Right Inbox: Gmail-en posta-bidalketa programatu edota jarraitu

Gmail-en posta mezu bat unean bidali beharrean programa dezakezu beranduago edo nahi duzun egun eta orduan bidaltzeko. Bestetik gehigarri honek aukera ematen dizu bidalitako mezu baten jarraipena egiteko eta jasotzaileak irekitzen badu mezu bat jasoko duzu.

 

Behin mezu baten bidalketa programatuta Zirriborroen karpetan kokatzen da eta bidali baino lehen damutzen bazara aski duzu karpeta horretatik ezabatzea.

Bestetik aukera ematen du ere mezu bat bidali eta jasotzaileak irekitzen badu horren berri ematen dizu -jasotzailea ohartu gabe-. Horretarako goiko irudiko menuan agertzen den Track laukitxoa aktibatu behar duzu.

Gehigarri hau Firefox, Chromium, Chrome eta Safari nabigatzaileetan dabil.
Doako instalazioak hilabetean 10 mezu programatzeko edo jarraitzeko aukera ematen du, gehiago behar izanez gero ordainpeko bertsioa instala dezakezu.

Informazio gehiago eta instalazioa hemen.

Nola ikusi grafikoki disko gogorren erabilera

Ubuntu 12.04 instalatzean faltan sumatu ditudan hainbat aplikazio edo haien ordezkoak bilatzen ari naiz. Gehigarrietan bazegoen 'Disko erabileraren analizatzailea' izeneko item bat baobab izeneko aplikazioa abiatzen zuena zeina diskoaren okupazioa aztertzen zuen. Baobab segitzen du instalatuta baina Ubuntu Classic-eko aplikazio-zerrendatik kendu dute. Niri ez zait gustatzen nola ematen duen informazioa baina gustuko izanez gero terminalean baobab idatzi eta martxan jarriko da. Sarean  disko gogorrean zein karpeta eta fitxategik betetzen duten tokirik handiena ikusteko aplikazio baten bila aritu naiz eta K4DirStat iruditu zait interesgarria.

K4DirsStat aplikazioaren interfaze grafikoa

Software-zentrotik instala daiteke edo terminalean honako hau exekutatuta:

sudo apt-get install k4dirstat

Gehigarriak atalean agertzen da. Martxan jarri eta zehaztu behar zaio zein direktorio aztertu behar duen, generalean /home eskatuko diogu, alegia erabiltzaileen datuak gordentzen ohi duena. Aplikazioak diskoa zein fitxategik eta karpetak betetzen dituen adierazten digu okupazioaren arabera ordenatuta eta beheko panelean era grafikoz ikus dezakegu okupazio mailak. Grafikoan klik eginez agertuko da goiko panelean zein fitxategi den eta zenbat betetzen duen hautatutako fitxategia.

Diskoa beteta baldin baduzu era horretara jakin dezakezu zein diren fitxategi 'errudunak'. Hau bereziki praktikoa da sare-administratzaileentzat, esate baterako posible da fitxategia hautatu eta send mail to owner, alegia fitxategiaren jabeari mezua bidaltzeko botoia du panelean.

OHARRAK

• Okupazioaren grafikoa erakutsi baino lehen diskoa aztertu behar du eta minutu bat edo bi itxaron beharko dugu.
• Qt libreriak erabiltzen ditu, beraz, KDE beste aplikaziorik ez baduzu instalatuta libreria pila bat instalatuko dizu.
• Windowserako bertsioa ere badu: WinDirStat.
• Uste dut Ubuntun ez dagoela 12.04 aurreko errepositorioetan.

Ubuntu 12.04: fitxategi-bilatzailea nola berreskuratu

Ubuntu 12.04 bertsioan Unity mahaigainak bilaketak egiteko Dash izeneko tresna du eta Gnome klasikoan Gehigarriak atalean zegoen bilatzailea (Gnome Search Tool) kendu egin dute.

Nautilusen bilatzailea

Haren ordez probatu dut Nautilusen bilatzailea baina beti bezain motel darrai.
Catfish bilatzailea ere probatu dut eta, abiadura ona badu ere, hainbat gabezi badu, esate baterako ez du esaten topatzen dituen elementuak zein karpetan dauden.

Azkenean bilatu dut modua berreskuratzeko betiko bilatzailea: ireki terminala eta itsatsi honako agindu hau:

sudo apt-get install gnome-search-tool

Behin instalatuta Aplikazioak > Gehigarriak atalean agertuko da

Gnome-search-tool fitxategi eta karpeta bilatzailea

Sinplea, azkarra, aukera askorekin (Hautatu aukera gehiago sakatuz gero), topatutako elementuen informazio baliagarriena ematen du eta elementua(k) hautatu eta eskuin klik eginez gero fitxategi eta karpeten ohiko eragiketak agertzen dira.

Zuk ere sarri erabiltzen baduzu posible duzu panelean jarri; hori egiteko aplikazioen menuan sakatu eta herrestan eraman panelera.

Fitxategi bilatzailea panelean

Lehenengo argazki-kamerak Androidekin

Telefonoak izan ziren argazki-kamera eta ondoren GPS eta internet integratu zutenak eta azken urrats horretan software pribatiboa e izan zen aitzindari Apple-en Iphone-rekin.

Oraingoan argazki-kamerak hasi dira GPS eta internet integratzen baina oraingoan software librean oinarritzen den Android izan aitzindaria Nikon eta Samsung-en eskutik.

Dudik gabe ekoizleentzat modu merke bat da argazkiak geolokalizatzeko eta internet bidez editatu eta partekatzeko.

Hona hemen komertzializatu diren lehenengo modeloak: Nikon Coolpix S800C eta Samsung  EK-GC100 Galaxy Camera.

Nautilus, Nemo... nola asoziatu fitxategi mota bat aplikazio batekin

Ubuntu 12.04ra pasa naiz eta Gnome 3rekin hasi naiz peleatzen aurreko bertsioan intuitiboak eta errazak ziren hainbat lan orain nola demontre egin daitezkeen aztertzen.

