2013 egutegia

2012 badoa eta 2013 bertan dago. Egutegi honetan egunaren zenbakiaren ondoan tokia duzu gogoan hartzekoak edo oharrak idazteko.
LibreOfficeren kalkulu orriaz egina, gura baduzu hemendik

deskargatu (Download)

Lehenengo orrian urte osoa agertzen da:

eta ondoko fitxetan urteko 12 hilabeteak:

Olentzeroaren gonbidapena

Olentzeroak Urtarrilaren 12an Bilbon ospatuko den manifestaziorako gonbita ekarri digu.

Nola zizelkatu irudi bat Gimp-en bidez

Irudi, logotipo edo testu bat atzeko plano batean nola zizelka daitekeen azaltzen duen bideo-tutoriala prestatu dut. Horretarako atzeko plano bat behar da (nik zur irudi hau erabili dut) eta irudi beltza atzeko plano garden baten gainean png formatuan.

Gimp irudi editorearen Klixe zizala (stencil carve, esculpido stencil, patron de gravure) iragazkia erabili dut.

Zizelkatze-lana erliebe emanda egin daiteke edo irudia zurari kenduta. Hona bideoa:




Bideo-kaptura egiteko RecordMyDesktop aplikazioa erabili dut.

Euskalterm berriz ere Euskalbarrean.

Euskalterm zaharra gelditu zutenetik ezin zen kontsulta egin Firefox-en Euskalbarrean baina bertsio berria, 3.11, martxan dago gaurtik eta berriz ere egin daitezke kontsultak, bai Euskalterm botoia sakatuta...

eta bai bilaketa konbinatuetan. Bilaketa konbinatuak hobespenetan definitzen dira hiztegitxo gorrian eskuin klik eginik.

Bertsioa berritzeko Firefoxera jo > Tresnak > Gehigarriak eta bilaketako leihatilaren ondoan agertzen den tresna-ikonoan egin klik eta Bilatu eguneratzeak eman.

Informazio gehiago Euskalbar berriari buruz hemen.
Euskalbar Firefoxen instalatzeko hemen.
Firefox instalatzeko hemen edo hemen,
Firefoxentzako beste zenbait gehigarri interesgarri hemen.

Eskerrik asko Julen eta Asierri. Lan bikaina.

Nola lehenetsi interfaze klasikoa Ubuntun

Erabiltzaile asko dituzten ekipoetan interfaze klasikoa lehenesteko lightDM konfiguratu behar dugu. Bi eratara gutxienez egin daiteke: lightdm.conf fitxategia editatuz edo zuzenean agindu honen bidez:

Efektu grafikoak dituen klasikoa:


sudo /usr/lib/lightdm/lightdm-set-defaults -s gnome-classic

Efektu grafikorik gabeko klasikoa

sudo /usr/lib/lightdm/lightdm-set-defaults -s gnome-fallback

Itxuraz antzekoak dira baina bigarren hau leiho kudeatzaile moduan Compiz erabili beharrean Metacity erabiltzen du. Azkarrago ibiltzen da, batez ere baliabide grafiko gutxiko ekipoetan (netbook, zaharrak...).

EpubReader, Firefoxen epub liburuak irakurtzeko gehigarria

Ordenagailua ez da gailurik egokiena liburu elektronikoak irakurtzeko, netbook-en kasuan ere gailuaren pisua eta argitasuna ez da egokiena baina gauzatxo batzuk kontuan hartua ezin da baztertu aukera erabilera intentsiboa ez bada.

Linuxen badira aplikazioak epub eta antzeko formatuak dituzten liburu edo dokumentuak irakurtzeko, besteak beste FBReader baina aplikaziorik instalatu gabe Firefox gehigarri baten bidez epub-ak irakurtzek aukera ematen digu: EpubReader.

Gehigarria instalatzeko egin klik hemen. Berrabiarazi eta prest. Hemendik aurrera web batek epub liburu bat deskargatzeko aukera ematen badizu EpubReaderrek irekiko du eta dagoeneko deskargatuta baduzu egin Fitxategia > Ireki fitxategia eta arakatu delako fitxategia. Liburu bat irekitzen denean katalogora sartzen du. Katalogoa ikusteko egin Tresnak > Epub Catalogo:

Liburu bat irekitzean ezkerreko panelean kapitulu edo atalak ageri dira eta eskuinean testua. Alboko panela ezkuta daiteke. Beheko barra batean ageri dira besteak beste konfiguratu, nabigatu eta ikusteko aukerak.

Kasu honetan nik atzeko planoa beltza eta letra zuria jarri dut. Kontuan izan behar dugu liburua edo dokumentua pdf formatuan baino hobeto irakurtzen dela epub formatuan zeren eta letra handitzeko aukera ematen du -pdf formatuan dokumentu osoa handitu behar da-. Pdf formatutik Epub formatura pasatzeko Calibre aplikazioa erabil dezakegu.

Hobeto ikusteko F11 sakatzea komeni da pantaila osoan ikusteko.

Dudarik gabe Firefox-en gehigarri hoberenen katalogoan egotea merezi duen gehigarria.

PloP, nola abiatu USB batekin ekipo zaharretan

Zenbait ekipo zaharretan BIOSak ez du onartzen USB batetik abiatzea.
Horren beharra baduzu PloP Boot Manager oso tresna interesgarria da. Kontua da CD batean PloP sartzea eta harekin abiatu; abio menua agertzen du eta bertan USB abiatzeko aukera ematen du.

Ikus dezagun Linuxen nola sortu PloP diskoa.

• Lehenik eta behin garatzaileen web-orrira joan eta bigarren atalean (LiveCD) deskarga ezazu abio-programa -une honetan plpbt-5.0.14.zip bertsioa dago-.
• Ondoren fitxategian bi klik egin eta deskonprimitzeko agindu. Plbt.iso fitxategia agertuko da.
• CD-R garbi bat sartu grabagailuan eta Brasero -edo CDak egiteko duzun beste aplikazioarekin- 'grabatu irudia' aukera sakatu eta deskonprimitutako karpetako plpbt.iso fitxategia hautatuta abio-CDa sortuko dugu. 
• Errotulatu CDa eta erabiltzeko prest dago. Ekipo zaharrean delako CDa  eta erabili nahi duzun abio-USBa sartu eta ordenagailua martxan jarri. 
• Goikoa bezalako pantaila agertuko zaizu eta menu horretan geziekin behera egin USB aukerara iritsi arte. Klikatu eta berak bilatuko du USBa eta beraren bidez abiatuko da era automatikoan.

