Fitxatik leihora nabigatzailean

Azken urteotan erabat zabaldu da Interneteko nabigatzaileetan fitxen bidezko nabigazioa.
Asko zabaldu da ere, gehien bat, pantaila panoramikoei lotuta, pantailan bi leiho zabalik daudela lan egitea, sarritan leiho bat ediziorako eta bigarrena erreferentzia modua.
Azkenik, asko zabaldu den joera bat da nabigatzailean editatzea, blog, web, edo online aplikazioen bidez.

Horregatik hain zuzen ere maiz egin behar den eragiketa bat da nabigatzaileko fitxa bat leiho berri batera pasatzea eta pantailan nabigatzaileko bi web orri izatea. Ikus dezagun modu pare bat hori egiteko:

a- Firefoxen egin daiteke fitxan eskuin klik egin eta Eraman leiho berrira.










b- Firefoxen zein Chromium-Chromen egin daiteke nabigatzailearen leihoa albo batera eraman errestan eta fitxa bat arrastatu beste aldera alboan doitu arte (snapping windows). Ikusi azpiko irudian.

Irudian ikus daitekeenez kontrako mugimendua ere egin daiteke, alegia leihoa fitxa bihurtzea.

OCR zerbitzu berria Master PDF Editor aplikazioan

Master PDF Editor, pdf dokumentuak editatzeko Linux, Windows eta Mac-en dabilen aplikazioa da. Nire ustez, editore moduan Linuxerako dagoen hoberena.

Aplikazio honek 4. bertsioa estreinatu berri du eta, beste berritasunen artean -ikusi hemen denak-, dokumentuen OCR edo karaktereen ezagutze optikoa ekarri du. Horri esker irudi edo argazki moduko pdf dokumentu bat testu moduko pdf bihur dezakegu. Zer da irudi moduko pdf? hain zuzen inprimatu ondoren eskaneatu eta pdf formatuan gordetzen dena; dokumentua ikusten da baina testua ezin da hautatu, bilatu, nabarmendu, azpimarratu... zeren duguna testuaren argazki bat da. Eusko Jaurlaritzak hainbat ebazpen horrela publikatzen ditu -ez dakit segurtasun kontua edo ezjakintasun kontua den- eta, ondorioz, dokumentu horiekin irakurtzeaz gain ezin gauza handirik egin.
Gauza bera gerta dakiguke paperean soilik dugun dokumentu bat eskaneatzen dugunean gure eskanerra sinplea bada eta OCR funtzioa ez badu.
Dena den, pdf irudia pdf testua bihurtzeko hainbat aukera dago:  bat izan daiteke dokumentua Google Drivera igotzea eta Docs-en bidez irekitzea eta orain badugu aukera dokumentua Master PDF Editor-en bidez irekitzea eta bere OCR-ren bidez pdf testua bihurtzea. Ikus dezagun nola.

Lehenik eta behin, jakina, Master PDF Editor deskargatu eta instalatuko dugu. Doakoa da erabilera ez komertzialarentzat eta Linuxen ez du ur-markarik ezartzen.

Deskargatzeko orria

Aukeratu zure ekipoaren sistema eragilea eta sistema 32 edo 64 bitekoa den, deskargatu -Ubuntu eta Debian oinarritutako Linuxetarako deb formatukoa- eta Software instalatzailea edo Gdebi-ren bidez instalatu.
Behin instalatuta irudi tankerako pdf dokumentua irekiko dugu eta menu nagusian Document > OCR klikatuko dugu.

Eta menu hau agertuko zaigu. Bertan esango diogu zein orritako testua ezagutzea nahi dugu (orri guztiak, unekoa edo zehazten dizkiogunak),
zein hizkuntza erabili behar du hitzak ezagutzeko. Horretarako testuak duen edo dituen hizkuntzak instalatuko dizkiogu Install languages botoian sakatuta. Hizkuntzen artean euskara da Basque izenez. Eta aurrera OK.

Une baten ondoren -zehaztutako testu kopuruaren arabera- irudia zena testua bihurtzen da eta hortik aurrera bilatu, hautatu, nabarmendu eta behar dugun guztia egin ahal izango dugu.
Orain arte egin dudan probetan ezagupena %100eko da baina emaitza jaitsi daiteke jatorrizko dokumentuaren arabera edo eskaneatu ordez argazkia egiten badiogu.

Ez dugu ahaztu behar dokumentua gordetzea.

"Linux instalazioa eta administrazioa eskolan" ikastaroa otsailan Irunen.

Otsailaren 1 eta 8an, asteazkenekin,"Linux instalazioa eta administrazioa eskolan" ikastaroa egingo da Irungo Berritzegunean.


Ikastaroa ikastetxetako IKT arduradunei zuzenduta dago eta helburua da hastea Linux  -zehazki Luberri Ubunturen erremasterizazioa-  instalatzeko, kudeatzeko eta erabilera zabaltzeko jarraibide, laguntza teknikoa eta irizpideak eskaintzea.


 Ikastaroa zazpi ordukoa da bi egunetan banatuta.

Noiz: Otsailaren 1a eta 8an, asteazkenarekin.
Ordutegia:  goizeko 9:30etatik 13:00etara.

Tokia: Irungo Berritzegunea (Karrika Nagusia 43).