Horietako bat da Nautilus arakatzailean luzapen bat -pdf, jpg, kml...- duten fitxategiak aplikazio batekin asoziatzea edo duten asoziazioa aldatzea. Orain horrela egin daiteke:

1. interesatzen zaigun luzapena duen edozein fitxategian eskuin klik egin eta Propietateak aukeran klik egin.
2. irekitzen den leihoan Ireki honekin fitxara joan.
3. interesatzen zaizun aplikazioa hautatu eta Ezarri lehenetsi giza klikatu.

Aplikazioa aukeratu eta Ezarri lehenetsi gisa klikatu

Gimp nola konfiguratu leiho bakarra

Gimp irudi editorearen ezaugarririk bereziena leiho anitzak erabiltzea izan da. 2.8 bertsiotik aitzina ordea erabiltzaile askok eskatutako leiho bakarra jartzeko aukera eman dute. Horretarako menu nagusian Leihoak atalean Leiho bakarreko modua markatu behar dugu.



Bertsio zaharra baduzu eta eguneratu nahi baduzu Ubuntu, Mint, Debian eta deribatuetan PPA bidez berrinstalatu behar duzu. Horretarako terminalean itsatsi eta exekutatu hurrenez hurren:

sudo add-apt-repository ppa:otto-kesselgulasch/gimp
sudo apt-get update
sudo apt-get install gimp

Ubuntu 12.04.1 sarean

Canonicalek sarean jarri du Ubuntu 12.04 Precise Pangolin bertsioaren lehenego berargitalpena, hau da 12.04.1.
Ubuntu 12.04 LTS (Long Term Suport) bertsioa da, alegia mantenu luzeko bertsioa, bost urteko mantenua hain zuzen.
Berrargitalpen honetan Linuxen azken kernela (3.2.0-29), sisteman hainbat huts zuzenduta eta aplikazioen bertsio berriak daude.

Gaineko grafikoan ikusten denez pasa den astean sareratu dute lehenengo berargitalpena eta sei hilabetero  berargitalpen berria izango dugu 2014ko otsailararte. Hortik aurrera 2017arte errepositorioak eguneratuko dira.

Bertsio zaharra baduzu eta Precisera pasatzea pentsatzen ari bazinen une egokia da hau zeren berrargitalpen hau hasierako bertsioa baino seguruago eta egonkorragoa izan behar duelako eta, orain instalatzen baduzu, sistemaren eguneratzea ekidin dezakezu.
Lanean edo lagunentzako instalazioak egiten badituzu 12.04.1 deskargatu eta bota zakarrontzira 12.04ren CDa.
Windows edo Mac erabiltzen badituzu eta sistema libre bat probatu nahi baduzu hau da une egokia bertsio heldu eta mantenu luzeko bat instalatzeko

Desktop bertsioa eta Server bertsioa daude. Lehenengoa da egokiena ordenagailu arruntetarako: torre, eramangarria, netbooka. Desktop bertsioa bi modalitate ditu 32 eta 64 bitekoa. Zure ordenagailua 64 biteko prozesadorea badu, hau da berri samarra ba da 64koa deskargatu; zaharra bada edo zalantza baduzu 32koa. Nik lehenengo aldiz instalatu dut 64koa eta ondo dabil, hori bai, errendimenduan aurrerapen handirik ez dut nabaritu.

Hau da Desktop bertsioak deskargatzeko tokia.

Beste aldetik nire Nvidia txartelan azelerazio grafikoa lortzeko hornitzailearen kontrolatzailea instalatu behar izan dut, eta ez Ubuntuk gomendatzen duena baizik eta acelerated graphics driver post-release updates bertsioa. Unityren ordez Gnomeren ikuspegi klasikoa instalatu dut:
sudo apt-get install gnome-panel

Nola ireki terminala karpeta batean Nautilusekin

Nautilusean, Gnomeren arakatzailean alegia, karpeta batean bagaude eta karpeta horretan bertan terminal bat ireki nahi badugu azkar egin dezakegu honako appleta instalatuta:

sudo apt-get install nautilus-open-terminal

ondoren saioa itxi eta ireki eta Nautilusean karpeta batean gaudela eskuin klik egitean irekitzen den menuan aukeren artean ireki terminalean azalduko da.

Linux eta Android-en arteko konexioa USB bidez

Smartphone bat USB bidez Linux duen ekipo batean konektatzean ez du automatikoki ezagutzen  beste USB memoriak, mp3 eta antzeko gailuak konektatzean gertatzen den moduan.

Konexioa aktibatzeko aldiro egin beharko dugu honako hau:

Hatz mamia goiko panelean jarri eta behera egin. Eskuineko pantaila agertuko da. "Seleccionar para..." esaten duen tokian klikatu eta hurrento pantaila agertuko da.

Bertan "Conectar almacenamineto USB" esaten duen leihatilan klik egingo dugu.

Ematen duen oharra onartuko dugu.

Pantaila hau agertu eta une batera konexioa gauzatzen da eta Nautilus arakatzailean smartphonaren fitxategi sistema azalduko da ordenagailuaren pantailan.

Egitura honetan, aurreko mezuan aipatu bezala, gehien erabiltzen ohi diren karpetak dira:

• /DCIM/Camera  gailuaz egindako argazkiak eta bideoak gordetzen dituena eta
• /media/music  musika gordetzen duena.

Sistemaren karpetaz gain hainbat aplikaziok bere karpeta sortzen dute. Horietaz gain nik Dokumentuak karpeta sortu dut pdf, pub eta antzeko fitxategiak gordetzeko.



Behin fitxategiko lanak bukatuta USBa atera aurretik komeni da gailua desmuntatzea edo egoztea.

OHARRAK

• Samsung-ek USB konexioa egiteko gomendatzen du ekipoan Kies izeneko programa bat instalatzea. Delako programa hori soilik Windows eta Mac-entzako balio du baina uste dut ez dugula gauza handirik galtzen.

Fitxategiak bidali ordenagailua eta android artean wifi bidez

Musika, argazkiak, dokumentuak ordenagailutik smartphonera edo alderantziz WiFi bidaltzeko hainbat modu daude ssh, ftp, web bidez...
Nik azken hau probatu dut eta erraza eta praktikoa iruditu zait. Bestetik edozein sistema eragilean funtzionatzen du. Ikus dezagun nola egin:

Android Smartphonean websharing aplikazioa App Storetik deskargatu, instalatuko eta irekiko dugu.