Ekipo zaharrek sarritan ez dute DVD irakurgailurik. Beste modu bat ekipo hauetan exekutatzeko CD batean sartzen ez den ISO bat da delako ISO hori disko gogorrera kopiatu eta SuperGrub-ekin Gruben konfigurazioa aldatu mezu honetan azaltzen den eran.

LibreOffice. Nola egin esteka beste dokumentu baten objektu bati.

LibreOfficen -eta suposatzen dut OpenOfficen ere bai- egin daitezke loturak dokumentuaren barnean edo kanpora. Lehenengoei erreferentzia gurutzatuak esaten zaie eta bigarrenei hiperestekak.

Egilea: Peter Griffin

Hiperesteken bidez lotzen ahal dugu dokumentu baten objektu bat -hitz bat, irudi bat...-  web orri batekin, e-posta batekin, bigarren dokumentu batekin edo bigarren dokumentu baten objektu batekin.

Azken aukera azalduko dut.

Lehenengo dokumentuan estekatu behar dugun objektua hautatuk dugu -jeneralean hitz bat, termino bat edo irudi bat- eta egingo dugu Txertatu > Hiperesteka eta beheko leihatila irekiko da.

Bertan Dokumentua hautatu eta bide-izena zehaztuko dugu karpetatxoan klikatuta.
Dokumentuarekin lotzeko hori aski da, baina dokumentu horren testu, irudi, kapitulu, atal, taula edo bestelako elementu batekin lotura egin nahi badugu Helburua zehaztu behar dugu. Helburuko leihatilaren eskuineko ikonoa klikatu eta bigarren leihatila irekiko da. Bertan zehatz dezakegu zein grafiko, izenburu, taula edo dena delakoarekin lotu nahi dugun. Paragrafo edo bestelako testu zati batekin estekatu nahi badugu esteka sortu aurretik bigarren dokumentuko paragrafo horretan laster-marka bat txertatu behar dugu.

Oharra:
Bi dokumentuen arteko estekak funtzionatzeko komeni da bi dokumentuak karpeta berean egon eta mugitzekotan karpeta osoa mugitzea. Dokumentuen arteko posizio erlatiboa aldatzen bada estekak helburua ez du topatuko.

Nola muntatu etxeko portatilean eskolako karpetak

Geroz eta gehiago dira etxeko notebook-a eskolara eramaten duten irakasleak -langileek lantresnak jarri behar izatea ere-. Irakasleok, noski, partekatutako karpetak eta karpeta propio muntatu nahi dituzte. Ikus dezagun nola egin dezaketen Linuxen:

Paneleko Lekuak klikatu eta 'Konektatu zerbitzariarekin ' klikatu behar da. Azpiko leihatila bat irekiko da eta bertan beteko dugu:

Zerbitzaria atalean zerbitzariko IPa jarri behar da. Ataka ez da ukitu behar. Mota atalean -irudian ikusten den bezala- Windows-ek partekatua hautatu behar da. Domeinu-izenean ikastetxeko domeinua jarri behar da -garrantzitsua da jartzea letra maiuskulaz eta .NETekin. Erabiltzaile-izenean irakasleak domeinuan duen erabiltzailea jarriko dugu. Pasahitza: irakaslearena eta markatu behar da gogoratzeko aukera automatiko muntatu dezan. Hau muntatu nahi diren karpeta guztiekin egin behar da.

Hori eginda muntatuko da. Paneleko Lekuetan hobeto ikusteko konexioan eskuin klik egin eta lasterbidea sortuko dugu. Lasterbidean eskuin klik egin eta 'aldatu izena' egin eta karpetaren izena jarriko dugu.

Hau bera egin daiteke ikasleen ekipoetan mezu honetako B3 puntuan aipatzen den bezala.

Likewise-open: nola bihurtu administratzaile domeinuko erabiltzaile bat.

Lehengoan komentatu nuen moduan Likewise-open Linux duen ekipo bat Windows Server baten domeinuan integratzeko aplikazioa da. Haren bidez domeinuko erabiltzaileak ekipoko erabiltzaile moduan onartzen dira. Erabiltzaile hauek sortzen diren unean erabiltzaile arruntak dira baina aukera dago administratzaile lokalen taldean sartzeko.

Beste kontu bat behar edo komeni ote den. Administratzaile lokala den laguna zenbait ekipotan domeinuko erabiltzaile moduan ibiliko da gehien bat eta, egia bada administrazio lan asko -hala nola inprimagailuak edo aplikazioak instalatzea- erabiltzaile arrunta bezala egin dezakeela behar den unetan administratzailearen pasahitza emanda egia da ere zenbait lan ezin dituela egin, esate baterako terminalean sudo egitea. Sudoer bezala jokatu ahal izateko  administratzaile lokalaren taldean sartu behar da. Ikus dezagun nola egin daiteken:

Egin klik paneleko eskuineko indikadorean > Sistemaren ezarpenak > Sistema > Erabiltzaileen kontuak  eta giltzarrapoan klik egin desblokeatzeko, erabiltzailea hautatu eta Kontu-mota atalean arruntatik administratzailera pasa. Ezarpen berria martxan jartzeko ekipoa berrabiarazi behar da.

Bideoan atzeko musika bai baina ahotsa ez da aditzen

(Edo alderantziz).

Gaur eskolako lankide bati gauza kuriosoa gertatu zaio ikasgelan bideo bat erreproduzitzean: atzeko musika ondo aditzen zen baina azalpeneko narrazioaren ordez kirrinka baxu ulertezin bat entzuten zen.

Zein izan daiteke arrazoia? 
Zenbait bideo editatzean narrazioa edo dialogoak estereoaren kanal batean jartzen dira eta atzeko planoko musika beste kanalean. Bideoa erreproduzitzean entzun dutena kanal bakarra izan da, hain zuzen ere atzeko musika zuena eta narrazioaren oihartzun ulergaitza.