Programa:

• Zertarako Linux. Software librearen abantailak.
• Linuxen ezaugarri nagusiak.
• Ubuntu: Mahaigaina, fitxategien arakatzailea, aplikazio nagusiak eta formatuen afera.
• Luberri erremasterizazioaren ezaugarriak: Windowsen Active Directoryn integratzea, konpartitutako karpetak eta karpeta pertsonalak mapeatzea, eta aplikazio nagusiak.
• Ikastetxerako distribuzio propioa prestatu eta instalatu.
• Ekipoen ezarpenak: wifia, inprimagailuak, IP finkoak... 
• Ekipoen kudeaketa: softwarearen eguneratzeak, programen instalazioa...
• Domeiniuaren kudeaketa Linuxetik: Terminal Server Renminaren bidez.
• Arbel digitala: Smart eta beste modeloen instalazioa eta kalibrazioa.
• Instalazioen erritmoak eta irizpideak.
• Laguntza teknikoa eskuratzeko bideak.
• Linux eskolan posta-zerrenda.

Ikastaroa aurrez aurrekoa da eta laguntzako dokumentazioa Moodle honetan dago.
Ikastarora gutxienez 4GB duen USB memoria huts bat eraman behar da. Komeni da ere ikastetxeko portatil bat eramatea lehenengo instalazioa egiteko.
Plaza kopurua: 20.


Izena emateko Irungo Berritzeguneko web orritik egin daiteke, eskuineko atalean Prestakuntza ekintzak > Ekintza bilaketa > Izenburua Linux, edo zuzenean lotura honetan klikatuta.

Luberri: nola kendu ttf-mscorefonts-installer errorea

Microsoften letra moten instalazioaren akats baten ondorioz edo zenbait Luberri piztean errore-leiho bat pizten da eta konpontzen saiatuta ere instalazioa ez da burutzen.

Instalazioa burutzeko letra mota horiek esteka honetan klikatu eta Software aplikazioaren bidez instalatzeko agindu (pazientzia pixka bat izan). Bide horretatik instalazioa burutuko da eta errore mezua ez da berriro agertuko.

Nola instalatu Luberri etxeko ordenagailuak Legacy-rik gabeko UEFia badu.

Izenburu ulergarriak gustatzen zaizkit baina oraingoan ezin izan dut.
Harira. Luberri erremasteriazazioa ikastetxetik ezagutzen baduzu eta etxeko ordenagailuan instalatu nahi eta ezinean bazabiltza hona hemen laguntza txiki bat.

Ordenagailu berrien BIOSa EFI edo UEFI sistema dute. Sistema horrek

Luberri instalazio prozesua UEFI motaren arabera

galarazten omen du "segurtasun" gutxiko sistemak instalatzea. Nire ustez Linuxen instalazioa oztopatzeko trikimailu bat besterik ez da. Edozein modutan orain arte horrelako BIOS zuten ekipoetan Legacy sistemara, alegia aurreko sistemara, aldatzeko aukera zegoen eta, hori eginda, Luberri moduko sistemak instala zitezkeen. Baina azken aldiko ordenagailuetan ikusten ari naiz BIOS batzuk aukera hori kendu dutela eta nahi eta nahiez EFI sistema erabiltzen dutela.
Horrelakoetan Luberri sistema ezin da instalatu -EFI egiaztagiria ez duelako- baina 64 biteko Ubuntu bai. Kasu horretan bazaude irakurri  datozen lerroak, bertan saiatuko naiz eta azaltzen nola instala dezakezu Ubuntu eta ondoren Luberriren itxura eta funtzionalitateak gehitu.

Urratsak

1-  Ubuntu deskargatu: horretarako web honetara joan, gomendatzen duen 64koa hautatu eta deskargatuko dugu iso fitxategia (1,5GB). 32biteko sistemak ez  dabil UEFI moduan. Komenigarria da LTS bertsio bat, alegia sustengu luzeko bertsio bat  deskargatzea. Une honetan 16.04.

2- Deskargatutako iso fitxategiarekin abio-USB bat sortuko dugu. Ubuntun Aplikazioak > Sistemaren tresnak > Administrazioa > Abio-disko sortzailea.

3- Windows-en Abio bizkorra desgaituko dugu zeren eta hura aktibatuta zuzenean joaten da Windows-en arrankera CD eta USBak ezagutu gabe.

Windows 10ean: Menuko bilatzailean idatzi Opciones de energia eta bertan > Elegir el comportamiento de los botones de inicio/apagado > Cambiar configuración acctualmente no disponible > korritu behera honaino Configuración del apagado eta bertan Desactivar inicio rápido eta Guardar.

Actualizaciones automáticas komeni da gelditzea. Horretarako sakatu Super+R (edo Windows+R esan beharko nuke oraingoan), idatzi "servides.msc" eta zerbitzuen zerrendan segi beheraino topatzeko Windows Update; bi klik egin eta General fitxan, Tipo de inicio atalean jarri Deshabilitado eta Gorde.

Windowsen gaudela, partizioren bat txikiagotuko dugu Linuxa sartu ahal

izateko. Ekintza hau lehen Ubunturen instalazioan bertan egin zitekeen baina orain, kasu gehienetan, ezin da egin, beraz instalazioa egin aurretik, Windowsen bertan txikitu behar dugu partizioren bat Linuxa sartzeko.
Horretarako: Inicio > Panel de control > Herramientas administrativas > Configuración del sistema > Almacenamiento > Administración de discos. Bertan aukeratu zein partizio eta zenbat txikitu.
4- Ordenagailua berrabiarazi eta BIOS Setup-ean sartuko gara piztu eta sigituan Esc edota F2 tekla sakatuta.
Hemen topatzen ahal dugu gauza desberdinak, dugun BIOSaren arabera.
Oro har egin behar duguna da Segure Boot (abio segurua) desgaitu eta eta abioan USB bidezko abioa lehenetsi.

Hemen  azalduko dut nola egin Aptio Setup Utility modeloko BIOS ezarpenetan (Asus-en ekipoek erabiltzen dutena). Zurea beste bat bada gauzak bestela kokatuta egon daitezke. Halakoetan, kontu handiz, proba-errorea.

