2015/07/05

Pdfbooklet: koadernotxoak egiteko aplikazioa

Egia da. Paperaren garaia azkenetan da, baina tarteka eskoletan oraindik erabiltzen dira koadernotxoak. Oso praktikoak dira ordutegiak, arautegiak, telefono-gidak eta abarretarako.

Koadernotxoak egiteko orriak ordena berezi batean jarri behar dira,
 
 
inprimatu eta erditik grapatu.



Pdfbooklet aplikazioak orriak ordenatzen lagunduko dizu. PDF fitxategia kargatu eta berak orriak txikitu eta ordenatuko dizu zuk bi aldetatik inprima ditzazun.

Koadernotxo arrunta egiteaz gain (single booklet) beste hainbat aukera ditu aplikazioak eta horietan sakondu nahi baduzu interesatuko zaizu bere eskuliburua ingelesez irakurtzea.

Aplikazioak Windows eta Linuxerako bertsioak ditu.
Ubuntu edo bestelako Debian bertsioan instalatzeko terminalean hurrenez hurren itsatsi eta exekutatu:

sudo add-apt-repository ppa:ferramroberto/lffl
sudo apt-get update
sudo apt-get install pdfbooklet 


iruzkinik ez:

Argitaratu iruzkina