Kanal bat mututzearen arrazoia izan daiteke:

Bozgorailua hondatua egotea edo beste bozgorailuarekiko konexioa akastuna izatea.
Kanalen balantzean bozgorailu bat bolumenik gabe egotea. Balantzea kanalen arteko bolumen proportzioa aldatzeko gailua da. Jeneralean erdian egoten da, hau da bolumen bera bi kanalentzat baina gerta liteke ohartu gabe aldatzea.
Balantze hori izan daiteke hardware kontrol bat irudian agertzen den modukoa...

edo soinuaren kontrolatzailearen interfazea: irudian Ubunturen audio kontrolatzailea balantzean eskuineko bozgorailua mututua.






Eskerrak Toki-Alai BHIko IKTari bere laguntzagatik konponbidea asmatzen.

Nola lehenetsi hainbat ezarpen Ubuntun

Ubuntu 12.04 bertsioan hainbat ezarpen pertsonal  paneleko azken botoian klik egin eta Sistemaren Ezarpenak atalean alda dezakegu. Beste zenbait aldatzeko eta, edozein modutan, aldaketa horiek erabiltzaile berriei eragitea nahi badugu Dconf-editor aplikazioa erabil dezakegu.

Dconf-editor Gnomeren aurreko bertsioetan erabiltzen zen Gconf-editor-aren oinordekoa da. Gconf-editor oraindik funtzionatzen badu ere lehen zituen hainbat aukera galtzen ari da eta Dconf-editor-era pasa dira.

Dconf-editor instalatzeko Software-zentrotik egin dezakegu edo terminaletik:

sudo apt-get install dconf-tools

Behin instalatuta exekutatzeko Aplikazioak > Sistemaren tresnak atalean topatuko dugu edo terminalean dconf-editor idatziko dugu.

Dconf-editor-ean konfiguratu eta, batez ere, lehenetsi daitezken hainbat parametro:

Portatiletan touchpad-ean bi atzamarrekin scroll edo saguaren gurpilaren jokaera imitatzea.

 org > gnome > settings-daemon > peripherals > touchpad > scroll-metod
  eta bertan agertzen den edge-scrolling ordez behean aipatzen den two-finger-scrolling-era aldatu.

Horretaz gain tekleatzean touchpad-arekin punteroa ez zoratzeko desaktiba dezakezu touchpada idazten den bitartean, horretarako disable-while-typing aktibatu.

Ondoren aukera hauek lehenesteko Set to default klikatu.





Paneleko orduari segundoak kentzea eta orduaz gain data agertzea. 

 com > canonical > indicator > datetime eta bertan show-date aktibatu







Pantaila-babesleak zure saioa blokea ez dezan eta eskegita egotetik esnatzerakoan pasahitza eska ez dezan.

org > gnome > desktop > screensaver
 eta bertan desaktiba ezazu lock-enabled ez baduzu blokeatu nahi eta desaktiba ezazu ubuntu-lock-on-suspend ez baduzu nahi esekita egotetik esnatzerakoan erabiltzailearen pasahitza sartzea.





Muntatzen ditugun bolumenak  etxeko karpeta edo paperontzia mahaigainean ikusteko.

org > gnome > nautilus > desktop eta bertan markatu etxekoa (home), paperontzia (trash), volumes (muntatutako karpetak) ikusgai jartzeko.



Mezu honetan aipatzen diren balioak -edo antzekoak- lehenetsi nahi badituzu editatu behar dituzu dokumentu batean INI formatu estandarrean eta dokumentuaren izenaren bukaera zehatz batekin.
Ikus dezagun nola egin daitekeen era erraz batez. Terminalean hau idatzi:


sudo gedit nik_lehenetsitakoak.gschema.override
eta bertan testu hau itsatsi:

[org.gnome.settings-daemon.peripherals.touchpad] disable-while-typing=true scroll-method="two-finger-scrolling" [com.canonical.indicator.datetime] show-date=true [org.gnome.desktop.screensaver] logout-enabled=false ubuntu-lock-on-suspend=false [org.gnome.nautilus.desktop] volumes-visible=true

eta gorde karpeta nagusian.
Ondoren terminalean itsatsi:

sudo mv nik_lehenetsitakoak.gschema.override /usr/share/glib-2.0/schemas/ 

Bukatzeko, definitutako ezarpenak aplika daitezen itsatsi honako agindu hau terminalean:

sudo glib-compile-schemas /usr/share/glib-2.0/schemas/ 

Prozedura hau guztia bereziki interesgarria da ekipo bat prestatzen ari bazara Remastersys-en bidez distribuzio propio bat egiteko. Bestela fitxategia USB-memoria batean eraman, ekipora kopiatu eta azken aginduen bitartez dagokion tokira eraman eta aplika dezakezu .

Nola integratu Ubuntu Windows Server-en Active Directory-n

Luberri sistema Windows-en Active Directoryn integratzeko prestatuta dago eta script baten bidez egiten du. Script hori martxan jartzeko Aplikazioak > Sistema-konfigurazioa > Domeinuan-sartu klikatu eta eskatzen dituen parametroak eman (tartean domeinuko administratzailea eta bere pasahitza).

Luberri ez den Linux batean ondoren deskribatzen den moduan egin daiteke (kontuan izan mezu hau idazteko unean Cannonical-ek esan duela Ubuntu 21.04 prest etorriko dela Windows domeinuan sartzeko).

Zenbait enpresa eta eskoletan barne-sarea Windows zerbitzari baten menpean dago. Zerbitzari horrek sareko erabiltzaileak kudeatzen ditu eta hainbat zerbitzu eskaintzen ditu, haien artean haren disko gogorreko karpeta batzuk parteka dezake zenbait erabiltzailerekin.

Horrelako egitura batean Linux ekipo bat instala daiteke eta arazorik gabe erabil daiteke baina zerbitzariaren aurrean identifikatzeko eta sareko erabiltzaile moduan partekatuta dauden karpetak automatikoki muntatu ahal izateko Linuxa Active Directory-n integratu behar da.

Mezu hau sareko-administratzaileentzat idatzi dut, etxeko erabiltzailea bazara ez saiatu hurrengo pausoak egiten.

Ikus dezagun nola integratu daiteke Ubuntu ekipo bat Windows Server baten menpeko domeinuan eta nola muntatu daitezke automatikoki erabiltzaile bakoitzari dagozkion karpetak. Jarraibide hauek probatuta daude Ubuntu 12.04 eta 14.04 bertsioekin.