Abio segurua desgaitzeko: Menuan Security > Secure Boot menu > Secure Boot Disabled moduan jarri.

Ondoren, abio-USBa abio menuan ager dadin, Esc sakatu eta menuko Boot atalera joan. Bertan UEFI edo Legacy aukeratzeri balego Legacy jarri eta Ubunturen ordez zuzenean Luberri instala genezake. Baina deskribatzen dudan kasuan ez du Legacy edo UEFIrik gabeko sistema eskaintzen eta egin behar duguna da Ubunturen abioko diskoa sartu eta Launch CSM aktibatu [Enabled].

CSM edo Compatibility Support Module (CSM) is a component of the UEFI firmware that provides legacy BIOS compatibility by emulating a BIOS environment, allowing legacy operating systems and some option ROMs that do not support UEFI to still be used.

Behin Launch CSM gaituta azpian agertu beharko luke (agian berrabiarazi behar da) abioko lehentasunak (Boot Option Priorities) eta bertan aldatuko dugu Boot Option #1 gure abioko USBa aukeratuz.

5- Ubunturen abio-USBk abiatuko du eta probatzeko aukera edo zuzenean instalatzeko aukera agertuko zaizkigu menuaren goiko aldean. Ez dut azalduko instalazioa. Suposatzen dut badakizula instalatzen. Bi ohartarazpen bakarrik: instalatu baino lehen ordenagailuan dituzun dokumentu, argazki eta abarren kopia egin kanpora, eta, bigarrena, seguru ez bazaude probatu Live moduan gauzek funtzionatzen dutela, batez ere interneteko konexioa.

6- Behin Ubuntu instalatuta, nahi baduzu jakina, Luberri erremasterizazioaren antza emateko jarraibideak datoz orain:

A- Frantziako errepositorio bat jarri, Espainiakoak baino azkarrago funtzionatzen dute. Sistemaren ezarpenak > Softwarea eta eguneratzeak > Deskargatu hemendik eta bertan Frantziako bouyguestelecom hautatzen dut nik.
B- Instalazioak eta deinstalazioak.
B.1- PPAk ezarri, terminalean hauek exekutatzen:
PPA hauek ezarpena aplikazio batzuen instalazioa eta beste batzuen eguneratzea ahalbidetzen du.
sudo apt-add-repository ppa:dhor/myway
sudo add-apt-repository ppa:noobslab/apps
sudo add-apt-repository ppa:danielrichter2007/grub-customizer
sudo add-apt-repository ppa:obsproject/obs-studio
sudo add-apt-repository ppa:jaap.karssenberg/zim
sudo add-apt-repository ppa:mscore-ubuntu/mscore-stable
sudo add-apt-repository ppa:freefilesync/ffs
sudo apt-get update

B.2- Instalazioak, terminalean ondoko segida guztia exekutatuta (aplikazioren bat nahi ez baduzu exekutatu aurretik ezabatu):

sudo apt-get  install numlockx gnome-session-flashback gdebi dconf-tools ubuntu-restricted-extras gthumb geogebra gconf-editor compizconfig-settings-manager compiz-plugins  musescore scratch gimp freecad myspell-es owncloud-client hotshots curlew audacity lame ubiquity-frontend-gtk stellarium gcompris kolourpaint4 gparted inkscape grub-customizer ktouch kdenlive chromium-browser acetoneiso obs-studio synaptic libdvd-pkg sweethome3d screenkey brasero default-jre default-jdk icedtea-plugin systemback viking pitivi zim

 B.3 Des-instalazioak (zure gustuen arabera) terminalean hau itsatsita:

sudo apt-get remove --purge shotwell cheese webbrowser-app evolution-data-server rhythmbox

B.4 Deskarga behar duten instalazioak: Xmind, Master-pdf-Editor, Open-Sankore, FreeFileSync, Google Earth, Skype, Spotify... aplikazioak euren web orrietatik .deb fitxategia deskargatu ondoren instalatzen dira gdebi-ren bidez. Deskargak karpetara jaitsita terminalean egin behar da:
cd ..Deskargak
sudo gdebi  (eta hemen deskargatutako fitxategiaren izena idatzi).

C- Hainbat ezarpen: paneleko hainbat elementu (data, izena...) Luberrin bezala ikusi nahi baduzu sortu behar duzu testu dokumentu bat terminalean hau exekutatuta:

sudo gedit nik_lehenetsitakoak.gschema.override

Azaltzen den orri zurian testu hau itsatsi:

[com.canonical.indicator.datetime]

show-date=true
show-day=true

[com.canonical.indicator.keyboard]

visible=false

[com.canonical.indicator.session]

show-real-name-on-panel=true

[org.gnome.desktop.lockdown]

disable-lock-screen=true

[com.ubuntu.update-notifier]

no-show-notifications=true

Gorde karpeta nagusian eta ondoren terminalean hau exekutatu:
sudo mv nik_lehenetsitakoak.gschema.override /usr/share/glib-2.0/schemas/
sudo glib-compile-schemas /usr/share/glib-2.0/schemas/

D- Ohikoa den errore mezu bat ez azaltzeko hau itsatsi terminalean:

 sudo gedit /etc/default/apport

eta irekitzen den dokumentuan, bukaeran enable=0 egoerara pasa eta gorde.

E- Harrerako pantaila edo Lightdm-ren konfigurazioa: sartu zarenean ikusi duzu interfazea ez dela klasikoa Ubunturena baizik. Klasikoa -Luberrikoa- nahiago baduzu erabiltzailearen izena jartzen den tokian Ubunturen ikurra agertzen da. Bertan klikatuta pasa alda daiteke klasikora. Nire gomendioa da Compiz aukeratzea.


