Great Little Radio Player-en menuan aukeratu Stations > Add a new station
Bertan irratiaren izena jarri ondoren aurreko pausuan kopiatutako helbidea Address atalean itxatxiko dugu. Ondoren osa dezakegu generoa eta herria. Markatu Favoriye eta onartzeko Add klikatu.

Hiru urrats hauekin Antxeta Irratia Gogokoen taldean agertuko da. Horrela egin dezakezu nahi duzun irrati guztiekin.

Kolourpaint, Ubuntun Painten antzekoen den aplikazioa

Margotu eta koloreztatzeko badira aplikazio hobeak, hala nola Gimp, Pinta, Krita, txikientzako Tuxpaint, baina hainbat Windowsero ohi faltan dute Paint Linuxera pasatzen direnean. No problem. Paint aplikazioaren imitazio batzu daude Linux/GNUn -GNUpaint, GnomePaint...- baina diferentziaz Windowsekoarekin antza handiena duena eta hoberen dabilena KolourPaint da.

Marrazteko tresnak eta haien jokaera Windowsen antzekoak dira.

KolourPaint  software-zentrotik instala dezakezu edo terminalean honako hau itsatsita:

sudo apt-get install kolourpaint4

Kontuan izan KDE paketekoa dela eta pakete horretako beste aplikaziorik ez baduzu mega dezente deskargatu behar dituela.

Picaxe: nola instalatu Programing Editor Ubuntun

Mezu honetan ikusiko dugu Picaxe markako txartelak programatzeko Programing Editor aplikazioa nola instala daiteke Ubuntu eta deribatuetan.

1- Programak ez du Linuxerako bertsioa, beraz Wine beharko dugu, Windows-en simuladorea. Ez baduzu instalatua honako hau itsatsi behar duzu terminalean:

sudo apt-get install wine

2- Picaxe-ren Programing editor deskargatu behar duzu. Horretarako Picaxe-ren orriaren deskargetara joan eta bas805.exe deskargatu.

3- Picaxe-ren instalazioa. Deskargatutako fitxategian eskuin klik egin eta ireki Wine-rekin.

4- Ibili ahal izateko mfc40.dll libreria deskargatu eta /home/zure_karpeta_nagusia/.wine/drive_c/windows/system32 karpetan itsatsi
(.wine karpeta ezkutuan dago, ikusi ahal izateko Ctrl+h egin behar dugu fitxategi arakatzailean).

Berrabiarazi ekipoa eta probatu.

Oharra
Mezu hau agertuko balitz: wav32.ocx or one or its dependencies is missing  erregistratuko dugu fitxagia terminalean hau exekutatuta:

wine regsvr32  "C:\windows\system32\wave32.ocx"  

Ubuntu, nola instalatu FET ikastetxeko ordutegiak generatzeko

FET (Free Education Timetables) ordutegiak generatzeko aplikazio libre bat da. Bere web orrian ikus daitezke bere ezaugarriak eta mugak.

FET  instalatzeko:

1- FET aplikazioaren deskarga orrira joan: http://lalescu.ro/liviu/fet/download.html eta bertan klikatu deskargatzeko azken bertsioa (mezua idazteko unean 5.23.1). Aukera emango digu irekitzeko fitxategi kudeatzailearekin edo gordetzeko; irekitzeko esango diogu deskonprima dezan, horretarako Erauzi klikatu eta esan non erauzi behar duen karpeta (demagun Dokumentuak karpetan).

2- Behin deskargatuta eta deskonprimatuta aplikazioa konpilatu behar dugu. Horretarako QT-ren programa bat instalatu behar dugu terminalean hau itsatsita:

sudo apt-get install qt5-qmake

3- Ondoren terminalean sartuko gara deskonprimitu berri dugun fet-5.23.1 karpetan (adibidez Dokumentuak karpetan deskonprimitu badugu):

cd Dokumentuak/fet-5.23.1

4- Eta konpilatuko dugu hurrenez hurren bi komando hauek exekutatuta

sudo qmake
sudo make

Lehenengoa segituan aplikatzen da baina bigarrenak minutu dezente behar ditu.