1. urratsa: integrazioa
 Ubuntua AD-n integratzeko badira zenbait aplikazio (Winbin, Centrifydc, Likewise-Open...). Nik gomendatzen dudana Likewise-Open da. Berau instalatzeko Software-zentrotik egin daiteke edo terminalean hau itsatsita:


sudo apt-get install likewise-open likewise-open-gui

 Behin instalatuta martxan jarriko dugu Aplikazioak > Sistemaren tresnak > Administrazioa > Active Directory Membership

Honelako leiho irekiko da:

Leiho honetan sartuko dugu ordenagailuaren izena, domeinuaren izena (ez ahaztu .net jartzea). Domeinuko erabiltzaileek izena@domeinu.net formadute baina Enable default user name prefix aktibatuta uzten badugu domeinuaren zatia ez dugu jarri behar.

Join Domain sakatu eta beste leiho batean programak eskatu digu domeinuaren administratzailearen izena eta pasahitza (erne¡ domeinukoa, ez administratzaile lokala). Eta domeinuan sartuko da ekipoa.

Behin domeinuan sartua  erabiltzaile lokalez gain domeinuko erabiltzaileek ere erabili ahal izango dute ekipoa. Erabiltzaile lokalen karpeta pertsonalak /home direktorioan daude eta domeinuko erabiltzaileena /home/likewise-open/domeinuaren_izena direktorioan.

 2. urratsa: Partekatutako karpeten muntaketa automatikoa

Bigarren atal honetan ikusiko dugu zer egin behar den erabiltzaile bat logeatzean, hau da domeinuan sartzen denean, automatikoki zerbitzariak konpartituta dituen zenbait karpeta muntatzea.
Lehenik eta behin programa pare bat instalatu behar dugu:

sudo apt-get install libpam-mount smbfs

 eta orain editatu behar dugu pam_mount.conf.xml fitxategia editatu behar dugu:

sudo gedit /etc/security/pam_mount.conf.xml

fitxategian bilatuko dugu
<pam_mount>
<!-- Volume definitions -->

eta ondoren definituko dugu nori -zein talderi- zeintzuk karpeta muntatu behar dizkion. Hemen jarriko dut nire institutuko bolumenen definizioa eta zuk egokitu ditzakezu zure ikastetxe edo enpresara

<!-- Erabiltzaile guztientzat muntatu behar diren karpetak --> <!-- Erabiltzailerik zehazten ez bada bertan aipatzen diren karpetak --> <!-- denentzat muntatuko dira, root-arentzat ezik --> <volume mountpoint="/home/likewise-open/H013085/%(USER)/OROKORRA" path="OROKORRA" server="XX.XX.XX.XX" fstype="cifs"><and><not><user>root</user></not></and></volume> <volume mountpoint="/home/likewise-open/H013085/%(USER)/%(USER)" path="%(USER)" server="XX.XX.XX.XX" fstype="cifs"><and><not><user>root</user></not></and></volume> <!-- Administratzaileentzat muntatu behar diren karpetak --> <volume mountpoint="/home/likewise-open/H013085/%(USER)/ADMINISTRAZIOA" path="ADMINISTRAZIOA" server="XX.XX.XX.XX" fstype="cifs"><and><or><sgrp>TGADDENAK</sgrp></or></and></volume> <!-- Irakasleentzat eta administratzaileentzat muntatu behar diren karpetak --> <volume mountpoint="/home/likewise-open/H013085/%(USER)/IRAKASLEAK" path="IRAKASLEAK" server="XX.XX.XX.XX" fstype="cifs"><and><or><sgrp>TGIRDENAK</sgrp><sgrp>TGADDENAK</sgrp></or></and></volume> <!-- Irakasleentzat eta ikasleentzat muntatu behar diren karpetak--> <volume mountpoint="/home/likewise-open/H013085/%(USER)/IKASLEAK" path="IKASLEAK" server="XX.XX.XX.XX" fstype="cifs"><and><or><sgrp>TGIRDENAK</sgrp><sgrp>TGIKDENAK</sgrp></or></and></volume>

XX.XX.XX.XX ren ordez biltegiratze zerbitzariaren IP-a jarri beharko duzu eta, behar izanez gero soilik, karpetak eta taldeak egokitu. Editatu ondoren gorde eta saioa berria hastean zerbitzariko karpetak mapeatuko dira.

3. Lightdm-ren edizioa
Lightdm, saioa hasteko pantaila, aldatzea komenida: batetik erabiltzaileen izenak ez ikusteko eta eskuz sartu ahal izateko.
Aldaketa hau egiteko terminalean egingo dugu:
*Ubuntu 12.04ean: 
sudo gedit /etc/lightdm/lightdm.conf
*Ubuntu 14.04ean:   
sudo gedit /usr/share/lightdm/lightdm.conf.d/50-ubuntu.conf

eta dituen lerroei gehituko diegu bi hauek:

greeter-hide-users=true 

greeter-show-manual-login=true

eta gordeko dugu.

OHARRAK:

• Instalazio asko egin behar baduzu ez dudarik izan, presta ezazu ondo ekipo bat, integra ezazu eta erabili Remastersys edo haren ondorengoa den Pinguy Builder zure distribuzio propioa osatzeko. Ordu laurden batean instala dezakezu Ubuntu ekipo batean eta jada integratuta egongo da eta lanerako prest.
• Integrazioa lortzeko David Burke-k idatzitako mezu honetan eta beste honetan hartu dut oinarri. Eskerrik asko David.

Ubuntu: nola desaktibatu errore-mezuen bidalketa

Bertsio honetan Canonical-ek sistemaren erroreen gaineko informazioa berari bidaltzeko aplikazio bat jarri du. Dudarik gabe informazio baliotsua jasoko du eta erabiltzaile guztion onerako izango da baina sarri, bai, sarri, agertzen diren leiho horiek nekagarriak dira eta Windows ekartzen dute gogora. Leihook berriro ere ager ez daitezen apport fitxategia editatu behar dugu: terminalean hau idatzi:

sudo gedit /etc/default/apport

eta irekitzen den dokumentuan enabled=1 jartzen duen tokian enabled=0 jarri behar duzu.
Gorde, itxi eta kito.