F- Ikastetxean erabiltzaileak domeinukoak dira baina etxean sortu behar dituzu. Sistemaren ezarpenak > Erabiltzaileen kontuak > desblokeatu erabili ahal izateko eta + ikurra sakatuta sortu lagun, bikote, seme-alaba edo dena delakoentzat erabiltzaile bana. Sortzean bereizi administratzaile baimenak izan behar duten -instalazioak egiteko- eta aktibatu pasahitza emanik. Harrera pantailan bakoitzak erabaki dezake -ikurra klikatuta- Ubuntu, Compiz edo Metacity interfazea nahiago duen.


Honaino iritsi bazara Zorionak Informatika master bat irabazi duzu.

    

Nola sortu gif animatu bat OBS Studio aplikazioaren bidez

OBS Studio bideo grabazioak eta transmisioak egiteko aplikazioa da. Aurreko mezu batean idatzi nuen haren gainean.
Gaur bere gaitasun bat komentatu nahi dut, GIF animatuak egiteko posibilitatea.

Animazio txikia eta laburra

Pantaila kaptura animatu bat erakutsi nahi badugu eta berau laburra eta oso handia ez bada agian komeni zaigu jartzea GIF animatu moduan eta ez bideo moduan, hartara erreproduzigailua ekidin egingo dugu. Era berean erabiltzen ahal dugu bideo sekuentzia txikietarako.

Ikus dezagun nola egin daitekeen.

Irekiko dugu OBS Studio eta bertan sortuko dugu eszena berri bat. Eszena horretako elementu edo iturburuetan  leiho kaptura sartuko dugu.

Eta ondoren azpiko gurpil horzduna sakatuko dugu zehazteko zein leiho eta nola.

Leiho kapturaren ezaugarriak: zein leiho eta leihoaren zein zati.

Kasu honetan nik bideo bat grabatuko dut bere zati batekin gif animatu bat egiteko. Ez zait leiho osoa interesatzen, beraz azpiko lau kontroletan zehaztuko diot zenbat pixel kendu behar duen alda bakoitzetik.

Grabazioa egin aurretik azalduko diogu ez dugula bideo egin nahi GIF animatua baizik. Horretarako interfaze nagusian, eskuin aldean, Ezarpenak elementuan klikatu eta, ondoren, Irteera atalean hautatuko dugu Grabatzen fitxa. Fitxa honetan Mota atalean estandarraren ordez Irteera pertsonalizatua (FFmpeg) hautatuko dugu eta edukiontziaren formatuan bideo kodek guztien artean gif (Bideoa) hautatuko dugu.

Orain aski dugu Grabatzen hasi eta Grabatzen amaitu eman eta aurreko irudian ikusten den moduan Fitxategi-bidea edo URL-a markatu dugun tokian agertuko zaigu GIF berria eguna eta orduaz izendatua.

Gitarraren sokak

Behin grabazioa bukatu ondoren, hobe dugu Edukiontziaren formatua aldatzea ohiko formatu batera, webm edo mp4 zeren eta hautatzen dugun azkena geratzen da prest hurrengo grabaziorako.


Bideo zatiak GIF animatu bihurtzeko beste metodo batzuk daude. Batetik Mplayer edo El atareaok avcon aplikazioan oinarrituta proposatzen duen 2gif. Beste metodo bat Cloudconvert.com online zerbitzua da.

Moodle: aldaketak ikastaroen formatuen izenetan

Moodle ikastaroen ezarpenetan zehaztu behar da ikastaroaren formatua. Formatuen izenak izana hobeto adierazteko asmoz lokalizazioaren arduradunek aldaketa batzuk egin dituzte. Hona zein diren aldatu diren formatuen izenak eta izendapen berria:

Formatu irekia   --->  Foro-formatua
Gaika formatua  --->  Gai-formatua
Asteka formatua --->  Aste-formatua

Moodle-en interfazea eta dokumentazioaren lokalizazioan parte hartu edo  hobekuntza eta zuzenketak proposatu nahi badituzu hemen duzu komunitatearen gunea: https://moodle.org/course/view.php?id=42

Nola sinkronizatu Gmaileko bi kontu Thunderbirden bi helbide libururekin.

Hau izan daiteke ohiko kasu bat: erabiltzaile batek Gmail-eko hainbat kontu ditu, demagun bat pertsonala eta bestea profesionala (Google Suite-ena adibidez), biak Thunderbird-en ezarrita. Ikus dezagun nola sinkronizatu daiteke bakoitza bere helbide liburuarekin.

Thunderbird-en komeni da edukitzea helbide-liburu bana arlo bakoitzerako pertsonala eta profesionala. Horretarako sortzen ahal dugu helbide-liburuak
eta kontaktuak eta taldeak antolatu.

Google-kiko kontuen sinkronizazioa egiteko badirudi egun dagoen Thunderbird-en gehigarririk onena Gcontactsync dena.

Behin Gcontactsync instalatuta Gmaileko kontu bat eskatuko digu eta adierazi behar diogu zein helbide-libururekin lotu behar dugun (eta nola, alegia zein noranzkoan edo noranzko bietan). Era berean helbide liburuen kudeaketa tresnaren menuan Gcontactsync elementua erantsiko dio.

Gure kasuan Gmaileko bi kontu dugunez bigarrena lotzeko goiko irudiko menuan "New Account" hautatu eta esango diogu zein den bigarren kontua, baimendu eta ondoren adierazi beharko diogu zein helbide-libururekin (eta nola) sinkronizatu behar den.

Nola instalatu Adobe Acrobat Reader Luberri erremasterizazioan

EAEko administrazioak tarteka Acrobat bidez egindako formularioak bidaltzen ditu PDF formatuan eta, besteak beste, Linuxen ezin dira ireki.

