Nola jarri sinadura Thunderbird posta-bezeroaren mezuetan

Thunderbird posta-bezeroan mezu bat idaztean berak mezuaren bukaeran sinadurako testua jartzea nahi baduzu, horrela egin dezakezu:

Ezkerreko panelean, sinadura jarri nahi duzun kontuan eskuin klik egin eta hautatu Ezarpenak

Irekitzen den leihoan idatz dezakezu zure izen abizenak, lanpostua, enpresa...

Testuari formatua jarri nahi badiozu HTML etiketen bidez egin dezakezu. Era errazean jartzeko klika mezua idazteko eta bertan idatzi datuak eta nahi duzun letra-mota, koloreak, logotipo eta abar egin Fitxategia > Gorde honela eta gorde mezua nahi duzun karpetan. Itxi mezua. Sinatzeko tokian markatu Erantsi sinadura fitxategitik eta arakatu gorde duzun fitxategia. Ados.

Youtube.com-ek Html5 lehenetsi du.

 

Hamar urte bete dituen Youtube.com-ek erabaki du hemendik aurrera lehenestea HTML5 sistema bere bideo deskargetan zaharkitutako Adobe Flash Player pluginaren kaltean.
Hona Youtuberen oharra.

Bost urtez HTML5-erako bideo deskargak fintzen eta esperimentatzen ibili ondoren sistema lehenetsi bezala dabil honez gero Chromium-Chome, IE11, Safari 8 eta Firefoxen Beta bertsioan. Bost urte hauetan garatu dituzte hainbat teknologia deskargak hobetzeko, hala nola Adaptable Bitrate (ABR) streaming zeinak deskargaren bereizmena eta abiadura sarearen egoerara egokitzen duen, VP9 bideo codec librea pribatiboak diren h264 eta h265 codec-en ordez. Honi ezker bideoen tamaina txikitu da eta banda zabalera txikia izanda ere HD kalitateko bideoekin goza daiteke.

Linux-zaleentzat albiste pozgarria zeren eta Adobe-k  aspaldi honetan ez du garatzen Flash Player-en bertsio berririk. Bai eta smartphone, Xbox eta PS4ko erabiltzaileentzat ere.

Zure nabigatzaileak oraindik flash formatuan deskargatzen badu web honetan eska dezakezu zuri HTML5ean deskargatzea.

Iñigo IKT blog berria

Iñigo Gebara IKTroak urtearekin batera blog berria ekarri digu informatika, teknologia eta hezkuntza uztartzen, eta hori dena saltsa librean sukaldatua.

inigoikt.blogspot.com

Lehenengo mezuak ikusita gure RSS harpidetzan sartzeko meritu osoa du.
Animo Iñigo; egiten dituzunak dokumentatzen asko ikasiko duzu eta guk probetxu aterako diogu.

Urte askotarako!

"Linuxen instalazioa eta administrazioa eskolan" ikastaroa

Ikastetxean Linux, Active Directory-n integratuta eta zerbitzariko karpetak konpartituta, nola dabilen probatu nahi baduzu agian ikastaro hau interesatzen zaizu. Bertan ikusiko dugu nola prestatu instalazio propioa zure eskolarako eta nola ezarri ekipoetan wifiak, inprimagailuak, arbel digitalak eta abar.

6 orduko ikastaro bera bitan eskainiko dugu:

• Asteazkenetan goizez (11:00-13:00) otsailaren 11 eta 25ean eta martxoaren 11ean.
• Asteazkenean arratsaldez (16:00-19:00) otsailaren 25ean eta martxoaren 4an.

EDUKIAK

• Zertarako Linux. Software librearen abantailak.
• Linuxen ezaugarri nagusiak.
• Ubuntu: Mahaigaina, fitxategien arakatzailea, aplikazio nagusiak eta formatuen afera.
• Linux-ekipoak Windowsen Active Directoryn integratu eta konpartitutako karpetak eta karpeta pertsonalak mapeatu.
• Distribuzio propioa prestatu eta instalatu.
• Ekipoen ezarpenak: wifia, inprimagailuak, IP finkoak... 
• Ekipoen kudeaketa: softwarearen eguneratzeak, programen instalazioa...
• Dominioaren kudeaketa: Terminal Server...
• Arbel digitala: Smarten kalibrazioa, Open-Sankoré.
• Instalazioen erritmoak eta irizpideak.
• Juniper.
• Laguntza teknikoa.
• Posta-zerrenda.
• Intraneta Linuxen.  

PLAZAK
15 ikastaro bakoitzean.

TOKIA
Irungo Berritzeguneko informatika-gelan (Karrika Nagusia 43).