5- Aplikazioa abiatzeko fet-5.23.1 karpetako fet izeneko fitxategian eskuin klik egin eta 'Ireki'.
Aplikazioetan abiarazle bat eduki nahi baduzu paneleko Aplikazioetan eskuin klik egin eta 'Editatu menuak', Bulegoa taldea hautatu eta 'Elementu berria' klikatu, fitxako izenean FET idatzi eta komandoan arakatu fet-5.23.1 karpetako fet fitxategia.



Oharra:
Instalazio modu horrek zerbaitegatik huts egingo balu ordezko bezala instala dezakezu FET Ubunturen biltegitik. Azkarragoa da baina instalatzen duen bertsioa -mezua idazteko unean bederen- 5.18.0-1 da.


lehenik eta behin egiaztatuko dugu Universe biltegia aktibatuta dugula. Horretarako Sistemaren ezarpenak > Softwarea eta eguneratzeak

Desaktibatuta bazegoen eta aktibatu badugu freskatu behar dugu iturriak, terminalean:

sudo apt-get update

eta FET instalatzeko:

sudo apt-get install fet

Abiarazlerik ez du sortzen, beraz abiatzeko Unity-ren Dash-ean edo, bestela, terminalean idatzi:

fet

Fritzing, zirkuitu-txartelen diseinu librea

Fritzing zirkuitu-txartel elektronikoak diseinatzeko software libreko aplikazioa da. Elektronika ikasteko tresna oso baliagarria, izan ere, era intuitibo batez batez txartelaren elementuak aplikazioaren biblioteketatik arrastratu, bere ezaugarriak definitu,lotu eta PCB (Printed Circuit Board)  edo zirkuitu-txartela diseinatu, dokumentatu eta ekoizpenerako prestatzeko aukera ematen du.

Fritzing proiektuak harware libreko Processing eta Arduino proiektuekin lotura estua du.

Proiektuak aplikazioaz gain komunitaterako webgune bat (http://fritzing.org) eskaintzen du non dokumentazioa eta tutorialez gain zure proiektuak partekatzeko eta besteenak deskargatzeko aukera ematen du.

Hona hemen aplikazioa ilustratzen duen bideo bat:


Ubuntu eta deribatuetan instalatzeko terminalean exekutatu honako agundu hauek:

sudo add-apt-repository ppa:ehbello/fritzing
sudo apt-get update
sudo apt-get install fritzing

Windows eta Mac-erako bertsioak hemendik deskarga daitezke.


Fritzing softwarea IDL (Interaction Desing Lab) laborategiak eta Postdamgo Fachhochscule unibertsitateak garatu dute.

Kontzeptu mapak VUErekin IKASLEAK karpetatik

Kontzeptu-mapak egiteko aukera ematen duten aplikazioen artean beste mezu batean komentatu nuen VUE aplikazioak nabarmentzeko bi ezaugarri interesgarri ditu:

+ Kontzeptuen arteko lotura edo harremana editatzeko aukera ematen du.

+ Programaziorako fluxu-diagramak egiteko oso egokia da.

Eta gaur aipatu nahi dudan beste ezaugarri bat: aplikazioak ez du instalaziorik behar eta, beraz, aukera ematen du ikastetxeko sarean jartzeko eta bertatik exekutatzeko edozein ordenagailuan. Erregistratu eta sartu ondoren VUE.jar deskargatu  (pazientzia) eta fitxategia sarean koka dezakegu, IKASLEAK karpetan esate baterako.

Ikasleek aplikazioa erabili ahal izateko fitxategia dagoen tokira joan, eskuin klik egin > Irekin honekin > Java aukeratu -berdin du OpenJGK edo Oracle Java-.

