Impresive : aurkezpenak aurkezpen softwarerik gabe

Tarteka hondarraren artean harribitxi bat azaltzen da, eta hau proiektorea erabiltzen dugunontzat kilate askotako harribitxia da.

Zer egiten du aplikazio honek? Bada, PDF dokumentuak eta argazkiak aurkeztu pantaila osoan eta hainbat tresnen bidez edukiak nabarmendu. Besterik ez.

Nola instalatu? Ez dauka instalazio fitxategirik. Lehenik eta behin Impresiveren web orrira joko dugu gure sistema eragileari dagokion bertsioa jaisteko. Windowsen kasuan .zip bat da eta, jaitsi ondoren, irekiko dugu mantenduko dugun toki batean. Aplikazioa ez dugu irekiko; PDFak, argazki multzoak edo argazki karpetak Impresivera bidaliko ditugu berauek ikusteko. Hori egiteko eskuin klikeko alboko menuan "bidali hona" edo "send to" atalean Impresive aukera gehituko dugu honela: C:\Documents and Settings\Zure erabiltzaile izena\SendTo karpetan (ezkutuko karpeta da, beraz sartzeko idatzi helbide barran) eskuin klik egin eta deskonprimitutako karpetako impresive.exe fitxategira lasterbidea egin.

PDFak, argazki multzoak edo karpetak ikusteko berauek hautatu ondoren eskuin klik egingo dugu eta bidali hona > impresive aukeratuko dugu. Dokumentuak eta argazkiak pantaila osoan ikusiko ditugu. Hurrengo orria edo hurrengo argazkia egiteko espazio-barra edo ezker klika egingo dugu, eta atzera egiteko eskuin klika. Orrien edo argazkien miniaturak ikusteko [TAB] zapalduko dugu, dokumentuan edo argazkian zati bat handitzeko, zoom egiteko, sagua eraman eta Z tekla zapaldu. Azkenik, zatiren bat nabarmentzeko:

• Arreta laukizuzen bat edo batzuk marraz ditzakegu saguaren bidez edo
• Arreta zirkulua piz dezakegu [Enter] zapaldu eta ondoren saguarekin zuzentzen.

Aukera gehiago bere dokumentazio orrian.

Laukizuzena

Zirkulua

Mercaderes de la muerte made in Euskadi

Gasteizko ZAPateneo Kultur Elkarteak Mercades de la muerte made in Euskadi. La industria militar en Euskal Herria liburua jaisteko moduan jarri du.

Wikimapia wiki geografikoa

Wikimapaia Google Map-en irudietan oinarritutako wiki geografikoa da.

Lehenik eta behin hizkuntza egokitzeko aukera ematen digu: ezkerreko menuan Wikimapia > Change language > Basque hautatuko dugu.

Web orri honek eskaintzen digu kalitate handiko irudiak, tamaina handiko leihoa, nabigazio sistema ona, toki-bilaketa, distantzien neurketa eta, batez ere, auzo, eraikin publiko eta abarri buruzko kokapena eta informazioa hainbat hizkuntzatan.

Informazio hau -milioi bat sarrera baino gehiago omen ditu- wiki moduan editatzen da. Zure lantokia, elkartea edo herriko biblioteka markatu gabe badago marka dezakezu -gehitu lekua-, eta markatuta badago baina informazio eskasarekin, editatzen ahal duzu - menua > beste hizkuntza bat gehitu- eta testua, esteka, irudiak edo Wikipediako erreferentziak erants diezaiokezu.



Bide batez, Euskal Herrian toki asko markatuta daude baina soilik erdarazko informazioa dute. Badugu, beraz, zeregina: nor bere herri edo auzoko informazioa euskaraz gehitzea.

Bukatzeko ohar bat irakasleentzat: ikasleei informazio gehitzeko aukera zabaltzen badiezue ohartarazi informazioa argitaratzeak zer ardura duen. Orri honek ez omen du gainbegiratzeko sistema hierarkikorik.

PhotoPeach irudi emanaldiak egiteko

PhotoPeach.com irudi emanaldi itxurosoak sortzeko sistema erraza eta azkarra eskaintzen du. Erregistratu ondoren irudiak igo, ordenatu , testuak erantsi, musika hautatu eta gorde. Ikusi, postaz bidali eta blogean txertatzeko aukera ematen du.
Aukera handiri ez du ematen baina irudien hurbilketa efektua bizitasun handia ematen dio emanaldiari. Hona frogatxo haizetsua:

Zurrunbiloan on PhotoPeach

Izua

Ez dator bat blog honen helburuarekin baina komunikabide ofizialek isiltzen dutena zabaltzeko beharra sentitu dut. Urbinan gertatu zen.