Taldeak gestionatzeko modu grafikoa Ubuntu 12.04

Atazak "sinplifikatzeko" Canonical-ek hartu duen bidetik taldeak kudeatzeko lanabes grafikoa kendu dute sistemaren ezarpenetatik baina instala daiteke horrela: terminalean itsatsi agindu hau:

sudo apt-get install gnome-system-tools

Behin instalatuta Sistemaren tresnak > Administrazioa atalean agertuko da Erabiltzaileak eta taldeak izenarekin.

Informazio osagarria eta taldeen gaineko terminaleko komandoei buruzko azalpen osagarria Ubuntu-guian

Nola jarri testu-leiho bat blogean

Blogean testua leiho baten barrenean jartzeko hiru aukera topatu ditut. Hiruretan agertzen da modelo bat eta HTML edizio moduan itsatsi behar den kode puska. Hemen jartzen da testuaren ordez paratu behar duzu zurea.


Leiho sinplea zuria desplazamendu barrarik gabe eta ezarpenak aldatzeko aukerarik gabe.  Eskuineko beheko izkinan agertzen den kontrolarekin molda daiteke kutxaren luze-zabalera.

 Hemen jartzen da testua

HTML edizioan jarri:

<textarea>Hemen jartzen da testua</textarea>

Leiho gardena desplazamendu barra horizontala eta bertikala. Leihoaren luze-zabalera pixeletan zehatz daiteke.

Hemen jartzen da testua

HTML edizioan jarri:

<div align="center"><div id="preview" style="border-bottom: #000 2px solid; border-left: #000 1px solid; border-right: #000 1px solid; border-top: #000 1px solid; height: 150px; overflow: scroll; padding-bottom: 2px; padding-left: 2px; padding-right: 0px; padding-top: 1px; text-align: left; width: 180px; word-spacing: 1px;">Hemen jartzen da testua </div></div>

Leiho gardena titulurekin eta korritze-barra bertikalarekin. Parametro asko alda daitezke.

TITULUA:

Hemen jartzen da testua.
Testua ez bada sartzen definitutako luzeran automatikoki agertuko da desplazamendu barra bertikala.

HTML edizioan jarri:

<div style="background-color: #xxxx; border-radius: 30px; border: 1px solid #000000; font-size: 13px; height: 100px; line-height: 1,5; overflow: auto; padding: 9px 9px 9px; text-align: justify; width: 600px;">
<center>
<div style="color: #xxxx; font-family: xxx; font-size: 30px; font-weight: bold; letter-spacing: -3px; text-shadow: 0px 0px 10px #6D8AA1;">
TITULUA:</div>
</center>
<div style="padding: 10px;">
<br />
Hemen jartzen da testua.<br />
Testua ez bada sartzen definitutako luzeran automatikoki agertuko da desplazamendu barra bertikala.</div>
</div>

Newtonekin jolasten

Hobe esan, Newtonen ideiekin eta batez ere bere jakin minarekin.
Isaac Newton fisika, eta batez ere mekanika klasikoaren oinarriak jarri zituen eta berak ezarritako legeek unibertsoa eta objektuen indarrak eta mugimenduak ulertzeko laguntza handia izan dira.

Laburbilduz, Newtonen legeen arabera objektuak bultzatutako noranzkoan mugitzen dira, eta zuzen zuzen eta abiadura konstantez mugitzen dira beste indarren batek moteltzeko edo birarazteko eragiten ez dion bitartean, eta akzio guztiek dute aurkako erreakzio bat. Grabitate unibertsalaren legearen arabera unibertsoko objektu guztiek eragiten dute erakarpen-indarra beste gorputz guztietan eta indar hori gorputz bakoitzaren masaren proportzional eta bere arteko distantziaren karratuaren alderantziz proportzionala da. Bestela esanda bi objekturen arteko tartea bikoizten baduzu, bien arteko erakarpen indarra laurdena izango da.

Printzipio hauek laguntzen dute astroen arteko mugimendu orbitalak ulertzen baina zer hobe praktikatzea baino; astroak hartu eta, jainkoak baikina, jaurti eta elkarren artean orbitatzen jartzea.

1. simuladorea: http://www.nowykurier.com/toys/gravity/gravity.html

Simuladore honetan hainbat masatako astroak sor daitezke eta, irudian ikusten den moduan, bektore urdin batez definitutako norabidea eta indarraz jaurtiko dugu. Astroen lorratzak (paths) ikus daitezke edo sistema berri bat hasi (clear).

2. simuladorea:  http://phet.colorado.edu/sims/my-solar-system/my-solar-system_en.html

Bigarren simuladore honek joku gutxiago ematen du baina orbitak errazago lortzen dira eta oso ondo ikusten da sateliteen mugimendu absolutuak.

Talkek sor dezaketen erreakzio mugimenduak ez dira oso argi ikusten simuladore hauetan: lehenengoan astroak batu egiten dira eta bigarrenean talka gertatzean animazioa bukatzen da.

Erreakzio mugimenduekin esperimentatzeko karanbola-billarraren simuladorea iruditu zait egokiena. Hiru bolako billar modalitate honetan bola zuriari kolpe eman eta beste biak ikutu behar ditu (tartean banda jota).

Saguan klik eginda makilaren norabidea zehaztuko eta klikatuta mantenduko dugu kolpearen indarra definitzeko.

Teorian gehiago edo gutxiago sakonduta adin guztietako ikasleekin izan daitezke interesgarri simuladore hauek.

Oharrak:

• Newtonen legeen laburpena Bill Bryson-en Ia denaren historia labur bat liburutik hartuak dira. Liburu hau ikastetxe guztietan egon beharko zen, gutxienez formatu digitalean.
• Lehenengo simuladorearen animazioa Recordmydesktop eta Video2gif aplikazioekin egina.

Ubuntu: nola sortu SuperGrub2 USB bat

Aurreko batean SuperGrub2-ren berri eman nuen. SuperGrub2 ordenagailua abiatu eta Grub konpontzeko aukera ematen du. Mezu horretan azaldu nuen nola sortu eta erabili SuperGrub2 duen abio-CD bat.
Gaur haren beharra izan dut baina notebook batean, hau da CD unitaterik ez duten eramangarri txiki batean. Nire SuperGrub2 CD-ak ez zeukan zereginik.
SuperGrub2-USB bat sortu behar notebookaren Gruba konpontzeko.