RAW formtatutik JPEG formatura bihurtu multzoka

Argazkien RAW formatuak hainbat abantala du baina eragozpenak ere bai: ikustaile askok ez dute onartzen, astunak dira...

Dena den arrazoia RAW argazkiak multzoka pasatu nahi baduzu JPEG formatura Ufraw aplikazioa erabil dezakezu.
Ufraw RAW irudiak ikusteko eta editatzeko aplikazio multiplataforma da. Baina kasu honetan terminaletik erabiliko dugu ufraw-batch osagia erabilita.

Urratsak Linuxerako:

Ufraw instalatu. Terminalean hau exekutatuta:
sudo apt-get install ufraw

Terminaletik irudiak dituzun karpetara joan. Adibidez Irudiak karpetan badituzu:
cd Irudiak

Bihurketa egiteko agindu hau exekutatu:
ufraw-batch --out-type=jpeg  ./*.NEF

Kontuan izan RAW formatuak hainbat luzapen eduki ditzakeela (ikusi Wikipedian). Nik adibidearen aginduan NEF jarri dut, Nikon-ena, bain zurea beste bat bada NEF jartzen duen tokian zure argazkien formatua jarri behar duzu.
Prozesuak denbora behar du, irudiko segundu gutxi batzuk. Pazientzia.

Ubuntu: nola jakin zer software pribatiboa duzun instalatuta

Hardware kontuengatik, eduki mota guztiak ikusi-entzun ahal izateko edo dena denagatik gehienok dugu hainbat kontrolatzaile, kodek, letra mota edo aplikazio pribatibo instalatuta.

Ubuntu edo Debian-en oinarritutako Linuxa baduzu vrms aplikazioa erabil dezakezu jakiteko zein software pribatibo duzun instalatuta.
Vrms instalatzeko terminala ireki eta bertan hau itsatsi:
sudo apt-get install vrms

Ondoren terminalean idatzi:
vrms

eta esango dizu zer software pribatiboa duzun, delako software hori instalatzeko edo kontrolatzeko librea eta software guztiarekiko ehunekoa.
Hona nire ekipoak emandakoa:

2481 programetatik 8. Tira, ez dago gaizki.

Bitxikeri bezala jakin ezazu vrms Virtual Richard M. Stallman-en siglak direla, izan ere Bdale Garbee eta Bill Geddes-ek garatu zuten Richard-ekin Debianen  librea ez den softwarea erabiltzearen egokitasunaz izandako eztabaida baten ondorioz.

Luberri banaketa

Microsoft-ek eskoletako ekipoetan nagusi den Windows XP sostengurik gabe utzi duen egun hauetan Linux sistemako Luberri banaketa deskargatzeko moduan jarri dut eskuin paneleko Luberri banaketa atalean.

Linux banaketa hau Donostiako Antigua-Luberri institutuan erabiltzen dugun Ubunturen aldaera bat da. Ubunturen aldean hezkuntzarako interesgarriak diren hainbat aplikazio ditu eta, batez ere, Windows zerbitzarian integratzeko prest dago. Horri ezker irakasleak zein ikasleak euren ohiko erabiltzaile eta pasahitzarekin sartzen ahal dira ordenagailuan, Active Directory-k esleitzen dizkien eskubideekin eta zerbitzarian partekatuta dauden karpetak muntatzen zaizkie.

Ubuntuk aste pare bat barru LTS bertsio berria aterako du baina oraingo banaketa Ubunturen 12.04.4 bertsioan oinarritzen da eta 2017 arteko sostengua du.

Deskargak, zehaztasunak, instalatzeko mudua eta abar eskuin paneleko Luberri banaketa atalean daude.

Skype euskaraz

Nola instalatu eta euskaraz jarri Skype  Ubuntun, Debian edo Mint-en.

