Mercaderes de la muerte made in Euskadi

Gasteizko ZAPateneo Kultur Elkarteak Mercades de la muerte made in Euskadi. La industria militar en Euskal Herria liburua jaisteko moduan jarri du.

Wikimapia wiki geografikoa

Wikimapaia Google Map-en irudietan oinarritutako wiki geografikoa da.

Lehenik eta behin hizkuntza egokitzeko aukera ematen digu: ezkerreko menuan Wikimapia > Change language > Basque hautatuko dugu.

Web orri honek eskaintzen digu kalitate handiko irudiak, tamaina handiko leihoa, nabigazio sistema ona, toki-bilaketa, distantzien neurketa eta, batez ere, auzo, eraikin publiko eta abarri buruzko kokapena eta informazioa hainbat hizkuntzatan.

Informazio hau -milioi bat sarrera baino gehiago omen ditu- wiki moduan editatzen da. Zure lantokia, elkartea edo herriko biblioteka markatu gabe badago marka dezakezu -gehitu lekua-, eta markatuta badago baina informazio eskasarekin, editatzen ahal duzu - menua > beste hizkuntza bat gehitu- eta testua, esteka, irudiak edo Wikipediako erreferentziak erants diezaiokezu.



Bide batez, Euskal Herrian toki asko markatuta daude baina soilik erdarazko informazioa dute. Badugu, beraz, zeregina: nor bere herri edo auzoko informazioa euskaraz gehitzea.

Bukatzeko ohar bat irakasleentzat: ikasleei informazio gehitzeko aukera zabaltzen badiezue ohartarazi informazioa argitaratzeak zer ardura duen. Orri honek ez omen du gainbegiratzeko sistema hierarkikorik.

PhotoPeach irudi emanaldiak egiteko

PhotoPeach.com irudi emanaldi itxurosoak sortzeko sistema erraza eta azkarra eskaintzen du. Erregistratu ondoren irudiak igo, ordenatu , testuak erantsi, musika hautatu eta gorde. Ikusi, postaz bidali eta blogean txertatzeko aukera ematen du.
Aukera handiri ez du ematen baina irudien hurbilketa efektua bizitasun handia ematen dio emanaldiari. Hona frogatxo haizetsua:

Zurrunbiloan on PhotoPeach

Izua

Ez dator bat blog honen helburuarekin baina komunikabide ofizialek isiltzen dutena zabaltzeko beharra sentitu dut. Urbinan gertatu zen.

ExeLearning euskaraz

Eusko Ikaskuntzaren Asmoz Fundazioak exeLearning programa euskarara itzuli du. Froga txiki bat egin dut eta oso inpresio ona egin dit.
Aukera asko baditu ere niri html formatuan edukiak editatzeko oso tresna interesgarria iruditu zait. Ez da Moodleren mailara iristen (ez da zerbitzaria, aktibitateak flojo xamarrak dira, komunikazio tresnarik ez du), baina edukien presentazioa kategorikoa da eta multimediak txertatzea oso erraza ematen du.
Zertarako erabil dezakegu? Papererako prestatuta ditugun materialak eta aurkezpenak html formatuan ipintzeko eta horrela jendeak saretik edo internetetik kontsulta ditzan.

Zinez erreza ematen du eta oso itxurosoa da.
Aplikazioa jaisteko eta euskaraz ipintzeko instrukzioak.
Tutorial interesgarri bat (gazteleraz), bera ExeLearningen bide egina.

Botila brankan puskatu eta aurrera

Kaixo lagunak. Hau da botadurako mezua. Aurretik mezu batzuk ekarri ditut blog zaharretik ontzioletan barkua itsasoratu aurretik motoreak eta frogatzen diren moduan.
Tokiz aldatzearena batez ere mezuak errazago bilatze aldera egin dut eta horretarako eskuineko etiketak erabilgarriak izango direla pentsatzen dut. Txantiloia atzeko planoa iluna duena aukeratu dut begiak gutxiago erretzeko.
Harpidetu nahi duzuenak eskuineko zutabearen beheko aldean RSSren ikurra eta Post hitza duen txaplatan klikatu eta zuen jario irakurlea hautatu.

