Firefox 3.6 euskaratu

Firefox 3.6 bertsiora (edo Namoroka) eguneratu zaizu eta english pitinglis jarri al zaizu? Bada euskarara ekarri nahi baduzu aski duzu hemen klik egiten eta eu.xpi klikatu.
Bide batez, zuen bilaketa motoretik Google, Wikipedia(eu) edo besteren bat desagertu bada gogoratu bertatik instala dezakezula berriz ere. Begiratu "Search plugins for popular domains" atalean.
Aldaketa nabarmenen artean, abiadura kontuak bazter utzita, orri batean klik egitean fitxa berria bere eskuinean irekiko da eta ez azkenean (Tabs open relative gehigarria erabiltzen bazenuen desinstala dezakezu); bestetik tuneatzeko aukera gehiago dago get personas pluginari ezker.

Sarearen ezarpenak Ubuntun

Haridun sarea.

sudo gedit /etc/network/interfaces

IP flotanteduna.

auto eth0
iface eth0 inet dhcp 

IP finkoduna

auto eth0
iface eth0 inet static
    address xx.xx.xx.xxx          (IP helbidea)
    netmask 255.255.255.0
    gateway xx.xx.xx.xx            (irteera atea)

DNSak zehazteko

gedit /etc/resolv.conf

eta bertan idatziko dugu:

nameserver xxx.xxx.xxx.xxx
nameserver xxx.xxx.xxx.xxx

Sare konexioa berrabiarazteko

sudo /etc/init.d/networking restart

 

Linux eta HP inprimagailuak

Linuxen distribuzio gehienek HP inprimagailuak kontrolatzeko HPLIP izeneko aplikazio bat instalatzen dute. Hartara sistemak inprimagailua ezagutu eta bere kontrolatzailea instalatzen du automatikoki. Edozein modutan modelo guztietan ez dute funtzio eta aukera guztiak ibiltzen. Beraz HP inprimagailua baduzu eta ikusi nahi baduzu zein funtzionalitate dauden aktiboak kontsulta dezakezu orri honetan.

HP inprimagailua erostekotan bazabiltza orri horretan bertan ikus daitezke zeintzuk modelo dute funtzionalitate guztiak aktiboak (full soported).

Linux: Nola partekatu karpeta bat

Hiru partekatze-kasu aipatuko ditut:

• ekipoko beste erabiltzaileekin.
• sare lokalekoko beste erabiltzaileekin.
• interneteko beste erabiltzaileekin.

Partekatu ekipoanLinux oso sistema segurua da eta horrek bere prezioa du. Erabiltzaile arruntak (desktop user) ekipoko fitxategiak ikus-entzun ditzake baina soilik bere karpetan du eskubidea sortzeko, aldatzeko eta ezabatzeko. Administratzaileak egin dezake baina root bezala identifikatuta.
Ekipo berean hainbat erabiltzaile badago (gomendagarria aplikazioak eta interfazeak pertsonalizatzeko eta zenbait informazioaren konfidentzialtasuna gordetzeko) ikusiko dugu nola joka daiteke haien artean karpetak partekatzeko. Demagun familiakoen artean Argazkiak karpeta partekatu nahi dudala besteek argazkiak ikusteaz gain gehiago sartu ahal izateko eta daudenak aldatu edo ezabatu ahal izateko (baimenak eman eta ken daitezke). Urratsak:

1. Karpeta sortu. Une honetan drwxr-xr-x baimenak ditu, alegia nik -jabeak- baimen guztiak ditut eta besteek bakarri ikus dezakete fitxategiak. Baimenak aldatzeko karpetan eskuin klik egin eta Baimenak atalean Besterik alorrean "Sortu eta ezabatu fitxategiak" hautatuko dugu.
2. Karpeta jadanik balego eta materiala baleuka, material horren gainean eskubide guztiak besteei emateko karpetan gaudela Editatu > Hautatu dena> eskuin klik > Propietateak > Baimenak > Irakurri eta idatzi.
3. Beste erabiltzaileek karpeta hori erraz ikusteko partekatu nahi dugun karpetan eskuin klik egin eta Sortu esteka klikatuko dugu. Sortutako esteka hautatu eta ebakiko dugu (Ctrl+x) eta beste erabiltzaileen karpetan itsatsiko dugu (Ctrl+v). Hartara ia ia berea balitzan jokatu ahal izango dute.

Partekatu sareanSare batean bagaude eta gure ekipoko karpeta bat partekatu nahi badugu beste ekipoetako erabiltzaileekin honela joka dezakegu:

1. Partekatu nahi dugun karpetan eskuin klik egin eta Partekatze-aukerak markatu. Sambaren Sharin service instalatzeko eskatuko digu. Behin instalatuta aukera dugu karpeta horri konpartitze izen bat jartzeko eta aukera emateko irakurtzeaz gain beste erabiltzaileei baimena emateko fitxategi berriak sartzeko.
2. Karpetan dauden fitxategien gaineko baimenak kudea dezakegu, hala nola batzuk irakurtzeko soilik, beste batzuk modifikagarriak eta abar. Horretarako fitxategi hauetan eskuin klik egin > Propietateak > Baimenak > Besterenak.
3. Beste erabiltzaileek gure karpeta ikusteko menu nagusiko Lekuak > Sarea > Gure ekipoa egingo dute. Nahi izan ezkero esteka bat sor daiteke aurreko kasuan bezala atzipena errazteko.

Partekatu internetenHainbat era daude interneten karpetak, hona nire ustez bi modu interesgarri:

• Dropbox. Kontu bat sortu eta Nautilus arakatzailetik edo web-orritik parteka dezakegu karpeta bat munduko nahi dugunarekin honela. Dropboxen abantaila zera da programa instalatuz gero erabat integratzen dela Nautilusen, gure interneteko karpeta hori lokala bailitzan ikusiko dugu eta konektatuta bagaude di-da batean sinkronizatzen da.
  
• Google Docs. Antzera jokatuko dugu. Karpeta sortu edo dagoen karpetan eskuin klik egin eta Share > Invite people eta gonbidatu nahi dugunen helbideak jarriko ditugu.

Guvcview Webcam kontrolatzailea Linuxen

Webcam bat erosi dut eta, beste behin, driverra Windowserako. Puska bat googleatu ondoren ez dut fundamentuzko ezer ikusi. Ubuntu software-biltegian sartu eta frogak egiten hasi naiz: Canorama...poto, Kamoso...kale, Guvcview...bapo!

Irudiaren disdira, kontrastea, saturazioa.... audioaren ratioa, kanalak, formatua eta bideoaren ratioa, erresoluzioa, codec, formatoa... kontrola daitezke. Oso ona.


Komunikatzeko webcama erabiltzen duten programak: aMSN, kopete, ekiga , Skype 2.0 eta Emphaty hainbat konturekin:
Guvcview instalatzeko: Ubuntu Karmicen Aplikazioak > Ubuntu Software Biltegia eta bertako bilaketa koadroan izena idatzi. Terminaletik instalatzeko begiratu hemen.