Hona hemen Microsoft-ek interneten bidez bideo eta audio konferentziak egiteko duen VoIP aplikazioa den Skype-ren 4.3 bertsioa nola instalatu Debian, Ubuntu edo Mint distribuzioetan eta ondoren interfazea nola jarri euskaraz.

By Justin in Flickr

Lehenik eta behin Skype instalatuta badugu begiratuko ea bertsio berririk ote dagoen eta, balego deskargatu eta instalatuko dugu.



Skype ez badugu  Linuxerako Skype deskarga-orri ofizialera joan:

http://www.skype.com/en/download-skype/skype-for-linux/

eta Chose your distribution esaten duen tokian aukeratu zurea, Ubuntu eta Minterako Ubuntu 12.04 (multiarch) klikatu, itxaron eta deskargatu.

Instalatzeko, terminalean joan deskargatu duzun karpetara (adibide honetan Deskargak)

cd Deskargak

eta instalatu

sudo dpkg -i skype-ubuntu*.deb; sudo apt-get -f install

64 bit-eko sistema baduzu audio kalitatea hobetzeko instalatu ondoko paketea:

sudo apt-get install libasound2-plugins:i386


Behin instalazioa burututa aplikazioa euskaratuko dugu. Horretarako joan web-orri honetara:

http://sourceforge.net/projects/skypeeuskarazkoitzulpena/files/LINUX-erako%20SKYPE%20ITZULPENA/Skype%204.3/

eta deskargatu skype_00.ts eta skype_00.qm paketeak. Fitxategiok behar den tokira kopiatzeko terminaletik joan deskargatu duzun karpetara (adibide honetan Deskargak karpeta) eta exekutatu kopiatzeko aginduok hurrenez hurren:


sudo cp -a ~/Deskargak/skype_00.ts /usr/share/skype/lang/
sudo cp -a ~/Deskargak/skype_00.qm /usr/share/skype/lang/

Bukatzeko ireki Skype (Aplikazioak > Internet > Skype) eta Ubunturen panelean klika Skype-ren ikonoan eta menuan klikatu Options, irekitzen den menuan Set program language to: eta zerrenda horretan aukeratu:

Apply klika eta itxi Close, menua ireki eta atera aplikaziotik Quit, abiarazi berriro eta kito Benito, lokalizazioa martxan ikusiko dugu. Eskerrik asko horretan jardun zaretenoi.

Master PDF Editor: editore on bat Linuxerako

Software libreko PDF editore on baten faltan Master PDF Editor aukera ematen du oharrak, nabarmentzeak eta abar egiteko.
 

Hona hemen Master PDF Editor aplikazioaren hainbat ezaugarri:

• Laster-markak egin.
• Testua editatu.
• Testua txertatu, formatudun zein formatu gabea.
• Irudiak txertatu.
• Testua nabarmendu (atzeko plano koloreduna testua argitu gabe), gainetik marratu eta azpimarratu.
• Ohar itsasgarriak.
• Forma geometrikoak txertatu.
• Irudiak PDF bihurtu eta PDF dokumentua irudi formatura esportatu.
• Orriak txertatu, biratu, ezabatu.
• Dokumentuak fusionatu, moztu.
• Estekak eta bestelako ekintzak txertatu.
• ... 

 Garrantzitsua da kontuan izatea txertatutako testua, forma geometrikoa, oharra, nabarmentzeak eta abarren ezaugarriak alda daitezkeela pantailaren eskuin aldean agertzen den Object inspector elementuan klik eginda zabaltzen den ezaugarrien panelean.

Aldiz orrien miniaturak, dokumentuaren egitura, laster-markak eta bilaketa tresna ezkerreko panel hedagarrian:

Bilaketa tresna bikaina ezkerreko panelean.

Editatu ondoren dokumentua gorde eta  PDF irakurgailuetan, hala nola Evince edo Adober Reader-en edizioak, oharrak eta abar ondo ikusten dira.

Aplikazioa QT-en egina dago eta ez da software librea baina Linuxen erabilera ez komertzialerako doakoa da. Windowsen pagokoa da behin probako 30 egun pasata.

