2014/03/10

Eskola 2.0ko Lehen Hezkuntzako Asus pistatxoen wifia Ubuntu 12.04 bertsioan

EAEko Lehen Hezkuntzako eskoletan Eskola 2.0 programaren bidez banatu ziren Asus netbook-ak, euren taparen koloreagatik pistatxoak eta matxinsaltoak ezizenez ezagunak, Ubuntu 10.10 zerabilten; Ubuntu 12.04 LTS bertsiora pasatzean wifia ez dabil ongi: detektatzen ditu sareak baina ezin du konektatu.



Soluzioa:

1- Darabilten Ralink markako rt2860sta (rt2860pci, rt2790) kontrolatzailea deskargatu (deskargatzeko erabiltzaile izen bat eta posta bat jarri behar duzu eta captcha zenbakia idatzi).

2- Deskargatutako fitxategiari izena aldatu:
2010_07_16_RT2860_Linux_STA_v2.4.0.0.tar.bz2 izenari .bz2 kendu (horretarako haren gainean eskuin klik eta berrizendatu).

3- Ondoren 2010_07_16_RT2860_Linux_STA_v2.4.0.0.tar izeneko fitxategia karpeta nagusian erauzi edo deskonprimitu  (2010_07_16_RT2860_Linux_STA_v2.4.0.0 izeneko karpeta bat sortuko du).

4- Terminal bat ireki eta ondoko aginduak exekutatu hurrenez hurren (trimimailua: cd 2 idatzi eta gero TAB tekla sakatu eta berak osatuko du, eta ondo):

cd 2010_07_16_RT2860_Linux_STA_v2.4.0.0
sudo make
sudo make install
sudo gedit /etc/modules

eta irekitzen den fitxategiaren bukaeran honako hau txertatu:
rt2860sta

gorde eta itxi.

5- Berrabiarazi eta probatu.



Oharrak:
  • Piztean wifia aktibatzeko Fn+F11 sakatu behar da (eta agian teklatu numerikoa desaktibatzeko Fn+Numlk).
  • Ekipo horiek Xtrem Xhronos azpimarkarekin ere saldu dira.
  • Eskolako IKTei, probatu ondoren, remastersys-en bidez distribuzio bat prestatu eta pistatxo hauekin soilik erabiltzeko instalazio-usb bat prestatzea komeni zaie.

iruzkinik ez:

Argitaratu iruzkina