Ikastetxeko ordenagailuren batean software pribatiboa den Adobe Acrobat Reader instalatu nahi baduzu hona hemen nik erabiltzen ditudan jarraibideak, labur.

Luberri 32 bitekoa bada (ez badakizu terminalean exekutatu uname -a) instalatu Linuxerako dagoen bertsio zahar zaharra baina formularioak betetzeko nahikoa dena Ask Ubuntuko mezu honetan zehazten den eran.

Luberri 64 bitekoa bada aurreko sistemarekin instalatzen da baina bakarrik administratzailearen saioan dabil. Topatu dudan irtenbide bakarra da PlayOnLinux instalatzea Ask Ubuntu dion bezala. Gero aplikazioa erabili behar duen erabiltzailearen saioan sartu, Jokoak ataletik PlayOnLinux abiatu, Adobe Reader DC bilatu eta instalatu. Erabiltzaileari lasterbide bat sortuko dio mahaigainean. Kontuan izan PDF bat irekitzeko arakatzailean bere karpeta nagusira joan beharko duela.

Ea Jaurlaritza noiz konturatzen den zerbitzua emateko dagoela eta ez hiritarrak haren zerbitzuan dantza arazteko.

Moodle Boost gaia probatzen MoodleCloud-en

Moodle 3.2 bertsioak ekarri duen berritasunik nabarmenena Boost itxura berria da. Itxura honek interfazearen antolaketa guztia aldatzen du. Onerako eta txarrerako. Onerako handitzen duelako erdiko zonaldea, aktibitate eta baliabideen alderdia alegia. Hori bai, itxura berri honekin berrikasi behar da aukerak eta kontrolak non dauden.

Erabiltzen duzun Moodle eguneratu bitartean (eta Jaurlaritzarena bada eserita itxaron beharko duzu) bertsio berria MoodleCloud-en bidez proba dezakezu, izan ere gaur MoodleCloud 3.2 bertsiora eguneratu dute.

MoodleCloud berri bat sortzen baduzu Boost itxurarekin etorriko da eta MoodleCloud bat baldin bazenuen eta Boost itxura erabili nahi baduzu aldatu beharko duzu itxura gunearen kudeaketan, beheko irudian ikusten den eran:

Ikus dezagun, gutxi gora behera, zer itxura hartuko duen zure ikastaroa:

OBS Studio aplikazioaz egindako pantaila kaptura GIF formatuan

GIF animatuan ikus daiteke ezkerrean blokerik ez dagoela eta nabigazio menu berrian klikatuta agertzen direla, besteak beste, partaideak eta gunearen kudeaketa. Ezarpenen ikonoan klikatuta bistaratzen dira editatzeko moduaren aktibazioa eta ikastaroaren ezarpenak. Goiko panelean agertzen da erabiltzailearen izena eta irudia eta erabiltzailearen aukerak, hala nola kalifikazioak, bere mezuak eta profila.

Probatu nahi baduzu sartu Santurtziko Euskaltegiko Ikasgelan  eta sakatu goiko ezker aldean dagoen menuan (hiru marratxo horizontal) ikusteko nolatan edozein orritan menua agertzen eta desagertzen den edukiaren zona zabalduz.

Zer iruditzen zaizu Boost itxura?

stickpng.com PNG irudi gardenen bilatzailea

Demagun tailerreko lanabesen koadro bat egin behar duzula erreminten

irudia eta izenarekin, edo Xmind-en bidez animali moten eskema bat egin behar dugula adierazgarriak diren espezien irudiekin, edo irakaslea zarela eta irudiak behar dituzula Open-Sankore

bidez arbel digitalean erabiltzeko. Horrelako gauzetarako oso interesgarriak dira atzeko planorik gabeko argazkiak eta irudiak, gardentasuna duten PNG formatuko irudiak.

Hona hemen gardentasuna duten PNG irudien bilatzaile bat:

http://www.stickpng.com

Bertan bila daiteke izenaren bidez, ingelesez (gogoan izan euskalbar) edo katalogoaren bidez.

Irudiak doanik deskarga daitezke eta egile edo lizentzia konturik ez du aipatzen.

Irudiak kalitate eta tamaina handikoak dira. Irudiak arintzeko deskargatu ondoren Gthumb edo antzeko aplikazioaren baten bidez ireki eta tamaina txikitu daiteke.

Moodle 3.2 bertsio berriaren aurkezpen bideoa

Abenduaren 3an ikusi du argia Moodle 3.2 bertsioa.

Ekarri dituen berritasunen artean aipatu daitezke: Boots (bultzada) gai berria blokeak menu batean biltzen dituena, mezularitza sistema argiagoa, tours edo aurkezpen ibilaldiak, bideo eta audio erreproduzigailu berria, gaitasunen eskemak inportatzeko aukera...

Hona hemen berritasunen zerrenda osoa (ingelesez momentuz): https://docs.moodle.org/dev/Moodle_3.2_release_notes

Eta bideoan ingelesez eta euskarazko azpitituluekin.

Boost itxura aktibatu dute MoodleCloud-en. Ikusi mezua.

Nola txikitu PNG irudien pisua Nautilus arakatzailetik

Web orrietan eta blogetan argitaratzen duen jendeak sarritan PNG formatuko irudiak erabiltzen ditu. El atareado blogean zabaldu dute modu bat PNG irudiak arintzeko oso modu errazean, Nautilus arakatzailetik bertatik. Web orrietan elementurik astunena irudiak eta bideoak izaten dira. Irudiak arinduta web orria azkarrago kargatuko da.