Lehenengo aldia eskatuko digu pasahitza bat jartzea (owner account password). Gogoan izango dugun bat idatziko dugu.

Atzera egin eta eskuineko pantaila ikusiko dugu. Bertan, beheko panelean gezi berdea duen Start sakatuko dugu eta zerbitzua martxan jarriko da. Smartphona laga -piztua- eta ordenagailura joan.

Ordenagailuan nabegadorea (Firefox, Chromium...) abiatuko dugu eta helbidearen leihoan smartphonaren pantailaren erdian agertzen den helbidea idatziko dugu: http:/192. eta abar (helbidearen laster-marka egin dezakegu).

Pasahitza eskatuko digu.

Smartphonaren fitxategi sistema erakutsiko digu.



Gehien erabiliko ditugun karpetak izango dira:

Home/DCIM/Camera non argazkiak eta bideoak gordetzen dituen.

Bertatik fitxategiak ordenagailura deskargatzeko hautatu, eskuin klik egin eta Download Selected Items klika eta ordenagailuko zein karpetan gorde nahi dugun zehaztuko diogu.

Home/media/music karpeta. Karpeta honetako abestiak Música aplikazioan agertuko dira. Bertara gehien bat musika igongo dugu; horretarako karpetako zona zurian eskuin klik egingo dugu eta menuan Upload files to devices klikatu eta arakatuz zehaztuko diogu zeintzuk fitxagi igo nahi ditugun.

Horretaz gain Dokumentuak izeneko karpeta sor dezakegu pdf, epub edo bestelako dokumentuak igotzeko. Horretaz gain ezabatzeko, berrizendatzeko eta antolatzeko aukera ere badago.

Lana bukatua smartphonera jo eta Websharing-eko pantailaren beheko panelean X Stop sakatuko dugu zerbitzua gelditzeko.

Alternatibak: USB kablea, bestelako wifi konexioak, hodeiko zerbitzuak hala nola Dropbox edo Ubuntu One.

Nola konektatu portatil edo tableta bat internetera Android smartphone baten bidez

 
Baldin baduzu portatila, netbook-a, tableta edo antzekorik eta inguruan ez baduzu konexio librerik erabil dezakezu Android smarthphone baten internet konexioa; nola? telefonoak wifi sare bat sortuta. Ikus dezagun nola egin daitekeen:

Konexio mota honi tethering esaten zaio eta Androiden ezarpenetatik ezar daiteke: Ajustes > Conexiones inalámbricas > Zona Wifi y modem USB

Zona  Wi-Fi  klikatu behar da smartphona wifia bihurtzeko

Ajustes de Zona Wi-fi  hemen klikatuko dugu jakiteko zein den zure smartphonaren wifiaren izena eta pasahitza. Agertzen den informazioa hau da:

• red ssid  hemen wifiaren izena agertzen da. Zure ordenagailuan edo tabletan izen hori duen wifi sarea bilatu eta hautatu. Pasahitza eskatuko digu. Begira dezagun zein den.
• seguridad: wpa2 psk Hau horrela utzi.

Pasahitza ikusteko smartphonaren teklatu birtualean siguiente klika eta gero fin. Automatiko sortzen duen pasahitza ikusi ahal izateko mostrar contraseña klika eta agertzen den pasahitza ordenagailuan edo tabletan idatzi. Segundo gutxitan konexioa ezarriko da.

Horrelako konexioa sarritan egin behar baduzu komeni zaizu gogoratuko duzun pasahitza bat jartzea berak automatiko sortzen duenaren ordez.




OHARRAK

• Konexioaren abiadura askoz jota smartphonarena izango da.
• WiFiaren irismena ez dut probatu baina, hala beharrez, txikia izan behar du, beraz bi maxinak elkarren ondoan mantendu.
• Behin egin beharrekoa bukatu duzunean komeni da konexioa etetea; horretarako smartphoean saka Zona WiFi  desaktibatzeko. Kontuan izan zona wifia sortzeak bateria jaten duela.
• Badirudi bluetooth bidez ere konekta daitekeela baina ez dut probatu.

Pixum: argazki-liburuak Linuxen

Gero eta argazki gutxiagok hartzen du paper euskarria, baina onartu behar da oraindik ere paperak baduela bere xarma, batez ere ongi diseinatutako argazki-liburua edo argazki-albuma. Argazki-liburua egiteko hornitzailearen web-orritik aplikazioa deskargatu, modeloa aukeratu, morroi edo asistente baten laguntzaz diseinatu, eskaera egin, ordaindu eta postaz jasotzen d(ir)a eskatutako alea(k).
Hornitzaile guztiek dute Windows bertsioa, zenbaitek Mac eta gutxi batzuk Linux.
Linux bertsioa eskaintzen duten artean bat komentatuko dut: Pixum.
Hainbat formatu, tamaina eta azal-material eskaintzen ditu; erraza da erabiltzen eta bere editorea posibilitate handiak ematen ditu: diseinuak, fondoak, kokatzeko aukerak, zoom, biratu, testuak erantsi eta abar.

Instalazio modua ez du oso praktikoa, horregatik azalduko dut hemen urratsez urrats nola egin daitekeen:
1. Hornitzailearen orrira joan:
- gaztelaniaz:  http://www.pixum.es/album-digital
- frantsesez: http://www.pixum.fr/livre-photo
2. Orri horretan aplikazioa deskargatzeko aukera agertzen da. Fondo laranjaz agertuko da zure sistemarena. Linux batean bazaude Tux pinguinoaren irudia ageriko da. Gorde instaladorea (setup_Album_digital_Pixum.tgz) Deskargak karpetan.
3. Nabigadorean joan Deskargak karpetara eta egin bi klik deskargatutako fitxategian.
4. Klika Erauzi ikonoan deskonprimitzeko; galdetuko dizu ea zein karpetan erauzi behar duen eta esaiozu Deskargak karpetan bertan erauzteko.
5. Deskargak karpetan lokalizatu install.pl fitxategia, egin bi klik haren gainean eta irekiko den lehiatilan agindu exekutatzeko terminalean.
6. Irekitzen den terminalean agertzen den testua nahasgarri samarra da: aurrera egiteko <CR> zapaltzeko esaten du eta ateratzek q zapaltzeko baina aurrera egiteko q zapaldu behar da -eta gero Intro-. Lizentziaren terminoak agertuko dira eta aurrera egiteko berriz ere q zapaldu. Onartu terminoak s zapalduta. Proposatuko dizu gordetzea zure karpeta nagusian sortuko duen Pixum karpetan; onartu ezazu eta sor dezala karpeta. Abisu ematen du 110 MB deskargatu behar dituela -bai, hagitz astunak dira editore hauek- onartu baina lehenengoan ez du egingo; beraz 5. puntutik errepikatu beharko duzu prozesu guztia eta bigarrenean bai deskargatu eta instalatuko du.