Ikus dezagun ba nola sortu daiteke SuperGrub2 duen USB abiagarri bat.

1- SuperGrub2 ISOa deskargatu eta kopiatu karpeta nagusian.

2- Prestatu USB-memoria bat. Txikia izan daiteke SuperGrub2-k mega gutxi batzuk besterik ez du behar, hori bai, zerbait baldin baduzu komeni da kentzea -bestela prozesuan galduko da eta-.

3- Orain jakin behar dugu USB-memoria zein izenarekin muntatzen duen. Atera USB-memoria eta terminalean egin:
mount
Beste lerro batzuen artean esango dizu zein disko gogorra zer izena duen, /dev/sda1  edo hda1 eta bigarren diskoa badago b izango da. Sartu USB-memoria eta lehen ez ze /dev/sdc1 edo df1 agertuko da. Hori da USB-memoriaren gailu-izena.

4- USB-memoria desmuntatuko dugu. Terminalean:
sudo umount /dev/sdc1  edo sdf1 3. puntuan azaldu denaren arabera.

5-Orain SuperGrub2 instalatuko dugu USB-memorian. Terminalean beheko agindua eman behar dugu hainbat gauza aldatua:
administratzailea jartzen duen tokian erabiltzailearen izena jarri
grubtararitarata.iso tarari tarara deskargatu duguna jarri behar dugu -bertsioa sarri aldatzen da-. Itsatsi beharrean terminalean idazten badugu aski dugu sup idatzi eta TAB eginez automatiko osatuko da.
bukaerako sdc mantendu edo sdf jarri 3. puntuan azaldu denaren arabera.

sudo dd if=/home/administratzailea/super_grub2_disk_hybrid_2.00s1-beta1.iso of=/dev/sd

6-Bukatzeko terminalean itsatsiko dugu:
sudo sync

Eta SuperGrub2 duen abiatze USBa prest erabiltzeko. Netbookean sartu, piztu, begiratu zein F tekla zapaldu behar den Boot Menu alegia abio-menua agertzeko, aukeratu USB abioa eta SuperGrub2 martxan jarriko da. Hortik aurrera Grub-a konpontzeko segitu SuperGrub2-ren jarraibideak.

Behin lana bukatua USBa markatu eta gorde dezakezu hurrengorako edo beste zereginetarako erabili nahi baduzu formateatu behar duzu. 
 

OpenShot 1.4.3 bertsio berria

OpenShot 1.4.3 Released! from Jonathan Thomas on Vimeo.


OpenShot Linuxen gainean dabilen nire gogoko bideo editorea bertsio berria atera du. Akatsak zuzentzeaz gain hainbat aldaketa jarri dizkio garatzaileak, hala nola trantsizioen doiketa automatikoa, titulu animatu berriak, trantsizio eta efektu berriak eta "holo" izeneko gai edo tema beltz ederra.

Aldaketen gaineko informazio gehiago OpenShoten web orrian.
Bertsio berria  PPA bidez Ubuntun instalatzeko exekutatu hauek terminalean:

sudo add-apt-repository ppa:openshot.developers/ppa

sudo apt-get update
sudo apt-get install openshot openshot-doc

Fedoran instalatzeko edo instalazio programa jaisteko begiratu hemen.

Gai edo tema beltza jartzeko egin Editatu > Hobespenak > Orokorra > Gai lehenetsia: holo

Anna Vivesen tipografia

Annaren letra imitatzen duen tipografia dohainik deskarga daiteke helburu didaktikorako eta sozializaziorako.
Letra-mota deskargatzeko tokia.
Behin deskargatuta deskonprimitu eta instalatzeko AnnaBeta-Regular 2.ttf fitxategian klik bikoitza egin.

Ubuntu Nola aktibatu pantailako zoom-a

 Pantailako zooma aukera ematen digu pantailan mahaigaina edo zeinahi aplikazioa irekita dugula zooma urbildu, zona horretan mugitu eta eragiketan egin eta urbildu pantaila osoa ikusi arte. Edozein tekla konbinazioa erabili daiteke zooma handiagotu edo txikiagotzeko; nik Super tekla (Windows-en ikurra izan ohi duen tekla) eta gurpila aurrera eta atzera konfiguratzen dut.

Efektu hau berezi egokia da irakasleentzat eta, oro har, aurkezpenak egiten edo arbel ditalarekin aritzen zaretenontzat izan ere pantailako zehaztasunak askoz hobeto ikusten dira zoom eginik gerturatuta.
Oso interesgarria suerta daiteke ere bideo-tutorialak egiten duzuenontzat, izan ere zenbait ekintza askoz hobeto ikusten dira pantailaren zati batera zoom-a eginik.

Efektu hau soilik Compiz erabiltzen duten inguruetan dabil; Ubuntu Classic (efekturik gabe) ingurunean ez dabil Compizen ordez Metacity erabiltzen duelako, baina Ubuntu Classic arruntean eta Unityn badabil. Efektu grafikoak lortzeko azelerazio grafikoa aktibatuta egon behar du eta horretarako txartel grafiko moderno samar behar da eta hainbatetan bere kontrolatzaile pribatiboa instalatua.

Nola aktibatu eta konfiguratu pantailako zooma.

Compiz konfiguratzeko CCSM aplikazioa behar da. Bera instalatzeko terminalean hau itsatsiko dugu:

sudo apt-get install ccsm

Abiatzeko Hobespenetan CompizConfig Settings Manager klikatuko dugu edo terminalean ccsm exekutatuko.
Erabil erraztasunak atalean Enhanced Desktop Zoom aktibatu behar dugu:

 

Erabilpena zehazteko haren gainean klik egingo dugu eta bertan adieraziko diogu zooma handiagotzeko (zoom in) saguaren gurpilarekin Super+Gurpila aurrera egingo dugula: Super+button 4 jarriko dugu eta zooma txikiagotzeko Super+Gurpila atzera: Super+button5

Izar guztiak Iparrizarraren inguruan

Alpha Ursa Minor izarra da Iparrizarra, lurraren errotazio-ardatzean kokatzen denez ematen du gainerako izarrek haren inguruan egiten dutela bira.


Bideo txiki hau Stellarium aplikazioaren pantaila kaptura da.

