2009/07/15

Nola alternatu orri bertikalak eta horizontalak LibreOffice Writer-en

Eskolan Word-zaleei erronka egiten diet ia zer dezake Word-ek Writer-ek ezin dezakeena eta aitortu behar dut orrialdeen orientazioaren istorio honekin arantza bat, bakarra, baneukala ondo sartua.
Baina foroetan begira eta begira ikasi dut nola egiten den. Dokumentu berean orientazio ezberdineko orriak badaude honela jokatu behar dugu: demagun lehen orria bertikala dela eta, eskema edo irudi berezi bat jarri nahi dugulako, bigarrena horizontala nahi dugula, bada lehen orriaren bukaeran egingo dugu Txertatu > Eskuzko jauzia eta, irudian ikusten den bezala, Estilo leihoan zerrenda korrituko dugu Horizontala agertu arte, hautatu eta kito.

Demagun 3. orria berriz ere bertikala dela, bada prozedura bera segituko dugu baina Horizontala hautatu beharrean Lehenetsia hautatuko dugu.


Konplikatua iruditu zaizu? Ba orduan Alba gehigarria instalatzea komeni zaizu. Instalatzeko Libreoffice-n -edo OpenOffice-n- testu prozesadoreko menuan zaudela egin Tresnak > Hedapen kudeatzailea... eta bertan "Eskuratu lineako hedapen gehiago" estekan klika, alba idatzi eta topatu ondoren instala ezazu; berrabiarazi testu prozesadorea eta erabiltzeko egin Txertatu > Landscape/portrait, alegia paisaia/erretratua edo horizontala/bertikala eta ondoko leihoa irekiko da:


 Une horretan bertikalean bazaude aukera ematen dizu:
  • zauden sekzioa horizontalean jartzeko
  • sortzeko bukaeran orri horizontal bat
  • txertatzeko orri horizontal bat
  • testua hautatuta baduzu testu hori orri horizontal batean jartzeko
Orain bat erraza.





iruzkinik ez:

Argitaratu iruzkina