7.- Programa ez da agertzen Aplikazioak menuan, joan behar duzu dagoen tokira exekutatzera: /zure karpeta nagusia/Pixum/Album digital Pixum eta izena du Album digital Pixum. Egiozu bi klik eta hiruzpalau segundotan abiatuko da. Instalatzaile kaskarrak ez zaitzala desanimatu, aplikazioa intuitiboa eta erabil erraza da.

Nola jarri zure Jclic-jarduera bat web orrian edo blogean

Jclic Javan oinarritzen den eskolako ariketen sortzaile-ikustaile bat da. Haren bidez sor daitezke hainbat ariketa mota: kontzeptuak edo kontzeptuak eta irudiak lotzeko, puzzlea, bikote-mikoteak, testuak bete, zuzendu edo osatzekoak, letra-sopak, gurutzegramak eta abar. Sortzeaz gain, jakina, beste batzuk sortutakoak erabil daitezke; horretarako ZonaClic eta zehatzago haren jarduera-bilatzailea erabil dezakegu.

Baina demagun jarduera bat sortu eta zure web edo blogean argitaratu nahi duzula. Horretarako Jclic instalatu beharko duzu. Ubuntu edo Debian jatorriko edozein sistemarako deb-instalatzailea ireki behar duzu eta Jclic Author erabil dezakezu jarduera prestatzeko -tutorial asko dago sarean-.

Demagun proiektua bukatu duzula. Berau argitaratzeko web-orria sortu behar duzu. Horretarako Jclic Author aplikazioaren menuan egin behar duzu Tresnak > Sortu web-orria eta bertan berak proposatzen duen index izena mantendu edo alda dezakezu eta pantaila osorako edo neurri zehatz batzuk jartzen ahal dizkiozu. Horrekin web-orria ikus daiteke eta eskolako sarera kopia daiteke -bere karpeta eta ondoko fitxategiekin batera-.

Baina interneten jartzeko, zer egin behar dugu?
Lehenengo aukera da Jclic-era bidaltzea bere datu-basean sar dezaten.
Bigarren aukera gu geuk argitaratzea web edo blog batean. Horretarako web eta proiektua internetera igo behar dugu hodeiko ostatu zerbitzu baten bidez; antza denez honetarako emaitza onak ematen dituen bakarra Dropbox da. Beraz, proiektua -zip- eta web-orria -html- dituen karpeta Droboxen Public karpetara kopiatuko dugu. Ondoren html fitxategian eskuin klik egin eta Dropbox > Copy Public Link egingo dugu.


Ondoren web-orrira joango gara eta iframe hau txertatuko dugu htlm editorean:

<iframe src="https://dl.dropbox.com/etaabar.htm" width=700 height=700 frameborder='0'></iframe>

non https://dl.dropbox.com/etaabar.htm-ren ordez zuk kopiatutako linka itsatsi behar duzu. Zabalera eta altuera -width eta height- pixeletan neurtzen da eta zure blog edo web orriaren neurritara egoki ditzakezu (pantailako neurketak egiteko Screen Ruler tresna interesgarria da).

Hona nire kasuan nola geratu den loreen izenak ikasteko jarduera http://loretan.weebly.com web-orrian.

Badirudi prozedura hauxe bera erabili daitekeela Hot Potatoes-en bidez sortutako jarduerekin.

LibreCADen liburutegiak erantsi eta erabili

LibreCADen, eta baita QCADen ere, aukera dago hainbat gairekin lotutako irudi galeriak edo liburutegiak eransteko. Horien artean:

• arkitektura
• elektrizitatea
• elektronika
• mekanika
• prozedurak
• txantiloiak (laminak)
• neumatika eta hidraulika

Linuxen instalatzeko:
LibreCAD instalatu behar baduzu kopiatu ondokoa eta terminal batean itsatsi eta exekutatu:

sudo apt-get install librecad

Liburutegiak eransteko jaitsi hemendik Deskargak karpetara, karpetara joan eta bertan deskonprimitu (klikatu eta erauzi bertan).
Partlibrary karpeta bere tokira eramango dugu.

sudo mv /Deskargak/partlibrary-2.1.2.8-1 /usr/share/librecad/library

Orain liburutegi horiek erabiltzeko:
Ireki LibreCAD

Liburutegiak ikusteko  tresna barran edo menuan eskuin klik egin eta Library Browser markatu eskuineko irudian ikusten den moduan.

Behin liburutegiaren leihatila irekitzen denean menua arakatu nahi duzun pieza edo sinboloa topatu arte, hauta ezazu eta klika irudien azpiko Insert botoian.

Oharra: Erne karpeta mugitzean, liburutegiaren bertsioa aldatzen bada komandoa aldatu behar duzu.

Argazkiz egindako bideoak

Argazkien bidez bideoak egiteko hainbat aukera dago hala nola Videoporama, PhotoFilmStrip edo OpenShot bideo editorea. Lehenengoa konplexu samarra, bigarrenean audioa jarriz gero honek markatzen du muntaiaren luzera eta hirugarrenean argazkiak animatu daitezke baina zehaztasunik gabe.

Zelan egin ondo eta sinple?

Irudien muntaia PhotoFilmStrip aplikazioarekin. Animazioaren hasiera eta bukaera zehazten.

Nire proposamena da PhotoFilmStrip erabiltzea irudien muntaketa egiteko animazioaren kontrola handia eta erraza delako; horrekin bideoa egin eta   sortutako bideoa eta gogoko musika OpenShotera kargatu,  editatu musika eta tituluak jartzeko eta bigarren bideoa sortu.

