Oraingoan pasa den ikasturtean erabili izan dugun 3.4.3 bertsiotik 3.6.4 bertsiora pasa dituzte uztaila eta abuztu bitartean.
Hona hemen hobekuntza nabarmenenak:
- Behin saioa hasita Boost-eko ezkerreko panelean aginte panela agertzen da. Bertan erabiltzailea matrikulatuta dagoen ikastaroak soilik agertzen dira. Oso praktikoa ikasle zein irakasleentzat. Panel honetan bi hobekuntza inplementatu dituzte:
- Ikastaro bakoitzari irudi miniatura bat esleitzen ahal zaio. Irudia jartzeko administratzaileak edo irakasleak egin dezake ikastaro bakoitzaren ezarpenak editatuta, ikastaroaren deskribapenaren azpian dago atal bat ikastaroaren laburpeneko fitxategiak izenekoa. Bertara igo edo jaregingo dugu irudia. Irudia nahiko panoramikoa da 340x130 pixelekoa, aplikazioak txikitu eta egokituko du.
- horretaz gain erabiltzaileak erabaki dezake bere ikastaro guztiak ikustea edo batzuk:
Hau da aginte panelak irudiekin hartzen duen itxura:
- ikonoak menuetan
- Atto editorean zuzenean grabatu daitezke soinuak eta bideoak
- hobekuntzak moodle app-an
- Galdera bankuko galderei etiketak jartzen ahal zaie eta haien bidez galderak iragazi.
- mezularitza interfaze berria. Bertan erregistratzen dira bidalitako eta jasotako mezu guztiak.
- Nextcloud integrazioa (CAUri adierazi behar zaio zein den ikastetxeko Nextcloud)
- Arrastatu eta jaregin galderak editatzea orain errazagoa da.
Beste alde batetik Hezkuntza Sailak Boost gaia edo itxuran erabiltzen zen estiloen CSSan hobekuntzak egin ditu edukiak hobeto ikusteko. Nire ustez momentu ona zure ikastetxeko gunea Moodleen itxura ofizial berrira pasatzeko. Hori egiteko cauf09@hezkuntza.net kontuan eskatu behar da.
Bukatzeko H5P pluginaren azken bertsioan jarduera berri bat dago: letra-zopa (Find the words). Bilatu behar diren izenak emanda letra-zopa sortzen du. Aukeran dago alboan izenak ikustea ala ez.
iruzkinik ez:
Argitaratu iruzkina