Surfer: 3Dimentsioko funtzioen irudikapena

Letretakoentzat lan nekeza izan da beti bi dimentsioko funtzioen interpretazioa,  parabolak direla, direla hiperbolak...  x eta y-rekin nahasita ibiltzen ginenontzat haren laguna den z agertzen denean forma matematikoen edertasunaz disfrutatzearekin konformatu beharko dugu.

Oberwolfacheko ikerketa matematikako institutuak garatu du eta hiru aldagaitako funtzioak  irudikatzen ditu. Funtzio galeria bat eskaintzen du eta funtzio hauetan zenbait aldagaien balioekin jolas daiteke formak aldatzeko.
Programa hiru sistema nagusietan dabil.

Linuxen instalatzeko hemendik jaitsi eta fitxategian bi klik eginda software biltegiak instalatuko du (instalazioa bukatzen duenean ez du adierazten baina programa prest egongo da Aplikazioak > bestelakoak taldean).
 

Ubuntu: aukeran Rhythmbox, Jamendo eta Magnatunerekin.

Ubunturen azken bertsioak, Natty Narval-ek, musika erreproduktorean aldaketa bat ekarri du Rythmbox-en ordez Banshee. Erreproduktore berrian ez dira agertzen Jamendo eta Magnatune musika libreko banatzaileen loturak.
Nola erabiltzen dira lotura horiek Rythmbox erreproduktorean? Ikus dezagun adibide bat. Demagun blues pixka bat entzun nahi duzula. Aplikazioak > Soinua eta bideo > Rythmbox musika erreproduzitzailea abiatu:

1. Hauta ezazu Jamendo (edo Magnatune).
2. Bilatzailean entzun nahi duzun musika estiloa (gure kasuan blues)
3. Artista, album edo zuzenean abesti bat hauta eta erreprodukzioa hasiko da eta jarraituko du zerrendako ordenan.
4. Albuma gustatu bazaizu eta deskargatu nahi baduzu mp3an entzuteko edo CD bat egiteko deskargatzeko ikonoa klikatu. Jamendoren kasuan doako deskarga hasiko da torrent bidez eta Magnatuneren kasuan erregistratu eta hilean 15$en truke nahi haina deskargatu ahal izango dugu.

Rythmbox instalatzeko -eta hala nahi baduzu Banshee desintalatzeko- Software biltegitik egin dezakezu.

Nola bilatu informazioa blog honetan

Aitorpen bat egin behar dut. Bloga sortu nuenean -Windows garaian- gehien bat erabilpen partikularrerako egin nuen. Bloga erabili aurretik gogoan izateko gauzak: trukoak, konponketak, nondik jaitsi ez dakit zer... testu dokumentuetan gordetzen nituen eta USB memorian gordetzen nituen. Bistan da sistema kaskarra zela, behar nuena topatzeko lanak eta USBrik gabe jai. Horretarako sortu nuen bloga: gogoan izateko gauzak eta apuntetxoak sarean, era antolatuan eta bilatzeko erraza den moduan edukitzeko.

Ondorioz neu naiz blog honen bezerorik fidelena. Sarri erabiltzen dut gogoratzeko nola instalatzen den Google Earth, Ubuntu abiatzean nola aktibatzea automatikoki teklatu numerikoa edo Libreofficen nola egin behar da dokumentu batean orri horizontalak eta bertikalak konbinatzeko. Zentzu horretan gaurkoan komentatu nahi dudana nola bilatu daiteke eduki bat blog honetan. Etiketak aparte utzita bi eratan:

Blogerrek, alegia blogak berak, ezkerraldean duen bilaketarako leihoa.

Bilaketa adimentsua Bloger-en bilaketa leihoan.

Firefoxen bilaketa motorean -Google Search atalean- edukia baino lehen luberri jarrita, ondoko adibidean ikus daitekeenez:

Bilaketa adimentsua Firefoxen bilaketa-motorean. Edukiaren aurretik luberri jarrita.

Gaur egun, partekatzearen garrantziaz jabetuta  -Linux garaiak- , zuek lagunontzat ere idazten dut tankera honetako mezuak.

html5ean saltoka

Flash-ek ematen dituen posibilitate guztiak berdintzeko asko falta bazaio ere html5, oraingoan javascript-ekin batera, web orriei inolako pluginen beharrik gabe gaitasun interesgarriak ematen dizkie.

Ikus dezagun adibide bat: PurpleFloydek diseinatu duen Fred Jones in Adventureland jolasa. Jolasean hasteko egin klik irudian. Norabidea ezker eta eskuineko geziekin kontrolatzen da, jausiak gorako geziarekin.

Ubuntu: nola jarri Gmail hobetsitako posta moduan.

Ordenagailuan posta-bezerorik (Evolution, Thunderbird...) erabili beharrean web-posta erabili nahi baduzu eta Gmail kontua sisteman integratu nahi baduzu Gnome Gmail aplikazioa behar duzu.

Instalazioa: http://gnome-gmail.sourceforge.net/ web orrira joan eta .deb bertsioan klika ezazu eta instalatu.

Aplikazioa instalatu ondoren hobetsi dezakezu Gmail posta-bidalketarako honako hau eginten: Sistema > Hobespenak > Hobetsitako aplikazioak > Posta irakurlea eta Gmail hauta ezazu.

Zer egiten du?
Edozein aplikazioan zaudela, Nautilus, Firefox, Libreoffice... lotura edo dokumentua bidaltzea agintzen duzunean automatikoki irekitzen da Gmail lotura edo dokumentua erantsita duela.

Errendimenduari begira interesgarria dudarik gabe.

Inkscape + Synfig + Byzanz Gif animatuak sortzeko

Synfig Studio animazioak egiteko aplikazio libre bat da, Flash-en antzekoa. Ez dut esango erraza denik eta ez dut topatu pulamenduzko dokumentaziorik, baina denbora eta pazientziarekin egin daitezke gauzak.

Sinfig-en irudiak egin eta ondoren animazioak sortzen dira. Dena den irudiak egiteko ez zait egokia iruditzen baina SVG formatuko irudiak inporta dezakeenez irudiak askoz aukera gehiago eskaintzen dizkigun Inkscape aplikazioan egin ditzakegu eta gero Sinfig-en inportatu. Goiko irudian esate baterako Pirritxen irudia egiteko argazki batetik abiatu, berau gardendu eta -txikitan egiten genuen bezala- kalkatu egin dut. Bi gauza eduki ditut kontuan: irudia egitean barruko kolorea duten elementuak marraztu behar dira eta kontuan eduki behar da zein elementu doan zeinen gainean. Bestetik Inkscape gradienteak egiteko aukera handiak ditu baina gradiente gehienak galtzen dira Sinfig-era pasatzean.

Sinfig duen akats bat da animazioak bakarrik ikus daitezkeela Sinfig-en. Eta hor sartzen da eszenatokian Byzanz. Byzanz applet bat da pantailako kapturak egiten dituena gif animatuen formatuan. Animazioa erreproduzitzen den pantaila zatia grabatu eta kito.

Inkscape ikasteko oso ondo dago Joaclint Istgud-en "Logo a logo" manuala.

Gif animatuak sortzeko era tradizionalean ondo dago GiftedMotion aplikazioia.

Mezu honetan aipatutako aplikazio guztiak libreak dira. Synfig eta Inkscape plataforma guztietarako bertsioak dituzte eta GiftedMotion java aplikazioa da.