LuberriLinux.eus webguneak bere menuan "Gaitasunen lanketa" atala ireki du.
Bertan ikasleek jorratu beharreko gaitasun nagusi batzuk (irakurketa, idazketa, zientziak, geografia, musika, marrazketa, komunikazio audiobisuala) Luberrik eskaintzen dituen aplikazioak aurkezten dira. Horiekin batera irakasleentzako oinarrizko atazak lantzeko beste aplikazio batzuk. Hemen lotura:
Hau da edukien eskema:
Androidetan uneko eguraldia eta iragarpenak erakusteko aplikazio asko dago. Niri QuickWeather gustatzen zait arina, garbia, libre eta orain, 2.5.7 bertsiotik aurrera euskalduna delako.
Ezaugarri nagusiak:
Aplikazioaren ikuspegi orokorra non ikus daiteke uneko egoera, grafikoan tenperatura eta prezipitazioaren grafikoa, hodeitzaren radarra eta iragarpenak.
Ezarpenetako pantailetan kokapenak, itxura eta parametroak zehaztu daitezke.
Instalatu daiteke Fdroid-etik edo Google Play-tik.
Ikusi Librezalen Androiderako euskaraz dauden beste hainbat aplikazio.
PDF, EPUB, ODT, DOC, MOBI, DjVu, FB2, TXT, RTF, AZW, AZW3, HTML, CBZ, CBR eta formatu gehiago dira Librera aplikazioak irakurtzen dituenak.
Hori da bere ezaugarri nagusia: aplikazio bakarra edozein dokumentu irekitzeko.
Beste ezaugarriak:
Aplikazioaren webgunea: https://librera.mobi/es
Organic Maps OpenStreetMaps-eko informazioa erabiltzen duen geo-nabigatzaile librea da eta euskaraz hitz egiten du.
Gaur ezaugarri bat zabaltzeko idazten dut. Libre eta euskalduna izan eta ondo funtzionatzeaz gain duen indargune garrantzitsu bat da ez duela konexiorik behar funtzionatzeko. Informazioa deskargatzen diren mapetatik hartzen du. Mapa horiek etxeko wifian deskargatzea komeni da (SDan gorde daitezke) edo behintzat konexioa dagoen toki batean. Hori eginda konexiorik gabe funtzionatzen du eta inportantea da bi faktoreengatik:
Mapak deskargatzean informazio grafikoa deskargatzeaz gain POI edo interesgune, komertzio eta gainerako puntuen informazioa ere deskargatzen du: webgunea, posta elektronikoa, telefonoa, irekiera eta itxiera ordutegia... eta ingelesezko Wikipedian informazioa badu sarrera ere eskaintzen du eta "gehiago" sakatuta informazio osoa. Wikipediako informazioa ingelesez, euskarakoa lortu daiteke estekan sakatuta baina konexioa erabili behar du.
Bi bideotxo hauetan ikusten ahal da nola agertzen da informazioa beheko panela goratuz gero. Lehen bideoan interesgunea Txillidaleku da, nonbait ingelesezko Wikipedian ez du artikulurik, baina ordutegiak eta bestelako informazio praktikoa ematen du.
Bigarren bideoan Hondarribiko aireportuko informazioa ikusten da. Kasu honetan ingelesezko Wikipedian badu artikulua eta informazioan ikus daiteke artikuluaren sarrera eta, azpian duen "gehiago" estekan klikatuta, artikulu osoa.
Luberri Linux bertsio berria du. Luberri_22.04.3 mantenuko bertsioa da: berritasun askorik ez du baina sistema eta aplikazio gehienek bertsio berriak dituzte.
Deskargatu nahi baduzu blog honetako eskuineko paneleko Luberri instalatu atalean edo LuberriLinux.eus webguneko deskargen orrian sartu.
Bertsio honen berritasun nabarmenenak hemen ikusten ahal dituzu.
Luberri inguruko foroa orain arte luberri@framalistes.org posta zerrendaren inguruan garatu da non ehundik gora partaidek berriak jaso eta zalantzak eta iradokizunak plazaratu dituzte. Posta zerrendak ondo funtzionatu du, eskerrik asko Framasoft taldeari, baina funtzio horiek betetzeko aspaldi honetan txat aplikazioak eraginkorragoak bihurtu dira.
Hori dela eta jende gehiagorengana iristeko eta, batez ere, jende gehiagoren ekarpenak jasotzeko posta zerrenda gelditu eta Telegramen talde bat sortu dugu:
Taldea mugikorrerako edo ordenagailuko aplikazioetatik erabili daiteke, bai eta web orritik ere.
Luberri Linuxen berritasun, deialdi, asmoen berri jaso nahi baduzu eta, batez ere, haren inguruko laguntza eskatu, zure esperientzia zabaldu, iradokizunak egin nahi baduzu sartu taldean eta parte hartu.
