Framemo ideia-jasak eta kanban-ak egiteko online aplikazioa

• 
  

Framemo.org orrian sartuta arduradunak, usu irakasleak, izen propioa duen panel bat sortzen du, panel horrek izen hori duen URL-a du. URL edo web helbide hori partaide (ikasle) bakoitzak bere nabigatzailean jartzen du eta panel horretan parte har dezake.

Panel hauetan egin daiteke:

• Sortu online panelak (erregistratu gabe);
• Partekatu URLaren bidez (web helbidea);
• Lankidetzan lan egin denbora errealean (erregistratu gabe);
• Oharrak gehitu, editatu, mugitu, gainean jarri eta ezabatu (4 kolore erabilgarri daude);
• Zutabeak gehitu, izendatu eta ezabatu (panelaren eskuin aldean dauden + - ikurren bidez eta izenean klik bikoitza eginez).
• Oharretan koloretako gometsak edo eranskailuak gehitu edo kentzea;
• Idazten duenak bere burua identifikatu dezake. 
• Oharretan estekak sar daitezke.

  Erabilera: panel hauek hainbat funtzionalitate izan dezakete, haien artean:

• Ideia-jasa edo brainstorming-a: partaideek bere burutazioak, iragazkirik gabe, panelean idazten dituzte. Koloreak erabili daitezke partaideak, edo partaide taldeak, identifikatzeko, ekarpenak sailkatzeko (ad. abantailak-desabantailak, indargune-ahulgune-aukerak-arriskuak...).

• Kanban sinpleak. Eskema bat non proiektu baten atazak identifikatu eta partaideen artean banatzen dira (oharren koloreak edo gometsen bidez). Panelen bidez banatzen da euren egoera: egiteko, egiten, eginak, horrela proiektuaren egoera kontrolatzen da. Framemo motz geratzen bazaizu kanban-ak egiteko baduzu zerbitzu osatuago, eta konplexuago, bat: framaboard.org

• AMIA analisirako (Aukerak, Mehatxuak, Indarguneak eta Ahuleziak)

Esportazioa

Ekarpenak testu formatuan

Idatzitako ideiak edo ekarpenak gorde daitezke beste formatu batera esportatuta goiko paneleko bigarren ikonoan. Esportatzean ekarpenak azpi-panelen arabera eta, identifikatuz gero, egileen arabera sailkatzen dira. Formatuak dira:

• txt edo formaturik gabeko testua. Paneleko oharrak sailkatzen ditu.
• csv edo kalkulu-orria formatua
• json formatua, framemo berri batera inportatu daitekeena.

Oharrak 

• Beste online aplikazio interesgarriak topatzen ahal dituzu Framasoft.org orriko Services libres atalean,
• Framemo  Ali Asariak sortutako Scrumblr zerbitzarietarako software libreko aplikazioan oinarritzen da.