Deskarga orriak

• Linuxerako 5. bertsioa aplikazioaren ur-marka jartzen duena. Hemen
• Linuxerako 4. bertsioa aplikazioaren ur-marka jartzen ez duena. Hemen

Debian, Ubuntu, Mint... familiarako .deb fitxategia deskargatu behar da. Hautatu behar da 32 edo 64 biteko bertsioa (zure ekipoa zein sistema mota duen ez badakizu begiratu Aplikazioak > Sistemaren tresnak > Sistemaren monitorea > Sistema.
Behin deskargatuta klik bikoitza egin gainean eta Software-zentroa irekiko da instalazioa egiteko.

Sound Juicer zure musika CDtik erauzteko

Erosi duzun diskoa, ordenagailuan edo telefonoan edo mp3-erreproduzigailuan entzun nahi baduzu diskoaren kantak erauzi edo ripeatu behar dituzu. Hori egiteko Linuxen ezagutzen dudan aplikaziorik interesgarriena Sound Juicer CD Ripper da.

Oso erraz funtzionatzen du. Behin aplikazioa abiatu ondoren CDa unitatean sartu eta detektatzen du. MusicBrainz datu-basera jotzen du tituluak deskargatzeko. Datu-base honetan datuok ez badaude diskoaren titulua, artista eta kanten tituluak eskuz sartu beharko ditugu.

Erauzketa hasi aurretik nola eta zein formatuan erauzi behar duen zehatz dezakezu hobespenetan:

Batez ere garrantzitsua irteerako formatua da. Kontuan izan formaturik hoberena ez bada ere MPEG Layer 3 Audio, alegia mp3 formatua, hautatu beharko duzula mp3 erreproduzigailuan entzun nahi baduzu zeren eta gailu horiek ez ohi dute bestelako formaturik onartzen.

Erauzteko esan eta gero gailura pasa.

Aplikazioa instalatzeko Ubuntun software-zentrotik egin dezakegu eta Debianen oinarritutako distribuzioetan terminalean honako hau itsatsi eta exekutatuta:

sudo apt-get install sound-juicer

Aplikazioa euskaraz dabil, laguntza eta guzti,  Mikel Olasagasti eta Iñaki Murgoitio librezaleei esker.


Beste aplikazio interesgarriak Linuxerako
Software bilduma

Ubuntun tipografiak kudeatu font-manager bidez

.ttf  TrueType Fonts da letra-moten fitxategi estandarra da. Ubuntun letra motak deskargatzea eta instalatzea hagitz erraza da: web-orri asko dago tipografiaz eta haietan loturak daude letrak deskargatzeko (adibidez eskuzko letra-moten katalogo hau). Gehienetan .zip fitxategi konprimituan deskargatzen dira, klikatu deskonprimitu eta klik bikoitza eginda instalatzeko aukera ematen du.

Behin instalatuta testu-prozesadorean eta gainerako aplikazioetan erabiltzeko aukera izango dugu.
Dena den tipografia gehiegi izateak badu bere eragozpenak: batetik aplikazioak moteltzen omen ditu eta bestetik letra-mota aukeratzeko zerrenda oso luzea denean zailagoa egiten da aukeratzea.
Hori dela eta, tipografiak kudeatzeko aplikazio interesgarri bat badago: font-manager. Instalatzeko terminal batean honako hau itsatsiko dugu:

sudo apt-get install font-manager

Unity baduzu martxan jartzeko dash-ean font-manager idatzi; Gnome klasikoa erabiltzen baduzu aplikazioa abiatzeko egin eskuin-klik menuko Aplikazioak atalean, eta Sistemaren tresnak atalean sortu abiarazle berria:

Aplikazioak aukera ugari eskaintzen baditu ere niretzat interesgarriena erabili behar ez ditudan letra-motak ezgaitzea da:

 

Ezker-beheko menuan gure letra-bilduma esportatzeko-inportatzeko eta letra-motak desinstalatzeko aukera ere bai. Ezkerreko paneletik kontrola daiteke letrak gaitzeak eta ez-gaitzeak uneko erabiltzaileari (user) edo erabiltzaile guztiei (all) eragin behar dien.



