Beste hizkuntzetako zuzentzaileak instalatzeko aukera ematen du; horretarako menu nagusian Tresnak > Gehigarriak > Eskuratu gehigarriak eta ezkerraldean "Bilatu gehigarri guztiak" jartzen duen leihatilan idatziko dugu "francaise", "español", "catala", edo instalatu nahi dugun hizkuntzaren erreferentzia. Eskaintzen dizkigun aukeren artean egokiena hautatuko dugu eta berdin jokatuko dugu instalatu nahi dugun beste hizkuntzekin.
Ondoren, Thunderbird berrabiaraziko dugu eta mezu berria idazteko "Idatzi" klikatuko dugu, mezuaren beste datuak idatzi ondoren testuaren atalean klik egin eta konposizio barran agertzen den "Ortografia" zabalduko dugu hautatzeko idatzi behar dugun hizkuntza.
Hortik aurrera mezua idatziko dugu eta berak ulertzen ez dituen hitzak gorriz azpimarratuko ditu. Azpimarratutako hitzen gainean eskuin klik egin eta proposamena egingo digu, hautatu dugun hizkuntzan, noski.
iruzkinik ez:
Argitaratu iruzkina