Estrenoak sortzen didan emozioa transmititzeko botadura baten bideoa jarri dizuet.

Nola desblokeatu teklatu numerikoa portatil batean

Portatil batean letrak idaztean zenbakiak agertzen badira teklatu numerikoa -tekla urdinak- blokeatuta dituzularen seinalea da.
Teklatu numerikoaren blokeoa kentzeko portatil gehienetan Fn+Num Lk -edo Bloq Num- egin behar duzu.

Multimediak txertatu zure blogean

Mezu honetan irudi, aurkezpen, audio, bideo eta bestelako dokumentuentzako ostatuak aipatuko ditut, bai materiala partekatzeko, bai gure blogean erakusteko.

Multimedia dokumentuak ostatuetara igo behar dira eta bertatik konpartitu daitezke edo, html kode kapsulatua kopiatua, blogean txerta (embed) daitezke.

Fitxategiei ostatu ematen dieten zerbitzu hauek erabili ahal izateko erregistratu behar dugu. Ostatu asko dago, eta agian aipatuko ditudanak baino hobeak, baina nik gustura erabiltzen ditut honako hauek:

Irudiak:
Argazkiak.com
Picasaweb
PhotoPeach.com irudi emanaldiak.

Tamaina handiko irudiak igo daitezke eta ostatu biek bizpahiru tamainatan txertatzeko aukera eskaintzen dute, tartean blogen zutabe nagusia betetzeko 400 edo 500 pixelekoa. Lehenengoan irudiak banaka igo behar dira eta bigarrenean bost igo daitezke batera.
Mezu batean zenbait irudi erakutsi nahi baduzu egokiena irudi horiek aurkezpen fitxategi batean sartzea da eta ondoko web hauetako bat erabiltzea.

Aurkezpenak:
OpenOffice Impress, PowerPoint
SlideShare
PowerPoint.
GoogleDocs
SlideRocket


Hiru toki hauetara aurkezpenak igo daitezke edo bertan egin. Nire gomendioa da OpenOffice Impressekin egitea -edo PowerPoint bada odp bihurtzea- eta OpenOfficen SunPresentationMinimizer hedapena instalatzea eta erabiltzea, hartara, aurkezpena asko txikituko da -batez ere argazkiak baditu- eta azkarrago igo eta jaitsiko da.

Bideoak:
Euskaltube
Youtube
Google Video
Vimeo bereizmen handiko bideoentzat

Audioak:
Euskaltube



PDFak:
Scribd
Issuu
Lehenengora odt eta doc fitxategiak ere igo daitezke baina beste mezu batean komentatu nuen bezala egokiagoa iruditzen zait PDF formatua. Dokumentu hauek gehienetan estekatzen dira txertatu beharrean; horretarako Scribd.com da egokiena txertatuta oso txukun agertzen bada ere. Issuu egokia da eskolako aldizkarirako eta estilo horretako argitalpenetarako txertaketan oso sistema ikusgarria baitu, orriak pasatzen paperekoen antzera. Kontu zerbitzu honen erregistroarekin eskatu eta egun batera iristen baita egiaztatzeko posta elektronikoa.


Fitxategi hauek guztiak blogaren html editorea erabiliz txertatuko ditugu. Horretarako html komando batzuk gogoan izatea komeni du:

Deskargak
Edozein motako fitxategi ikusi ez baizik eta deskargatzeko jarri nahi badugu txertatu ordez ondoren aipatuko ditudan web orrietara -edo antzekoetara- igo eta ematen diguten esteka jarriko dugu.
Mediafire behin betiko ostatua deskarga mugarik gabe. Deskargak karpetetan antola daitezke.
RapidShare azken deskargatik 90 eguneko ostatua eta 10 deskargen topea. Esteka bakarrean fitxategi batzuk jar daitezke jaisteko.