PNGak konprimitzeko pngcompress programa proposatzen du, kalitate galera txiki bat dakar baina konpresio ona eta azkarra egiten du. Hona hemen Linuxen nola instalatu, terminalean agindu hauek exekutatuko ditugu:

sudo add-apt-repository ppa:atareao/nautilus-extensions sudo apt update sudo apt install nautilus-pngcompress  killall nautilus

martxan jartzeko Nautilusen gaudela arindu nahi dugun PNG irudi edo irudien gainean eskuin-klik egin eta Compress PNG file... klikatuko dugu.

Egiten duen konpresioa heren batekoa da gutxi gora behera. Goiko irudiaren tamaina ikus dezakezu konprimatu aurretik eta ondoren:

Nola ordenatu kontuak eta karpetak Thunderbird posta bezeroan

Thunderbird posta bezeroa hainbat kontu kudeatzeko aplikazio librea da. Ezarritako kontuetara joaten da mezu bila eta nahi dugun kontutik bidaliko ditu mezuak kontu desberdinen artean kontaktuen liburuak partekatuz.
Ezkerreko panelean ageri dira posta-kontuak, Thunderbirden ezarritako ordena berean. Ordena hori gustuko ez badugu bada era bat ezarpenetatik aldatzeko baina askoz errazago egin dezakegu gehigarri edo hedapen honekin:

Manually sort folders

Loturan klikatu eta deskargatuta instala dezakegu baina errazago da Thunderbir-en menuan Gehigarriak > Eskuratu gehigarriak eta bilaketa leihatilan gehigarriaren izena jarrita bilatzea.
Behin instalatuta Thunderbird berrabiarazi behar dugu gehigarria aktibatzeko. Kontuen ordena aldatzeko menuan Gehigarriak > Hedapenak klikatu eta gehigarri honen hobespenetan sartuko gara:

Fitxetan Sort accounts (Ordenatu kontuak) hautatu eta kontuak hautatu eta gora (move up) edo behera (move down) egingo dugu nahi dugun ordenan utzi arte.
Gauza bera egin dezakegu paneleko karpetetan Sort folders (Ordenatu karpetak) izeneko fitxan.
Behin nahi genituen ordenak jarrita gehigarria, nahi izanez gero, desinstala dezakegu.

Moodle, interfazearen hizkuntzak

Irungo Belaskoenea herri eskolan munduko hizkuntza asko darabilte.

Ikasleek eskolako Moodlearen interfazea euren ama hizkuntzan ikusi ahal izateko aukera inplementatu dute (EAEko CAUra eskatuta) eta hau da emaitza:

Ez eta Nazio Batuetan ez dute hainbeste hizkuntza erabiltzen. Hau da aberastasuna!

Zim wikia oharrak hartu eta egitekoak kudeatzeko aplikazio librea

Aspalditik nenbilen laneko egitekoak antolatzeko eta ikusteko aplikazio baten bila eta prezio berean testu editore txol interesgarria topatu dut.

Zim testu editore sinplea bat da eta egitura hierarkikoa duten orriak biltzen ditu. Orriak karpeta batean gordetzen dira era automatikoan txt formatuan.

Funtzionalitatea:

• Oharrak hartu, bileren aktak, ideiak jaso, klaseko apunteak, web-orrien eta fitxategien estekak bildu...
• Egitekoen kudeaketa: lehentasunak, burututako zereginak...
• Fitxak: liburuen, pertsonen, elkarteen datuak...

Formatu aldetik orriak pantaila osoa hartzen du -ez dago papererako diseinatua- eta testuari oinarrizko formatua ematen ahal zaio:  estiloak, letra lodia, etzana, marratua, nabarmendua, buletak, numerazioa, kontrol laukien zerrendak...
Horretaz gain formulak, taulak eta estekak erabili daitezke. Formatu hauek marka edo markup bidez gordetzen dira txt fitxategian.

Zim orria hainbat formaturekin

Formatuko markak teklatuaren bidez ere egin daitezke wiki formatuan: * ikurra buleta bihurtzen da, "1." idatzik gero zerrenda zenbakiduna hasten da eta "a." bidez zerrenda alfabetikoa, makoak edo kortxeteak [] kontrol laukia.

Abantailak:
Karpeta oso oso arina da.
Aplikazioa irekitzean orri guztiak irekitzen dira. Dokumentu mordo bat erabili beharrean Zim bidez hainbat dokumentu irekitzen di-da batean.
Zim utzitako orrian irekitzen da.

Desabantailak.
Ez dauka Android edo IOSerako bertsiorik. Aurrerago azaltzen dut nola erabili daitekeen mugikorrean.

Instalazioa:
Aplikazioak Linux-erako diseinatua badago Windowserako bertsioa badu ere -begiratu oharretan-.
Ubuntun PPA bidezko instalazioa egin daiteke. Horretarako terminalean exekutatu hurrenez hurren agindu hauek:

sudo add-apt-repository ppa:jaap.karssenberg/zim sudo apt update sudo apt install zim

Behin instalazioa egina aplikazioa aurrenekoz abiatzen dugun unean eskatuko digu koadernoaren izena eta kokalekua. Koadernoa hainbat ordenagailutan sinkronizatu nahi badugu sinkronizatuta dugun karpeta batean kokatzea komeni da. Edozein modutan komeni da karpeta bat sortzea koadernoa kokatzeko.

Pluginak
Zimek dituen aukerak pluginen bidez zabaldu daitezke. Pluginak instalatzeko menuan Edit > Preferences > Plugins fitxa, eta bertan desmarkatu markatuta daudenak eta honako hauek markatzea proposatzen dizut:

• Print to browser: Zimek ez du inprimatzen baina nabigatzaileak bai.
• Table editor: taulak erabili nahi baduzu.
• Task List: egitekoen zerrenda egiteko. Ezinbestekoa.