ZALANTZAK ARGITZEKO
Tlf: 943625144 luz. 18

PREZIOA
doakoa 

IZENA EMATEKO 
Goizekoan
Arratsaldekoan 

Nola instalatu Fresh Player Plugin Ubuntuko Firefoxentzat

Zertarako da plugin hori?
Istorio luze samarra da. Kontua da Adobek erabaki zuen bere Flash Player plugina, gaur egun ezinbestekoa dena hainbat weben baliabide multimedian aritzeko, Linuxen gehiago ez berritzea. Horrela Linuxerako Flash Player 11.2 bertsioan geratu da sekulakorako -dena den bertsio horren segurtasun eguneratzeak egiten dituzte-.

Kontu horrek Flash Player erabiltzen duten web gehienetan ez du eraginik. Flash objektu gehienak ondo ikusten dira 11.2 bertsioarekin baina badira web gutxi batzuk, gehien bat animazioak egiten eta audio eta bideo kapturak egiten dituzten batzuk, azken bertsioetako elementuak erabiltzen dituzte eta horiek ez dute ondo funtzionatzen Linuxeko Firefoxen, hala nola animazioak egiteko moovly.com.

Arazo hori konpontzeko Google-k Pepper plugin API izeneko metodo bat burutu du Windowseko Flash Player bertsioa Linux-en Chrome-Chromium-era eramateko. Firefoxek ordea, uko egin dio sistema horri (Htlm5-en aldeko apustu garbiagoa eginez edo baliabide faltagatik, batek daki).

Gauzak horrela, Rinat Ibragimov izeneko lagun batek Chromium-Chromeko Pepper-ra Firefoxerako baliagarria egiten duen plugina egin du: Fresh Player Plugin.

Behar dut plugin hori?
Seguru aski ez. Soilik instalatu behar duzu baldin Firefox-en web-orriren batek, aipatua kasu, ibiltzean Flash Player arazoak ematen badizu.

Nola instalatu?

1- Chromium edo Chrome instalatuta eduki behar duzu eta harentzako Pepper Flash Player.

sudo apt-get install chromium
sudo apt-get install pepperflashplugin-nonfree


2- Chromium-en Pepper (libpepflashplayer.so) Firefoxen erabili ahal izateko Freshplayer gehigarria  instalatuko dugu.Terminala erabiliko dugu PPA bidez instalatzeko. Beraz, kopiatu eta terminalean itsatsi eta exekutatu hurrenez hurren aginduok:

sudo add-apt-repository ppa:nilarimogard/webupd8
sudo apt-get update
sudo apt-get install freshplayerplugin

Hori eginda Firefox prest Flash Player-en azken bertsioa erabiltzen dute web orriak erabiltzeko.

Nola sortu lasterbideak dokumentuei eta karpetei Linuxen

Linuxek bi esteka edo mota bereizten ditu: bigunak edo sinbolikoak eta gogorrak.

Diferentzia nagusia hau da: esteka biguna puntero bat da, fitxategia ezabatuta estekak ez du funtzionatzen. Esteka gogorren kasuan esteka jatorrizko fitxategiaren kopia da, jatorrizkoa ezabatuta estekak mantentzen ditu datuak. Esteka gogorrak ezin dira egin karpetei ez eta beste fitxategi-sistemen fitxategiei.
Normalean esteka bigunak Mahaigainean sortzen dira modu azkar batez dokumentu bat irekitzeko edo urruneko karpeta bat irekitzeko.

Gutxienez hiru era daude estekak sortzeko:

Lehenengoa arakatzailean (Nautilus, Nemo...) Ctrl+Mayus sakatu eta estekatu nahi dugun dokumentua edo karpeta errestan eraman lasterbidea nahi dugun karpetara, gehienetan Mahaigaina karpetara.
Sistema hau erraza izateaz gain sareko dokumentuekin funtzionatzen du ere. Esteka bigunak sortzen ditu.


Bigarrena da estekatu nahi dugun dokumentu edo karpetan eskuin klik egin eta sortu esteka. Esteka dokumentua dagoen karpetan bertan sortzen da. Ondoren esteka ebaki eta egon behar duen tokian itsatsi. Sistema honek ez du funtzionatzen sareko dokumentu eta karpetekin. Esteka bigunak sortzen ditu.

Hirugarren era terminala erabiliz egiten da. Sistema honek bakarrik dokumentuetarako balio du, lokalak zein sarekoak.
Terminala ireki (Ctrl+Alt+T), cd komandoaren bidez esteka kokatu nahi duzun tokira joan, eta ln komandoaren bidez esteka sortu:

ln komandoak link edo esteka sortzen du -s parametroarekin esteka soft, biguna edo sinbolikoa -bestela gogorra sortzen du-; tileta (~) ikurrak zure erabiltzailearen karpeta adierazten du (/home/erabiltzailea). Lana errazteko karpeta eta dokumentuaren izenetan ez dut espazio zuririk erabili, espazio zuririk balego izena kakotzen artean idatzi beharko genuke.