UPV-ek tipografia propioa aurkeztu berri du. Sustaturako egindako mezuan duzu bi letra-mota deskargatzeko aukera eta pdf interesgarri bat horiei buruz.

Xnoise Linuxen musika erreproduzitzeko

Xnoise Linuxerako musika erreproduzigailu interesgarria da. Bideoak ere erreproduzi badezake ere musikarako da batez ere praktikoa, izan ere behin instalatuta galdetzen digu musika zein karpetan -edo karpetetan- dugun eta oso katalogo intuitiboa antolatzen digu artista eta diskoen arabera antolatua.

Ezaugarri aipagarri batzuk:

• Artista, diskoa edo abestiaren bilaketa zuhaitz egituran zehar edo bilatzailearen bidez.
• Erreprodukzio edo pista-zerrenda edita daiteke abestiak nahi eran ordenatuz eta saio batetik bestera mantentzen du baina ezin da fitxategi batean gorde -momentuz-.
• Ekualizadorea du eta bertan hainbat aurrezarpen.
• Ubunturen soinu-menuan integra daiteke: Editatu > Hobespenak  > "Ubunturen soinu-menuarekin integrazioa" markatu.
• Hobespenetako pluginen bidez beste hainbat gauza egin daiteke, besteak beste abestien letrak bilatzea. 

Ubuntun instalatzeko itsatsi hurrenez hurren agindu hauek terminal batean:
sudo add-apt-repository  ppa:shkn/xnoise
sudo apt-get update
sudo apt-get install xnoise

Beste aplikazioak Linuxerako.
Software-bilduma.

Nemo Cinnamon gabe

Lehengo batean Nemo fitxategi arakatzailea aurkeztu nuen, Nautilusen fork-a Linux Mint-Cinnamon-erako.
Linux-Gnomerako oso arakatzaile interesgarria dudarik gabe baina Cinnamon interfazearekin batera instalatzen da eta duela egun batzu Cinnamon eguneratzea bat dela medio beste interfazetan erabiltzen genuenok ikono, atzeko plano eta Compizen leihoekin arazoak izaten hasi gara.

Kasu berean baldin bazaude hona modua arazo horiek konpontzeko.

Lehenik eta behin Nemo eta Cinnamon desintalatuko dugu.
sudo apt-get purge cinnamon*
eta hauek instalatzeko erabili genuen PPA kenduko dugu:
sudo apt-get install ppa-purgue
sudo ppa-purgue ppa:gwendal-lebihan-dev/cinnamon-stable

eta ondoren, Nemorekin kontent bazaude, berriro instalatuko dugu baina Cinnamorekiko dependentziak kenduta Webupd8.org-k jarritako PPA baten bidez. Horretarako Webupd8.org proposatutako urratsak emango ditugu.

OHARRAK
Behin Nemo instalatuta hura lehenetsi nahi badugu fitxategi-arakatzaile moduan honela egin dezakegu:
A- Zuretzat bakarrik: terminal batean honako hau itsatsi:

xdg-mime default nemo.desktop inode/directory application/x-gnome-saved-search

B- Ekipoko erabiltzaile guztientzat: terminalean honako hau exekutatu:

sudo gedit /usr/share/applications/defaults.list

irekitzen den fitxategian Ctrl+F egin eta nautilus hitza bilatu, haren ordez nemo jarri eta gorde.

Bestetik, karpeta batean eskuin klik egin eta ireki terminala eta ireki erro moduan (root moduan)  aukerak eduki nahi badituzu terminalean exekutatu honako hau:

sudo apt-get install nemo-terminal