Ubuntun PhotoFilmStrip instalatzeko hemendik jaitsi Debian bertsioa, fitxategian klika eta Software Cenerren bidez instalatu.
OpenShot instalatzeko terminal batean hau itsatsi eta exekutatu:

sudo apt-get install openshot

Burduntzia Jaizkibelen

Motocroseko makinek ondatutako erreka batean bizitza tematzen da aurrera egiten eta, gizakiok merezi ez badugu ere, tarteka naturak honelako ikuskizunak eskaintzen dizkigu.

Nola konfiguratu LightDM

Luberri 16 eta 18an

LightDM Linuxen erabiltzen den saioak kudeatzeko (Display Manager) pantaila bat da. Ubuntuk  jarri zuen 11.10 bertsiotik aurrera GDMren ordez arinagoa delako eta Gnomeren liburutegiak erabiltzen ez dituenez edozein distribuzioan erabili daitekeelako.

LightDM pantailaren ezarpenak moldatzen ahal dira eta horrek hainbat aukera eskaintzen digu.
LightDMren konfigurazio fitxategia aldatzeko editore batez irekiko dugu (nik gedit erabiliko dut Ubuntun):

sudo gedit /usr/share/lightdm/lightdm.conf.d/50-ubuntu.conf

eta Pluma Ubuntu-Maten:

sudo pluma /usr/share/lightdm/lightdm.conf.d/50-ubuntu-mate.conf

eta ia hutsik dagoen ezarpen fitxategia irekiko da, honelakoa hain zuzen:

[SeatDefaults]
user-session=ubuntu

Linux Mint eta Luberri 20.04rako begiratu mezuaren bukaeran.

Hemen lerroak erantsiz hainbat moldaketa sar dezakegu:

• Automatikoki erabiltzaile batekin sartzeko:

autologin-user=

autologin-user-timeout=0

lehenengo lerroan idatziko dugu automatikoki sartzea nahi dugun erabiltzailea eta bigarren lerroaren bidez jar dezakegu denbora bat -segundotan- sartze automatikoa geroratzeko eta beste erabiltzaile batekin sartzeko.

• Erabiltzaileen zerrenda ezkutatzeko:

greeter-show-remote-login=false
greeter-show-manual-login=true
greeter-hide-users=true

Erabiltzailearen izena sartzeko leihoa agertuko da. Zenbait tokitan erabiltzaileen zerrenda ikustea ez baita egokia.

• Saio mota bat lehenesteko:

Erabiltzaile bat lehenengo aldiz sartzean Unity, Gnome Shell edo saio klasikoa lehenesteko jatorrizko fitxategian agertzen den user-session=ubuntu Unity saioa lehenesten du, hauek dira aukerak:

                                          16.04                                     18.04
Unity:                                ubuntu                                

Gnome Shell:                     gnome                                   ubuntu
Ubuntu klasikoa (Compiz)   gnome-flashback-compiz    
Ubuntu klasikoa (Metacity)  gnome-flashback-metacity   gnome-flashback-metacity

Gnome Shell ibili ahal izateko aldez aurretik Gnome-Shell instalatu behar duzu:

sudo apt-get install gnome-shell

Azkeneko biak interesatzen bazaizkizu beste hau instalatu behar duzu:

    sudo apt-get install gnome-session-flashback

Etxerako ez du merezi zeren eta erabiltzaile bakoitzak, bere izenaren ondoan agertzen den gurpiltxoan sakatuta bere gogoko saio-mota aukera dezake baina erabiltzaile asko dituen toki batean, hala nola eskola, enpresa edo elkarte batean administratzaileari saio-mota bat lehenesteko aukera ematen dio ezarpen honek.
Pentsatzen dut Cinamon edo Mate ere era horretan ezar daitezkeela.

• Erabiltzaile gonbidatua ezkutatzeko:

allow-guest=false

• Teklatu numerikoa automatikoki aktibatzeko:

Ekipoak teklatu numerikoa desaktibatuta abiatzen dira, automatikoki aktibatzea nahi baduzu aldez aurretik numlockx aplikazioa instalatu behar duzu:

sudo apt-get install numlockx

eta, hori eginda -ez jarri bestela-, lighdm.conf fitxategian honako lerro hau erantsi behar duzu:

greeter-setup-script=/usr/bin/numlockx on

Luberri 20an

Aurreko bertsioek Gnome erabiltzen dute eta 20.ak Linux Minten Cinnamon. Honek ere Lightdm erabiltzen du hasierako pantaila, saioa hasteko pantaila alegia, kudeatzeko baina badu aplikazio grafiko bat lan hori egiteko. Aplikazioa Saio-hasieraren leihoa izena du eta horrela iristen da bertara:

Paneleko ezker aldean, erabiltzailean egin klik eta  Sistemaren ezarpenak > Administrazioa > Saio-hasieraren pantailara iritsiko zara. Ezarpen hauek aldatzeko administratzaile rola eduki behar da, horregatik administratzailearen pasahitza eskatzen du.

Bertan alda daitezke parametro guztiak agertzen dira: itxura, erabiltzaileak eta ezarpen orokorrak kategorietan banatuta.

slatebox.com, buru mapak online

Buru-mapen eta kontzeptu-mapen gaia behin baino gehiagotan azaldu da blog honetan. Hainbat aplikazio aipatu ditut orain baino lehen: Xmind, Freemind, VUE...  denak offline, hau da, instalatzeko programak. Gaurkoan buru mapak online, alegia web baten bidez egiteko tresna aipatu nahi dut: slatebox.com.

Oso tresna erraza eta bisuala. Erregistratu behar da eta bertan gorde dezakegu gure eskemak.

Kontzeptuetan editatu daiteke forma eta kolorea, testua, fondoko irudia eta estekak. Irudiak berak dituen base handi batetik hautatu edo url bidez jar daitezke.
Eskematik arin nabiga daiteke herrestan eramaten eta zooma du tamaina moldatzeko.

Egindako eskema kapsulatu daiteke web orri batean eransteko edo irudi bezala gorde daiteke.

Nola instalatu PDF inprimagailu bat Ubuntun

Software libreko aplikazio askok, hala nola LibreOfficek, dokumentuak PDF formatura esportatzeko aukera ematen dute eta beste batzuk fitxategi batean inprimatzeko aukera ematen dute, baina, zer egin aukera ematen ez dutenekin?  Ba  PDF inprimagailu bat instalatu eta dokumentuak inprimagailu birtual horretara bidaltzean PDF dokumentua sortzen du karpeta nagusiko PDF izeneko karpetan.