Nola egin:

1.  Iparrizarra topatzeko bilatzailean "polaris" idatzi.
2. Eguzkiak eguna argitu ez dezan Atmosfera desaktibatu.
3. Konstelazioak ikusi nahi badituzu Konstelazio-marrak aktibatu.
4. Denbora azeleratzeko Denbora azkartu botoian hiru edo lau aldiz klikatu.

Nola berrerabili Moodle ikastaro bat

Lehengoan mezu baten bidez ikastaro bat berrerabiltzeko ikasleen daturik gabeko seguritate kopia egin eta zaharren gainean berreskuratzea gomendatu nuen baina Jabi Luengok komentario baten bidez metodo argi eta errazagoa iradoki zuen: berrabiaraztea.

Hori kontuan harturik emandako ikastaro bat berriz erabiltzeko bi kasu nagusi bereiz dezakegu:

A- Ikastetxe edo plataforma berean erabiltzeko.  Lehenik eta behin administratzaile moduan edo irakasle gisa seguritate kopia egia komeni da ikasleen datu eta guzti (ikasleen frogak legez bost urtez gorde behar direla uste dut). Ezkerreko panelean Kudeaketa leihatilan dago aukera hori (eskuineko irudian).

Ondoren ikastaroa mantentzeko eta ikasleen lanak, frogak eta kalifikazioak garbitzeko Berrabiarazi egingo dugu. Hori eginda ikastaroa mantentzen da baina ikasleen daturik gabe. Ikasle zaharrak partaideen zerrendan segitzen badute zerrendatik ken ditzakegu.

B- Ikastetxez aldatzen bazara (bazaituzte) zure ikastaroa eraman beharko duzu. Horretarako egin Segurtasun-kopia egin beharko duzu baina ikasleen daturik gabe. Irudian ikusten den bezala desmarkatu behar duzu Erabiltzaileen datuak.

Seguritate kopia egin egitean ezkerreko irudian ikusten den moduan zip formatua duen fitxategi bat sortzen du. Haren gainean klik egin behar dugu eta Gorde fitxategia.
Zip fitxategi hori pasatuko diogu bigarren ikastetxeko Moodle kudeatzaileari bere plataformara inporta dezan.

Nola berreskuratu Grub Super Grub2-ren bidez

(2012/12/20an zuzenduta)

Duela urte bat komentatu nuen Grub-a berreskuratzeko metodo bat. Oraingoan beste metodo errazago eta azkarragoa komentatu behar dut.

Linux duten ekipoetan Grub ordenagailua abiatzean agertzen den zerrenda bat non agertzen den aukera Linux era arruntean abiatzeko edo recovery mode arazoak konpontzeko posibilitatearekin, hala nola modu grafiko baxuan abiatzeko. Hortaz gain bi sistema eragile dutenei, hala nola Linux eta Windows, aukera ematen die sistema batekin edo bestearekin abiatzeko.

Kontua da Linux eta Windows dutenei tarteka Windowsa hondatzen zaiela eta Windowsa berrinstalatzean Grub-a galtzen dela (pantaila beltzean 'Grub rescue' agertzen da). Grub-a berreskuratzeko bigarren metodoa, eta azkarragoa, SuperGrub2 da. Abio CD, diskete edo USB-memoria bat prestatu behar dugu, gero beste baterako gorde dezakeguna. Mezu honetan abio-CDa nola sor dezakegun azalduko dut; abio-USBa sortzeko argibideak beste mezu honetan daude.

1- Lehenik eta behin SuperGrub2 ISO-a jaitsi (7 MB) behar da.

2- Abio CDa prestatuko dugu orain jaitsitako ISO fitxategiaz. Horretarako K3B, Brasero edo CDak prestatzeko beste aplikazio bat behar dugu. Brasero erabiltzen badugu Grabatu irudia aukera hautatuko dugu.
Ekipoak CD unitateri ez badu sor dezakezu abio USB bat Aplikazioak > Sistemaren tresnak > Administrazioa > Abio-disko sortzailearen bidez (horretarako komeni da edukiera txikiko USB huts bat erabiltzea).

3- Sortu berri dugun CDa konpondu beharreko ekipoan sartu eta piztuko dugu eta segituan menu hau agertuko da.
Ohiko aukera Detect any Operating System da, hau da ekipoan dauden sistemak detektatzea.

 

4- Detektatzen dituenean Linuxa hautatuko dugu.

 (Detektatuko ez balitu menuko bosgarren opzioa erabiliko genuke)

5- Linux abiatu administratzailea den erabiltzaile batekin, terminala ireki eta Grub-a berreskuratzeko hau jarriko dugu:

sudo grub-install --recheck /dev/sda

Aurreko sententzian zure disko gogorra Sataren ordez IDEz konektatzen bada -disko zaharra inondik ere-  sda  ordez hda izango da. Duda baduzu horren haurretik egin:

sudo fdisk -l 

eta horrek esango dizu zure disko(r)en izena(k). Bat baino gehiago badago lehenengoa jarri behar da.

6- Azkenik Grub-a eguneratuko dugu terminalean hau jarrita:

sudo update-grub

Kito.
Berrabiarazi.
Egin irribarre.
Gorde CDa.

EGUNERATZEA
Grub-a konpondu behar duzun ekipoak CD unitaterik ez badu -notebookak kasu- ekipoa SuperGrub2-ren bidez abiatzeko abio-USB-memoria bat beharko duzu. Nola sortu holako USB-memoria bertan azaltzen da.

Euskara zenbait Androidetan

Ekoizleek hasi dira Android duten zenbait modeloetan euskara hizkuntza aukeretan eskaintzen. Hona hemen pare bat adibide: Sony eta Samsung Galaxy SIII.

Smartphone bat erosi behar baduzu exijitu euskara edukitzea aukerako hizkuntzen artean.

Nola sortu kredituak OpenShot bideo editorean

OpenShot Linuxerako software libreko bideo editore interesgarria da.  Oso erraza da erabiltzen baina ez du bideo bukaerako kredituak egiteko morroi edo asistenterik. Beraz kredituak jarri nahi baduzu testua irudi batean sortu behar duzu Gimp edo Inkscape erabiliz besteak beste eta gero irudi horri behetik gorako animazioa jarri behar diozu. Hona hemen operazio horiek bideo batez azalduta (ez dauka audiorik, ondo ikusteko maximiza ezazu -beheko ezker izkinan full screen-):

64 biteko ebaluazio txikia

Lehengoan   atera berria den Ubuntu 12.04.1 instalatu nuen eta lehenengo aldiz 32 bitekoaren ordez 64 bitekoa jarri nuen.
Teorian bi abantaila nabarmen ditu: prozesadorearen gaitasuna hobeto probesten du eta 4GBtik gorako RAM kudeatzeko gai da.

