Luberri

2018/10/29

Ikastaroko gaitasunen toki aldaketa Moodle 3.4 bertsioan.

EAEko Hezkuntzako Moodle 3.1 bertsiotik 3.4 bertsiora migratu da eta horren ondorioz hainbat aldaketa izan dira. Nagusiak mezu honetan aipatu nituen.

Badira beste batzuk toki aldaketekin lotuak, lehengoan rol aldaketaren toki aldaketa aipatu nuen.

Gaur beste toki aldaketa aipatuko dut. Gaitasunen ebaluazioarekin lotuta kasu honetan. Ikastaroko gaitasunak, hain zuzen, irakasleak ikastaro batean guneko gaitasun-markotik zeintzuk gaitasunak landu eta ebaluatu behar dituen zehazten den parametroa tokiz aldatu da eta Moodleko 3.4 bertsioan -Clean itxuran bederen- ikastaroaren kudeaketatik nabigatzailera pasatu da kalifikazioekin batera.

Gaitasunak kudeaketatik nabigaziora pasa da.

Moodleko Boost itxura darabilten guneetan, ordea, gaitasunak eta kalifikazioak eskerreko panel tolesgarrian agertzen dira.

2018/10/18

Openboard 1.4.1 Ubuntu 18.04rako euskaraz

Openboard proiektua arbel digitala eta tabletetan aritzeko Open-Sankore proiektuaren oinordekoa da. Une honetan Suizako Genevako Hezkuntza Sailak du mantenuaren ardura baina baliabide faltagatik edo dena denagatik ardura ez da behar bezain bestekoa eta ez dute prestatu Ubuntu 18.04 eta deribatuentzako bertsioa. Madrilgo Hezkuntza Sailaren GNU/Linux distribuzioak, MAX izenekoak, egokitzapena egin du eta gainera euskaraz dago. Hemendik deskargatzen ahal duzu:

openboard_1.4.1-Omax1_amd4.deb

Ez dut lotura zuzena jarri Madrilgo errepositoriora hurrengo bertsioa euskaraz ez dagoelako.

Instalatzeko terminalean fitxategia dagoen karpetatik
sudo gdebi openboard_1.4.1-Omax1_amd4.deb
exekutatu edo, bestela, fitxategian klik bikoitza egin.

Oharrak:
Programa Hezkuntza (edo bestelakoak) kategorian agertzen da eta lau gauzatxo komeni da kontuan izatea:

Abiatzen den aldiro abisatzen du bertsio berria dagoela, ez kasurik egin.
Tresna barrako ikonoen azpiko testuak agertzen badira barra osoa ez ohi da pantailan sartzen. Hori konpontzeko ezarpenetan desmarkatuko dugu "Erakutsi testua botoiaren azpian"
Pintzelen kolorea ez dira ikusten borragomatan eta koloretan klikatu arte.
Bestelakoetan kategorian agertzen bazaizu eta Hezkuntza kategorian nahiago baduzu, terminalean sudo gedit /usr/share/applications/openboard.desktop fitxategia ireki eta azken lerroan Education gehitu horrela utzita Categories=PDI;Education eta ondoren gorde eta itxi.

2018/10/17

Nola berreskuratu hainbat gehigarri Thunderbird 60 instalatu ondoren.

Thunderbird 60k argia ikusi eta bi hilabetera Ubuntuk sartu du bere errepositorioetan. Azkarregi nonbait, izan ere Thunderbirdek orain egiaztatutako gehigarriak soilik onartzen ditu eta, zein geratu da kanpoan? zein eta Lightning egutegia. Harrapazak.

Linuxen eguneraketa eginda Thunderbird 60 instalatuko da eta, instalatutako gehigarria begiratzen baduzu agian baten bat onartzen ez dela esango dizu. Nire kasuan Thundebird berriak ez ditu onartzen: Lightning, S3-translator, use BCC instead eta Super Date Format.

Hona hemen soluzio bat:
Desgaitutako gehigarriak desintalatu.
Deskargatu xpi formatuan eta eta gero Thunderbirdetik instalatu; horretarako menua > Gehigarriak eta pantaila horretan, bilaketaren leihatilaren ondoan klikatu eta "instalatu gehigarria fitxategitik" klikatu eta arakatu deskargatutako xpi fitxategia(k).

Lightningen azken bertsioa euskaraz deskargatzeko Firefoxen azpiko estekan eskuin-klik egin eta "Gorde lotura honela..." aukeratu. Chromium-Chromen aski da gainean klik egitea:

Lightning-6.2b6.eu.xpi

Beste hau S3-translator.

Beste batzuk: Use BCC instead gehigarriarentzat ez dago bertsio berririk.
Super Date format gehigarriarentzat ere ez dago bertsio berririk baina haren ordez ConfigDate erabili daiteke.

2018/10/03

OsmAnd 3k distantziak neurtzen ditu.

OsmAnd mugikorrerako OpenStreeMaps-en mapen gaineko nabigatzaile libreak bere 3. bertsioan distantziak neurtzeko gaitasuna gehitu du.

Distantziak neurtzeko alboko menua zabaldu eta bertan "Neurtu distantzia" tresna aukeratu. Ondoren mapan bi puntuen arteko distantzia neur daiteke edo, segitzen baduzu puntuak gehitzen, bidearen distantzia neurtzen du.

Oharra:
OSMAND instalatu nahi baduzu egin ezazu Fdroid-en bidez horrela OSMAND+, alegia, funtzionalitate guztiak dituen bertsioa doan izango duzu.

2018/09/14

Esteka motak ZIM wikian

ZIM wiki oharrak, apunteak, dokumentazioa... biltzeko aplikazio erraz eta praktikoa da. Ezagutzen ez baduzu oinarrizko informazioa duzu mezu honetan.

Erabiltzailea bazara interesatuko zaizu kontrolatzea estekak nola egiten diren, izan ZIM erabili daiteke web eta dokumentuen aurkibide moduan eta barne estekak ere interesgarriak dira.

Hiru dira ohiko estekak:

Web orri batera

Kopiatu orriaren URLa, hautatu testua, klikatu tresna barrako esteka tresnan eta itsatsi estekaren testu-koadroan:

Dokumentu edo fitxategi batera

Hautatu testua, klikatu esteka tresna, Browse botoia sakatu eta arakatuz joan lotu nahi duzun fitxategia:

Zim-eko beste orri batera

Esteka hautatu eta ":" idaztean proposatuko ditu lehen mailako orriak. Azpi-orri bati lotu nahi badiogu berriro sakatu ":" eta orri horren azpi-orriak eskainiko dizu.

Nola blokeatu Materen panela

Etxeko Linuxean Mate erabiltzen baduzu jakingo duzu ezarpenak erraz aldatzen direla, zenbait kasutan errazegi. Esate baterako mahaigaineko panela haren gainean eskuin klik aldatu edo ezabatu daiteke eta horrek erabiltzaile ausartentzat -hala nola, ume, gaztetxo eta adinekoak- arazo bat suposa dezake zeren agian ez dute asmatzen aldaketok desegiten.