Ubuntun instala daiteke software-biltegitik edo terminalean hau itsatsita:

sudo apt-get install cups-pdf

Instalazioa egina inprimagailua azalduko da Sistema > Administrazioa > inprimatzea atalean

Aukerak ez dira handiak baina kokatzea eta eskala alda daiteke.

Probatu ondoren kendu nahi baduzu egin dezakezu software-biltegitik edo terminaletik:

sudo apt-get remove cups-pdf

Inprimagailua utzita zenbait irudi PDF dokumentu bakarrean bildu nahi baduzu sar itzazu karpeta batean eta berrizenda itzazu agertzea nahi duzun ordenean (e.b. 1.jpg, 2.jpg, 3.jpg...). Ireki terminala, joan karpeta horretara eta agindu:

convert *.jpg   izena.pdf

Hau da aginduaren formarik sinpleena. Convert komandorik aukerak aztertu nahi baduzu egin:

man convert

Gaurko eklipsea

Gaur gauean, hau da 2012/5/31ean, 1:30etan gutxi gora behera ilargia lurra eta eguzkiaren artean sartuko da. Eklipsea Asia eta Amerikan ikusi ahal izango dute.
Euskaldunok biharko telebistako irudiekin konformatu beharrean beraiek baino lehenago -eta agian argiago- ikusten ahal ditugu Stellarium-en bidez.
Hau da, azeleratuta, gaur gauean gertatuko dena.

Ubuntu, terminalaren laster tekla oinarrizkoak

Interfaze grafikoz lan egiten ohituak gaudenontzat terminala erabiltzea badu bere konplikazioa; komandoak eta bere sintexiaz gain laster tekletan ere hainbat berezitasun ditu. Hona hemen oinarrizkoak iruditzen zaizkidan batzuk:

Gezia gora          Aurreko agindua
Gezia behera      Hurrengo agindua
Testu + TAB       Testu horrekin hasten diren komandoak edo testu horrekin     hasten diren karpeta edo fitxategiak.
Ctrl + C              Aginduaren exekuzioa eten
Shift + Ctrl +C   Kopiatu
Shift + Ctrl +V  edo  Shift + Insert (edo klik gurpilean)    Itsatsi
Ctrl + w              Ezabatu aurreko hitza

Inicio                  Aginduaren hasiera
Fin                      Aginduaren bukaera
Ctrl + eskuin      Hurrengo hitzaren hasierara
Ctrl + ezker        Aurreko hitzaren hasierara

Kontabilitate Plan Orokorra 2007

Institutuan kontabilitatea lantzeko Keme aplikazioa hasi dira lantzen. Aplikazioa ez dago euskaraz baina kontabilitate plana kargatzeko aukera ematen duenez plana euskaraz eta formatu digitalean bilatzen hasi baina ez dut topatu.
Azkenean eskuratutako fotokopia batzuetatik abiatuta plana digitalizatu, osatu eta eskegi dut.
Espainiako enpresa txiki eta ertainen Kontabilitate Plan Orokorra 2007 urtekoa:

• PDF formatuan irakurri eta inprimatzeko.
• ODT formatuan editatzeko.
• PLN fomatuan, testu lauan. Keme aplikaziorako egokia.

Bide batez probestuko dut mezua kontabilitateari buruzko hainbat liburu estekatzeko:

• Kontabilitate Orokorra. Maite Iruguenpagate. 2006. EIMA katalogoa. PDFn dohanik jaitsi daiteke.
• Enpresa txiki eta ertainen kontabilitate plan orokorra. 2010. UPV. Paperean 18€.
• Kontabilitatea: teoria eta praktika 2007ko kontabilitate planera egokitua. Hainbat. 2008. Elhuyar. Paperean 33,25KB PDFn 4€.

Oharra 
Kontabilitatea Contaplus bidez eramaten baduzu eta Keme-ra pasatu nahi baduzu mezu honetan  datuak Keme-ra pasatzeko script bat eskaintzen da eta azaltzen da nola erabili.

Hugin, panoramikak egiteko aplikazioa

(eguneratua 2014/7/7an)
Hainbat argazki elkartuta panoramika bat sortzeko aplikazioa da Hugin.

Artikutza

Prozesua argazkiak ateratzean hasten da; ahal dela tripode, makil edo bestelako euskarria erabiltzea komeni da, mailari eutsi behar diogu eta argazkiak elkarren artean muntatu behar dira puska bat. Kamerak panoramikak egiteko modua badu zalantzarik gabe erabiliko dutu; muntatzen lagunduko digu eta panoramika osatuko duten argazkiak karpeta berezi batean gordeko ditu.



Ordenagailuan deskargatu ondoren lotzeari ekingo diogu. Hainbat programa dago horretarako; software librean Hugin nabarmentzen da.

Ubuntun instalatzeko software-zentrotik egin dezakezu. Beta bertsioa instalatu nahi baduzu terminalean hau itsatsi:

sudo add-apt-repository ppa:hugin/next
sudo apt-get update
sudo apt-get install hugin



Aplikazioa abiarazi eta morroi batek hiru egin beharreko hiru urratsetan lagunduko digu: argazkiak kargatzen; lerrokatzen eta lotzen eta, azkenik panoramikoa sortzen.

Huginen morroia

Interfazearen irudia ingelesez ikusten baduzu ere azken bertsioa euskaraz dago.
Bigarren urratzean, lerrokatzean alegia, argazkiak euskarririk gabe egin baditugu edo ez badugu nahiko atalik muntatu gerta daiteke asistenteak ezin automatikoki lotzea eta guk egin beharko genuke lan hori argazkien arteko kointzidentzia puntuak markatuz.
Bukatzeko sortzen duen irudia .tiff formatukoa da; konpresiorik gabeko formatua bera. Arindu nahi badugu .jpg formatura bihurtzea dugu.

