2012/06/05

Nola konfiguratu LightDM

(Eguneratua 2016/5/2ean)

LightDM Linuxen erabiltzen den saioak kudeatzeko (Display Manager) pantaila bat da. Ubuntuk  jarri zuen 11.10 bertsiotik aurrera GDMren ordez arinagoa delako eta Gnomeren libreriak erabiltzen ez dituenez edozein distribuzioan erabili daitekeelako.

LightDM pantailaren ezarpenak moldatzen ahal dira eta horrek hainbat aukera eskaintzen digu.
LightDMren konfigurazio fitxategia aldatzeko editore batez irekiko dugu (nik gedit erabiliko dut):

sudo gedit /usr/share/lightdm/lightdm.conf.d/50-ubuntu.conf


eta ia hutsik dagoen ezarpen fitxategia irekiko da, honelakoa hain zuzen:

[SeatDefaults]
user-session=ubuntu

Hemen lerroak erantsiz hainbat moldaketa sar dezakegu:

  • Automatikoki erabiltzaile batekin sartzeko:
autologin-user=
autologin-user-timeout=0
lehenengo lerroan idatziko dugu automatikoki sartzea nahi dugun erabiltzailea eta bigarren lerroaren bidez jar dezakegu denbora bat -segundotan- sartze automatikoa geroratzeko eta beste erabiltzaile batekin sartzeko.

  • Erabiltzaileen zerrenda ezkutatzeko:
greeter-show-remote-login=false
greeter-show-manual-login=true

greeter-hide-users=true

Erabiltzailearen izena sartzeko leihoa agertuko da. Zenbait tokitan erabiltzaileen zerrenda ikustea ez baita egokia.

  • Saio mota bat lehenesteko:
Erabiltzaile bat lehenengo aldiz sartzean Unity, Gnome Shell edo saio klasikoa lehenesteko jatorrizko fitxategian agertzen den user-session=ubuntu Unity saioa lehenesten du, hauek dira aukerak:

                                            14.04                                  16.04
Unity:                                   ubuntu                               ubuntu

Gnome Shell:                       gnome                                gnome
Ubuntu klasikoa (Compiz)      gnome-fallback-compiz     gnome-flashback-compiz
Ubuntu klasikoa (Metacity)    gnome-fallback-metacity   gnome-flashback-metacity

Gnome Shell ibili ahal izateko aldez aurretik Gnome-Shell instalatu behar duzu:
sudo apt-get install gnome-shell
Azkeneko biak interesatzen bazaizkizu beste hau instalatu behar duzu:

    sudo apt-get install gnome-session-flashback

Etxerako ez du merezi zeren eta erabiltzaile bakoitzak, bere izenaren ondoan agertzen den gurpiltxoan sakatuta bere gogoko saio-mota aukera dezake baina erabiltzaile asko dituen toki batean, hala nola eskola, enpresa edo elkarte batean administratzaileari saio-mota bat lehenesteko aukera ematen dio ezarpen honek.
Pentsatzen dut Cinamon edo Mate ere era horretan ezar daitezkeela.

  • Erabiltzaile gonbidatua ezkutatzeko:
allow-guest=false

  • Teklatu numerikoa automatikoki aktibatzeko:
Ekipoak teklatu numerikoa desaktibatuta abiatzen dira, automatikoki aktibatzea nahi baduzu aldez aurretik numlockx aplikazioa instalatu behar duzu:

sudo apt-get install numlockx

eta, hori eginda -ez jarri bestela-, lighdm.conf fitxategian honako lerro hau erantsi behar duzu:

greeter-setup-script=/usr/bin/numlockx on






Oharrak

Hauek dira niri interesgarri iruditu zaizkidan aukerak. Aukera gehiago aztertzea nahi baduzu De ceros y unos-en bloga edo LightDM Ubuntu wikia kontsulta dezakezu. Bertan, besteak beste, ikus daiteke nola aldatu LightDM-ren atzeko irudia.
Sareko administratzailea bazara ekipoak banaka konfiguratu beharrean Remastersys edo distribuzio propioa prestatzeko bestelako lanabesa erabiltzea planteatzea duzu.

iruzkinik ez:

Argitaratu iruzkina