Egitekoen kudeaketa 
Egitekoak kontrol laukien bidez markatzen dira eta haien lehentasuna esaldiaren bukaerako harridura ikurren bidez markatzen da. Zenbat eta harridura ikur gehiago lehentasuna handiagoa.
Egitekoen ikonoa klikatuta orrietatik barreiatuta dauden egitekoak zerrendatzen dira lehentasunaren arabera.

Behin egiteko ataza burutzen denean ataza ezaba daiteke bere orritik edo, ataza bete denaren konstantzia utzi nahi badugu, kontrol laukia marka dezakegu -egina zein ukatua moduan- eta egitekoen zerrendatik desagertuko da.

Koadernoaren sinkronizazioa
Zim orriak hainbat ordenagailutan sinkronizatuta eduki nahi baduzu instalatuta eduki behar duzu hodeia biltegiratzeko bezero bat, hala nola Owncloud, Nextcloud, Drop Box, Mega...  eta Zimen karpeta nagusia sinkronizatutako karpetan gorde behar duzu. Bigarren ekipoa eta gainontzekoak instalatzean, koadernoaren izena eta kokalekua galdetzen duen unean, aski dugu Brouse-ri sakatuta konpartitutako karpetako koadernoaren kokalekua zehaztea eta jatorrizko koadernoa irekiko du; hartara ordenagailu guztietan sinkronizatuko da koadernoa.

Txantiloiak
Datu base txiki bat egin nahi baduzu aukera duzu orri batean fitxa baten diseinua egiteko eta orri hori koadernotik eraman .local/share/zim/templates/wiki karpetara -Linuxen- eta hortik aurrera txantiloi moduan erabili ahal izango duzu.

Ikasleen datuak biltzeko txantiloi baten adibidea

Koadernoa hainbat ekipotan sinkronizatuta badugu txantiloia ekipo bakoitzean
kokatu beharko dugu erabili izatekotan.

0.66 bertsiotik aurrera euskaraz

Mugikor edo tabletan erabiltzeko
Zim wikik ez dauka app-rik. Dena den ordenagailuan egindako oharrak Android-en kontsultatzea nahiko erraza da Zim wikia sinkronizatuta badugu. Android-en Nextcloud app-a instalatutu dut, irekitzean eskatzen du hodeiaren zerbitzariaren https helbidea (ez du zertan Nextcloud izan behar, Drop Box, Owncloud, Mega, Drive... izan daiteke) eta bertako pasahitza.Une horretan agertuko dira gure hodeiaren karpetak. Puntu horretan Zim-en karpeta hautatu eta menua sinkronizatzeko aginduko dugu. Hori eginda Zim-en txt orriak ikusiko ditugu.

Bi era probatu ditut:

• Mezu honetan ikusten den irakurtzeko soilik den modu argi interesgarri bat.

• Ikusteaz gain sortu edo editatu nahiko bagenu kontua pittin bat konplikatzen da. Testu soileko fitxategiak editatzeko app bat instalatu beharko dugu, hala nola Jota Text Editor, haren bidez txt orriak editatzen ahal ditugu eta ondoren gorde eta sinkronizatu egingo ditugu.

Oharrak

• Zim wikia, noski, Luberri_sisteman dago.
• Zim wikia Windows instalatzeko badago modu ez ofizial erraz bat web-orri honetatik 0.69.1 bertsioaren .exe fitxategia deskargatu eta instalatzea. Ez dago euskaraz.
• Frank Donnely mezu honetan kontatzen du nola erabiltzen du Zim Wiki aipu eta laburpen akademikoetarako BibTex formatuan.
• Zim wikia proiektuaren webgunea.

Berria, mundu berria ulertzeko pistak ematen

EFEko Villar Lopez eta Roman Pilipey argazkietatik egindako muntaia.

Atzoko Berriak hirugarren industria iraultzak bultzatutako lanaren automatizazioa eta neoliberalismoak eta globalizazio prozesuaren ondorioak ulertzeko bi artikulu oso interesgarri ekarri dizkigu Jon Fernandez kazetariaren eskutik:

"Kotizatu beharko lukete errobotek?"

"Reset"

Material polita institutuan ikasleen arteko eztabaida bat planteatzeko.
Zorionak Jon, zorionak Berria

Aragoiko parlamentuak beste urrats bat eman du software librearen alde

Aragoiko gobernuak parlamentuko talde guztien oniritziarekin ikastetxeetan Linux, software librea eta formatu irekien erabilera zabaltzeko proiektuaren jarraipena onartu du.

Informazio gehiago Edulibre.info web gunean.

Blogspot: nola estekatu irudi bat web batekin

Blogean irudi bat txertatzen dugunean automatikoki bere buruarekin estekatzen da, alegia irudian klikatzen badugu irudia ikusiko da, bere tamaina errealean.

Zenbaitetan, ordea, ez da hori interesatzen zaiguna. Hainbatetan interesatzen zaiguna da irudian klikatzean web bat irekitzea edo hodeian dagoen dokumentu bat ikustea. Nola egin?

Lehenik eta behin irudia txertatuko dugu blogaren mezuan eta html moduan ikusiko dugu.



Horrelako zerbait ikusiko dugu:

 Fondo laranjaz agertzen da irudiaren helbidea bitan. Lehenengo aldia da klikatzean irekiko dena eta bigarrena nondik hartu behar duen irudia. Lehenengoaren ordez estekatu nahi dugun web orria edo dokumentua jartzen badugu irudiaren gainean klikatzean hori irekiko da eta ez irudia bera.

Hona hemen adibide bat:

Luberri 16.04 eta Asus PC Eee matxinsaltoen wifia

Luberri_16.04rekin Asus PC Eee matxinsaltoekin badabil baina erabiltzen dugun lehenengo aldian hautatu eta pasahitza emateaz gain aktibatu egin behar dugu.
Horretarako sistemaren paneleko eskuin aldeko botoia klikatu eta Sistemaren ezarpenak hautatu, bertan Sarea klikatu...