Beste aplikazio interesgarriak

Beste aplikazioak Linuxen

Panela aldatu Gnome klasikoan

Ubuntu 12.04 Precise Pangolin instalatu dut eta Unity eta Gnome-Shell (sudo apt-get install gnome-shell) probatu ondoren Gnome klasikoarekin geratu naiz.
Klasikoa erabili ahal izateko instalatu behar da. Horretarako terminalean exekutatu:

sudo apt-get install gnome-panel

Ondoren saioa amaitu eta ondoko pantailan erabiltzailea hautatzeko pantailan (lighdm edo login screen) zure izenaren eskuineko ikurra sakatu eta halako zerrenda agertuko zaizu:

Shell edo interfaze aukerak

Zerrenda honetan lehenengoa da Gnome-Shell, hurrengo biak klasikoak (efektu grafikorekin edo gabe) eta azkeneko biak Unity (efektu grafikorekin edo gabe).
Nik, probatu ondoren, hirugarrenarekin geratu naiz eramangarri txikian efektuak soberan daudelako eta interfazea, panelak batez ere, argiagoak direlako. Efektuak dituen Gnome Classic-en sartuz gero efektu interesgarriak aktibatzeko mezu hau begiratu.

Panelean sarri sarri erabiltzen ditugun aplikazioen abiarazleak jartzeko menutik herrestan eraman panelera.  Bestela panelari appletak eransten ahal zaizkio baina, istripuak abitatzearren (nork ez du nahi gabe elementuren bat ezabatu eta gero asmatu ez berreskuratzen -konponduta-),  elementuak gehitzeko, propietateak aldatzeko (esate baterako panela garden bihurtzeko) edo dauden elementuak kendu edo tokiz aldatzeko saguaren eskuin klik egin behar da baina:

• efekturik gabeko klasikoan:  Alt  zapalduta.
• efektu grafikodun klasikoan:  Super + Alt  (Super=Windows tekla)  zapalduta.

TuxGuitar gitarra ikasteko eta editatzeko aplikazioa

TuxGuitar partituren eta tablaturen editore bat da. Aplikazioa librea da eta Linux, Windows eta Mac OSen gainean funtzionatzen du. Oso praktikoa da gitarra ikasteko, izan ere melodia entzutearekin batera partitura, tablatura eta gitarraren mastilean hatzak non kokatu behar diren erakusten duen eskema ere ikusten da.
Tablaturak gitarrarako partitura modukoak dira non hatzen kokapena ikusten den (tablaturak nola irakurri).

TuxGuitarren pantaila bat non partitura, tablatura eta mastilaren eskema agertzen diren

 Bere fitxategi formatua .tg da baina .ptb, .gp3, .pg4 eta .gp5 formatuak onartzen ditu. Midi fitxategiak inporta dezake  eta  midi, pdf eta ascii formatuetan esporta dezake.

Ubuntun instalatzeko software-biltegia erabili daiteke edo terminal batean honako hau itsatsi dezakezu:

sudo apt-get install -y tuxguitar

 Behin instalatuta soinu eta bideo atalean topatuko duzu. Partitura ez baduzu entzuten Timidity sintetizadorea instalatu behar duzu. Terminalean:

sudo apt-get install timidity

ondoren TuxGuitar ireki eta menuan egin Tresnak >  Preferencias > Doinua > Puerto MIDI eta Midi Through Port-0-ren ordez Timidity Port-0 markatu eta baiezta ezazu.

 DesdeLinux blogean gitarrako partiturak eta tablaturak lortzeko web bilduma  interesgarria egin dute.


TuxGuitar proiektuaren orri ofiziala

Bilboko Arte Ederren Museoa Google Art Projektuan

Bilboko Arte Ederren Museoak bere fondoko 146 obra eskaneatu eta Google Art Project-era sartu ditu. Proiektu honek dagoeneko mundu osoko ehun eta berrogeita hamar pinakotekako 32.438 obren bereizmen handiko irudi digital biltzen ditu.

Google Art Project obrak ikusteko interfaze propio bat du. Bertan obrak izena, bilduma edo museo, lokalizazioa eta egilearen arabera bila daitezke. Horretaz gain museo asko barnetik ikus daitezke Street View teknologiaren bidez. Egileen informazio osagarria irakur daiteke -ingelesez soilik-. Egile baten obrak diapositiba ikustaldi moduan ikus daitezke; denbora kontrola daiteke eta edozein unetan ikustaldia gelditu daiteke obra bat lasai aztertzeko -saguaren gurpilari eraginez gero zoomaren bidez zehaztasun txikienak ere ikus daitezkeela. Gmaileko kontua izatekotan logeatu eta bilduma propioa sor daiteke. Interes handiko da era berean Education atala non obrak aztertzen ikasteko aholku interesgarriak ematen ditu.

Hona hemen Bilboko museoaren atala.

Bideo hauek laguntzen ahal dute proiektuaren interfazea kontrolatzen.

Web orriak egiteko eta ebaluatzeko hainbat irizpide

Ikasleei gai bat gai bat garatzeko eskatzen diegunean gehien bat paper euskarrian pentsatzen dugu. Aukera bezala web euskarria dugu gaur egun informazioa eskuratzeko ohiturei lotuagoa eta ikasleengan kapazitate berriak lantzeko parada ematen duena.
Webguneak egiteko bi era nagusi daude: offline editoreak (Kompozer, Frontpage...) eta online editoreak (Weebly, Google Sites, Moodle...).
Edozein dela egiteko erabiltzen dugun modua web orriak diseinatzeko eta osatzeko garaian ikasleek irizpide batzuk kontuan izan behar dituzte eta irizpideen bilduma hau oinarri moduan erabil daiteke:

BALIAGARRITASUNA

• Web orriaren helburuak zehatzak eta ondo definituak egon behar dute.
• Balizko erabiltzaileen helburuak eta beharrak kontuan eduki behar dira.
• Web orriak argi erakutsi behar du eskaintzen dituen edukiak eta zerbitzuak.
• URLa egokia, argia eta gogoratzeko erraza behar du. 
• Edukiak ez dira sobera luzeak izan behar. Dokumentazio osagarria pdf formatuan jar daiteke erabiltzaileak, nahi izanez gero, deskargatzeko eta irakurri edo inprimatzeko.
• FAQ edo ohiko galderen atala egotea komenigarria izan daiteke.
• Eragiketa konplexuak badaude (formulario betetzeak esate baterako) laguntza argia eduki behar dute.