Bigarrenaren gainean ez dut ezer esateko nire ekipoak 2GB RAMa du eta, eta errendimenduaren gainean esan behar dut sistemaren abioan eta aplikazio gehienetan ez dudala sumatu hobekuntzarik, bai ordea prozesadorearen erabilpen intentsiboa egiten duten ataza batzuetan, hala nola bideoen formatu konbertsioetan; hauetan konturatu naiz 32 biteko bertsioak jartzen zuela prozesadorearen nukleo bat topera baina besteak ez, 64koa ordea nire prozesadorearen lau nukleoak ia %100ean jartzen dira -irudian ikus daitekeenez- eta eragiketa horiek nabarmen azkarrago egiten ditu.

Bestetik aplikazio gehienek 64 biteko bertsioa dute eta ez dutenek ez didate inolako arazorik eman 32 bitekoekin.

Grub Customizer, Grub konfiguratzeko aplikazioa

Linux instalatzean ordenagailua abiatzen dugunean Grub azaltzen da. Gruben menua aukera ematen digu, ekipoan bi sistema instalatuta badugu -demagun Linux eta Windows- hautatzeko saio honetan zein sistema erabili nahi dugun. Beste aukera interesgarria da Linuxen errekuperazio modua; arranke honetan arazoak konpontzeko hainbat aukera ematen zaizkigu, besteak beste abiatzea modu grafiko baxuan; aukera honetaz baliatuko gara baldin eta grafika baten kontrolatzailea edo driverra gaizki funtzionatzen badu.

Grub-aren menua edo bera ikusteko denbora edo modua alda daiteke bere konfigurazio fitxategia editatuz baina errazagoa da konfigurazio-aplikazio baten bidez egitea. Horretarako erabil dezakegu Grub Customizer.

Goiko irudian agertzen den fitxan posibilitate nagusiak dira:

• aldatzea lehenetsitako sistema, alegia ez badugu ezer aldatzen zein sistemak arrankatuko du. Nik ez daukat Windows instalatuta eta horregatik ez da ageri menuan baina baneuka eta lehenetsi nahi izango banu  gora eraman beharko nuke tresna barrako geziaz baliatuz;
• beste erabilpen bat da ezabatzea zerrendatik kernel zaharrak menua txikitzeko eta, batez ere, Windowsa errestauratzeko aukera arriskutsua.

Bigarren fitxan -ezarpen orokorrak-  ematen digu hainbat aukera, haien artean zenbat segundo erakutsi behar duen menua aukera egin ezean lehenetsitako sistema abia dadin.

Azkenik hirugarren fitxak itxura aldatzeko parada ematen du.  Estetika kontuak aparte fitxa honetan alda dezakegu Grub-aren pantailaren bereizmena jatorrizkoa (640x480) gure txartel grafikoak onartzen ez badu. Kasu honetan abiatzean pantaila beltza eta laukizuzen urdin batean Out of Range ikusiko dugu; egin behar duguna da bereizmen handiago bat jarri, hala nola 800x600.

Zure Grubaren ezarpenak aldatu nahi badituzu hona duzu  PPA bidez instalatzeko modua Ubuntun edo Debianen oinarritutako beste distribuzioetan: terminala ireki eta hurrenez hurren hiru sententzia hauek itsatsi eta exekuta ezazu: 

sudo add-apt-repository ppa:danielrichter2007/grub-customizer
sudo apt-get update
sudo apt-get install grub-customizer

Beste distribuzioetarako erabil lotura hau.

OHARRAK

• Kontu handiz erabili beharreko aplikazioa da. 
• Luberri 20an, ez galdetu zergatik, Grub-Customizer agertzen da erabiltzaile arrunten menuan baina ez administratzailearenean. Beraz, erabiltzeko terminala ireki eta:  sudo grub-customizer exekutatu.
  

Linux instalazioak eta Juniper EAEko ikastetxe publikoetan

EAEko ikastetxe publikoetan interneteko konexioak Juniper zerbitzari batetik pasatzen dira eta Linuxen "portal cautivo" delako konexioa egitera behartzen du.
Zure ikastetxean Linux gutxi erabiltzen baduzue eta "portal cautivo" kendu ez baduzue kontuan izan behar duzu konexio horrek Linuxen instalazioak blokeatzen dituela. Instalazioa saiatzen da konexioa gauzatzen baina "portal cautivo"a agertzeko nabigatzailerik ez dago eta instalazioak ez du aurrera egiten.

Zein da soluzioa?

Ekipo batean Linuxa instalatu nahi baduzu interneteko konexioa kendu behar diozu instalazioa burutu arte. Kentzen ahal da paneletik -irudian ikusten den bezala- edo kablea fisikoki konexiotik aterata. Portatilen kasuan wifia ere ez dugu konektatu behar harik eta instalazioa bukatu arte.

Right Inbox: Gmail-en posta-bidalketa programatu edota jarraitu

Gmail-en posta mezu bat unean bidali beharrean programa dezakezu beranduago edo nahi duzun egun eta orduan bidaltzeko. Bestetik gehigarri honek aukera ematen dizu bidalitako mezu baten jarraipena egiteko eta jasotzaileak irekitzen badu mezu bat jasoko duzu.

 

Behin mezu baten bidalketa programatuta Zirriborroen karpetan kokatzen da eta bidali baino lehen damutzen bazara aski duzu karpeta horretatik ezabatzea.

Bestetik aukera ematen du ere mezu bat bidali eta jasotzaileak irekitzen badu horren berri ematen dizu -jasotzailea ohartu gabe-. Horretarako goiko irudiko menuan agertzen den Track laukitxoa aktibatu behar duzu.

Gehigarri hau Firefox, Chromium, Chrome eta Safari nabigatzaileetan dabil.
Doako instalazioak hilabetean 10 mezu programatzeko edo jarraitzeko aukera ematen du, gehiago behar izanez gero ordainpeko bertsioa instala dezakezu.

Informazio gehiago eta instalazioa hemen.