Sarea Sistemaren ezarpenetan

eta irekitzen den leihatilan aktibatu nahi duzun wifian klikatu eta txekeatua ikurra agertuko da aktibazioaren adierazle. Hortik aurrera erabili dezakezu.

Gogoan izan beste erabiltzaileek erabili ahal izateko konexioak editatu, wifi sarea hautatu eta Orokorra fitxan Erabiltzaile guztiak konektatu daitezke sare honetara aktibatu behar duzula.

Luberri 16.04 eta Lenovo Ideapad S10e ekipoen wifia

Hainbat ikastetxetan modelo honen ale batzuk dira eta Linuxen wifia ibiltzeko kontrolatzailea instalatu behar da.

Lenovo Ideapad S10e zuria eta beltza

Modelo honen wifia erabiltzeko bere kontrolatzaile pribatiboa instalatu behar da. Horretarako konektatu behar zara kablez Internetera eta ezarpen orokorretan sartu Software eta eguneratzeak atalean eta bertan Kontrolatzaile gehigarriak fitxan. Tarte batez bilatu eta topatuko du Broadcom Corporation 802.11 Linux STA wireless driver. Onartu.

Berrabiarazi eta konektatu wifiarekin. Pasahitza onartzen ez badu saiatu wifia desgaitzen Fn + F5 eta gaitu berriro.

OBS Studio orain sistemaren erretiluan

Pantailaren bideo kapturak eta transmisioak egiteko OBS Studio aplikazioa 0.16.2 bertsiora eguneratu da eta, beste berritasunen artean, orain abiatzen dugunean sistemaren erretiluan azalduko da eta bertatik aukera izango dugu, besteak beste, grabazioa edo transmisioa abiatzeko edo gelditzeko.

MuseScore, PDFen inportazioa

MuseScore software libreko partituren editorearen garatzaileek partiturak paperatik MuseScorera inportatzeko modua ezarri dute; gutxi gora behera testurako OCR edo testuen errekonozimendu optikoaren parekoa; hau da,  partituren errekonozimendu optikoa.

MuseScore taldeak partiturak hodeian gordetzeko eta partekatzeko musescore.com web orria sortu zuten eta bertan funtzionalitate berri hau jarri dute:PDF Converter.

Ikus dezagun zeintzuk diren prozesuaren urratsak:

1- Paperezko partitura eskaneatu eta PDF formatuan gorde. Nik proba egin dut argazkia aterata eta emaitza ez da ona izan.

2- Sartu musescore.com orrian; lehenengo aldia bada erregistratu zaitez (Sing in > Create new account) , eta sartu (log in).

3- Ondoren sartu azpi-orri honetan:

 https://musescore.com/import

Arakatu eta hautatu eskaneatutako PDFa.

4- Minutu baten inguruko prozesamenduaren ondoren deskargatzeko aukera emango digu mscz formatuarekin. Fitxategi hori entzun eta editatzeko MuseScore doako aplikazioa erabiliko dugu. Hemen duzu MuseScoreren gaineko informazioa.


Hau eta beste web-aplikazio interesgarriak eskuineko paneleko estekan.

LibreOffice: nola joan orri zehatz batera

Dokumentu luzeetan nabigatzaileak toki batetik besterako jauziak nabarmen errazten du.

Orri zehatz batera joateko klika dezakegu egora barraren ezker aldean, gauden orria adierazten duen zatian (1) eta nabigatzailea irekiko da, haren goiko aldean (2) orriaren zenbakia idatzita jauzi egingo da horra.

Behin orri horretan gaudela oso tresna interesgarria da nabigatzailean, orrialde zenbakiaren ezker aldean (3), orria aurrera eta atzera egiteko botoiak.

Librezaleen urriko proiektua: Osmand Phrases

Librezale elkartean ekimen berria jaio da: hilabeteko proiektua.

Elkartearen helburu nagusia software euskaratzea eta euskarazko softwarearen erabilera bultzatzea, batez ere software librea (edo esan beharko nuke software librea bultzatzea, batez ere euskaraz?). Berdin du.
Partaideak aktibatzeko eta partaide berriak erakartzeko ekimen honen bidez hilabetero proiektu bat proposatuko da proiektu honi bultzada bat emateko.

Urriko proiektua Osmand Phrases da. Osmand mugikor eta tabletetan Open Street Maps-en oinarritutako informazioa eta nabigazioa eskaintzen duen aplikazioa euskaraz dago baina haren parte den Phrases atalean oraindik euskaratzeko lan mardula dago.

Parte hartzea erraza da. Informazio gehiago nahi baduzu mezu honetan dago, bai eta parte hartzeko modua eta aholkuak.

Pride filmerako azpitituluak

Pride, Galesen kokatua,  LGTB eta langile mugimenduen arteko gorabeherak jorratzen duen 2014ko filma interesgarria da. Institutuetan LGTB gaia lantzeko ikasleekin ikusten ohi den filma izanik pozgarria da Arantzak euskarazko azpitituluak osatu eta Azpitituluak.com web orriaren bidez eskaini izana.

Horrek aukera ematen du jatorrizko bertsioa ikusteko euskarazko azpititulurekin. Horretarako lehen aipatutako web orritik rar formatuko fitxategia deskargatu, bertatik srt formatuko azpitituluak erauzi eta  DVD edo dena delako iturria VLC, Totem edo bestelako erreproduzigailuarekin ireki eta zehaztuko diogu azpitituluen fitxategia non eta zein den.

VLC erreproduzigailuan azpitituluen fitxategiaren kokalekua markatzeko bidea

Totem (Ubuntu bideoak) erreproduzigailuan