ERABILERRAZTASUNA

• Eduki zabalak badira menua bidez antolatuko dira. Ez da komeni gai ezberdinak web orri berean jartzea.
• Menua argia, antolatua eta ordenatua izango da.  Antolaketan honako irizpideak erabili daitezke: atazei zuzendua, alfanumerikoa, geografikoa, kronologikoa...Menua ez da luzeegia izan behar; elementu asko baditu era hierarkikoan antolatuko dugu.
• Edukien eta menuetan erredundantzia ekidin behar da. Edukiak ez dira errepikatu behar atal ezberdinetan eta toki batera iristeko aukera ez dira anitzegiak izan behar.
• Edukiak zabaltzeko estekak erabiltzen ahal ditugu. Esteken helburua garbia izan behar du (ez erabili egin klik hemen tankerakoak). Edozein modutan kontuan izan kanpora bidaltzen duten estekan klikatuz gero  erabiltzailea agian ez da webgunera bueltatuko.
• Orri umezurtzak -edukirik ez dutenak- ekidin behar dira.
• Orriaren edukia zabala bada barne bilatzaile bat edukitzea komeni da.

IDENTIFIKAZIOA

• Web orria eskaintzen duen enpresa, erakundea edo ikaslea argi ageri behar da orri guztietan.
• Enpresa, erakunde edo elkarteen kasuan logotipoa edo leloak (slogan) erabilgarriak izan daitezke.
• Enpresa edo web arduradunaren kontaktua ageri behar da edo berarekin kontaktuan jartzeko modua.

DISEINUA, ESTETIKA, MAKETAZIOA, ITXURA

• Koloreek, irudiek, letra-motek, estetika zaintzeaz gain, bat egin behar dute orriaren ezaugarriekin, erabiltzaile-motarekin eta eskaintzen dituen zerbitzu motekin.
• Era berean diseinua eta aipatutako elementuak uniformeak eta koherenteak izan behar dute. Orriak web-gunean integratu behar dira eta orriaren itxurak lagundu behar du web-gunea identifikatzen. Letra estilo pare bat baino gehiago erabiltzea saiestu behar dugu.
• Interfazea garbia, gehiegizko kargarik ez du eduki behar. Zuriuneek edo marrek orriaren elementuak eta paragrafoak bereizi behar dituzte.
• Web orriaren edukia handia ez bada orrialdearen luzera ez da pantaila baino luzeagoa izan behar korritzea erabili behar ez izateko. Edukia handia bada berau zatikatu eta hainbat orritan banatzea planteatuko dugu.
• Efektu tipografikoak (buletak, azpimarrak, letra lodia, lerrokatzeak) erabili behar dira, neurriz, testua erraz irakurtzeko.
• Kontrastea egon behar du atzeko fondoa eta letraren kolorearen artean. Kolore nekagarriak ekidin behar da. Atzeko plano moduan tono ez berdinak dituen irudi bat erabiltzeak letren kontrastea oztopatzen du.
• Orria, ahal den neurrian, arina izan behar du, nabigatzaile guztietan ikusi behar da ongi eta pluginen beharra saiestu behar dugu.

HIZKUNTZA

• Hizkuntza anitzetan ikusteko aukera baloratzeko kontua da.
• Erabiltzen den hizkuntza erabiltzaile-motari egokitu behar da.
• Testuak oro har laburrak eta argiak izan behar dute.
• Paragrafoen egitura zaindu behar da: ideia bat paragrafo bat, paragrafo bat ideia bat.
• Ortografia errebisatu behar da.

MULTIMEDIA

• Irudiek, animazioek, bideoek, audioek... informazioa baliagarria eman dezakete. Hala ez balitz bere erabilera birplanteatu beharko genuke, beste gauzen artean orriaren pisua nabarmen handitzen dutelako.
• Irudien egokitasunaz gain haien bereizmena, handitzeko aukera, epigrafeak baloratu behar dira.
• Ikonoak eta irudi-metaforak erabiltzen badugu argiak izan behar dute eta alt etiketak -sagua gainean jartzean azalpena agertzea- komeni da.
• Testuen kasuan bezala elementu multimediak webgunearen egilearenak izan behar dute edo lizentzia librea izan behar dute (ikusi Creative Commons ohikoenak).

INFORMAZIO EGUNERATUA

• Web orrian azaltzen den informazioa eguneratua egon behar du.
• Web guneak albisteak, aldaketen eta aktibitateen berri ematea estimatzen da eta erabiltzaileak sarri sartzea lortzen da.
• Albisteetara harpidetu edo sindikatzeko aukera (RSS, Atom, Facebook, Twitter...) interesgarriak izan daitezke.

 

EBALUATU ETA GERO EZABATU 
Ariketa moduan egindako web orriak, salbuespenak salbuespen, ez dugu sarean jarriko edo, jartzen badugu, ebaluatu ondoren ezabatuko ditugu. Sitesen kasuan pribatu moduan ezar daiteke eta irakaslearekin partekatu. Weeblyren kasuan automatikoki gordetzen da argitaratu beharrik gabe.

Irizpideak egokiak iruditzen bazaizkizu eta web-guneak kalifikatu behar baduzu agian kalifikazio-txantiloia baliagarria izango zaizu.

Nola instalatu Oracle Java Ubuntun

Ubuntuk ekartzen duen Javaren bertsio librea, OpenJDK eta Icedtea plugina, orokorrean ondo ibiltzen dira baina kasu zehatz batzuetan ez dute behar bezala erantzuten. Nire kasuan Maverick eta Natyrekin arazoak ditut nabigatzailean Geogebra bidez egindako appletak martxan ipintzeko. Antzeko arazoren bat baduzu irtenbidea izan daiteke OpenJDK desintalatzea eta Oracleren Java instalatzea. Hori egiteko urratsak hauek dira:

1- OpenDJK eta Icedtea desintalatzeko Software biltegira joan Java bilatu eta     OpenJDK Java 6 Runtime desinstalatzeko agindu.

2- Oracle-ren Java PPA bidez instalatu, horretarako terminal batean egin:

sudo add-apt-repository ppa:webupd8team/java
sudo apt-get update
sudo mkdir -p /usr/lib/mozilla/plugins 
sudo apt-get install  oracle-java8-installer